<p>ჩეფერინი: "ინგლისელები თუ ყველგან ივლიან, სხვებმა რა დააშავეს?!" <br> მსოფლიოში მიმდინარე პოლიტიკურმა პროცესებმა, შესაძლოა, მნიშვნელოვანი გავლენა იქონიოს როგორც ფეხბურთელებისა და გულშემატკივრების გადაადგილებაზე, ისე ზოგადად, საფეხბურთო ტურნირების ჩატარებაზე.</p><p>მაგალითად, დიდი ბრიტანეთის გასვლა ევროკავშირიდან (ბრექსიტი) ხელს შეუშლის ინგლისში მსოფლიოსა და ევროპის ჩემპიონატების, ასევე, ჩემპიონთა ლიგის ფინალის გამართვას. ეს არ არის ვინმეს ვარაუდი, ამის შესახებ თვით უეფას პრეზიდენტმა ალექსანდერ ჩეფერინმა ილაპარაკა.</p><p>ევროპული ფეხბურთის მმართველი ორგანიზაციის ახალი ლიდერი თავისი უშუალო სამოქმედო არეალით არ დაკმაყოფილდა და მსოფლიო ჩემპიონატსაც გადასწვდა - პრეზიდენტ დონალდ ტრამპის საემიგრაციო აკრძალვები თუ ძალაში დარჩა, 2026 წელს ამერიკის შეერთებულ შტატებს მუნდიალის მასპინძლობის იმედი არ უნდა ჰქონდესო.</p><p>2026 წლამდე ბევრი წყალი ჩაივლის, უფრო ახლოს კი არის ევრო 2020, რაზეც უეფას ბოსმა ბრძანა - პირადად მე, წინააღმდეგი არ ვარ, კონტინენტის პირველობის ნახევარფინალი და ფინალი "უემბლიზე" გაიმართოსო.</p><p>ეტყობა, ჩეფერინს იმედი აქვს, რომ იმ დროისთვის ევროკავშირიდან ბრიტანეთის გასვლის პროცესი არ იქნება დასრულებული, აი, მერე კი, სლოვენიელი ჩინოსანი "სერიოზულ პრობლემებს" ელოდება ვიზებთან დაკავშირებით.</p><p>სხვათა შორის, ინგლისის საფეხბურთო ასოციაციის თავმჯდომარე <strong>გრეგ კლარკი</strong> ჯერ კიდევ რეფერენდუმამდე აფრთხილებდა ბრიტანეთის საზოგადოებას, რომ აუცილებლად დადგებოდა დღის წესრიგში ის პრობლემები, რაზეც ახლა ჩეფერინი ლაპარაკობს. ბოლოს ისევ უეფას თავკაცს მოვუსმინოთ:</p><p>"რა თქმა უნდა, როცა ლაპარაკია სერიოზულ კრიმინალზე, ბრიტანეთს შეუძლია, არ გასცეს ვიზა ამა თუ იმ პერსონაზე, მაგრამ ერთი წუთით წარმოიდგინეთ - ლიონელ მესისა და ლუის სუარესს აქვთ იურიდიული პროცედურები გადასახადებთან დაკავშირებით, ჩემპიონთა ლიგის ფინალი წელს კარდიფშია და "ბარსელონამ" იქ თამაშის უფლება რომ მოიპოვოს (მანამდე დიდი გზაა, ჯერ პარიზული 0:4 აქვს დასაძლევი - ავტ.), მესისა და სუარესს ბრიტანეთმა ვიზა არ უნდა მისცეს?</p><p>ეს ხომ მართლაც წარმოუდგენელია?! რა გამოდის, ინგლისელ ფეხბურთელებს ყველგან გადაადგილების უფლება აქვთ და სხვა ქვეყნის მოთამაშეებს ინგლისში არ შეუშვებენ?!</p><p>დიდი პრობლემები გველოდება უკვე 2020 წელს, ევროპის ჩემპიონატის დროს... ამიტომ ვაპირებ, შევხვდე ბრიტანეთის მთავრობის წევრებს და განვიხილოთ ეს საკითხები. იმედია, ინგლისის საფეხბურთო ასოციაცია დაგვეხმარება ჩვენს ძალისხმევაში".</p><p><strong>ყოველდღიური სპორტული გაზეთი "ლელო"</strong></p>
35 წლის ასაკში ოსკარმა საფეხბურთო კარიერა დაასრულა
თავისივე რეკორდი გააუმჯობესა - პსვ 5 ტურით ადრე ნიდერლანდების ჩემპიონი გახდა
"ის ჩემთვის მსოფლიოში საუკეთესოა" - რონალდინიო
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
ეს საქართველოსთვის სასარგებლოა - ჩეფერინი უეფას პრეზიდენტად დარჩენას აპირებს
THE GUARDIAN: უეფას პრეზიდენტის პოსტზე შეიძლება ჩეფერინი კობიაშვილმა შეცვალოს
"ასე რომ მომხდარიყო, პსჟ-ში ვერ ითამაშებდა" - უეფა-ს პრეზიდენტმა კვარაცხელიაზე ისაუბრა
დე ლაურენტისი: ფეხბურთი ავადაა - ოსიმენის ტრანსფერი?
უეფას გამარჯვება და პერესის კაპიტულაცია - სუპერლიგა ოფიციალურად დაიხურა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
უეფას პრეზიდენტმა ირაკლი კობახიძეს მიმართა - მსოფლიოს აჩვენეთ, რომ ანგარიშგასაწევი საფეხბურთო ძალა ხართ
აირევა მონასტერი - უეფა ევროტურნირების სრულ რეფორმას გეგმავს
უეფას პრეზიდენტი: საქართველოს ნაკრებმა და კვარაცხელიამ ჩემზე შთაბეჭდილება მოახდინეს
აშშ დაეხმარა. ისრაელს არ მოკვეთენ - რუსეთი დაბრუნებას ითხოვს
"პრეზიდენტი, მწვრთნელი და ფეხბურთელები რა შუაში არიან?" - ჩეფერინმა იტალიის ნაკრების წარუმატებლობის მიზეზი დაასახელა