<p>მახაჭყალის "ანჟის" 29 წლის ფეხბურთელს ტრავმა აქვს და ამჟამად თბილისში მკურნალობს <br> 29 წლის <strong>ჯაბა ლიპარტია</strong> "ანჟიში" ამ სეზონის დასაწყისში მივიდა და მაშინვე გახდა გუნდისთვის მნიშვნელოვანი ფეხბურთელი. ბოლო დროს ის დაღესტნურ კლუბში აღარ თამაშობდა. მიზეზი ტრავმაა. ახლა ლიპარტია თბილისშია და მკურნალობს.</p><p>ის ქართველ ფეხბურთელთა იმ იშვიათ კატეგორიას მიეკუთვნება, წლების განმავლობაში სტაბილურად რომ თამაშობს. კარგა ხანს ის შეუცვლელი მოთამაშე იყო ლუგანსკის "ზორიასთვის". მასთან ერთად, ლუგანსკური კლუბი გაიზარდა და ევროპალიგის ჯგუფშიც მოხვდა.</p><p>ლიპარტიასთან მცირე ინტერვიუ ჩავწერეთ...</p><p><strong>- იძულებით უქმობთ ტრავმის გამო. ამჟამად როგორია თქვენი ჯანმრთელობის მდგომარეობა?</strong></p><p>- მარცხენა ფეხის წინა კუნთი გავიგლიჯე. სავარაუდოდ, კიდევ ორი კვირა დამჭირდება იმისთვის, რომ ბოლომდე გამოვჯანმრთელდე. ნემსი გავიკეთე და საბოლოო პასუხსაც მეტყვიან, თუ როდის შევძლებ მინდორზე დაბრუნებას. ამ ეტაპზე, სავარაუდო დრო ორი კვირაა.</p><p><strong>- რა ვითარებაში დაშავდით?</strong></p><p>- ვლადივოსტოკში გავფრინდით სათასო მატჩზე, "ლუჩ ენერგიასთან" სათამაშოდ. ტრავმა წინასამატჩო მოთელვისას მივიღე. საწყენია, მაგრამ რას ვიზამთ... სადაც ფეხბურთია, იქვეა ტრავმებიც.</p><p><strong>- თქვენი გუნდისთვის მიმდინარე სეზონი როგორია?</strong></p><p>- ფაქტია, ძალიან ცუდად დავიწყეთ სეზონი. მერე გუნდში მწვრთნელი შეიცვალა. ვადიმ სკრიპჩენკომ თავისი ხედვა და იდეები მოიტანა. თამაში გამოვასწორეთ. თუნდაც ორი მატჩი რომ ავიღოთ, "ზენიტთან" და "სპარტაკთან", რუსული ფეხბურთის გრანდებთან, შეიძლება თამამად ვთქვა, უფრო დავკარგეთ ქულები, ვიდრე მოვიპოვეთ. ორივე შემთხვევაში ვიგებდით და მერე გაგვითანაბრეს. ცოტა დაგვაკლდა გამარჯვებამდე. მეტი ქულის დაგროვება შეიძლებოდა თუნდაც ამ ორ შეხვედრაში.</p><p><strong>- "ანჟის" მიზანი, ალბათ, პრემიერლიგაში ადგილის შენარჩუნება იქნება...</strong></p><p>- კი, ასეა. უმაღლეს ლიგაში ადგილი უნდა შევინარჩუნოთ.</p><p><strong>- და შესწევს გუნდს საამისო ძალა?</strong></p><p>- ჩემი აზრით, ამ შემადგენლობით პრემიერლიგაში უნდა დავრჩეთ და დიდი იმედი მაქვს, გადავჭრით ამ პრობლემას.</p><p><strong>- ახალი მწვრთნელი რას გეუბნებათ?</strong></p><p>- პირდაპირ ვუთხარი - თუ არ გჭირდებით და გუნდში ვერ ხედავთ ჩემს ადგილს, ავდგები და წავალ-მეთქი. მითხრა, რომ ძალიან ვჭირდები ჩემი გამოცდილებით. მაგრამ ხომ გითხარით, ტრავმა მივიღე და ამან შემაფერხა.</p><p>დიდი მოტივაცია მაქვს, რომ დავბრუნდე და სასარგებლო ფეხბურთელი ვიყო გუნდისთვის. მწვრთნელმა ნდობა გამომიცხადა, ეს ფაქტია, ახლა კი ყველაფერი ჩემზეა დამოკიდებული.</p><p><strong>- ზოგადად, რუსულ პრემიერლიგაზე რას იტყვით?</strong></p><p>- აღარ არის ისე, როგორც ადრე იყო - თითქოს, აქ მხოლოდ ძალისმიერი ფეხბურთია და მეტი არაფერი. არიან გუნდები, რომლებიც გამართულ ევროპულ ფეხბურთს თამაშობენ და ეს ნათლად გამოჩნდა ევროთასებზე. ყველა თამაშში ბოლომდე თუ არ დაიხარჯე, ისე არაფერი გამოვა. საკმაოდ მაღალი დონის პირველობაა.</p><p><strong>- "ანჟიში" გიორგი ლორიას მოსვლა ძალიან გაგახარებდათ...</strong></p><p>- რა თქმა უნდა. გიორგიმ ხელის ტრავმა მოიშუშა და, ჩემი აზრით, მალე ძირითადშიც ითამაშებს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
roma
სად მიდიხარ მჭირდები სკამზე შენს მეტი ვინმეს არ ვანდობო.
ჯაბა ძმა
სად მიდიხარ კაცო, იხუმრა არისტოფანემ
"სიმართლე უნდა ვთქვათ... "მეცთან" ბოლო მატჩში მიქაუტაძეზე ეს მომეჩვენა" - "ლიონის" ყოფილი ფეხბურთელი ქართველის გაყიდვაზე
ცნობილი გამოცემების პროგნოზები - მამარდაშვილი სანაკრებო პაუზას შესაძლოა, 1 თვის უთამაშებელი შეხვდეს
ქოჩორაშვილი სასტარტოში იყო - "სპორტინგმა" სახლში "პორტუსთან" წააგო
"დილა" და "გაგრა" სამ-სამი ქულით
ანგისას გოლი 90+5-ე წუთზე - "ნაპოლიმ" "კალიარის" სძლია
საქართველოსთან მარცხის შემდეგ ესპანეთმა ხასიათი გამოისწორა - სკარიოლოს გუნდმა ბოსნია და ჰერცეგოვინა გაანადგურა
"ტულუზასთან" მატჩში პსჟ-ს სასტარტო შემადგენლობა ცნობილია
დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა
ბუდუ შეცვლაზე შევიდა - "ჰაიდენჰაიმი" ისევ დამარცხდა
[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა
ნასერ ალ-ხელაიფი: "ბარსასთან" მატჩს მოუთმენლად ველოდებით
[VIDEO] მიქაუტაძემ "ლიონის" ფანებთან დამშვიდობებისას ცრემლები ვერ შეიკავა
ტრანსფერი ჩაიშალა - ოდიშარია ხიხონის "სპორტინგში" არ გადავა
"ეს ისტორია არავინ იცის. ისეთი რამ გააკეთა, სულ რომ კაცი მოკლას, ვერ გადაფარავს" - სიჭინავამ ქეცბაიაზე საინტერესო ისტორია გაიხსენა
[VIDEO] მარკანენის შოუ ტამპერეში - ლაურიმ დიდ ბრიტანეთს 23 წუთში 43 ქულა ჩაუგდო
მსაჯების შეხვედრა ა ლიგის კაპიტნებსა და ვიცე-კაპიტნებთან
ანტონი "ბეტისში" ბრუნდება - ბრაზილიელი ესპანეთში გაემგზავრა
"ომის დროს, თვეში 3.5 მილიონს რომ იღებ, არ გრცხვენია?!" - უკრაინული კლუბის პრეზიდენტმა შევჩენკო გააკრიტიკა
"მანჩესტერ სიტი" გამოირიცხა? - პსჟ-მ დონარუმას თაობაზე შეთავაზება მიიღო
"მიქაუტაძეს წასვლა არ სურს, არც "ლიონს" სურს მისი გაყიდვა, მაგრამ..." - ვეტერანმა ფრანგმა ფეხბურთელმა ქართველზე ისაუბრა
ბიჭი ბადიაურიდან: რთული ბავშვობა, ბრძოლა გადარჩენისთვის და გზა ვარსკვლავობამდე - "ისეთი ბედნიერი ვარ, რომ ჩემიანებს აღარასოდეს მოუწევთ ლუკმა-პურის საშოვნელად მუშაობა"
კვარაცხელიას პირველი და ბოლო - თურქეთამდე ლეგიონერებზე დეტალურად...
ოფიციალურად: როჯერ ფედერერი მილიარდერი გახდა
ჯაბა ლიპარტია "არსენალში" ჩაირიცხა
გიორგი ლორია "კრილია სოვეტოვში" დაბრუნდა და ახალი კონტრაქტი გააფორმა
ლორია კარიერას კვიპროსულ გუნდში გააგრძელებს
გიორგი ლორია მახაჭყალის "ანჟიში" იჯარით სეზონის ბოლომდე ითამაშებს
რას გვიმზადებენ ქართული კლუბები ევროტურნირებზე? - პოზიტიური დინამიკის გაგრძელება თუ მორიგი წარუმატებლობა?!
"ყოველთვის გვერდით მედგა, როცა კარიერის ყველაზე რთულ პერიოდს გავდიოდი" - მამარდაშვილმა ლორიას მიმართა
გიორგი ლორია კარიერას რუსეთის პრემიერლიგის კლუბში გააგრძელებს
ჯიმი ტაბიძის შეცდომა "უფას" "ანჟისთან" წაგებად დაუჯდა [VIDEO]
ჯაბა ლიპარტია ქუთაისის "ტორპედოში" გადავიდა
ჯაბა ლიპარტია კიევის "არსენალშია" სინჯებზე
Geo Team: გიორგი ლორია სანაკრებო კარიერას ასრულებს
"ზორიას" მწვრთნელი: დამავიწყდა, რომ ჯაბა ლიპარტია ქართველი იყო და შევაგინე
"ტორპედო", კიტეიშვილი, ოლაიტანი... - ყველაზე ძვირად ღირებულები ეროვნულ ლიგაში
სამუელ ეტო'ო: მეგონა, "ანჟი" პსჟ-სავით სუპერკლუბი გახდებოდა და ჩემპიონთა ლიგის მოსაგებად იბრძოლებდა
საქართველოს ნაკრების ამჟამინდელი და ყოფილი ფეხბურთელები უეფას A ლიცენზიის მფლობელები გახდნენ
გიორგი ლორია თბილისის "დინამოში" დაბრუნდა
გიორგი ლორია ტრავმირებულია და შესაძლოა საქართველოს ნაკრებს ვერ დაეხმაროს
"არსენალმა" დავით თარგამაძის და ჯაბა ლიპარტიას გუნდში აყვანა ვერ მოახერხა