ევროპის ცუდი დასასრული

ბრეშიაში, პნევმატური პისტოლეტიდან მსროლელთა ევროპის ჩემპიონატში გამოსვლა ჩვენი ეროვნული ნაკრების წევრებმა წარუმატებლად დაამთავრეს სამწუხაროდ, ჩვენი ეროვნული ნაკრების წევრებმა წარუმატებლად დაამთავრეს გამოსვლა იტალიურ ბრეშიაში, პნევმატური პისტოლეტიდან მსროლელთა ევროპის ჩემპიონატში - ლევან ქადაგიძე 564 ქულით 54-ე ადგილზე გავიდა, ჩვენი მთავარი იმედი, ევროპის, მსოფლიოსა და ოლიმპიური ჩემპიონი ნინო სალუქვაძე კი 379 ქულით მხოლოდ და მხოლოდ 21-ე აღმოჩნდა. საწყენია, რომ ჩვენებურებს ასე ბევრი დააკლდათ ფინალამდე.379 ქულა სალუქვაძისთვის ძალზე დაბალი შედეგია. აქედან გამომდინარე, ცხადია, რომ ცალკეულ სერიებშიც არასახარბიელო მაჩვენებელი აქვს - პირველსა და ბოლოში 94 ქულა დააგროვა, შუალედებში კი 95 და 96. ამდენივე ქულა დააგროვეს ფრანგმა სირილე გულიანომ და იტალიელმა არიანა კომიმ, მაგრამ ჩვენებური მათ დამატებითი მაჩვენებლებით ჩამორჩა.ამ ფონზე კიდევ უფრო დასაფასებელია ახალგაზრდა გოგონათა ტურნირში ქუთაისელი ნინო ფანჩულიძის 377 ქულა. შეგახსენებთ, რომ მან ჩემპიონატი მე-6 ადგილზე დაამთავრა. სამწუხაროდ, ჩვენი გუნდის ერთადერთი ნათელი წერტილი მხოლოდ მისი გამოსვლა გამოდგა.ქალთა ტურნირმა კიდევ ერთხელ დაადასტურა ამ სახეობაში მიმდინარე თაობათა ცვლის პროცესის გარდაუვალობა. შარშანდელმა სეზონმა რამდენიმე ძალზე მოულოდნელი ლიდერი გამოავლინა - ახალგაზრდები, რომლებსაც მანამდე თავი დიდად არ გამოეჩინათ, მაგრამ ერთბაშად გახდნენ ევროპისა და მსოფლიოს ჩემპიონები. მათი გამოუცდელობიდან გამომდინარე, მაშინვე გაჩნდა კითხვა - ხომ არ იყო ეს შემთხვევითი წარმატება და წლეულსაც გააგრძელებდნენ თუ არა ისინი შედეგიან გამოსვლებს. სკეპტიკოსთა სამწუხაროდ, მათი უმრავლესობა ბრეშიაში ფინალში გავიდა, რაც იმის მანიშნებელია, რომ სროლაში ახალი თაობა, მსროლელთა ახალი ტალღა მოდის.შარშან განსაკუთრებული სიურპრიზები სერბებმა შემოგვთავაზეს. მათი გუნდის ლიდერი ყველაფრის მომგები იასნა სეკარიჩია, მაგრამ ის ახალბედა თანაგუნდელებმა ჩრდილში მოაქციეს - ჯერ იყო და ბობანა ველიკოვიჩი ევროპის ჩემპიონი გახდა, მერე კი მსოფლიოს ჩემპიონატზე ზორანა არუნოვიჩმა გაიბრწყინა - პნევმატური იარაღიდან სროლა მოიგო, სპორტულში კი მხოლოდ რუს კირა კლიმოვას ჩამორჩა და ვერცხლი მოიპოვა. ახალი თაობიდან ერთადერთი, ვინც ბრეშიაში შარშან გაცემული ავანსები ვერ გაამართლა, სწორედ ეს კლიმოვაა, თორემ სხვები ყველანი ფინალში შევიდნენ. საერთოდ, ამ შეჯიბრებაში რუსებმა ძალიან ცუდად ისროლეს - არც ერთი სპორტსმენი არ ჰყავდათ მოწინავე ოქტეტში. სამაგიეროდ, სრული გუნდით შევიდნენ სერბები ანუ ფინალში რვიდან სამი მსროლელი მათი იყო! ოღონდ რაოდენობამაც ვერ უშველათ და ჩემპიონი სხვა გახდა - ფრანგი სელინ გობერვილი. ესეც შარშანდელი სეზონის კიდევ ერთი აღმოჩენა - მსოფლიოს თასებზე ერთხელ იმარჯვა, ერთხელ მეორე იყო, მსოფლიოს სუპერთასზე კი ორივე დისციპლინაში მესამეზე გავიდა. არადა, შარშანდლამდე მას ერთი მედალიც არ ჰქონდა არანაირი რანგის ტურნირში.ბრეშიაში საკვალიფიკაციო ეტაპი გობერვილმა მოიგო 389 ქულით. მეორეზე ბელარუსთა ორგზის მსოფლიოს ბრინჯაოს მედალოსანი ვიქტორია ჩაიკა გავიდა 388-ით, მესამეზე - უკრაინელი მსოფლიოსა და ოლიმპიური ჩემპიონი ოლენა კოსტევიჩი 386-ით. მას 2 ქულით ჩამორჩა სეკარიჩი, ფინალის ბოლო ოთხეულს კი 383-ქულიანთა კვარტეტი შეადგენდა ასეთი თანმიმდევრობით: ველიკოვიჩი, ბელარუსი კატსიარინა კრიჩანოკი, არუნოვიჩი და გერმანელი კლაუდია ვერდიჩიო-კრაუზე. ფინალში უფრო უკეთ ძირითადად ამ ქვედა ნახევრის წარმომადგენლებმა ისროლეს და ამიტომ დაწინაურებული სამეულის დავაში ვერ ჩაერივნენ. ფინალურ სერიაში ყველაზე კარგად გერმანელმა ისროლა - 99,6. 98,7 გაარტყა სეკარიჩმა, მესამე კი 97,8-ით არუნოვიჩი იყო. მათთან შედარებით, ლიდერებმა უფრო ცუდად ისროლეს, მაგრამ არც იმდენად, ჩამორჩენილთათვის დაწევის საშუალება მიეცათ. გობერვილმა 96,8-ით ჯამში 485,8 დააგროვა და მეტოქეთათვის მიუწვდომელი გახდა. ჩაიკამ თავის მონაგარს 97,0 შემატა და 485,0-ით ვერცხლი მოიპოვა. მესამეზე კოსტევიჩი გავიდა - 97,6 ფინალში და 483,6 საერთო მაჩვენებელი.კიდევ ერთხელ შეგახსენებთ, რომ ეს ტურნირი არ იყო სალიცენზიო - საგზურებს მსოფლიოს თასის ეტაპებზე (ასეთი სეზონში 4 იმართება) I-II ადგილზე გასვლა იძლევა. თანაც - ორივე დისციპლინაში. ლიცენზიები ზაფხულში სპორტული პისტოლეტიდან გასამართ ევროპის ჩემპიონატზეც გაიცემა, მსოფლიოს პირველობა კი სპორტის ამ სახეობაში 4 წელიწადში ერთხელ ტარდება და შარშან მიუნხენში გაიმართა.

ლეგენდარული ოლიმპიური ჩემპიონი, სეოკ-ის ვიცე-პრეზიდენტი ნინო სალუქვაძე ევროპის სროლის კონფედერაციის ვიცე-პრეზიდენტად აირჩიეს

პარალიმპიადაზე ლადო ჭინჭარაულმა ვერცხლის მედალი მოიპოვა

საქართველოს ტყვიის მსროლელთა ნაკრები ევროპის ჩემპიონია

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

"ტორპედომ" ხორვატი ფეხბურთელი დაიმატა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

ოიარსაბალი: ფეხბურთი ცირკითაა გარემოცული

"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

ირანმა და ეგვიპტემ მათი მატჩისას სტადიონზე LGBTQ+ თემის მხარდამჭერი სიმბოლკის აკრძალვა მოითხოვეს - FIFA-ს პასუხი ცნობილია

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს