<p>ევროპის 19-წლამდელთა ჩემპიონატი. B ჯგუფი. II ტური <br> გორის სტადიონი ამ მატჩზეც თითქმის შეივსო, მიუხედავად იმისა, რომ ამჯერად საქართველოს ნაკრები არ თამაშობდა და ამასთან, წვიმაც, ცხადია, არ იძლეოდა ასპარეზობის კომფორტულად ცქერის საშუალებას.</p><p>საინტერესოა, რომ ამ მატჩში გარკვეული სიმბოლური დეტალების გადაკვეთა მოხდა, რაც ადგილობრივი პუბლიკისთვისაც ერთგვარ სალაღობო თემად იქცა. საქმე ისაა, რომ სტალინის მშობლიურ ქალაქში, კერძოდ, მის სახლთან ახლოს ჯერ გერმანიის ჰიმნი გაისმა, მერე ტაბლოზე ამ ქვეყნის გუნდის დამაჯერებელი გამარჯვება დაფიქსირდა, ხოლო შეხვედრას რუსი არბიტრი სჯიდა და თან აქეთ-იქით სულ წითელ-ყვითელ ბარათებს აფრიალებდა...</p><p>დიახ, რუსი რეფერი მოედანზე ერთ-ერთი ყველაზე შესამჩნევი ფიგურა გახლდათ. სერგეი ლაპოჩკინმა 9-ჯერ გამოიყენა ყვითელი ბარათი, ერთხელ - წითელი და ორჯერ 11-მეტრიანი დარტყმა დანიშნა.</p><p>ვფიქრობთ, მას პირველი პენალტის ეპიზოდში ბულგარელი ფეხბურთელის გაძევებისას ზედმეტი სიმკაცრე არ უნდა გამოეჩინა, თორემ თავად პენალტის დანიშვნის მართებულება ეჭვს არ იწვევდა. ლაპოჩკინის მიერ მეორედ 11-მეტრიანის ნიშნულისკენ მითითებამ მაყურებელს აფიქრებინა, რომ ბულგარელები ზედმეტად დაიჩაგრნენ და ამიტომაც იყო, ამ გადაწყვეტილებას პუბლიკა სტვენით რომ შეხვდა...</p><p>უშუალოდ თამაში გერმანელების უპირატესობით დაიწყო. ისინი უტევდნენ და საპასუხო იერიშების მცდელობისას მათსავე მოედანზე მჭიდროდ ეთამაშებოდნენ მეტოქეს, რითიც აიძულებდნენ შეცდომების დაშვებას. უკვე მე-7 წუთზე ჩაბოტმა ახლო მანძილიდან დარტყმით კინაღამ გახსნა ანგარიში, ორ წუთში კი ეტიენ ამენიდოს მიერ ძლიერად "ნასროლს" დანიელ ნაუმოვის კარი ვეღარ გადაურჩა - 1:0.</p><p>ბულგარელები, ვიდრე რამეს იღონებდნენ სტატუს-კვოს აღსადგენად, ცოტა ხანში მოწინააღმდეგემ კიდევ ერთხელ დაამწუხრა ისინი. სწორედ ამ დროს დაინიშნა პირველი პენალტი. გაძევებულმა ანდრეა ჰრისტოვმა, იგრძნო რა, რომ თანაგუნდელები დააღალატა, აცრემლებულმა დატოვა მოედანი, ხოლო 10 ფეხბურთელით დარჩენილ მეტოქეს 11-მეტრიანი გოჰან გიულიმ გაუტანა - 2:0.</p><p>კოშმარული დასაწყისის მიუხედავად, ბულგარელებს ფარ-ხმალი არ დაუყრიათ, რამდენჯერმე მწვავედ შეუტიეს და 34-ე წუთზე, ერთ-ერთი სწრაფი და მწვავე კონტრიერიშისას, პეტკო ჰრისტოვმა შეძლო საჯარიმოში შეჭრა, სადაც წაიქცა და მისი თანაგუნდელები დაჟინებით ითხოვდნენ პენალტს, მაგრამ... მსაჯი სხვაგვარად ფიქრობდა...</p><p>მეორე ტაიმი ბულგარელი იორდანოვის მიერ საშუალო დისტანციიდან ძლიერი, მაგრამ მცირეოდენ არაზუსტი დარტყმით დაიწყო. ამით კიდევ ერთხელ დადასტურდა - ანგელ სტოიკოვის გუნდი დანებებას რომ აპირებდა. 49-ე წუთზე უკვე ნაიდენოვის თავურმა შეაწუხა გერმანელები, რომლებიც შეტევებისთვის თავს დიდად აღარ იკლავდნენ, მეტოქის იერიშების საჯარიმოდან შეძლებისდაგვარად შორს ცდილობდნენ მათ განეიტრალებას და მორიგ შანსს ელოდებოდნენ...</p><p>და ეს შანსი 53-ე წუთზე მიეცათ კიდეც - რუსმა მსაჯმა კიდევ ერთხელ მიუთითა 11-მეტრიანის ნიშნულისკენ და გერმანელმა სიდნეი ფრიდმა ანგარიშში სხვაობა სამამდე გაზარდა. მესამე გოლმა ბულგარეთი საბოლოოდ გატეხა.</p><p>მართალია, ისინი იბრძოდნენ პრესტიჟის გოლის გასატანად, მაგრამ ფრანკ კრამერის გუნდი საიმედოდ მოქმედებდა და აღარ გასჭირვებია შეხვედრის გამარჯვებამდე მიყვანა.</p><p><span style="color: #3366ff;"><strong>ევროპის 19-წლამდელთა ჩემპიონატი. B ჯგუფი. II ტური</strong></span></p><p>06.07. გორი. "თენგიზ ბურჯანაძე"</p><p><em><strong>გერმანია-ბულგარეთი 3:0</strong></em></p><p>გოლები: 1:0 ამენიდო (10), 2:0 გული (19-პენ), 3:0 ფრეიდე (53-პენ)</p><p><span style="text-decoration: underline;">გერმანია (4-3-3):</span> ბანსენი - ბუსამი, გიული (80. ავუჯა), ჩაბოტი, ფრანკე - ფრიდე, გაიგერი, სალამი - ჰეკი, ამენიდო (76. რაუმი), ბარკოკი (70. ბაკუ).</p><p>სათადარიგოები: შუბერტი, გიოტცე, კოლერი, ვარშჩევსკი</p><p>მწვრთნელი: ფრენკ კრამერი</p><p><span style="text-decoration: underline;">ბულგარეთი (4-3-3 ):</span> ნაუმოვი - გენჩევი, ა. ჰრისტოვი, პ. ჰრისტოვი, ლიასკოვი - ნაიდენოვი (70. სტამატოვი), იანოვი, ტილევი (21. დობრევი) - იორდანოვი, რუსევი, კრასტევი (82. ივანოვი).</p><p>სათადარიგობი: შეიტანოვი, კლიმენტოვი, კოვაჩევი, დიმიტროვი</p><p>მწვრთნელი: ანგელ სტოიკოვი</p><p><span style="text-decoration: underline;">გაფრთხილება:</span> კრასტევი (25), რუსევი (34), ნაიდენოვი (41), გიული (45+2), ნაუმოვი (54), ამენიდო (60), იანევი (71), გაიგერი (87), ბანსენი (90+3)</p><p><span style="text-decoration: underline;">გაძევება:</span> ა. ჰრისტოვი (18)</p><p><span style="text-decoration: underline;">არბიტრი:</span> ს. ლაპოჩკინი (რუსეთი).</p><p>06.07. თბილისი. "მიხეილ მესხი" (სათ)</p><p><em><strong>ინგლისი-ჰოლანდია 1:0</strong></em></p><p>გოლი: 1:0 ბრერეტონი (84)</p><p><span style="color: #3366ff;"><strong>B ჯგუფი </strong></span></p><p><em>ა გ თ მ ფ წ ბ ქ</em></p><p>1. ინგლისი 2 2 0 0 3-0 6</p><p>2. ჰოლანდია 2 1 0 1 4-2 3</p><p>3. გერმანია 2 1 0 1 4-4 3</p><p>4. ბულგარეთი 2 0 0 2 0-5 0</p><p><span style="color: #3366ff;"><strong>მომდევნო მატჩები</strong></span></p><p><span style="color: #3366ff;"><strong>A ჯგუფი</strong></span></p><p><span style="text-decoration: underline;">8 ივლისი, შაბათი</span></p><p>თბილისი. "მიხეილ მესხი"</p><p><strong>ჩეხეთი-საქართველო 20:00</strong></p><p>გორი. "თენგიზ ბურჯანაძე"</p><p><strong>პორტუგალია-შვედეთი 20:00</p><p><span style="color: #3366ff;">B ჯგუფი</span></p><p></strong><span style="text-decoration: underline;">9 ივლისი, კვირა</span></p><p>გორი. "თენგიზ ბურჯანაძე"</p><p><strong></strong><strong><strong>ჰოლანდია-ბულგარეთი 20:00</strong></p><p></strong>თბილისი. "დავით პეტრიაშვილი"</p><p><strong>ინგლისი-გერმანია 20:00</strong></p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
U17 | საქართველო 0:0 ავსტრია
17-წლამდე ნაკრები შესარჩევ ციკლს ავსტრიასთან მატჩით დაიწყებს
19-წლამდელთა შემადგენლობა შესარჩევი ციკლის მეორე რაუნდისთვის
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
U19. ევროპის ჩემპიონატი: ღირსეული და დამსახურებული [VIDEO]
სანქცია: უეფამ საქართველო აშკარად დაინდო!
ევროპის 19-წლამდელთა ჩემპიონატმა საქართველოს 33 მლნ ლარი მოუტანა!
ლევან კობიაშვილი: ვთვლი, რომ ჩვენ ამ ყველაფერს ღირსეულად გავართვით თავი
ელიო სოუზა: ამისთვის მადლობა უეფას და ქართულ მხარეს
უეფამ გიორგი არაბიძე ევროპის 19-წლამდელთა ჩემპიონატის აღმოჩენებში შეიყვანა