<p>ახალი სპორტული დირექტორის წარსული და მომავალი <br> "რომას" ახალი სპორტული დირექტორი რამონ როდრიგესი, იგივე მონჩია, რომელსაც იტალიური საფეხბურთო სამყარო დიდი რეზონანსით შეხვდა.</p><p>წლების განმავალობაში, მონჩი იგივე თანამდებობაზე "სევილიაში" მუშაობდა და ესპანურ კლუბთან ერთად დიდ წარმატებებს მიაღწია.</p><p>თუ რატომ არის მონჩი თავისი საქმის ნამდვილი პროფესიონალი და თუ რატომ იყო მასზე დიდი მოთხოვნა, ამაზე ქვემოთ გვექნება საუბარი - წარმოგიდგენთ ფეხბურთელებს, რომლებმაც მონჩის პერიოდში "სევილია" გაიარეს და კლუბმა ამ ტრანსფერებით როგორც სპორტული, ისე ფინანსური ხეირი ნახა. ამ შემთხვევაში, უფრო ფინანსურ მხარეზე გავამახვილებთ ყურადღებას. მაშ ასე, თქვენს წინაშეა მონჩის წარმატებული ტრანსფერები...</p><p><strong>ტიმოტი კოლეძეიჩაკი </strong></p><p>იყიდა "ნიცადან" 3 მილიონ ევროდ - მიყიდა "გლადბახს" 7,5 მლნ. ევროდ. მოგება: 4 მილიონი ევრო.</p><p><strong>ადრიანო კორეა </strong></p><p>"კორიტიბა" 2,1 მლნ. - "ბარსელონა" 9.5 მლნ. მოგება: 7,4 მლნ.</p><p><strong>ფედერიკო ფასიო </strong></p><p>"ფეროკარილი" 0,8 მლნ. - "ტოტენჰემი" 10 მლნ. მოგება: 9,2 მლნ.</p><p><strong>კრისტიან პოულსენი </strong></p><p>შალკე (უფასოდ) - "იუვენტუსი" 9,75 მლნ. მოგება: 9,75 მლნ.</p><p><strong>ალვარო ნეგრედო </strong></p><p>"რეალი" 15 მლნ. - "სიტი" 25 მლნ. მოგება: 10 მლნ.</p><p><strong>სეიდუ კეიტა</strong></p><p>"ლანსი" 4 მლნ. - "ბარსელონა" 14 მლნ. მოგება: 10 მლნ.</p><p><strong>ალეიშ ვიდალი</strong></p><p>"ალმერია" 3 მლნ. - "ბარსელონა" 17 მლნ. მოგება: 14 მლნ.</p><p><strong>ჟოფრეი კონდოგბია</strong></p><p>"ლანსი" 4 მლნ. - "მონაკო" 20 მლნ. მოგება: 16 მლნ.</p><p><strong>ჟულიო ბაპტიშტა</strong></p><p>"სან პაულო" 3,5 მლნ. - "რეალი" 20 მლნ. მოგება: 16,5 მლნ.</p><p><strong>ივან რაკიტიჩი</strong></p><p>"შალკე" 2,5 მლნ. - "ბარსელონა" 18 მლნ. მოგება: 16.5 მლნ.</p><p><strong>კარლოს ბაკა </strong></p><p>"ბრიუგე" 10 მლნ. - "მილანი" 30 მლნ. მოგება: 20 მლნ.</p><p><strong></p><p>კევინ გამეირო </strong></p><p>პსჟ 7.5 მლნ. - "ატლეტოკო" 32 მლნ. მოგება: 24.5 მლნ.</p><p><strong>სერხიო რამოსი </strong></p><p>საკლუბო აკადემია - "რეალი" 27 მლნ. მოგება: 27 მლნ.</p><p><strong>გჟეგოჟ კრიხოვიაკი </strong></p><p>"რეიმსი" 5,5 მლნ. - პსჟ 33,5 მლნ. მოგება: 28.1 მლნ.</p><p><strong>დანი ალვეში </strong></p><p>"ბაია" 0,55 მლნ. - "ბარსელონა "35.5 მლნ. - მოგება: 34.95 მლნ.</p><p>ჯამური ხარჯი: 58,45 მლნ. ევრო</p><p>ჯამური შემოსავალი: 308,85 მლნ. ევრო</p><p>მოგება: 250,4 მილიონი ევრო</p><p>გარდა იმისა, რომ ჩამოთვლილმა ფეხბურთელებმა "სევილიას" სპორტული წარმატებები მოუტანეს, კლუბმა დიდი ფინანსური სარგებელი ნახა. დღეს, მონჩი "რომას" სპორტული დირექტორია და უკვე იტალიური კლუბის მესვეურები ამყარებენ მასზე დიდ იმედებს. რომაული კლუბის პრეზიდენტი ჯეიმს პალოტა მედიას ესაუბრა, მონჩის ხოტბა შეასხა და სხვა საინტერესო თემებზეც გაამახვილა ყურადღება - ქვემოთ, სწორედ პალეტას ნააზრევს გაეცნობით...</p><p><strong>მონჩი</p><p></strong>რამონ როდრიგესთან დიდი ხნის განმავლობაში ვაწარმოებდით მოლაპარაკებას და ბედნიერი ვარ, რომ შეთანხმება შედგა. მონჩი თავის საქმეში საუკეთესოა ევროპული მასშტაბით და მასზე უდიდეს იმედებს ვამყარებთ. რამონს მოეწონა ჩვენი პროექტი და საქმეს დიდი ენთუზიაზმით შეუდგა.</p><p>თანამედროვე ფეხბურთში, სპორტულ დირექტორს უდიდესი როლი აკისრია და ეს კარგად გვაქვს გაცნობიერებული. შეიძლება ტრანსფერებში მინიმალური თანხა დახარჯო და საჩემპიონო გუნდი გააკეთო - ან პირიქით, დიდძალი თანხა დახარჯო და სეზონი ჩააგდო. თუმცა, მონჩის მოყვანა ნამდვილად არ ნიშნავს იმას, რომ ტრანსფერებზე ცოტას დავხარჯავთ - მონჩის ექნება საკმარისი ბიუჯეტი იმისთვის, რომ მომავალში გაცილებით ძლიერი "რომა" ვიხილოთ.</p><p><strong>ტრანსფერები</p><p></strong>ახალი სპორტული დირექტორი სწორედ იმიტომ გვყავს, რომ ზაფხულში გუნდი გავაძლიეროთ. გვყავს მოხაზული რამდენიმე ფეხბურთელის გვარი, რომელთა გადაბირებასაც შევეცდებით. ასევე, რამდენიმე წამყვან ფრეხბურთელთან ხელშეკრულება უნდა გავახაგრძლივოთ და საიჯარო კონტრაქტების საკითხი მოვაგვაროთ. დროა, "რომამ" სკუდეტოსთვის რეალურად იბრძოლოს, ამისთვის კი კიდევ უფრო გაძლიერებაა საჭირო.</p><p>როდესაც "ჯალოროსის" სათავეში მოვედი, დავპირდი გულშემატკივრებს რომ გუნდი ევროპული მასშტაბის გრანდი გახდებოდა - პასუხისმგებლობას არ გავურბივარ და დაპირება ძალაში რჩება. ჩვენ მონჩისთან და გუნდის სხვა წევრებთან ერთად შევეცდებით, რომ "რომა" გაცილებით უკეთ ათამაშდეს.</p><p><strong>სპალეტი</p><p></strong>არის გარკვეული საკითხები, რომელზეც ჩემი და ლუჩანო სპალეტის მოსაზრებები არ ემთხვევა ერთმანეთს, მაგრამ ეს იმას არ ნიშნავს, რომ ჩვენ შორის კონფლიქტია. პირიქით, კარგი ურთიერთობა გვაქვს, რომელსაც მეგობრულიც შემიძლია ვუწოდო.</p><p>უნდა დაველოდოთ სეზონის დასრულებას და ვნახოთ, რომელ ადგილზე დავასრულებთ ჩემპიონატს - ჩვენი მიზანი ჩემპიონთა ლიგის ძირითად ბადეში მოხვედრაა, ამისთვის კი საჭიროა, რომ მეორე ადგილი შევინარჩუნოთ. "ნაპოლი" კუდში მოგვდევს და დარჩენილ თამაშებს უდიდესი მნიშვნელობა აქვს.</p><p>შემდეგ, დავჯდები სპალეტისთან მოლაპარაკების მაგიდაზე და ყველა კითხვას გაეცემა პასუხი. ბევრს საუბრობენ, რომ სპალეტის შემცვლელად უნაი ემერი, ან რობერტო მანჩინი შევარჩიეთ, მაგრამ ეს არ შეესაბამება სიმართლეს - დღეს, "რომას" ლუჩანო უდგას სათავეში და სხვასთან არავითარი შეთანხმება არ გვაქვს.</p><p><strong>ფრანჩესკო ტოტი</p><p></strong>ტოტი "რომას" სიმბოლოა და თუ მოისურვებს, ის აუცილებლად დარჩება კლუბში კარიერის დასრულების შემდეგ. მისთვის გამზადებულია სკამი დირექტორთა საბჭოში და 6-წლიანი ხელშეკრულება. არის თუ ეს მისი ბოლო სეზონი? - დღეს, გამიჭირდება ამაზე ლაპარაკი - ამ თემაზე მექნება საუბარი, როგორც მწვრეთნელთან, ისე თავად ფეხბურთელთან და ყველა კითხვას გაეცემა პასუხი. კარგად მესმის, რომ ტოტის ყოფნა მოედანზე და თუნდაც სათადარიგოთა სკამზე გუნდისთვის ბევრს ნიშნავს.</p><p><strong>ახალი სტადიონი</p><p></strong>რომის მუნიციპალიტეტთან მირწეულიოა შეთანხმება და გადაწყვეტილია, რომ ახალი სტადიონი აუცილებლად აშენდება. არსებობს პროექტის მაკეტი და შეთანხმება მიღწეულია იმ კომპანიასთან, რომელიც სამშენებლო სამუშაოებს აწარმოებს. სტადიონი 52 ათას გულშემატკივარზე იქნება გათვლილი და ულტრათანამედროვე ტექნიკით აღჭურვილი.</p><p>სტადიონი ექსპლუატაციაში 2021 წელს უნდა შევიდეს, თუმცა ჩვენი სურვილი და მიზანია, რომ პროცესი დაჩქარდეს და გუნდი ახალ არენაზე უფრო ადრე გადავიდეს.</p><p><strong>ყოველდღიური სპორტული გაზეთი "ლელო"</strong></p>
misha
რომას სტადიონის მაკეტია ჯერ მეგონა უკვე დაიწყო მშენებლობა და საცაა გახსნაც იქნება რომა მაგარია
[VIDEO] 46 წლის რონალდინიომ 11-წლიანი პაუზის შემდეგ ითამაშა
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
დე ბრუინი "ნაპოლის" დატოვებას აპირებს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"სევილიამ" თითქმის შეიძინა, თუმცა მონჩიმ ტრანსფერი დაბლოკა - ესპანელმა სკაუტმა ხვიჩაზე ისაუბრა
[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
48 მლნ ევრო მცველში - მადრიდის "რეალმა" მესამე ტრანსფერი განახორციელა
კვერნაძე და კიდევ 2 სხვა - "რომა" ზაფხულში არჩევანს 3 ფეხბურთელს შორის გააკეთებს
ყველაზე რთული ზაფხული "სევილიას" ისტორიაში
ალეგრი ორმატჩიანი დისკვალიფიკაციით დასაჯეს
"რომა" "მილანიდან" სუსოს დამატებას აპირებს
მონჩი: "რომამ" მწვრთნელი უკვე შეარჩია
[VIDEO] "ბარსელონამ" "ასტონ ვილა" დაამარცხა, "ბაიერნმა" "ატლეტიკო" - "მანჩესტერ იუნაიტედმა" "რომას" თამაში შემოუტრიალა
laroma24.it: მონჩი ბელგიაში იმყოფება და გიორგი ჩაკვეტაძესაც აკვირდება
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
[VIDEO] "რეალმა" "რომას" თამაში 1:3-დან 7 წუთში შემოუტრიალა - "ასტონ ვილამ" "ფენერბაჰჩე" გააბითურა
[VIDEO] ჩაკვეტაძის "უდინეზე" "რომასთან" დამარცხდა
პსჟ-ს, შესაძლოა, ტრანსფერების განხორციელება აეკრძალოს
"სევილიას" სპორტული დირექტორი კვარაცხელიას საბერძნეთში პირადად დააკვირდება
ვინ სად გადავიდა? - ბოლო სატრანსფერო დღის გარიგებები