ავტორიტეტული იტალიელი ჟურნალისტი ფაბრიციო რომანო ირწმუნება, რომ "ნაპოლის" მცველი კალიდუ კულიბალი "ჩელსიში" გადასვლასთან ძალიან ახლოსაა. ლონდონელებმა ფეხბურთელთან პირადი კონტრაქტი უკვე შეათანხმეს. სენეგალელი 2027 წლამდე გააფორმებს შრომით ხელშეკრულებას და სეზონში 10 მილიონ ევროს გამოიმუშავებს.
გავრცელებული ინფორმაციით, "არისტოკრატებს" აფრიკელი ფეხბურთელის ტრანსფერი 38 მილიონი ევრო და პლუს ბონუსები დაუჯდება.
იწერება იმის შესახებაც, რომ კულიბალის შემცვლელად "ნაპოლი" "ლაციოს" მცველ ფრანჩესკო აჩერბის განიხილავს.
