- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კახა კალაძე - "ჯენოას" წარმატების საფუძველი
<p>თორნიკე ოქრიაშვილის ტექნიკურმა თამაშმა და ბრწყინვალე საგოლე პასმა მარიუპოლი აალაპარაკა <br> მარტში ქართულ ლეგიონში ერთი სასიამოვნო სიახლეა, კვირა არ ჩაივლის, რომ რომელიმე ახალგაზრდა ფეხბურთელმა არ გამოიჩინოს თავი. თუკი წინა კვირაში ასეთი პოლონური "ვიძევის" ახალწვეული ნიკა ძალამიძე იყო, ახლა ჯერი უკრაინული "ილიჩევეცის" ნახევარმცველ თორნიკე ოქრიაშვილზეა. მართალია, ამჯერად ეფექტი ნაკლები იყო, თუმცა ოქრიაშვილის ტექნიკურმა თამაშმა და ბრწყინვალე საგოლე პასმა მარიუპოლი აალაპარაკა.</p><p>მანჩესტერში "სიტის" ჩემპიონშიპის "რედინგი" ასოციაციის თასზე ეწვია. სტუმართა რიგებში სასტარტოში იყო ზურაბ ხიზანიშვილი. 74-ე წუთზე მიკა რიჩარდსმა საჰაერო დუელი ჩვენებურს მოუგო და ერთადერთი გოლით "სიტი" ნახევარფინალში გაიყვანა.</p><p>ქართული ლეგიონი ლამის ერთი-ორად "გაგვიბევრდა" მიზეზი რუსეთში საფეხბურთო სეზონის დაწყებაა. მაშ ასე, რუსეთის პრემიერლიგის 2011-13 წლების სეზონი დაიწყო. შეცდომა არ გეგონოთ, ეს ტურნირი 18-თვიანი და გარდამავალია - რუსებიც შემოდგომა-გაზაფხულის სისტემაზე გადადიან.</p><p>ჩვენებურთაგან პირველები ჩემპიონატში "ანჟის" გოლკიპერი ნუკრი რევიშვილი და "კრასნოდარის" კაპიტანი ალექსანდრე ამისულაშვილი ჩაებნენ (არსად ჩანდა "ანჟის" ახალწვეული ირაკლი კლიმიაშვილი). ის კი არა, პირველად რუსული დროშა სწორედ ამისულაშვილმა და რობერტო კარლოსმა აღმართეს, როგორც კაპიტნებმა. ორივე ჩვენებური საქართველოს მოქალაქეცაა და რუსეთისაც და ლეგიონერებად არ ითვლებიან.</p><p>მართალია, მატჩმა ვერ გაამართლა, მაგრამ კარგია, რომ რევიშვილმა კარი "მშრალად" შეინახა და არც ამისულაშვილის "ხელმძღვანელობით" გაუშვია გოლი "კრასნოდარის" დაცვას - 0:0. "ჩემპიონატმა" ორივეს 5,5 ბალი დაუწერა. ჩემპიონატში პირველი გამარჯვება ნალჩიკის "სპარტაკმა" იზეიმა, რომელმაც "კრილია სოვეტოვი" 1:0 დაამარცხა. სამწუხაროდ, დავით სირაძე მასპინძელთა სათადარიგოების სკამს ვერ გაცდა.</p><p>გროზნოს "ტერეკისა" და "ზენიტის" მატჩში 75-ე წუთამდე ითამაშა ლევან გვაზავამ. სხვათა შორის, სტუმართა რიგებში დებიუტი იგორ ჩემინავას ჰქონდა. პრემიერლიგის I ტურში ჩვენთვის ყველაზე საინტერესო დღეს მოხდება, როცა ყველაზე ქართული გუნდი "ვოლგა" "ტომს" უმასპინძლებს, ხოლო ჯანო ანანიძის "სპარტაკი" "როსტოვს" ესტუმრება.</p><p>რუსული სეზონი კი "ანჟისა" და "კრასნოდარის" დუბლების მატჩით გაიხსნა, რომელსაც მახაჭყალაში 600 მაყურებელი დაესწრო და გიორგი ილურიძის დუბლის წყალობით მასპინძლებმა 2:1 მოიგეს. 19 წლის ქართველმა მე-12 და მე-18 წუთებზე ორი კარგი გოლი გაიტანა. "ლოკომოტივის" დუბლებში "დინამოსთან" მატჩში (1:1) დებიუტი ჰქონდა ახრიკ ცვეიბას 17 წლის ვაჟ სანდრო ცვეიბას. "რუბინის" დუბლებში თამაშში 42-ე წუთიდან ჩაერთო 17 წლის თავდამსხმელი მერაბ ურიდია. ცსკა-ს დუბლებში ითამაშეს დავით ხურციძემ და ნიკა ფილიევმა. არმიელთაგან ერთი გოლი გელა ზასეევის ანგარიშზეა, რომელიც, ალბათ, ასევე საქართველოდანაა წარმოშობით. "ვოლგას" დუბლებში ითამაშა დავით კოხიამ. "როსტოვი"-"სპარტაკის" თამაშში გამოჩნდნენ მასპინძელი ანრი ხაგბა და სტუმრები, ირაკლი ჭეჟია და თემურ ბუკია. დუბლების ჩემპიონატში ილურიძის გარდა ყველა ზემოთ ჩამოთვლილი ჩვენებური რუსეთის მოქალაქეა.</p><p>მეორე ბუნდესლიგაში ალექსანდრე იაშვილის გოლზე "დუისბურგის" კარში უკვე ვწერდით, ვიტყვით, რომ ამ თამაშში "კარლსრუეს" კაპიტანს "შპორტალმა" საშუალო შეფასება, 3-იანი დაუწერა. "კარლსრუემ" 27 ქულით მე-14 ადგილამდე აინაცვლა. ლევან კობიაშვილის "ჰერტა" დღეს "ფიურტს" ესტუმრება. შეგახსენებთ, რომ ბერლინური გუნდი 52 ქულით ერთპიროვნული ლიდერია.</p><p>საფრანგეთში გიორგი მაკარიძის "ლე მანი" დღეს თამაშობს, ის "ნიმს" მასპინძლობს.</p><p>სერია A-ში წინა ტურში "ინტერთან" შერცხვენილმა "ჯენოამ" გუშინ საკუთარი გულშემატკივრის წინაშე რეაბილიტაცია მოახერხა - "პალერმოს" 1:0 მოუგო. ჩვენი ნაკრების კაპიტანმა კახა კალაძემ 90 წუთი ითამაშა. გუნდისა არ იყოს, მილანში კალაძესაც მძიმე მატჩი ჰქონდა, თუმცა ახლა საუკეთესო იყო გუნდში. "ტუტო მერკატომ" მას 7 ბალი დაუწერა და "ჯენოას" წარმატების "მთავარი ხერხემალი" უწოდა. "საიმედო იყო დაცვაში და შეტევებში ჩართვასაც ახერხებდა". "ჯენოა" 38 ქულით მე-12 ადგილზეა. სერია B -ში კი ისევ არ ჩანს ლევან მჭედლიძე.</p><p>გურამ კაშიამ შეუცვლელად ითამაშა "ვიტესისა" და "ჰერენვენის" მატჩში - 1:1. "ვიტესი" 29 ქულით მე-15 ადგილზეა.</p><p>ბერძნულ სუპერლიგაში გიორგი შაშიაშვილი სათადარიგო იყო "ერგოტელისისა" და "ატრომიტოსის" მატჩში, რომელიც 1:1 დასრულდა. "პანიონიოსისა" და "ლარისას" თრილერში (3:3) დავით კვირკველიამ მარცხენა ნახევარმცველის პოზიციაზე ითამაშა.</p><p>გახსოვთ ალბათ, წინა ტურში რა წარმატებული დებიუტი ჰქონდა ნიკა ძალამიძეს ლოძის პუბლიკის წინაშე, როცა მან პირველივე მატჩში პოლონურ ეკსტრაკლასაში მართლაც ექსტრაკლასის ფეხბურთი აჩვენა და გოლს ორი საგოლე პასიც დაურთო. ამჯერად "ვიძევი" "ვისლას" ესტუმრა და ვერას გახდა - 0:2. ქართველი ერთ-ერთი საუკეთესო იყო გუნდში, თუმცა წინა ტურის გმირობა ვერ გაიმეორა.</p><p>უნგრეთის ჩემპიონატში "დიორი ეტო" ბუდაპეშტის მტკ-ს გაეჯიბრა და ისევე როგორც თასზე რამდენიმე დღის წინ, აქაც დაუზავდა - 0:0. "ეტოს" ქართველთაგან მხოლოდ რატი ალექსიძემ ითამაშა (შეცვალეს), ლაშა თოთაძე კი სათადარიგო იყო.</p><p>უკრაინის პრემიერლიგის 21-ე ტურში ალექსანდრე გურულის "კარპატიმ" შეაჩერა "შახტარის" ტრიუმფალური სვლა, მას 1:0 მოუგო. სამწუხაროდ, გურულს თამაშის საშუალება არ მისცემია, სათადარიგო იყო.</p><p>მარიუპოლში "ილიჩივეცისა" და "ზარიას" შეხვედრა 2:2 დასრულდა, მასპინძელთა რიგებში სრულად თორნიკე ოქრიაშვილმა ითამაშა, სტუმრებში - ჯაბა ლიპარტიამ. ოქრიაშვილის თამაშმა დიდი მოწონება დაიმსახურა, ის ჯერ ფლანგზე ირჯებოდა, შემდეგ ცენტრში გადაიყვანეს და 75-ე წუთზე საგოლე პასის ავტორიც გახდა. სხვათა შორის, 64-ე წუთზე თორნიკემ მეტოქის ხელით დაჭერისთვის ყვითელი ბარათი მიიღო, ეს მეტოქე კი მისი თანამემამულე იყო, რომელიც "ზარიას" ყველა სტანდარტულს ასრულებდა.</p><p>აი, რას წერს უკრაინული "სპორტი": "75-ე წუთზე თამაშის სადავეები ხელში ქართველმა ლეგიონერმა თორნიკე ოქრიაშვილმა აიღო. მან მარცხენა ფლანგზე რამდენიმე მცველი შემოიკრიბა და პუკანიჩს დიდებული პასი გადააწოდა."</p><p>დონეცკში "მეტალურგისა" და "სევასტოპოლის" მატჩის (1:0) 33-ე წუთზე ტრავმა მიიღო და შესაცვლელი გახდა სტუმართა მცველი მათე ღვინიანიძე. ვასილ გიგიაძემ სათადარიგოთა სკამიდან უყურა, როგორ მოუგო მისმა "ტავრიამ" ჯაბა კანკავას "კრივბასს" - 2:1. ჯაბამ მატჩის მიწურულს ყვითელი ბარათი მიიღო. 84-ე წუთზე ის დაახლოებით 8 მეტრიდან ურტყამდა კარში, მაგრამ მასპინძელთა მეკარემ იყოჩაღა.</p><p>სხვა ლიგებიდან გოლებით თავი გამოიჩინეს: გიორგი გულორდავამ ("მუღანი", აზერბაიჯანი), გიორგი ადამიამ ("ყარაბახი", აზერბაიჯანი), გოჩა ტვილდიანმა ("შაულიაი", ლიტვა), ვაჟა თარხნიშვილმა ("შერიფი", მოლდოვა) და ალექსანდრე შუბლაძემ ("ისკრა-სტალი", მოლდოვა).</p><p><strong>კვირის ლეგიონერი</p><p><em>ალექსანდრე იაშვილი </em></strong></p><p>33 წლის</p><p>კარლსრუეში: 102 თ, 15 გ და 18 პ</p><p>ამ სეზონში: 24 თ, 6 გ და 6 პ</p><p>კიკერის საშ. შეფასება: 3,67.</p><p>.</p>
-
davit
რმიელთაგან ერთი გოლი გელა ზასეევის ანგარიშზეა, რომელიც, ალბათ, ასევე საქართველოდანაა წარმოშობით.- არაპროფესინალის დაწერილი სტატიაა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
პსჟ-ს მეკარე შეიძლება ესპანურ გუნდში გადავიდეს
ბუნდესლიგა ხმაურიანი მატჩით იხსნება - "ბაიერნი" "ლაიფციგს" უმასპინძლებს
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"ნიუკასლის" ფეხბურთელი რომ ვიყო, ისაკის გუნდში დაბრუნება არ მენდომებოდა" - უეინ რუნი შვედი თავდამსხმელის სატრანსფერო საგას გამოეხმაურა
ქართველები ევროტურნირებზე - "სლოვანის" მარცხი, სიგუას დებიუტი
სფფ-ის ტექნიკური ცენტრი "ავაზა" გაიხსნა
[PHOTO] დაფრინავდნენ უნიტაზები, ფეკალიები, ქვები, ჯოხები - არიან დაჭრილები, 300 ფანი კი დაპატიმრებულია
[VIDEO] საქართველოს ნაკრებმა ბოლო სპარინგიც წააგო - რა იქნება ევრობასკეტზე?
სპერციანმა ინგლისური კლუბი უარით გაისტუმრა
ლუის ენრიკე: დონარუმა? კრიტიკა მესმის, თუმცა...
საქართველოს მეტოქეები მსოფლიო ჩემპიონატის შესარჩევისთვის უკრაინითა და დანიით შეივსო
"მის ჩანაცვლებას ვცდილობდით, მაგრამ ეს შეუძლებელია" - დე ლაურენტისმა კვარაცხელიაზე ისაუბრა
ჯიკიჩმა შემადგენლობა 3 მოთამაშით შეკვეცა
"ტოტენჰემი" სავინიოს სანაცვლოდ 80 მილიონს იხდის - რას გადაწყვეტს "მანჩესტერ სიტი"?
"საფონოვმა ეს სურვილი დააფიქსირა" - ფრანგი ჟურნალისტი რუსი მეკარის მომავალზე წერს
"ყველაფერი კარგად იყო, მაგრამ შემდეგ მბაპე და ნეიმარი მოვიდნენ" - დრაქსლერმა პსჟ-ში გატარებული პერიოდი გაიხსენა
მატჩის დღე! ხვიჩა კვარაცხელია განაცხადში არაა