<p>სკანდალურად ცნობილმა ჩოგბურთელმა, ავსტრალიელმა ელენა დოკიჩმა რვაწლიანი შესვენების შემდეგ პირველად გააღწია WTA-ის ტურნირის ფინალში <br> სასიამოვნოდ გააკვირვა გასულ კვირას თავისი გულშემატკივრები მსოფლიოს ყოფილმა მეოთხე ჩოგანმა, ავსტრალიელმა ელენა დოკიჩმა. სკანდალურად ცნობილმა ჩოგბურთელმა რვაწლიანი შესვენების შემდეგ პირველად გააღწია WTA-ის ტურნირის ფინალში. ამისთვის დოკიჩს დიდი ძალისხმევა არ დასჭირვებია. ნახევარფინალში მის მეტოქეს, ჰოლანდიელ მიხაელა კრაიჩეკს 63 წუთის განმავლობაში მხოლოდ ერთი ბრეიკ-პოინტი ჰქონდა და მისი გამოყენება ვერ შეძლო. ავსტრალიელმა კი რვა ასეთი შანსიდან ნახევარი გამოიყენა, ორი სეტი აიღო და კუალა ლუმპურის ტურნირის ფინალში გავიდა.</p><p>ელენასთვის WTA-ის ტურში ეს რიგით მე-13 ფინალი იქნება. მან უკანასკნელად გადამწყვეტი მატჩი 2003 წელს ციურიხში ითამაშა, სადაც დამარცხებულმა დატოვა კორტი.</p><p>მეორე ნახევარფინალში მაყურებელმა უფრო დაძაბული ბრძოლა იხილა, რაც არ იყო გასაკვირი, რადგან ერთმანეთს ებრძოდნენ ტურნირის მეოთხე და მეხუთე ნომრები - ლუსი საფაროვა და იარმილა გროტი. მალიზიაში შეიძლებოდა ფინალი ავსტრალიური ყოფილიყო, მაგრამ გროტმა თავის თავს უნდა დააბრალოს საფაროვასთან მარცხი. ავსტრალიელს ჯამში მეტოქეზე სამჯერ მეტი ბრეიკ-პოინტი ჰქონდა (15 5-ის წინააღმდეგ), მაგრამ მხოლოდ ორჯერ შეძლო ჩეხის ჩოგბურთელის მოწოდებაზე ბრეიკის გაკეთება, თავად საფაროვამ კი 5 ბრეიკ-პოინტიდან ოთხი გამოიყენა და კლასის ხარჯზე გავიდა ფინალში, რომელიც მეცხრე იქნება მის კარიერაში. აქამდე რვა ფინალიდან ლუსიმ ოთხი მოიგო და ამდენჯერმე დამარცხდა.</p><p>* * *</p><p>კუალა ლუმპურისგან განსხვავებით ლოგიკურად მიმდინარეობს ტურნირი მონტერეიში - აქ გადამწყვეტ მატჩამდე პირველ და მეორე ნომრად განთესილმა ჩოგბურთელებმა მიაღწიეს.</p><p>მთავარმა ფავორიტმა ელენა იანკოვიჩმა სრულიად უპრობლემოდ გადალახა ნახევარფინალის ბარიერი. მან 70 წუთში გაანადგურა სლოვენიელი პოლონია ჰერცოგი. სერბმა მეტოქეს მხოლოდ ორჯერ მისცა ბრეიკის შანსი და ორივე საფრთხე მოიგერია, თავად კი აგრესიული თამაშის წყალობით მხოლოდ ხუთი გეიმი დაუთმო მეტოქეს. ისევე როგორც საფაროვა, იანკოვიჩიც კარიერაში მე-13 ფინალს ითამაშებს.</p><p>არგენტინელმა ხისელა დულკომ ვეღარ შეძლო ზედიზედ მეცხრე მატჩის მოგება. ამ ჩოგბურთელის შთამბეჭდავი სერია წინა კვირას აკაპულკოს ტურნირის მოგებით დაიწყო, მაგრამ მონტერეიში დულკოს ფინალში გასასვლელად ერთი ნაბიჯი არ ეყო. გარდა იმისა, რომ მისმა მეტოქემ, მოქმედმა ჩემპიონმა ანასტასია პავლიუჩენკოვამ ითამაშა კარგად, ხისელას აშკარად დაღლა ეტყობოდა, განსაკუთრებით მეორე სეტში, როცა ერთადერთი გეიმის აღება შეძლო.</p><p>WTA</p><p><strong>Malaysian Open</strong></p><p>კუალა ლუმპური (მალაიზია). ჰარდი</p><p>საპრიზო ფონდი: 220 000 დოლარი</p><p><em>1/4 ფინალი</em></p><p>ლუსი საფაროვა (ჩეხ, 5)-მარიონ ბარტოლი (საფ, 2) 6:1, 6:4; იარმილა გროტი (ავსტრა, 4)-აიუმი მორიტა (იაპ, 6) 7:5, 3:6, 7:5; ელენა დოკიჩი (ავსტრა)-ბოიანა იოვანოვსკი (სერ, 8) 7:6(4), 6:2; მიხაელა კრაიჩეკი (ჰოლ)-ანა კრემერი (ლუქ) 6:2, 6:3.</p><p><em>1/2 ფინალი</em></p><p>ლუსი საფაროვა (ჩეხ, 5)-იარმილა გროტი (ავსტრა, 4) 6:2, 3:6, 6:3; ელენა დოკიჩი (ავსტრა)-მიხაელა კრაიჩეკი (ჰოლ) 6:2, 6:3.</p><p><strong>Monterrey Open</strong></p><p>მონტერეი (მექსიკა). გრუნტი</p><p>საპრიზო ფონდი: 220 000 დოლარი</p><p><em>1/4 ფინალი</em></p><p>ელენა იანკოვიჩი (სერ, 1)-ანასტასია სევასტოვა (ლატ, 5) 6:1, 7:5; ანასტასია პავლიუჩენკოვა (რუს, 2)-გრეტა არნი (უნგ) 6:2, 7:6(3); პოლონა ჰერცოგი (სლოვენ, 8)-ოლგა გოვორცოვა (ბლრ) 4:6, 6:3, 6:3; ხისელა დულკო (არგ)-ქსენია პერვაკი (რუს) 6:1, 6:0.</p><p><em>1/2 ფინალი</em></p><p>ელენა იანკოვიჩი (სერ, 1)-პოლონა ჰერცოგი (სლოვენ, 8) 6:3, 6:2; ანასტასია პავლიუჩენკოვა (რუს, 2)-ხისელა დულკო (არგ) 6:4, 6:1.</p>
ლეგენდარული რაფაელ ნადალი "რეალის" დირექტორთა საბჭოს წევრი გახდა
"მეტოქე შესანიშნავად თამაშობდა" - ბასილაშვილს კარგი გარჯა ალკარასმაც შეუქო
ბოლომდე იბრძოლა - ბასილაშვილი ალკარასთან დამარცხდა
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"