<p>არნემის "ვიტესის" 23 წლის ქართველი მცველი დარწმუნებულია, რომ მერაბ ჟორდანიას გუნდი გაისად სერიოზული ძალა გახდება <br> მცირე ტრავმის შემდეგ გურამ კაშია მომჯობინდა და არნემის "ვიტესში" ერედივიზიონის ბოლო ტურებში შეუცვლელად ითამაშა. 23 წლის ქართველმა მცველმა ჯერ "ვენლოს" წინააღმდეგ იასპარეზა, ბოლო ტურში კი - "ჰერენვენთან". მართალია, "ვიტესი" ჯერჯერობით მე-15 ადგილზეა და გავარდნის საფრთხე არ აურიდებია, მაგრამ ქართველი მცველს ეჭვი არ ეპარება, რომ გუნდი მალე ანგარიშგასაწევ ძალად ჩამოყალიბდება.</p><p>გურამ კაშიას ჰოლანდიაში დავუკავშირდით და მცირე ინტერვიუ ჩამოვართვით.</p><p><strong>- ტრავმამ ძალიან გაგაწვალა? აღარ უნდა გაწუხებდეს.</p><p></strong>- სერიოზული არაფერია, სულ რაღაც სამი დღე დავისვენე, ისიც სიფრთხილის გამო - ნაკრების მატჩები ახლოვდებოდა, თავის ატკიება არ მსურდა და "ვიტესმაც" დამასვენა. ახლა ჩვეულებრივი დატვირთვით ვვარჯიშობ.</p><p><strong>- "ვიტესი" ჯერ კიდევ გასავარდნთა ზონაშია და თავს მშვიდად ვერ იგრძნობთ.</p><p></strong>- წლეულს რომ გადარჩება, ამაში დარწმუნებული ვარ. გაისიდან კი სერიოზული გუნდი იქნება. მერაბ ჟორდანიამ იმდენი და ისეთი ძლიერი ფეხბურთელები მოიყვანა, შეუძლებელია, ამან შედეგი არ გამოიღოს. ეგაა, შესათამაშებლად დრო გვჭირდება.</p><p><strong>- როგორც ვიცით, ახალი სეზონიდან ჟორდანია კიდევ რამდენიმე ძლიერი მოთამაშის დამატებას აპირებს.</p><p></strong>- ასეთი ჩანაფიქრი მართლაც არსებობს. მალე გიორგი ჭანტურიაც დაგვემატება და კიდევ უფრო გავძლიერდებით.</p><p><strong>- მართალია, რომ გიორგი ვარჯიშებზე "ვიტესში" ერთ-ერთი გამორჩეულია?</p><p></strong> - დიახ, ჭანტურია ძალიან ძლიერი თავდამსხმელი იზრდება და გუნდში მისი ძალიან ეიმედებათ. მალე სრულწლოვანი გახდება, სამუშაო ვიზას მიიღებს და თამაშის უფლებაც ექნება. ჰოლანდიაში ჩამოსვლამდე გიორგის არ ვიცნობდი, ვარჯიშებზე ნანახმა კი დამარწმუნა, რომ ტყუილად არ აქებდნენ.</p><p><strong>- შეგიძლია თქვა, რომ "ვიტესს", ჰოლანდიას და მანდაურ ფეხბურთს შეეგუე?</p><p></strong>- რა თქმა უნდა. მართალია, ძლიერი ჩემპიონატია და საქართველოს შემდეგ იოლი სათამაშო არ არის, მაგრამ ისეთი მოსამზადებელი პირობები და ხელშეწყობაა, ნელ-ნელა შევეგუე.</p><p><strong>- და ისევე თავისუფლად თამაშობ, როგორც ბოლოს "დინამოში"?</p><p></strong>- ასეც ვერ ვიტყვი, რადგან "დინამო" საქართველოში გამორჩეული კლუბია და იქ თამაში სხვაგვარ თავდაჯერებულობას მმატებდა. ეს იგივეა, ჰოლანდიაში "აიაქსის" ფეხბურთელი რომ იყო - ალბათ, იქ უფრო თავდაჯერებული ვიქნებოდი. "ვიტესი" მაინც აუტსაიდერია და ამ დონის პირველობაზე ასეთ გუნდში თამაში იოლი არ არის. თუმცა, უკვე გითხარით, რომ შევეგუე.</p><p><strong>- შენი მაგალითით ისე ჩანს, რომ საქართველოს ჩემპიონატის შემდეგ პირდაპირ ჰოლანდიის ერედივიზიონში გადასვლა და თავის დამკვიდრება შესაძლებელია.</p><p></strong>- შეუძლებელი მართლაც არაფერია, არადა, მაღალი დონის ჩემპიონატია და მიხარია, აქ რომ ვთამაშობ. ტრიბუნები თითქმის ყოველთვის სავსეა. თანაც, ძალიან ბევრი მაღალი კლასის ფეხბურთელი თამაშობს. ჩემი აზრით, ზოგადად, რუსეთის პრემიერლიგაზე მაღალი დონის ტურნირია.</p><p><strong>- მაგრამ ფინანსურად რუსეთისას ბევრად ჩამორჩება, ეს გროზნოს "ტერეკში" გადასულმა რუუდ გულიტმა თქვა.</p><p></strong>- რუსეთის პრემიერლიგის გუნდების დარი ფინანანსური შესაძლებლობები ჰოლანდიელებს ნამდვილად არ აქვთ. შედარებით მცირე ბიუჯეტების გარდა, ისიც სათქმელია, რომ ჰოლანდიაში გადასახადებიც საკმაოდ დიდია. რუსეთში კი ფეხბურთს ყველანაირად ეხმარებიან. ბოლო წლებში ფული იტალიელებსაც შემოაკლდათ და ბუნდესლიგის კლუბებსაც, მაგრამ ვერავინ იტყვის, რომ რუსეთის პრემიერლიგა მათსას სჯობს.</p><p><strong>- სანაკრებო თემასაც შევეხოთ: თემურ ქეცბაიამ საქართველოს ნაკრების შეკრებაზე კვლავ გამოგიძახა.</p><p></strong>- ეს ძალიან მახარებს, იმედია, ადრე თუ გვიან ნაკრებში ადგილის დამკვიდრებას შევძლებ. კარგია ჰოლანდიაში მოხვედრა, კლუბში თამაშიც, მაგრამ ჩემი უმთავრესი საფიქრალი ნაკრებია. როცა იქნება, ჩემს ქუჩაზეც ხომ დადგება გაზაფხული.</p><p><strong>- რას ფიქრობ, ხორვატიის ნაკრებთან წარმატების რა შანსი გაგვაჩნია?</p><p></strong>- ღმერთმა ქნას, მოვიგოთ, ბოლო დროს ნაკრები ათამაშდა და წელიწადი წაუგებლად დავასრულეთ, მაგრამ ხორვატია ურთულესი მეტოქეა და ძალიან მძიმე შეხვედრას ველი. თითოეულ ფეხბურთელს უდიდესი მონდომება და კონცენტრაცია მოეთხოვება.</p><p><strong>- "ვიტესის" თურქულ შეკრებაზე იმყოფებოდნენ გიორგი დევდარიანის ნაკრების წევრები ვაკო ყაზაიშვილი და დათა ხოჭოლავა. მათზე რას იტყვი?</p><p></strong>- ანტალიაში ორივე ძალიან მომეწონა, მაგრამ ჰოლანდიაში ზრდასრული, მაღალ დონეზე გამოსვლის გამოცდილების მქონე მოთამაშეები სჭირდებათ, რომლებიც ერედივიზიონში ითამაშებენ. ამას გარდა, ყაზაიშვილი და ხოჭოლავა არიან ქართველები, ჯერაც არასრულწლოვანები და მათი აყვანა ევროკავშირის კლუბისთვის რთული საქმეა. ბოლო წლებში ამ მხრივ ბარიერები მატულობს. თუმცა მათი ნიჭიერება ყველამ შენიშნა.</p>
anzori
26 ში იმედია მოვიგებთ. რაც მთავარია ჯიგრულად ვუქომაგოთ ჩვენ გუნდს
guja_kakhadze
29-ში უფრო მძიმე თამაში იქნება. ცოტა დაღლილები ვიქნებით.
დეკემბერში პსჟ-ს საუკეთესო ფეხბურთელად საფონოვი დაასახელეს
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია