ოლდ ფირმ პასუხისმგებლობა

"სელტიკისა" და "რეინჯერსის" წევრების მოქმედებას მოედანსა და მის მიღმა ექვსპუნქტიანი კოდექსი დაარეგულირებს ამას ჰქვია საქმეში სახელმწიფო ჩაერიაო: გლაზგოს ორი დიდი გუნდის, "სელტიკისა" და "რეინჯერსის" წარმომადგენლები ედინბურგში შოტლანდიის მთავრობის პირველმა პირმა, ოფიციალურად თუ ვიტყვით "პირველმა მინისტრმა", ალექს სემონდმა დაიბარა. გადაწყდა, რომ "ოლდ ფირმ დერბის" გმირები ამიერიდან ერთად იზრუნებენ, რათა მათმა მწვრთნელებმა, ფეხბურთელებმა და კლუბების სხვა წევრებმა, პროვოკაციული საქციელისგან თავი შეიკავონ და აყალმაყალის მიზეზი არ გახდნენ.მოგეხსენებათ, გასულ კვირაში, "პარკჰედზე", შოტლანდიის თასის შეხვედრაში ვითარება ძალიან დაიძაბა, თუმცა "სამიტზე" აბა, ვინმე რაიმე პრეტენზიის გამოთქმას როგორ გაბედავდა: გადაწყდა, რომ შედგება ექვსპუნქტიანი კოდექსი, რომელიც "სელტიკისა" და "რეინჯერსის" წევრების მოქმედებას მოედანსა და მის მიღმა დაარეგულირებს.და მაინც, მოდი, გასული კვირის ამბავი გავიხსენოთ: რეინჯერსელთა სამი წითელი ბარათი, ყვითლების აურაცხელი რაოდენობა და მატჩის შემდეგ "სელტიკის" თავკაც ნილ ლენონისა და "რეინჯერსის" მწვრთნელის ასისტენტ ალი მაკოისტის შეხლა-შემოხლა... როგორც ჩანს, ასეთმა სცენებმა შოტლანდიაში ბევრი შეაშფოთა.აღსანიშნავია, რომ პირველი მინისტრის კაბინეტში მხარეებმა "ოლდ ფირმ დერბის" ისტორიული დაძაბულობის შემცირებასა და ფართო სოციალურ საკითხებზე პასუხისმგებლობა ვერ აიღეს, მაგრამ იმის პირობა კი დადეს, რომ მათი წევრები კონფლიქტებს აღარ გამოიწვევენ და ცეცხლზე ნავთს აღარ დაასხამენ. "სელტიკის" აღმასრულებელმა შეფმა პიტერ ლოუელმა აღიარა, რომ ლენონი ვერ მოიქცა ისე ღირსეულად, როგორც მათი გუნდის წინა მწვრთნელები იქცეოდნენ. მაგრამ შეშფოთებით დასძინა, რომ მაკოისტთან ჩხუბის შემდეგ ის და მისი ოჯახი წევრები მუქარის მესიჯებს იღებდნენ და კლუბი იძულებული გახდა მათთვის დაცვა დაეყენებინა."ჩვენი გადასახედიდან ასეა: მე ვამაყობ "სელტიკის" ფეხბურთელებით, რომელთაც კონფლიქტს თავი აარიდეს. ასევე მოიქცნენ ჩვენი ფანები. მათ მასობრივი არეულობები არ მოუწყვიათ. რაც შეეხება მწვრთნელს, რასაკვირველია, ნილის საქციელი ძალიან სამწუხარო გახლდათ, თუმცა აქაც მინდა დავძინო, რომ კონფლიქტი მისი მიზეზით არ დაწყებულა, მისი საქციელი მხოლოდ საპასუხო რეაქცია იყო. სხვათა შორის, ლენონმა ჩვენს დირექტორატს მალევე მოუბოდიშა და მაკოისტსაც შეხვდა, ასე რომ ინციდენტი ამოწურულია.ნილი ვერ მოიქცა იმ მაღალი სტანდარტების შესაბამისად, რომლებიც ჩვენს კლუბს საკუთარი თავისთვის აქვს დასახული. მას ეს თავადაც კარგად ესმის, თუმცა ადამიანურად მისი მდგომარეობის გაგებაც შეიძლება - დღეს ნილ ლენონი "სელტიკის" მწვრთნელია, ხოლო ეს უდიდეს ზეწოლას და დაძაბულობას ნიშნავს, რისი გაძლებაც ფრიად ძნელი საქმეა".ლენონის ოჯახისთვის მუქარის მესიჯების მიწერა და აგრესია "რეინჯერსის" აღმასრულებელმა შეფმა მარტინ ბეინმაც დაგმო."მინდა პიტერის ნათქვამს გამოვეხმაურო და ვთქვა, რომ შეხვედრა, რომელმაც ასეთი ვნებათაღელვა გამოიწვია უკვე წარსულია. დარჩა საკითხები, რომელთაც ჩვენი კლუბი თავად, საჯაროობის გარეშე მოუვლის. ჩვენი გუნდის მწვრთნელმა უოლტერ სმიტმა თქვა, რომ თავისი ფეხბურთელების საქცილზე პასუხისმგებელია და ის ყველაფერს გააკონტროლებს. თავისი წილი პასუხისმგებლობა კარგად აქვს გათვითცნობიერებული ალი მაკოისტსაც".საინტერესოა, რომ შოტლანდიის მთავრობის დავალებით, ამიერიდან, "ოლდ ფირმ დერბიში" უფრო აქტიურად ჩაერევა გლაზგოს პოლიციაც, რომელიც ფეხბურთელებთან ზაფხულიდანვე დაიწყებს მუშაობას და მათთვის პრინციპულ შეხვედრებში კორექტულად ქცევის აუცილებლობაზე ლაპარაკს. ცალკე დასამუშავებელია "რეინჯერსისა" და "სელტიკის" იმ შეხვედრების ორგანიზაცია, რომლებიც უქმეებზე არ უწევს. მოგეხსენებათ, ასეთი შეხვედრები საღამოობით, სამუშაო საათების შემდეგ, სიბნელეში იმართება, სიბნელეს კი თავისი პრობლემები მოაქვს. ასეთ დღეებში "აიბროქსისა" და "პარკჰედის" ტერიტორიაზე ალკოჰოლის გაყიდვაც უნდა აიკრძალოს.

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

"მიალბისთან" მატჩში "იბერია 1999"-ის შემადგენლობა ცნობილია

ახალციხემ სუპერლიგაში პირველი გამარჯვება გორის ივერიონთან მოიპოვა

აბუაშვილის "მეცმა" კაცნაკლულ "დიუნკერკს" ვერ მოუგო

VIDEO | ეროვნული ლიგა| ნინუას სტანდარტი და არაფრისმომცემი ქულები

ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში

უკრაინა - საქართველო | ინფორმაცია ბილეთების შესახებ

კლოპმა განმარტა, რატომ უგულშემატკივრებს ელ კლასიკოში "ბარსელონას"

დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს

მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის

პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში

[VIDEO] მოქმედება, რომელიც ყველაფერს ამბობს - როგორი იყო დუეს რეაქცია, როდესაც კვარაცხელიას ტრავმის შესახებ შეიტყო

როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას

Marca-მ გასულ სეზონში საუკეთესოდ კეინი ცნო - მერამდენე ადგილი დაიკავა ხვიჩა კვარაცხელიამ

ბასილაშვილმა მანარინოსაც ადვილად მოუგო და ალმათის ტურნირის ნახევარფინალშია!

"დაბრუნდები ისე მაგრად, როგორც დიდ ჩემპიონს ეკუთვნის!" - ნონა გაფრინდაშვილმა ხვიჩა კვარაცხელიას მიმართა

ლიგა 1-ში პსჟ-ის მორიგ შეხვედრას სავარაუდოდ, გადადებენ

როგორ მოქმედებს SEO ოპტიმიზაცია ბიზნესის განვითარებაზე?

"ის "ოქროს ბურთის" უდავო გამარჯვებულია" - რაისმა თავისი ფავორიტი დაასახელა

ნიკა ამაშუკელი - ტოკიო, ლონდონი და გენუა

ხვიჩა გვაკლია და სიცარიელეს აჩენს... პსჟ-ის მატჩია, მაგრამ...