<p>საქართველოში 2 ივნისი რომ გათენდება, დილის 5 საათზე NBA-ში ფინალური სერია დაიწყება <br> საქართველოში 2 ივნისი რომ გათენდება, დილის 5 საათზე NBA-ში ფინალური სერია დაიწყება. "გოლდენ სტეიტის" "ორაკლ არენაზე" დიქტორი ლებრონ ჯეიმსის, კევინ დურანტის, სტეფ კარის გვერდით ქართულ გვარსაც გამოაცხადებს - <strong>ზაზა ფაჩულია</strong>, საქართველოს რესპუბლიკიდან. მან "სან ანტონიოსთან" მიღებული ქუსლის ტრავმა მოიშუშა და სასტარტოსთვის ემზადება.</p><p><a href="/kalatburti/qarthuli-kalathburthi/legionerebi/104707-nba-s-finalis-tsin-zaza-fachulia-vs-tristan-tompsoni.html" target="_blank"><span style="color: #0000ff;">- NBA-ს ფინალის წინ: ზაზა ფაჩულია VS ტრისტან ტომპსონი</span></a></p><p>"გოლდენ სტეიტის" ერთ-ერთი ვარჯიშის შემდეგ ფაჩულიამ ამერიკელ ჟურნალისტებთან გულახდილად ისაუბრა...</p><p><strong>- ტრავმის შემდეგ თავს როგორ გრძნობთ?</strong></p><p>- მშვენივრად. სრულად გამოვჯანმრთელდი, გუნდთან ერთად მზად ვარ საბრძოლველად.</p><p><strong>- ფინალებისთვის როგორ ემზადებით?</strong></p><p>- მთელი სეზონის განმავლობაში ვემზადებოდით ჯერ პლეი ოფის სათამაშოდ, შემდეგ უკვე ფინალებისთვის. დასავლეთ კონფერენციის ფინალის შემდეგ, "კლივლენდთან" მატჩებამდე ერთი კვირა გვქონდა, რაც კარგად გამოვიყენეთ ძალების აღსადგენად. მეც მომეცა შესაძლებლობა, ბოლომდე მემკურნალა. ახლა უკვე მზად ვარ როგორც მენტალურად, ასევე ფიზიკურად.</p><p><strong>- ზედიზედ მესამე სეზონია, NBA-ს სუპერფინალს ერთი და იგივე გუნდები თამაშობენ. დრეიმონდ გრინმა თქვა, ეს ცოტა მოსაწყენიაო...</strong></p><p>- გუნდები იგივეა - "გოლდენ სტეიტი" და "კლივლენდი", მაგრამ ყველა ფინალი განსხვავებული იყო. ასევე იქნება წლევანდელიც. ეს კარგია. საინტერესოა. სასიამოვნოა, რომ მესამე შემთხვევაში ასეთი ფინალის ნაწილი ვიქნები. აქამდეც აქტიურად ვადევნებდი თვალს "გოლდენ სტეიტისა" და "კლივლენდის" გადამწყვეტ დაპირისპირებებს, ბევრი დეტალი კარგად ვიცი და ისეთი შეგრძნება მაქვს, თითქოს, მესამე სეზონია "გოლდენ სტეიტის" წევრი ვარ.</p><p>მთელი სეზონის განმავლობაში თავდადებით ვშრომობდით, ბევრი სირთულე გადავლახეთ, მოვითმინეთ. ეს ყველაფერი სწორედ ამ მომენტისთვის - სუპერფინალისთვის. ყველას თავისი მოსაზრება აქვს, შესაძლოა, ვინმემ ჩათვალოს, რომ ერთი და იმავე გუნდების ხილვა მოსაწყენია. ყველას აზრს პატივს ვცემ, მაგრამ ეს მიგვანიშნებს სტაბილურობაზე. გვიჩვენებს, რომ ფინალისტი გუნდების კალათბურთელები ინარჩუნებენ კონდიციებს, მდგრადობას. სწორედ ეს მიუთითებს გამარჯვებულის მენტალიტეტზე. მე ახალწვეული ვარ, პირველად ვთამაშობ ფინალებს. ბევრი რამ ვისწავლე, დიდი გამოცდილება მივიღე.</p><p><strong>- რამდენად დიდ ყურადღებას აქცევთ სოციალურ მედიას?</strong></p><p>- ვცდილობ კონცენტრაცია გუნდზე, თამაშზე მოვახდინო. სოციალური მედია გარკვეული პერიოდის განმავლობაში დაბლოკილი მქონდა. განსაკუთრებით, დასავლეთის კონფერენციის ფინალებისას. მთავარია, თავს როგორ ვგრძნობ, გუნდი თავს როგორ გრძნობს გადამწყვეტი მატჩების წინ. ჩვენ სწორედ ახლა გვჭირდება ერთმანეთის გვერდით დგომა, მოედანზე მაქსიმუმის დადება, გონივრული მოქმედება...</p><p>და უნდა დავტკბეთ. ისევე უნდა ვისიამოვნოთ თამაშით, როგორც ამას აქამდე, მთელი სეზონის განმავლობაში ვაკეთებდით. როგორც ერთი, ასევე მეორე გუნდი საკმარისზე მეტად ნიჭიერია, მაღალი დონის კალათბურთელებითაა დაკომპლექტებული. ასეთ დროს კი გამარჯვებულის ბედს პატარა დეტალები წყვეტს. ვინც მეტად კონცენტრირებული, მეტად დისციპლინირებული იქნება, ის გაიმარჯვებს.</p><p><strong>- "გოლდენ სტეიტის" შანსებზე რისი თქმა შეიძლება?</strong></p><p>- ჩემპიონობის მშვენიერი შანსი გვაქვს. მჯერა ჩემი გუნდის, მჯერა ჩვენი ნიჭის, მჯერა, რომ ნებისმიერი მეტოქის დამარცხება შეგვიძლია. ეს თვითრწმენასაც გვმატებს, რაც ფინალებში ძალიან მნიშვნელოვანია.</p><p><strong>- ჯავალ მაკგისთან ერთად გასულ სეზონში "დალასშიც" თამაშობდი. ერთად გადმოხვედით "გოლდენ სტეიტში". სეზონის მეორე ნაწილში ჯავალი უკეთესობისკენ შეიცვალა...</strong></p><p>- მთავარია, რომ მაკგი გუნდში თავს კარგად გრძნობს. კარგი ბიჭია, სასიამოვნოა, როდესაც ასეთი თანაგუნდელი გყავს. დიდი სარგებლის მოტანა რომ შეუძლია, უკვე დაამტკიცა.</p><p><strong>- სერიაში ფიზიკური თამაში რამდენად მნიშვნელოვანი იქნება?</strong></p><p>- რეგულარულ ეტაპთან შედარებით განსაკუთრებით დაგვჭირდება "ღონიერი თამაში". უბრალოდ, სხვა გზა არ გვაქვს - ან უნდა გაიმარჯვო, ან - შინ თავჩაღუნული წახვიდე. ერთი ბურთის დაკარგვა, ჩაჭრა, მოხსნა, შესაძლოა გადამწყვეტი აღმოჩნდეს. საბედნიეროდ, გვყავს კალათბურთელები, რომლებსაც შეუძლიათ ფარქვეშ თუ პერიმეტრზე ბრძოლა. ამიტომაც იქნება სერია საინტერესო სანახავი.</p><p><strong>- ტრისტან ტომპსონის მეურვეობა მოგიწევთ...</strong></p><p>- კარგი ოპონენტია, სასარგებლოა შეტევაში, მაგრამ ყველა ტყორცნას ვერ ჩააგდებს. ყველა მეტოქეს უნდა მოვუძებნოთ პასუხი. ჩვენც გვაქვს საკმარისად პლუსები, რითაც შეგვიძლია უპირატესობა მოვიპოვოთ ნებისმიერ კალათბურთელთან.</p><p><strong>- თქვენი ბავშვები როგორ ემზადებიან ფინალებისთვის?</strong></p><p>- ისინი უკვე თამაშობენ. სროლაში ტომპსონსა და კარის ბაძავენ; ფარქვეშ კევინ დურანტივით შედიან; დაფარებისას დრეიმონდის გვარს ყვირიან; ზოგჯერ ბლოკს რომ დააყენებენ, მეც ვახსენდები...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
^*
ჩემპიონის ბეჭედი გვინდა ზაზა!
[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“
მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში
ბითაძის დაცვითი სამუშაო და "ორლანდოს" ზედიზედ მეორე მოგება იუტაში
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!
[VIDEO] სტეფ კარის მორიგი შოუ - ბითაძის "ორლანდო" "გოლდენ სტეიტთან" დამარცხდა
რას კითხულობდნენ და კითხულობენ ქართველი სპორტსმენები? - ახალი რუბრიკა
"ამაზე ძალიან ვღელავთ" - სტეფ კარი ტრავმირებულია
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
[VIDEOS] ბითაძის "ორლანდო" "ფილადელფიასთან" დამარცხდა, კავაი ლეონარდი პლეი-ოფს მიღმა დარჩა
[VIDEOS] ბითაძის 4 დაფარება - "ორლანდო" პლეი-ოფშია გავიდა, სტეფ კარიმ და "გოლდენ სტეიტმა" სეზონი ნაადრევად დაასრულეს
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ
ბითაძე კარისთან? - "გოლდენ სტეიტი" ქართველის დამატებას განიხილავს