<p>ერთ დროს ჯიჯო დონარუმა "მილანის" გერბს კოცნიდა <br> თუ მსოფლიო საფეხბურთო სამყარო კრიშტიანო რონალდოს "რეალიდან" შესაძლო აბარგებაზე საუბრობს, იტალიაში მთავარ თემად ჯანლუიჯი დონარუმა რჩება - 18 წლის მეკარემ მშობლიურ კლუბთან ხელშეკრულება არ გაახანგრძლივა, რასაც დიდი სკანდალი მოჰყვა...</p><p>ჯანლუიჯი დონარუმას "მილანთან" კიდევ ერთწლიანი კონტრაქტი აკავშირებს და, როგორც კლუბის ახალმა მესვეურებმა განაცხადეს, ჯიჯოს (დონარუმას მეტსახელი) გასხვისებას არ აპირებენ - "მილანის" პრეზიდენტის თქმით, მას არ უნდა დონარუმას სანაცვლოდ აღებული 50 მილიონი ევრო, რადგან გუნდს მომდევნო სეზონში სათადარიგო მეკარე სჭირდება...</p><p>ამ განცხადებამ ვითარება უკიდურესად დაძაბა - ჯიჯოს პირადი აგენტი მინო რაიოლა "მილანის" მესვეურებს სასამართლოში ჩივილით დაემუქრა, თუმცა რისი იმედი აქვს აგენტს, რთული სათქმელია. მილანელები წესების დაცვით მოქმედებენ - ჯიჯოს კლუბთან კიდევ ერთი წელი აკავშირებს და "მილანი" სულაც არაა ვალდებული, ფეხბურთელი ტრანსფერზე დააყენოს.</p><p>საინტერესოა, როგორ განვითარდება მოვლენები, იტალიურ სპორტულ მედიაში კი ორ ძირითად სცენარზე საუბრობენ...</p><p><p><div style="text-align: center;"><strong><span style="color: #ff0000;">სცენარი I: დონარუმა თადარიგში ან დუბლებში</span></strong></div></p> როგორც "მილანის" აღმასრულებელმა დირექტორმა მარკო ფასონემ განაცხადა, დონარუმა გუნდში რჩება და თუ რა ბედი ელის მას მომდევნო სეზონში, ეს ვინჩენცო მონტელას გადასაწყვეტია.</p><p>ერთ-ერთი ვერსიით, "როსონერის" მწვრთნელი ჯიჯოს ან სათადარიგოთა სკამზე დასვამს, ან დუბლებში, ანუ "მილანის" ახალგაზრდულ გუნდში გაუშვებს. ცნობისთვის, "მილანის" ახალგაზრდული გუნდის თავკაცი ჯენარო გატუზოა, რომელიც პრინციპულობით გამოირჩევა, "მილანის" მიმართ განსაკუთრებული სიყვარული აქვს და დიდი შანსია, არც მან აღირსოს დონარუმას ძირითად შემადგენლობაში ასპარეზობა.</p><p>მოკლედ, თუ ჯიჯო გაწირეს და ერთი წლით დიდ ფეხბურთს ჩამოაშორეს, ამან შესაძლოა, ახალგაზრდა მეკარე მთლიანად ამოაგდოს კალაპოტიდან. ბუნებრივია, დონარუმა დაკარგავს ადგილს იტალიის ეროვნულ ნაკრებში, სადაც ის უკვე ჯანლუიჯი ბუფონის მთავარ ალტერნატივად ითვლება; ეროვნული ნაკრებიდან ამოვარდნა მას მსოფლიოს ჩემპიონატის გამოტოვებად დაუჯდება. მოკლედ, დონარუმა რისკავს და შესაძლოა, დიდ შარში გაეხვეს...</p><p><p><div style="text-align: center;"><strong><span style="color: #ff0000;">სცენარი II: შანსი მიეცემა</span></strong></div></p> ერთ-ერთი ვერსიით, "მილანის" მწვრთნელი დონარუმას შანსს მისცემს და მას კვლავ ძირითად შემადგენლობაში გაამწესებს. ჯიჯოს ექნება ერთი წელი იმისთვის, რომ აზრი შეიცვალოს და "მილანთან" ხელშეკრულება გაახანგრძლივოს. თუ მონტელა ამ გზას აირჩევს, მწვრთნელს კლუბის მესვეურებმა და გულშემატკივრებმაც უნდა აუბან მხარი.</p><p>ამ ეტაპზე, იგივე ტიფოზები ჯერჯერობით, მხოლოდ ხიდის ჩატეხვით არიან დაკავებულნი - ერთ-ერთი ინციდენტი პოლონეთში მოხდა, სადაც იტალიის ახალგაზრდული ნაკრები ასპარეზობს, "აძურინის" კარს კი სწორედ დონარუმა იცავს - დანიასთან მატჩის მსვლელობისას, "მილანის" გულშემატკივრები დონარუმას კარს უკან მოკალათდნენ და მეკარეს დოლარები ესროლეს. ითქვა ისიც, რომ ჯიჯოს "როსონერის" ულტრასები მოკვლით ემუქრებიან.</p><p><p><div style="text-align: center;"><strong><span style="color: #ff0000;">პერინი დონარუმას შემცვლელად</span></strong></div></p> ამასობაში, "მილანის" მესვეურები ახალ მეკარეს ეძებენ და მოლაპარაკებას "ჯენოასთან" აწარმოებენ. დიდია შანსი, "როსონერის" კარი მატია პერინმა დაიცვას. 24 წლის მეკარემ მძიმე ტრავმა მიიღო და რამდენიმე თვეა, რაც ფეხბურთს ჩამოშორებულია, იქამდე კი სწორედ ის იყო იტალიის ნაკრების მეორე მეკარე და შესაბამისად, ჯიჯი ბუფონის მთავარი დუბლიორი. პერინი სარეაბილიტაციო კურსს გადის და მომდევნო სეზონის სტარტისთვის მზადყოფნაში იქნება.</p><p>როგორც "გაძეტა დელო სპორტი" გვაუწყებს, "მილანის" მესვეურები მზად არიან, რომ პერინის სანაცვლოდ 15 მილიონი ევრო გადაიხადონ და რაც მთავარია, ლომბარდიულ გრანდში გადასვლა თავად მეკარესაც სურს.</p><p><p><div style="text-align: center;"><strong><span style="color: #ff0000;">კომენტარები</span></strong></div></p> ჯანლუიჯი დონარუმა იტალიის ახალგაზრდულ ნაკრებთან ერთად ევროპის ჩემპიონატზე ასპარეზობს და როგორც მისი აგენტი მინო რაიოლა აცხადებს, ფეხბურთელს კომენტარებისთვის არ სცალია. სამაგიეროდ, "მილანის" მესვეურებმა ილაპარაკეს ვრცლად...</p><p><strong>მარკო ფასონე</strong> ("მილანის" აღმასრულებელი დირექტორი): "ჩვენი სურვილი დონარუმას შენარჩუნებაა და ვფიქრობ, რომ ამისთვის ყველაფერს ვაკეთებთ. ჯიჯოს საუკეთესო პირობები შევთავაზეთ, რაზეც მოულოდნელი უარი მივიღეთ. გულშემატკივართა განწყობა არ მიკვირს, თუმცა ჯერ კიდევ შეიძლება ვითარების გამოსწორება - არის დრო, რომ ჯიჯომ პოზიცია შეიცვალოს და მის მიმართ განწყობაც რადიკალურად შეიცვლება".</p><p><strong>მასიმო მირაბელი</strong> ("მილანის" სპორტული დირექტორი): "ყველაფერი ძალიან მარტივადაა - ჩვენ შევთავაზეთ დონარუმას 5-წლიანი კონტრაქტი და სეზონში 5 მილიონი ევრო, პლუს, ბონუსები. უახლოესი 5 წლის განმავლობაში, ჯანლუიჯი გარანტირებულ 25 მილიონ ევროს მიიღებდა და ბონუსებით მას კიდევ ერთი ამდენის აღება შეეძლო. ამასთან, დონარუმა უნდა ყოფილიყო "მილანის" კაპიტანი და გუნდის სიმბოლო. მივიღეთ უარი, რისი მიზეზიც ყველასთვის ნათელია - რაიოლას სურს, რომ დონარუმა გაიყიდოს და ამ ტრანსფერიდან დიდი თანხა აიღოს.</p><p>რაც შეეხება ჯიჯოს, მას უკეთეს პერსპექტივას დაჰპირდნენ. ჰკითხეთ რაიოლას, თუ რატომ არ გაახანგრძლივა ხელშეკრულება და ნახავთ, რომ მას პასუხი უბრალოდ არ აქვს - ის სიმართლეს ვერ იტყვის, რადგან მისი ერთადერთი ინტერესი ფულია, დონარუმა კი ამ ინტერესის მსხვერპლია. ჩვენ მაინც ვიტოვებთ იმედს, რომ ვითარება დარეგულირდება, დონარუმა აზრს შეიცვლის, რაიოლასთან კავშირს გაწყვეტს და ხელშეკრულებას გაახანგრძლივებს. თუმცა, პარალელურად, ჩვენ უკვე ვეძებთ ახალ მეკარეს".</p><p><strong>ყოველდღიური სპორტული გაზეთი "ლელო"</strong></p>
xxx
ძა;ლიან ბევრ ხომ არ ვსაუბრობთ ვიღაცა დონარუმაზე მემგონი არ ღირს ამ ბავშვზე თან მეკარეა ამდენი სტაიების წერა ეღთი სტატიაც საკმარისია მაგრამ უკვე 20 სტატიას ვკითხულობ ვიღაცა დონარუზე
nika
ასეთი სცენარი იქნება: დონარუმა გადაიფიქრებს, გამოვა, ბოდიშს მოუხდის მილანს და მის გულშემატკივარს და კონტრაქტს გაახანგრძლივებს. თუ ჭკუა შერჩა, ასე მოიქცევა
46 წლის რონალდინიომ 11-წლიანი პაუზის შემდეგ ითამაშა
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
დე ბრუინი "ნაპოლის" დატოვებას აპირებს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
პულიშიჩმა "მილანთან" კონტრაქტი გააგრძელა
მინო რაიოლას გარდაცვალება მისმა ოჯახმა დაადასტურა
დონარუმას გამო ტრაფორდმა "მანჩესტერ სიტის" დატოვება გადაწყვიტა
დონარუმა "პსჟ"-ში? პარიზული გრანდი "როსონერის" მეკარით დაინტერესდა
ჰოლანი "ბარსელონაში" - ნუთუ ეს შესაძლებელია?
ბრწყინვალე მორეირა, მიჯრით მე-8 წაუგებელი დერბი და ზედიზედ მე-4 გამარჯვება - მილანი კვლავ შავ-წითელია!
ვინ სად გადავიდა? - ბოლო სატრანსფერო დღის გარიგებები
[VIDEO] ჩაკვეტაძის სრული მატჩი - "უდინეზე" ვარდნას აგრძელებს
48 მლნ ევრო მცველში - მადრიდის "რეალმა" მესამე ტრანსფერი განახორციელა
[PHOTO] იყო თუ არა დონარუმას საქციელი არაადეკვატური და რა მოხდა პენალტების სერიისას?
"მილანს" ახალი სპორტული დირექტორი ჰყავს
გრანდების ინტერესის მიუხედავად - ტრესოლდი სეზონს "ბრიუგეში" ჩაამთავრებს
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
ტრაფორდის შემცვლელი - მანჩესტერ "სიტიმ" მეკარე დაიმატა
"ამან ძალიან გამაკვირვა" - დონარუმამ მესისთან თანაგუნდელობის პერიოდზე ისაუბრა
პსჟ-ს, შესაძლოა, ტრანსფერების განხორციელება აეკრძალოს
რაიოლა: "მომკლეს", მაგრამ მკვდრეთით აღვდექი
ლაპორტამ რაიოლას ჰოლანის ტრანსფერზე საკომისიოს დაკლება სთხოვა
რაიოლა ჰოლანისთვის ასტრონომიულ ხელფასს ითხოვს!
Virgilio Sport: ნუთუ ლუის ენრიკე კვარადონას ზუსტად ისევე ჩამოწერს, როგორც დონარუმას?
"ფეხბურთში ყველაფერი სწრაფად იცვლება" - ენრიკემ საფონოვის პროგრესსა და ძირითადი მეკარის სტატუსზე ისაუბრა
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
ქებას ნახვა სჯობიაო - კარდინალდემ ზამთარში "მილანის" გაძლიერების პირობა დადო