თორნიკე შენგელიას რეალური შანსი აქვს, იტალიის სერია A-ს რეგულარული ჩემპიონატის საუკეთესო მოთამაშე გახდეს. "ვირტუს ბოლონიას" ქართველი ფორვარდი მოხვდა იმ 3 კალათბურთელს შორის, რომელთაგან 15 მაისს საუკეთესო დასახელდება. იტალიური ლიგის ხელმძღვანელობამ დღეს იმ კალათბურთელთა სია გამოაქვეყნა, რომელთაც გამოკითხვაში მეოთხედან მეათე ადგილები გაინაწილეს. შედეგად, გაირკვა, რომ საუკეთესო სამეულში შენგელია, "ვირტუსში" მისი თანაგუნდელი მარკო ბელინელი და რაიონ ტაკერი (ვენეცია) მოხვდნენ.
გამოკითხვა ორ ეტაპად მიმდინარეობდა. პირველ რიგში, მასმედიის და საზოგადოების წარმომადგენლებისგან შემდგარი კომისიის წევრები გამოჰკითხეს, შემდეგ კი - სერია A-ს კლუბების კალათბურთელები და მწვრთნელები.
შენგელიამ რეგულარულ სეზონში 25 მატჩი ჩაატარა, მისი საშუალო მაჩვენებლები კი ასე გამოიყურება: 23.4 წუთი, 13.8 ქულა, 5.1 მოხსნა, 3.3 პასი.
შეგახსენებთ, რომ "ვირტუს ბოლონიამ" სერია A-ს მეოთხედფინალურ სერიაში უკვე 2 მატჩი მოუგო "ტორტონას" და ნახევარფინალში გასვლამდე ერთი გამარჯვება აშორებს. ქართველმა კალათბურთელმა აღნიშნული შეხვედრები გრიპის ვირუსის გამო გამოტოვა.
GBF.GE
"ვირტუსმა" პლეი-ოფი გამარჯვებით გახსნა | შენგელიას გაციების გამო არ უთამაშია
![შენგელიას "ვირტუსმა" სერიის მე-2 მატჩი "ვენეციას" ბრძოლაში მოუგო და ფინალს მიუახლოვდა [VIDEO]](/pictures/image7/de9f552a23271b21984107efacca2147.jpg "შენგელიას \"ვირტუსმა\" სერიის მე-2 მატჩი \"ვენეციას\" ბრძოლაში მოუგო და ფინალს მიუახლოვდა [VIDEO]")
!["ვირტუსი" "ტორტონასთან" დამარცხდა და სერიის გამარჯვებულს მე-5 მატჩი გადაწყვეტს [VIDEO]](/pictures/image7/949e588048bcb9cae0d1a1246244f803.jpg "\"ვირტუსი\" \"ტორტონასთან\" დამარცხდა და სერიის გამარჯვებულს მე-5 მატჩი გადაწყვეტს [VIDEO]")
