"სპურსი" ორმოცდაათიანია

NBA: სტუმრად "კლივლენდის" დამარცხების შემდეგ გრეგ პოპოვიჩის გაწვრთნილმა "სან ანტონიომ" ამ სეზონში პირველმა მიაღწია 50-მოგებიან ზღვარს მას შემდეგ, რაც "დენვერმა" "ნიუ იორკს" დაუთმო კარმელო ენტონი და ჩონსი ბილაპსი, ამ გუნდის დაცვითი თამაში სასიამოვნოდ აკვირვებს გულშემატკივრებს. "ნაგეტსი" ყოველთვის ცნობილი იყო თავისი შეტევითა და ავანტიურული სტილით. ამჯერადაც "დენვერმა" მასთან სტუმრად ჩასულ "შარლოტს" 120 ქულა ჩაუგდო. შესანიშნავი მაჩვენებელია, მაგრამ უფრო საინტერესო ის არის, რომ ჯორჯ კარლის შეგირდებმა მეტოქეს მხოლოდ 80 ქულა ააღებინეს."მემფისთან" სამარცხვინო წაგების შემდეგ "სან ანტონიოს" მთავარი მწვრთნელი გრეგ პოპოვიჩი ისე იყო განრისხებული, რომ მისი პრესკონფერენცია მხოლოდ წუთნახევარი გაგრძელდა. გუშინ "სპურსის" დამრიგებელს, ალბათ, ოდნავ გამოუკეთდა ხასიათი. სტუმრად "კლივლენდის" დამარცხების შემდეგ "სან ანტონიომ" ამ სეზონში პირველმა მიაღწია 50-მოგებიან ზღვარს. ეს შედეგი "სპურსმა" ზედიზედ მეთორმეტედ დააფიქსირა - NBA-ის არც ერთ კლუბს არ შეუძლია დაიტრაბახოს ამ მონაკვეთზე ასეთი სტაბილურობით. "სან ანტონიოსთან", "ორლანდოსთან" და "ლეიკერსთან" ზედიზედ სამმა წაგებამ ისე გააბრაზა "ოკლაჰომა", რომ მასთან სტუმრად ჩასულ "ინდიანასგან" ქვა ქვაზე არ დარჩა. 10:0 გაქცევით დაწყებულ შეხვედრაში "თანდერმა" მეტოქეს ერთხელაც არ გაათანაბრებინა ანგარიში. მასპინძლებმა მეტოქეს თამაშიდან ტყორცნების 34.1 პროცენტი ჩააგდებინეს, ხოლო სამქულიანების გამოყენების პროცენტი 23.1-ს უდრიდა, ამასთან, "ინდიანას" სასტარტო ხუთეული საშინლად გამოიყურებოდა - თამაშიდან 38 ტყორცნა და მხოლოდ ცხრა ზუსტი. მატჩის ბედი უკვე დიდ შესვენებამდე იყო გარკვეული, როცა "ოკლაჰომას" უპირატესობამ 22 ქულას მიაღწია, ბოლო მეოთხედის წინ კი სხვაობა 35 ქულას უდრიდა.გასაკვირია, მაგრამ ჩონსი ბილაპსის არყოფნამ მხოლოდ დადებითად იმოქმედა "ნიუ იორკ ნიქსის" თამაშზე. მისმა შემცვლელმა დუგლასმა აშკარად დაჩაგრა "ნიუ ორლეანის" ლიდერი კრის პოლი. "ნიქსის" მცველმა 13-დან 10 ტყორცნა ჩააგდო, მათ შორის ექვსიდან ოთხი სამქულიანი. რაც მთავარია, მან პოლს არ მისცა გასაქანი. შედეგად, ლიგის ერთ-ერთმა საუკეთესო გამთამაშებელმა მხოლოდ ოთხი ქულა დააგროვა. კრისის ათმა შედეგიანმა გადაცემამ "ჰორნეტსი" ვერ გაადარჩინა განადგურებას. მასპინძლებმა 107:88 გაიმარჯვეს, ხოლო სტაუდმაიერმა და ენტონიმ ჯამში 46 ქულა ჩააგდეს.გუშინ ახალ კლუბებში რამდენიმე მოთამაშის დებიუტი ვიხილეთ. მაგალითად, "ოკლაჰომას" რიგებში პირველად ითამაშეს ცენტრმა ნაზრ მოჰამედმა და მცველმა ნეიტ რობინსონმა. მოჰამედის სტატისტიკა 8 ქულასა და 7 მოხსნას უდრიდა, რობინსონმა კი რვა წუთში შვიდი ქულის მოგროვება მოასწრო."ბოსტონის" შემადგენლობაში პირველი მატჩი ითამაშა ტროი მერფიმ. მძიმე ფორვარდი სათადარიგოთა სკამიდან შევიდა მოედანზე, 14 წუთში თამაშიდან ერთხელაც ვერ ჩააგდო, სამაგიეროდ ერთი საჯარიმო გამოიყენა და ორი მოხსნაც მიითვალა. თუმცა მის არასახარბიელო სტატისტიკას ხელი არ შეუშლია "ბოსტონისთვის" "ფინიქსის" ძლევაში - 115:103. ბრწყინვალედ წარმოაჩინეს თავი "სელტიქსის" ლიდერებმა. გარნეტმა, პირსმა და რონდომ ორმაგი დუბლები შეასრულეს, რეი ალენმა კი ოთხი სამქულიანი ჩააგდო და თავის აქტივში 19 ქულა ჩაიწერა. დურანტის ტრავმაისევ "ოკლაჰომას" უნდა დავუბრუნდეთ. "ინდიანასთან" გამარჯვებით გამოწვეული სიხარული "თანდერის" ლიდერის, კევინ დურანტის ტრავმამ გააფერმკრთალა. ინციდენტი აღნიშნული შეხვედრის მესამე მეოთხედში მოხდა, როცა კევინმა "პეისერსის" ფორვარდ ტაილერ ჰენსბროს ფეხი დააბიჯა და კოჭი დაიზიანა.დურანტს მოედნის დატოვება მოუწია და გასახდელისკენ გაემგზავრა. კევინს თამაში აღარ გაუგრძელებია, მატჩის შემდეგ კი ჟურნალისტებმა შეამჩნიეს ლიგის საუკეთესო ბომბარდირის ფეხზე ფიქსატორი. "იმედია ტრავმა სერიოზული არ იქნება და შევძლებ "ატლანტას" წინააღმდეგ თამაშს, - განაცხადა დურანტმა. - ყველაფერი ექიმების გადაწყვეტილებაზე იქნება დამოკიდებული." ატლანტა-ჩიკაგო 83:8019:28, 14:22, 25:13, 25:17ა: ჰორფორდი (31+16 მოხსნა), ჯონსონი (12+9 პასი+7 მოხსნა), კროუფორდი (12), უილიამსი (10)ჩ: დენგი (15+5 მოხსნა), ნოა (13+12 მოხსნა), როუზი (12+12 პასი+5 მოხსნა), ბუზერი (11+7 მოხსნა). კლივლენდი-სან ანტონიო 99:10925:24, 27:33, 20:32, 27:20კ: სამუელსი (23+10 მოხსნა), გი (18+7 მოხსნა), სეშენსი (14+7 პასი), ჰიქსონი (12+7 მოხსნა), ეიენგა (11).ს-ა: ჰილი (22+5 მოხსნა+5 პასი), დანკანი (16+6 პასი), ბლეირი (14+10 მოხსნა), ნილი (14), ჯინობილი (13+9 მოხსნა+6 პასი), ბონერი (13+6 მოხსნა). ვაშინგტონი-გ. სტეიტი 102:10633:32, 20:30, 21:29, 28:15ვ: იანგი (31), ბლეტჩი (20+9 მოხსნა+6 პასი), უოლი (14+6 პასი), ჰოვარდი (13+5 მოხსნა), ბუკერი (7+11 მოხსნა).გ-ს: კარი (29+9 მოხსნა+5 პასი), ელისი (21), რაიტი (14+6 მოხსნა), უილიამსი (11), ლი (9+16 მოხსნა+6 პასი). ბოსტონი-ფინიქსი 115:10332:21, 30:21, 29:30, 24:31ბ: გარნეტი (28+11 მოხსნა), ალენი (19), რონდო (16+15 პასი+5 მოხსნა), პირსი (16+13 მოხსნა), დევისი (14+8 მოხსნა), კრსტიჩი (13).ფ: ბრუქსი (17+7 პასი), დადლი (15+5 მოხსნა), გორტატი (13+13 მოხსნა), პიეტრუსი (11), კარტერი (11), ჰილი (11). დეტროიტი-მინესოტა 105:11632:30, 29:33, 24:26, 20:27დ: დეი (22), მონრო (18+11 მოხსნა), ვილანუევა (13), გორდონი (13), სტაკი (11+10 პასი+5 მოხსნა), ჰემილტონი (11+6 პასი).მ: ლავი (20+20 მოხსნა), რენდოლფი (19+10 მოხსნა), ჰეივორდი (16), რიდნური (15), ტოლივერი (13), ჯონსონი (11), ფლინი (8+14 პასი). ნიუ იორკი-ნიუ ორლეანი 107:8827:25, 25:17, 30:20, 25:26ნ-ი: სტაუდმაიერი (24+7 მოხსნა), დუგლასი (24+5 პასი), ენტონი (22), უილიამსი (16), ფილდსი (10).ნ-ო: ჯეკი (21+5 მოხსნა), უესტი (16+5 მოხსნა), პონდექსტერი (14), პოლი (4+10 პასი). ოკლაჰომა-ინდიანა 113:8927:18, 36:24, 26:20, 24:27ო: უესტბრუკი (21+9 პასი), დურანტი (21), ჰარდენი (20), კუკი (12), იბაკა (7+12 მოხსნა+6 დაფარება).ი: ჰენსბრო (13+7 მოხსნა), ჯონსი (12), სტეფენსონი (11+6 მოხსნა), კოლისონი (11), ჰიბერტი (9+12 მოხსნა). დენვერი-შარლოტი 120:8031:23, 31:23, 29:21, 29:13დ: ჩენდლერი (16), ლოუსონი (14+10 პასი), ნენე (14+8 მოხსნა), სმიტი (14+6 მოხსნა+5 პასი), ანდერსენი (14), აფლალო (11), მარტინი (10+8 მოხსნა).შ: კეროლი (19), ოგუსტინი (13), ლივინგსტონი (12+7 პასი). საკრამენტო-პორტლენდი 102:10729:30, 24:31, 20:18, 29:28ს: კაზინსი (28+11 მოხსნა), ტორნტონი (26), უდრიხი (13+8 პასი), ტომპსონი (10+7 მოხსნა), ტეილორი (10), დალემბერი (8+10 მოხსნა).პ: მეტიუზი (21+5 პასი), ოლდრიჯი (20+10 მოხსნა), მილერი (19+6 პასი), ბატუმი (17), მილსი (14), უოლასი (12+5 მოხსნა). კლიპერსი-ჰიუსტონი 106:10323:21, 26:33, 26:15, 31:34კ: გორდონი (24), კამანი (21+9 მოხსნა), გრიფინი (20+14 მოხსნა+5 პასი), უილიამსი (17+11 პასი).ჰ: ლოური (24+11 პასი), ლი (18), სკოლა (12+8 მოხსნა), მარტინი (12), მილერი (11+6 მოხსნა), ბადინგერი (11), ჰეიესი (2+12 მოხსნა). .

დ.ნ.

კარგად დააკვირდით არაბულია თუ გ. არაბიძე? ნუ ჩქარობთ. სასაცილოდ ნუ იხდიდ თავს.

[VIDEO] დოსუნმუს ბრწყინვალე მატჩი, ჩხუბი და გაცოფებული იოკიჩი - "დენვერი" უმნიშვნელოვანეს შეხვედრაში დამარცხდა

[VIDEO] 41 წლის ლებრონ ჯეიმსი შეუჩერებელია - "ლეიკერსმა" "ჰიუსტონს" მესამე მატჩიც მოუგო

[VIDEOS] ბითაძის 4 დაფარება - "ორლანდო" პლეი-ოფშია გავიდა, სტეფ კარიმ და "გოლდენ სტეიტმა" სეზონი ნაადრევად დაასრულეს

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

"ანჟესთან" მატჩში პსჟ-ს შემადგენლობა ცნობილია

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება

"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა

"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში

"თუ გააბედნიერებს, წავიდეს" - ფაბრეგასს "ჩელსისკენ" გზა ეხსნება

სკანდალის დასასრული - UEFA-მ პრესტიანი 6 მატჩით დასაჯა

მბაპე ტრავმირებულია - "რეალს" მორიგი პრობლემა აქვს

დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა

[VIDEO] მარკოიშვილის გაწვრთნილმა "მონაკომ" შენგელიას "ბარსელონას" სძლია და პლეი ოფში გავიდა

0:3-დან - "ლანსმა" "ბრესტთან" თითქმის წაგებულ მატჩში ქულა მოიპოვა

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა

მატჩის დღე - პსჟ "ბაიერნამდე" ლიდერობის გასამყარებლად!