გატუზო: არ დავმალავ, ვღელავთ

მორატი: ნაპოლი არ დაგავიწყდეთ... მილანურ დერბიმდე ჯერ ორი კვირა დარჩა, იქამდე იტალიის ნაკრებს უწევს ორი შეხვედრის გამართვა, მაგრამ აპენინურ სპორტულ პრესაში უკვე ძალიან აქტიურად იწერება მომავალი "მადონინას" შესახებ. ასეთი დიდი ინტერესი იმით არის გამოწვეული, რომ გარდა ისტორიულ მეტოქეთა ტრადიციული დაპირისპირებისა, თამაში სატურნირო თვალსაზრისითაც უაღრესად მნიშვნელოვანია. "მილანი" ლიდერობს ჩემპიონატს, მაგრამ მხოლოდ ორი ქულით უსწრებს მთავარ მდევარ "ინტერს". ამასთან, "ნაპოლიც" იბრძვის სკუდეტოსთვის, "ნერაძურის" მხოლოდ ერთი ქულით ჩამორჩება, "როსონერის" კი სამით. მოკლედ, ისეთი ვითარებაა სატურნირო ცხრილში, რომ დედა შვილს არ აიყვანს ხელში. ეს ყველაფერი კი "მილანის" დამსახურებაა, რომელმაც ხუთი ქულა დაკარგა ბოლო ორ პაექრობაში და უკიდურესად დაძაბა სასკუდეტო მარათონი. ჯენარო გატუზოს თქმით, დერბიში ბევრი რამე გაირკვევა, მაგრამ არა ყველაფერი:"შეცდომები დავუშვით და ქულებიც ბლომად დავკარგეთ, რამაც სანერვიულო მოგვიმატა. დასამალი არაფერია, ვღელავთ, მაგრამ ეს იმას არ ნიშნავს, რომ კონცენტრაცია დავკარგეთ და მორალურად გავტყდით. პირიქით, სრული საბრძოლო განწყობაა გუნდში და დიდი მატჩისთვის ვემზადებით. დერბი ყველაფერს ვერ გადაწყვეტს, მაგრამ ფაქტია, რომ ბევრი რამის შეცვლა ძალუძს. იქნება თუ არა ფრე მისაღები შედეგი? - მხოლოდ მოსაგებად გავალთ მოედანზე, მაგრამ ისიც სათქმელია, რომ ფრე უფრო ჩვენთვის იქნება მისაღები, ვიდრე "ინტერისთვის" - ეს ნამდვილად ფაქტია".გატუზომ "პალერმოსთან" მარცხი გაიხსენა, მიზეზებზე ისაუბრა და ზლატან იბრაჰიმოვიჩის დანაკლისზე გაამახვილა ყურადღება: "სიცილიაში ცუდად არ გვითამაშია, მთელი შეხვედრის განმავლობაში ვფლობდით უპირატესობას, მაგრამ აქეთ გავუშვით გოლი და დავმარცხდით. ბოლო დროს, აშკარად არ გვიმართლებს - "ტოტენჰემთანაც" უპირატესობით წარვმართეთ პაექრობა, მომენტებიც გვქონდა, მაგრამ ბურთმა არ ინება მეტოქის კარის ხაზის გადაკვეთა. რას ვიზამთ, უნდა მივიღოთ არსებული რეალობა და ბრძოლა გავაგრძელოთ. ზლატან იბრაჰიმოვიჩი დიდი ძალაა გუნდისთვის და მის დანაკლისს სიცილიაშიც ვგრძნობდით, მაგრამ ამ შემთხვევაშიც ზემოთნათქვამი უნდა გავიმეორო: უნდა გავუსწოროთ რეალობას თვალი და არსებული რესურსით გავიდეთ ფონს. ანტონიო კასანო, რობინიო და ალეშანდრე პატო ბრწყინვალე ფეხბურთელები არიან, მათ ნებისმიერი თამაშის საჩვენოდ გადაწყვეტა შეუძლიათ".პრესასთან გასაუბრება "ინტერის" პრეზიდენტმა, მასიმო მორატიმაც გადაწყვიტა და შემდეგი განაცხადა: "მილანური დერბის ირგვლივ რომ დიდი აჟიოტაჟია, ეს სრულიად ბუნებრივად მეჩვენება და არ მიკვირს, მაგრამ იმას კი ნამდვილად ვერ დავიჩემებ, რომ სკუდეტოს ბედი ამ თამაშში წყდება. ვერც იმ მოსაზრებას დავეთანხმები, რომ ჩემპიონობისთვის მხოლოდ ორი გუნდი: "მილანი" და "ინტერი" იბრძვის. არ უნდა დაგვავიწყდეს, რომ "ნაპოლია" ძალიან ახლოს ჩვენთან და შესანიშნავ ფეხბურთს თამაშობს. ჩემი აზრით, სამხრეთელები ბოლომდე იბრძოლებენ სკუდეტოსთვის. სულ ცოტა ხნის წინ, ისეთი შთაბეჭდილება შეიქმნა, რომ "მილანი" წინ გაიჭრა, "ნაპოლი" კი ჩამოშორდა სასკუდეტო მარათონს, თუმცა მალევე ვითარება რადიკალურად შეიცვალა. ამიტომ, დასკვნების გამოტანა ძალიან ადრეა და უმჯობესია, უბრალოდ დაველოდოთ მოვლენათა განვითარებას. მთლიანობაში, ძალიან კარგი ჩემპიონატი გამოდის, გაცილებით უფრო საინტერესო, ვიდრე წინა წლებში"."მილანის" გულშემატკივრებს ყველაზე მეტად ალეშანდრე პატოს ჯანმრთელობის მდგომარეობა აინტერესებთ, რომელმაც "პალერმოსთან" პაექრობაში კოჭი დაიზიანა და არის საფრთხე, დერბის გამოტოვებამ მოუწიოს. თუმცა, თავად ფეხბურთელი ოპტიმისტურად არის განწყობილი: "სიცილიაში თამაშისას ტკივილი ვიგრძენი ფეხში და შესაცვლელი გავხდი - სიმართლე გითხრათ, ძალიან შემეშინდა, რადგან ვიფიქრე, რომ ძველმა ტრავმამ შემახსენა თავი, მაგრამ საბედნიეროდ, ჩემი შიში უსაფუძვლო აღმოჩნდა. კოჭი მაქვს დაზიანებული და წესით, მალე უნდა ჩავდგე მწყობრში. ექიმები მაიმედებენ, რომ თუ რაიმე გაუთვალისწინებელი არ მოხდა, მილანურ დერბიში აუცილებლად ვითამაშებ".

46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება

დე ბრუინი "ნაპოლის" დატოვებას აპირებს

პაზის დამატებას "მანჩესტერ იუნაიტედი" აპირებს - საბოლოო სიტყვა "რეალმა" უნდა თქვას

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

საბა ლაზიშვილი ხვალ RAF-ზე იჭიდავებს!

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა

"ბორჯღალოსნები" | შემადგენლობა მე-300 მატჩისთვის

მამარდაშვილი: ისევ შეგვიძლია ისე, როგორც ევროპის ჩემპიონატზე!

სვანაძე: აღმართს დაღმართი მოსდევს - მხოლოდ ერთი ფეხბურთელი არაა მზად

"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო

RAF-ის დაფასება დვალიშვილსა და ლაზიშვილს - ცნობილია ქართველების ჯარიმის ოდენობა, რომელსაც მთლიანად ამერიკული ორგანიზაცია დაფარავს

მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს

მერაბ დვალიშვილზე თავდასხმის გამო უსმან ნურმაგომედოვსა და მისი ჯგუფის წევრებს 6-თვიანი პატიმრობა შეეფარდათ

დამწვარი დარბაზიდან - ტანვარჯიშის კლუბამდე

"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა