<p>ხელბურთი. U19. მსოფლიოს ჩემპიონატი <br> ორიოდე დღეც და თბილისში დამთავრდება 19 წლამდე ხელბურთელთა მე-7 მსოფლიოს ჩემპიონატი. შეჯიბრების სტარტზე ალჟირთან მოპოვებული წარმატების შემდეგ საქართველოს ნაკრებმა ყველა შეხვედრა დათმო. გუშინ, ბოლო მატჩში მე-19 ადგილისთვის ბრაზილიას დაუპირისპირდა.</p><p>საქართველოს ნაკრები სასტარტო მატჩის შემდეგ ყველა შეხვედრაში ცუდად თუ იბრძოდა, ბრაზილიელები - პირიქით, დღითი დღე აუმჯობესებდნენ თამაშის ხარისხს. მე-2 წუთზე ლაპიაშვილმა გახსნა ანგარიში. მერე ოცი წუთის განმავლობაში თითო ბურთით ხან ერთი გუნდი იყო წინ, ხან - მეორე. 23-ე წუთიდან ოკეანისგაღმელებმა ხანდოლიშვილის კარში ზედიზედ ოთხი უპასუხო გოლი გაიტანეს და საგრძნობლად დაწინაურდნენ, თუმცა ბექა ორჯონიკიძის შეგირდებმა ტაიმის მიწურულს ანგარიშში სხვაობა ორ ბურთამდე შეამცირეს - 14:16.</p><p>შესვენების შემდეგ ბრაზილიელთა უპირატესობა აშკარა გახდა. ჩემპიონატის ფინიშზე სტუმრებს გამარჯვებისთვის მეტი ენერგია და ჟინი შერჩათ. მათ რიგებში განსაკუთრებით ფრეიტაში გამოირჩა, რომელმაც მასპინძელთა მეკარეს ბადიდან ბურთი 12-ჯერ გამოატანინა. საბოლოოდ ბრაზილიელებმა 32:23 მოიგეს.</p><p>"ცხადია, წარმატების მიღწევა გვსურდა, ამიტომ რაც შეგვეძლო, ყველაფერი გავაკეთეთ, - თქვა <strong>გიორგი ლაპიაშვილმა</strong>, რომელმაც სტუმრებს შვიდი გოლი გაუტანა და საქართველოს ნაკრებიდან საუკეთესო მოთამაშის პრიზი მიიღო. - როგორც ვნახეთ, ამ დონის ტურნირისთვის ეს მომზადება საკმარისი არ აღმოჩნდა. მთავარი მაინც ის არის, რომ დიდი გამოცდილება შევიძინეთ".</p><p><span style="color: #3366ff;"><strong>U19. მსოფლიოს ჩემპიონატი, XIX ადგილისთვის</strong></span></p><p><em><strong>საქართველო-ბრაზილია 23:32 (14:16)</strong></em></p><p><span style="text-decoration: underline;">საქართველო:</span> ხანდოლიშვილი, რუსტამოვი (1), ბაინაზიშვილი, ვათიაშვილი, ბულბულაშვილი (4), ხარაიშვილი, ყორიაული, ცხოვრებაძე (4), ლაპიაშვილი (7), ტიელიძე (2), გოგავა (4), ფერაძე, დოლმაზაშვილი, იობაშვილი (1).</p><p><span style="text-decoration: underline;">ბრაზილია:</span> ო. სილვა (1), ბრაგა (3), გ. სილვა (6), ფრეიტაში (12), სოუზა (2), პერეირა, დე სოუზა, ბელანი (1), ალვეში, როდრიგესი, კომერლატო, ლარანჯელო (3), კატარინო (2), დე სანტანა (2), ოლივეირა, ბორგესი.</p><p><span style="text-decoration: underline;">XXIII ადგილისთვის:</span> ალჟირი-მექსიკა 27:25;</p><p><span style="text-decoration: underline;">XXI:</span> ბაჰრეინი-არგენტინა 24:25;</p><p><span style="text-decoration: underline;">XVII (პრეზიდენტის თასი):</span> ნორვეგია-სერბეთი 30:25;</p><p><span style="text-decoration: underline;">XV:</span> პოლონეთი-ჩილე 33:30;</p><p><span style="text-decoration: underline;">XIII:</span> ეგვიპტე-სლოვენია 30:35;</p><p><span style="text-decoration: underline;">XI:</span> კორეა-ტუნისი 34:36;</p><p><span style="text-decoration: underline;">IX:</span> ისლანდია-გერმანია 26:37.</p><p><span style="text-decoration: underline;">1/4-ფინალი</span></p><p>შვედეთი-ხორვატია 25:27</p><p>პორტუგალია-საფრანგეთი 24:34</p><p>იაპონია-ესპანეთი 27:32</p><p>დანია-რუსეთი 37:28</p><p><span style="text-decoration: underline;">1/2-ფინალი</span></p><p>ხორვატია-საფრანგეთი</p><p>ესპანეთი-დანია.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
საქართველოს ნაკრები ავსტრიასთან დამარცხდა
საქართველოს ნაკრები ფავორიტ ნორვეგიასთან დამარცხდა
რუბენ გარაბაიამ ევრო-2028-ის საკვალიფიკაციო მატჩებისთვის ნაკრების შემადგენლობა დაასახელა
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს