<p>მარიბორში დაიწყო ევროპის ჩემპიონატი ტყვიის სროლაში, რომელიც მხოლოდ პნევმატური იარაღიდან სროლაში ტარდება <br> გუშინ მარიბორში დაიწყო ევროპის ჩემპიონატი ტყვიის სროლაში, რომელიც მხოლოდ პნევმატური იარაღიდან სროლაში ტარდება.</p><p>თავდაპირველად ჩემპიონატში ახალგაზრდები ჩაებნენ და გოგოებმა ისროლეს, ჩვენგან კი სტარტზე ქუთაისური დუეტი გავიდა: 20-წლამდელებში ევროპის შარშანდელი ვიცე-ჩემპიონი <strong>ნინო ხუციბერიძე </strong>და <strong>ლიზი კილაძე</strong>. სამწუხაროდ, ფინალში ვერც ერთი მათგანი ვერ მოხვდა.</p><p>ძალზე დასანანია, რომ კილაძეს იქამდე ერთადერთი ქულა დააკლდა - საკვალიფიკაციო ეტაპზე გამოსვლა 374 ქულით დაასრულა, რაც მე-10 შედეგი აღმოჩნდა, ფინალურ ოქტეტში გამსვლელი კი 375 ქულა გამოდგა. არადა, კილაძის პირად რეკორდს - 386-ს თავი რომ დავანებოთ, მარიბორში მეორე სერია რომ არ ჩაეგდო (92 ქულა) და ამ მონაგარისთვის თუნდაც ერთი ქულა წაემატებინა, დიდი ალბათობით, მერვეზე გასულ სლოვაკ სამუელა ერნცოვას ფინალური ოქტეტიდან ამოაგდებდა - ათიანები თანაბრად დააგროვეს (10-10), მაგრამ ბოლო სერიაში ჩვენებურს ერთი ქულით უკეთესი შედეგი ჰქონდა (95). დასანანია, რომ კილაძემ თავისი შესაძლებლობები ბოლომდე ვერ გამოავლინა და მედლისთვის ბრძოლა ვერ გააგრძელა. შეგახსენებთ, რომ იქ საკვალიფიკაციო ეტაპის შედეგები უქმდება და ყველაფერი თავიდან იწყება.</p><p>ზოგადად, ჩვენებურმა შესარჩევში პირველი ნახევარი უფრო ცუდად ჩაატარა - 93 და 92 ქულა დააგროვა, მერე კი 94 და 95 აჩვენა. შესაძლოა, ეს გარკვეული ფსიქოლოგიური ფაქტორის გამოც მოხდა და ასე ზედმეტი ნერვიულობით დაემართა.</p><p>აღსანიშნავია, რომ პირველ ორ სერიაში ხუციბერიძემაც ზუსტად ასეთივე ქულები დააგროვა - 93 და 92, თუმცა ყველაზე მეტად მესამე ჩააგდო - 91, გამოსვლა კი 95 ქულით დაასრულა. შედეგად, პირადი რეკორდი ვერც მან გაიმეორა და 370 ქულა დააგროვა, რაც 25-ე შედეგი აღმოჩნდა.</p><p>საკვალიფიკაციო ეტაპის უდავო ლიდერად ჩეხი დენისა ბეზდეჩა იქცა, ვინც 385 ქულა დააგროვა (96, 97, 97, 95) და გვარიანად ჩამოიტოვა უახლოესი მდევრები, მეორეზე გასული ფრანგი მატილდე ლამოლე და მესამეადგილოსანი უნგრელი ვერონიკა მაჟორი, რომლებმაც 380 დააგროვეს. ფინალში გავიდნენ იტალიელი რებეკა ლესტი (379), უკრაინელი პოლინა კონარიევა, რუმინელი როქსანა დელია ბონტე, გერმანელი ჯესიკა შრადერი (ყველა - 376) და ზემოხსენებული სლოვაკი ერნცოვა 375-ით.</p><p>ფინალში ის მოხდა, რის გამოც ახალ წესებს მუდამ აკრიტიკებს ჩვენი ლეგენდარული მსროლელი, ოლიმპიური, მსოფლიოსა და ევროპის სამგზის ჩემპიონი ნინო სალუქვაძე - რაკი წინასწარი შედეგები გაუქმდა, იმხელა უპირატესობის და ისეთი შედეგის მქონე ბეზდეჩა ბრინჯაოს ძლივს დაეპატრონა. ჩემპიონი უნგრელი მაჟორი გახდა 235.9 ქულით, რაც ახალგაზრდებში მსოფლიოსა და ევროპის რეკორდი გახდა. მეორეზე უკრაინელი გავიდა 235.0-ით, ბეზდეჩამ კი 214.3 ქულით დაასრულა გამოსვლა. გუნდურ ჩათვლაში 1118 ქულით ფრანგულმა სამეულმა გაიმაჯვა (ლამოლე, კამილე იედრძეჟევსკი, კატელინე ნიკოლასი). თუმცა ფრანგებმა ოქროს მედალი გადათამაშების შემდეგ მიიღეს, რადგან დამატებით სერიაში 29:16 აჯობეს გერმანულ ტრიოს (შრადერი, მირლამ პიჩაჟეკი, ლეა კლესატელი). ბრინჯაოს მედალს 1116 ქულით უდავიდარაბოდ და გადასროლის გარეშე ჩეხები დაეუფლნენ (ბეზდეჩა, ანა დედოვა, ალზბეტა დედოვა).</p><p>დღეს ტურნირში ჩვენი ბიჭების სამეული ჩაებმება და, ამდენად, გუნდური ჩათვლაც გვექნება საქომაგო. სტარტზე ევროპის ახალგაზრდული ჩემპიონატის შარშანწინდელი გუნდური პირველობის ბრინჯაოსმედალოსნები, რიო დე ჟანეიროს ოლიმპიადის მონაწილე ცოტნე მაჭავარიანი და აკაკი მოსულიშვილი დადგებიან, რომლებსაც ამჯერად თავის კარიერაში პირველად ივა ჭანკოტაძე შეუამხანაგდება. უდავოა, რომ ამ სამეულიდან ყველაზე გამოცდილი მაჭავარიანია, ვისაც პირადი რეკორდიც თვალსაჩინო აქვს - 583 ქულა. ერთი სიტყვით, წარმატების მოლოდინი პირადშიც უნდა გვქონდეს და გუნდურშიც.</p><p>დღესვე გაიმართება შერეულ წყვილთა შეჯიბრება ახალგაზრდებში, ხოლო რაც შეეხებათ უფროსებს, ისინი საქმეში ხვალიდან ჩაებმებიან: ჯერ ლევან ქადაგიძე გამოვა ვაჟთა შორის, ნინო სალუქვაძე კი 11-ში გამოვა. ზეგვე ჩატარდება შერეულ წყვილთა სროლები უფროსებში.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
თეიმურაზი
3 წელია ცეცხლსასროლ იარაგს ვითხოვთ მაგრამ ამაოდ რატომ?... ? სანთელ საკმეველი თავის გზას არ დაკარგავს ბატონო ირაკლი ... ... ...
თეიმურაზი
სანთელ საკმეველი თავის გზას არ დაკარგავს ცეცხლსასროლი იარაღი უნდა აუცილებლად...3 წელია ვითხოვთ მაგრამ ამაოდ...
ტყვიის სროლა. დიდი წარმატება ვროცლავში
ლეგენდარული ოლიმპიური ჩემპიონი, სეოკ-ის ვიცე-პრეზიდენტი ნინო სალუქვაძე ევროპის სროლის კონფედერაციის ვიცე-პრეზიდენტად აირჩიეს
პარალიმპიადაზე ლადო ჭინჭარაულმა ვერცხლის მედალი მოიპოვა
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
ახალგაზრდული ოლიმპიური თამაშების მორიგი ლიცენზია ნინო ხუციბერიძემ მოიპოვა
ევროპის ჩემპიონატი ტყვიის სროლაში: ბაქოს ორმაგი დატვირთვა
მიუნხენის ტურნირი: ცოტნე მაჭავარიანის მორიგი რეკორდი
თბილისის ღია თასი: როდის დააფინანსებენ ფედერაციებს?
ახალგაზრდული ოლიმპიური თამაშები: ქართველი სპორტსმენების გამოსვლის კალენდარი
ახალგაზრდული ოლიმპიადა: ვერცხლი - სულამანიძეს, ბრინჯაო - ხუციბერიძეს
ლიზი კილაძემ ახალგაზრდებში ევროპის ჩემპიონატზე ბრინჯაო მოიპოვა
ლიზი კილაძემ ახალგაზრდულ მსოფლიოს ჩემპიონატზე ბრინჯაოს მედალი მოიპოვა
ტყვიის სროლა. ევროპის ჩემპიონატი: უფინალოდ და ულიცენზიოდ