<p>როგორი მწვრთნელი ჰყავს სერბეთს? ის თითქმის ყოველთვის თამაშობს ერთი ფორვარდით, მაგრამ არასოდეს ირჩევს დაცვით მოდელს <br> 24 მარტს საქართველოს ეროვნული ნაკრები მსოფლიოს ჩემპიონატის შესარჩევი ციკლის მატჩში სერბეთს დაუპირისპირდება. მეტოქე გუნდს თბილისში <strong>სლავოლიუბ მუსლინი</strong> ჩამოუძღვება. ეს ის მწვრთნელია, ვის ხელშიც არაერთ ქართველ ფეხბურთელს უთამაშია. სხვა საქმეა, რომ ჩვენი მოთამაშეები მთლად პოზიტიურად ვერ იხსენებენ მუსლინთან ურთიერთობის პერიოდს, თუმცა ეს სულ სხვა თემაა...</p><p>ამჯერად, ჩვენ უფრო მუსლინის სამწვრთნელო თავისებურებები გვაინტერესებს - როგორი სპეციალისტია, როგორ სათამაშო სტილს მისდევს, რომელ სქემას იყენებს ყველაზე ხშირად და ასე შემდეგ...</p><p>ვფიქრობთ, ინტერვიუსთვის საინტერესო რესპონდენტი შევარჩიეთ. 34 წლის <strong>ალეკო ამისულაშვილმა</strong> მუსლინთან ერთად "კრასნოდარში" იმუშავა. მას ქართველი გულშემატკივრის წინაშე წარდგენა არ სჭირდება და ამაზე დროს არ დავკარგავთ, მხოლოდ იმას შეგახსენებთ, რომ საქართველოს ნაკრებში მან 2002-16 წლებში ითამაშა და 45 მატჩში 4 გოლი შეაგდო...</p><p><strong>- პირველ რიგში, ზოგადად დაახასიათეთ სლავოლიუბ მუსლინი. როგორი მწვრთნელია ის?</strong></p><p>- მცოდნე და გამოცდილი მწვრთნელია. თუ გახსოვთ, ჩვენი გზები მაშინ გადაიკვეთა, როცა მე "კრასნოდარში" ვთამაშობდი. მხოლოდ იმის თქმა შემიძლია, რომ მაღალი დონის სპეციალისტია. ძალიან უყვარს შემტევი ფეხბურთი. სწორედ ასეთ ფეხბურთს თამაშობდა "კრასნოდარი" მაშინ, როცა მე ვიყავი იქ და გუნდს მუსლინი წვრთნიდა...</p><p>კიდევ ერთი დეტალი უნდა აღვნიშნო - რა თქმა უნდა, ყველა მწვრთნელისთვის ძალიან დიდი მნიშვნელობა აქვს იმას, თუ როგორი ფეხბურთელებითაა დაკომპლექტებული გუნდი, მაგრამ მუსლინისთვის ეს ფაქტორი განსაკუთრებით მნიშვნელოვანია.</p><p><strong>- ანუ მისი სტილი და სტიქია შეტევაა?</strong></p><p>- მარტო მუსლინს კი არა, გალიცკისაც, რომელიც ახლაც "კრასნოდარის" პრეზიდენტია, ძალიან უყვარს შემტევი ფეხბურთი. უკვე წლებია, ეს არის "კრასნოდარის" ნიშა რუსულ ფეხბურთში. გალიცკის იმდენად უყვარს შემტევი ფეხბურთი, 0:5 რომ წააგო, მაგრამ ბევრი მომენტი რომ შექმნა და შეუტიო, პრეზიდენტი კმაყოფილი დარჩება თამაშით. შემტევი ფეხბურთი უზომოდ უყვარს.</p><p><strong>- რას იტყვით მუსლინისეულ სათამაშო სქემებზე?</strong></p><p>- მახსოვს, რამდენიმე სათამაშო სქემა მოგვისინჯავს. ის თითქმის არასოდეს თამაშობდა ორი ფორვარდით. მაგრამ ისეც ხდებოდა ხოლმე, რომ ერთ ჩამშლელს აყენებდა.</p><p><strong>- ისე, როგორი მოტივატორია სლავოლიუბ მუსლინი?</strong></p><p>- რომ ვთქვა, მუსლინის ყველაზე ძლიერი მხარე ფეხბურთელების მოტივირებაა-მეთქი, ტყუილი გამომივა. ვარჯიშებზე მკაცრი და მომთხოვნია. რაც შეეხება ფეხბურთელებთან ურთიერთობას, ყველას ინდივიდუალურად უდგება.</p><p><strong>- როგორ ფიქრობთ, თბილისურ მატჩში ის მნიშვნელოვნად შეცვლის სამწვრთნელო ფილოსოფიას?</strong></p><p>- კლუბი სხვაა და ნაკრები კიდევ სხვა. წეღანაც ვთქვი: მუსლინისთვის ძალიან დიდი მნიშვნელობა აქვს, თუ როგორი ფეხბურთელებითაა დაკომპლექტებული მისი გუნდი.</p><p><strong>- სათამაშო სქემას მეტოქის მიხედვით არჩევს?</strong></p><p>- სქემა ირჩეოდა ერთი პრინციპით - უნდა გვეთამაშა შემტევი და სანახაობრივი ფეხბურთი. სწორედ ამ პრინციპს ემსახურებოდა სქემაც და ყველაფერიც.</p><p><strong>- ფაქტია, მუსლინმა შეძლო და სერბეთის ნაკრებში არსებული მრავალწლიანი განხეთქილებების სერია ჩააქრო...</strong></p><p>- გეთანხმებით შეფასებაში: სერბებს სულ ჰქონდათ პრობლემები ბოლო წლების განმავლობაში, ახლა კი ეს პრობლემები მოგვარებულია. კარგი მწვრთნელია მუსლინი, ძალიან ბევრ გუნდში უმუშავია... ბოლოს და ბოლოს, იმ "ბორდოს" წვრთნიდა, რომელშიც ზინედინ ზიდანი თამაშობდა. არა მგონია, ეს უმნიშვნელო ფაქტორი იყოს.</p><p><strong>- თქვენ რას ელით სერბეთთან თამაშისგან?</strong></p><p>- ველი გამარჯვებას. საქართველოს ნაკრებს ერთი თავისებურება აქვს: ძლიერ ნაკრებებთან თამაში უკეთ გამოსდის. რა თქმა უნდა, სერბეთი ძლიერი მეტოქეა, ძლიერი შემადგენლობა ჰყავს, მაგრამ თამაში და მოგება ყველასთან შეიძლება. დიდი იმედი მაქვს, რომ მოვიგებთ და მუსლინს ცუდ ხასიათზე დავაყენებთ.</p><p><strong>- ამბობენ, თითქოს ქართველ ფეხბურთელებთან მუსლინს არ ჰქონდა იდეალური ურთიერთობა...</strong></p><p>- არის თემები, რომლებზეც დღეს ბოლომდე ვერ ვილაპარაკებ. პირადად მე განსაკუთრებული გართულება არ მქონია. უბრალოდ, გუნდიდან წავედი. ჩვეულებრივი ამბავია, ფეხბურთელი იცვლის გუნდს...</p><p><strong>- როგორ ფიქრობთ, რა უნდა დავუპირისპიროთ მუსლინის გაწვრთნილ სერბეთს?</strong></p><p>- საქართველოს ნაკრების სამწვრთნელო შტაბი ამ საკითხში ჩემზე კომპეტენტურია და უკეთ ეცოდინება, რა უნდა დაუპირისპიროს მეტოქეს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
Gio
ისე ალეკო სენც მაგარი ფეხბურთელი იყავი საოცარი
zuriko
ეროვნული ჩემპიონატი რას გვიგავს!! მოედნები.. ბაზები სასაცილო ხელფასები არაფერი გვივარგა რის პონზე უნდა მოვხვდეთ ევროპაზე მსოფლიოზე? ერთი ორ თამაშს მოვიგებთ და ათ წელში ერთხელ და ეგაა და ეგ...
..........................................
გულშემატკივარი იღებს იმას რასაც იმსახურებს. როცა დავიმსახურებთ კიდევაც მოიგებენ!
haha
სერბებს მგონი ყველაზე მაგარი ინდივიდუალისტები ყავს ჩვენ ჯგუფში, პლიუს კაი ტრენერი, რომელსაც ქართველებთან კაი ურთიერთობა არ აქვს (ანუ მისთვის დამატებითი მოტივაცია). ამიტომ ალეკოს განცხადებები უბრალოდ პატრიოტიზმი თამაშია, თორე კი იცის რაც გველოდება.
nago
სად ივარგა საერთოდ,ჩვენმა პეხბურტელებმა, ფეხბურტი იკო მაშინ როცა ტამაშობდს ცხადაE და სხვები კიდევ
GELA 2
კი დააყენებთ თქვენ ცუდ ხასიათზე მუსლინს, აბა რაა? გვჯერაააააააა!!! ასე იმუქრებით 25 წელიწადია უკვე, მერე და რა "ბაგაჟის" ხარჯზე, ბარემ ისიც ბრძანე რაა? 2-3 კაცის გარდა ბურთის გაგებაში არ ხართ არცერთი, საფეხბურთო ინტელექტს რომ შევეშვათ. ნეტარ არიან მორწმუნენი ალეკო ჩემო!
მატჩის დღე! რა შეუძლია საქართველოს ნაკრებს?
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
სერბეთის ნაკრების მწვრთნელად მლადენ კრსტაიჩი დანიშნეს
[ექსკლუზივი] "ყოველთვის იმას ვიღებთ, რასაც ვიმსახურებთ..."
სლავოლიუბ მუსლინი: საქართველომ უკეთ ითამაშა, ვიდრე ჩვენ
ყველა დროის 10 საუკეთესო ქართველი ლეგიონერი რუსეთის ჩემპიონატში
ქართველი სპორტსმენების სკანდალები, რომელიც უცხოურ მედიაში გაშუქდა [PHOTO]
სერბეთის ნაკრების მწვრთნელი მუსლინი გადააყენეს
სერბეთი-საქართველო 1:0 - კარგად ვითამაშეთ... სერბების ნერვებზე [VIDEO]
მ/ჩ 2018. შესარჩევი. ევროპა. D ჯგუფი. IX ტურის წინ: გაინაღდებს სერბეთი?
მუსლინს, რომელმაც ვაისს ორივე დუელი მოუგო, სომხეთის ნაკრებს ჩააბარებენ
ალეკო ამისულაშვილი საქართველოს ნაკრებიდან გააცილეს
სერბეთის ნაკრების მწვრთნელი: სანამ აქ ვარ, ნაკრებში უცხოელის ფეხი არ იქნება
მატჩის დღე! რა შეუძლია საქართველოს ნაკრებს?
შევჩენკომ უკრაინის ნაკრების მწვრთნელს მხარდაჭერა გამოუცხადა
[ოთხშაბათის საკითხავი] როგორ გავაკვირვოთ სერბეთი?