<p>ქართველი სპეციალისტი ვასილ ჭეიშვილი აზერბაიჯანიდან წამოვიდა <br> საქართველოს ეროვნული ნაკრების ფიზმომზადების მწვრთნელმა, <strong>რომან შვანტნერმა</strong> ქართველ მწვრთნელებს სემინარი რომ ჩაუტარა, მიკიბ-მოკიბვის გარეშე თქვა, რომ რეალურად, ევროპულ მოთხოვნებს ძალიან ჩამოვრჩით...</p><p><a href="/fekhburthi/fekhburthii/skhvadaskhva/108280-roman-shvantneri-es-qarthvel-fekhburtheltha-arastsori-ganvitharebis-bralia.html" target="_blank"><span style="color: #0000ff;">- რომან შვანტნერი: ეს ქართველ ფეხბურთელთა არასწორი განვითარების ბრალია</span></a></p><p>რეალურად, ქართველ მწვრთნელებში ცოტაა ისეთი, ვინც თანამედროვე ფეხბურთში დანერგილ მეთოდებს იცნობს. ასეთ დროს საინტერესო ამბავი მოხდა: აზერბაიჯანიდან ქართველი მწვრთნელი<strong> ვასილ ჭეიშვილი </strong>წამოვიდა, რომელიც ამ ქვეყნის ფეხბურთში ფიზმომზადების ერთ-ერთ საუკეთესო სპეციალისტად ითვლებოდა.</p><p>ჭეიშვილი საქართველოში თბილისის "სპარტაკს" და "ზესტაფონს" წვრთნიდა და ბევრი ცნობილი ფეხბურთელი დააწინაურა - <strong>დიმიტრი ტატანაშვილი, კახა ალადაშვილი, გრიგორ დოლიძე, დავით ბოლქვაძე, თენგიზ ჩიკვილაძე, ლევან მაღრაძე</strong>. მათგან 4 - შემდეგ ეროვნულ ნაკრებში მიიწვიეს. 12 წელი ჩვენს მეზობელ ქვეყანაში საქმიანობდა ბოლოს უმაღლესი ლიგის გუნდის, "სუმგაითის" აკადემიაში მუშაობდა. არც პირობები აკლდა და არც სამუშაო, მაგრამ წამოსვლა ამჯობინა.</p><p>"აზერბაიჯანში ბევრი ექსპერიმენტი ჩავატარე, რომელსაც შედეგი ჰქონდა. ამ ტესტებით ვადგენდი, მოთამაშეების მონაცემებს, აზროვნების სისწრაფეს რთულ, ნახევრადრთულ და იოლ ვითარებებში, სწრაფი არზოვნების სტაბილურობას, კავშირს კუნთოვან სისტემასა და გონებას შორის.</p><p>ამას გარდა, არსებობს სისწრაფის სამი სახეობა, კოორდინაცია, მოქნილობა, ფეთქებადი ძალა, გამძლეობის სამი სახეობა... მოკლედ, ბევრი პარამეტრია, რომელშიც ტესტირება აუცილებელია და ბავშვის შესაძლებლობაზე რეალურ წარმოდგენას გვიქმნის.</p><p>ბოლოს "სუმგაითის" აკადემიაში ფიზმომზადების კოორდინატორი ვიყავი. სხვებისგან დაწუნებული ბავშვები მივიღე, რომლებზეც ხელი ჰქონდათ ჩაქნეული. მაგრამ მუშაობამ შედეგი გამოიღო და 19-წლამდელების 16 ფეხბურთელიდან 7 პრემიერლიგის გუნდში აიყვანეს", - ამბობს ჭეიშვილი.</p><p>გამოცდილი სპეციალისტი ამბობს, საქართველოში რატომ დაბრუნდა:</p><p>"აზერბაიჯანში ბევრი მეგობარი შევიძინე და წამოსვლა იოლი არ იყო. მაგრამ 12 წელი უცხოეთში საკმაოდ დიდი დროა და სულ მინდოდა, საქართველოში დავბრუნებულიყავი. ეს ადრეც ვთქვი, მაგრამ ფეხს ვითრევდი. და მაინც - დგება მომენტი, როცა წერტილი უნდა დასვა. ახლა ეს საბოლოოდ გადავწყვიტე. მინდა, ჩემი ცოდნა აქ გამოვიყენო და ბავშვების გაზრდას მოვახმარო. ჩვენთან უფრო ნიჭიერი ბავშვები არიან და დარწმუნებული ვარ, აქ ბევრ პერსპექტიულ ფეხბურთელს აღმოვაჩენ და დავაწინაურებ.</p><p>მაგალითისთვის გეტყვით: ბავშვი 19 პარამეტრს თუ აკმაყოფილებს, ის ტოპტალანტია. აზერბაიჯანულ გუნდში 16 მოთამაშიდან, რომლებიც 18-18 წლისანი არიან, საშუალო მაჩვენებელი მხოლოდ 7-ს აღმოაჩნდა. საქართველოში ჩამოსული, ბათუმში მიმიწვიეს და გაოცებული დავრჩი. 36 ბავშვიდან 9 - A კატეგორიის მოთხოვნებს აკმაყოფილებდა! ეს ტოპმოთხოვნა არ არის, მაგრამ გასაოცარი მაჩვენებელია. ტესტირების შედეგებიც ადასტურებს, რომ საქართველოში ტალანტები არიან".</p><p>ბევრი თვლის, რომ ფიზმომზადება ფინანსებთან პირდაპირ კავშირშია. ჭეიშვილს ამაზეც ვკითხეთ:</p><p>"ფეხბურთელის ფიზმომზადება ბავშვობიდან არის საჭირო, თანაც, ეტაპობრივად და მიზანმიმართულად. ბავშვებში არც ისეთი საგანგაშო თანხაა საჭირო, როგორც საქართველოში ამბობენ. პროფესიულ დონეზე კი საუკეთესო პირობები, თანამედროვე ვიტამინიზაცია და აღდგენებია საჭირო. მაგრამ დარწმუნებული ვარ, ჩვენს პირობებშიც მოთამაშეებს უკეთ უნდა ამზადებდნენ.</p><p>საქართველოს ნაკრების ფიზმომზადების მწვრთნელის, შვარტნერის კომენტარს გვეცანი და ვეთანხმები - ამ სფეროში ცოდნა და ევროპული გამოცდილების გაზიარება ჰაერივით გვესაჭიროება. აბსოლუტურად ვეთანხმები იმაშიც, რომ ფეხბურთი მთელ მსოფლიოში ძალიან სწრაფად ვითარდება, ჩვენ კი კონკურენციას იმიტომ ვეღარ ვუწევთ, რომ თანამედროვე მოთხოვნებს კარგად არ ვიცნობთ".</p><p>მას აზერბაიჯანის ჩემპიონ "ყარაბაღის" წლევანდელ გამოსვლაზეც ველაპარაკეთ:</p><p>"მიხარია, რომ ჩვენმა მეზობლებმა და მეგობრებმა ამდენს მიაღწიეს. ამავე დროს, მათ მიღწევაში ჩვენი საკლუბო ფეხბურთის მომავალს ვხედავდი. რეალურად, ეს წარმატება ლეგიონერების დამსახურებაა, ადგილობრივებში კი გამორჩეულ მოთამაშეს იშვიათად ნახავ. კლუბები რომ აღარ დააფინანსონ, ცხადია, ამ დონის გუნდები არ ეყოლებათ.</p><p>ჩვენთან უფრო ნიჭიერი ბავშვები არიან და 4-5 ძლიერი ლეგიონერით იმავე დონის გუნდების ჩამოყალიბება ჩვენთვის უფრო ადვილი იქნება. მაგრამ საქმეც ისაა, რომ ამ ძლიერ ლეგიონერებს დიდი ფული უნდათ. ამიტომ უკეთესი იქნება, საკუთარ ტალანტებს მივხედოთ, გავზარდოთ და მოვღონიერდებით".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
ხმები ჩემამდეც მოვიდა, მაგრამ... გია ცეცაძე ვლადიმირ ვაისის თანაშემწედ?
პირველი და მეორე ლიგის ფიზმომზადების მწვრთნელებისთვის სემინარი ჩატარდა
ქართველი მწვრთნელი აზერბაიჯანში - გუნდი უფულობამ დაშალა
"სუმგაითის" აკადემიაში ქართველი სპეციალისტი ვასილ ჭეიშვილი იმუშავებს
რომან შვანტნერი: ეს ქართველ ფეხბურთელთა არასწორი განვითარების ბრალია
საქართველოს ნაკრები: მზადება დაიწყო, ვაისის ასისტენტები ცნობილია [VIDEO+PHOTO]
ქართველი მწვრთნელები უცხოეთში - რატომ არ ვიყენებთ რესურსს?