”აიაქსის” გაჭიანურებული კრიზისი

კრუიფი თავის სტიქიაში დიდი ხანი არ არის გასული მას შემდეგ, რაც ფეხბურთის ლეგენდა იოჰან კრუიფი “აიაქსში” კონსულტანტის თანამდებობას დათანხმდა. და აი, ხელმძღვანელობასთან პირველი უსიამოვნება უკვე მოუვიდა. მან “აიაქსის” ბოსები ბოლო წლებში კლუბის წარუმატებლობებში დაადანაშაულა.კრუიფმა განაცხადა, რომ ამსტერდამელებს დიდების დაბრუნების შანსი მაშინ მიეცემათ, როცა ახლანდელი უფროსობა კლუბს გაეცლება. ამსტერდამში სწორედ რამდენიმე დღის წინ გაიმართა შეკრება, სადაც დირექტორატის წევრები “აიაქსის” ყოფილ ფეხბურთელებს იოჰან კრუიფს, ვიმ იონკსა და დენის ბერგკამპს შეხვდნენ. კრებაზე უნდა განხილულიყო ის სტრუქტურული ცვლილებები, რაც “აიაქსის” მუშაობას უფრო ეფექტურს გახდიდა. თუმცა მხარეებმა კონსენსუსს ვერ მიაღწიეს. გთავაზობთ შეხვედრის მონაწილეთა კომენტარებს.“აიაქსის” გენერალური დირექტორი პიტერ ვან დენ ბოონგი: “ვცდილობთ, ისეთ ჭკვიან ადამიანებს, იონკი და ბერგკამპი რომ არიან, ყური ვუგდოთ და რჩევები გავითვალისწინოთ, მაგრამ ნამდვილად არ შეგვიძლია მათ ბრმა მიმდევრებად ვიქცეთ, რადგან საბოლოო პასუხისმგებლობის ტვირთი სწორედ ჩვენზეა”.იოჰან კრუიფი: “აიაქსის” ხელმძღვანელობას ძალაუფლებით ტკბობის გარდა არაფერი სჭირდება. მათ ფეხბურთზე წარმოდგენა არ აქვთ და რასაც უნდათ იმას აკეთებენ. დირექტორთა საბჭოს დათხოვნა საკმაოდ ძნელი ამოცანა იქნება, თუმცა შექმნილ მდგომარეობაში ეს ერთადერთი გამოსავალია”.დენის ბერგკამპი: “დიდი სურვილი მაქვს, “აიაქსის” საკეთილდღეოდ ვიშრომო, თუმცა ამჟამად კლუბში ამის საშუალებას არ მაძლევენ და მე ეს ცუდ ხასიათზე მაყენებს”.აქვე მოკლედ მოგახსენებთ იმ ცვლილებებზე, რომელთა დანერგვას კრუიფი მშობლიურ კლუბში აპირებს. “მფრინავი ჰოლანდიელის” მთავარი დასაყრდენი ძალა ამსტერდამში ფრანკ დე ბური, ვინ იონკი და დენის ბერგკამპი უნდა გახდნენ. სწორედ მისი იდეა გახლდათ ახალგაზრდულ საქმეთა კურატორის თანამდებობის გაუქმება და დანი ბლინდის მთავარი მწვრთნელის თანამშემწედ გადაყვანა. ამას მოჰყვა ახალი ტექნიკური სტრატეგიის შემუშავება. კრუიფის აზრით, სწორედ ზემოთ დასახელებულმა ვეტერანებმა უნდა იმუშაონ ცალკეული ხაზის მოთამაშეებთან და აუხსნან მათი პროფესიის ყოველი დეტალი. მას ფეხბურთელთა ტექნიკური არსენალის გამდიდრება სურს და საამისოდ სპეციალური ვარჯიშების შემოღების მომხრეა.ძირფესვიანად უნდა შეიცვალოს სკაუტთა სისტემა. აუცილებელია მეტი ყურადღების დათმობა არა უცხოელი, არამედ საკუთრივ ჰოლანდიელი მოზარდებისადმი. ამაზე პასუხისმგებლობას იონკი და ბერგკამპი აიღებენ საკუთარ თავზე. ამას გარდა, დიდი იოჰანი დაჟინებით მოითხოვს, რომ კლუბმა ბავშვთა სკოლის მოსწავლეებისთვის სპეციალური ავტობუსი გამოყოს, რომელიც უზრუნველყოფს პატარების უსაფრთხო და დროულ გადაადგილებას. ამის ხარჯზე კი მას ვარჯიშების დროის გაზრდა სურს. კრუიფი მოითხოვს იმასაც, რომ პირველი გუნდის მთავარი მწვრთნელი შეიზღუდოს ახალი ფეხბურთელების უცხოეთში შეძენისას, რათა ასაკობრივი გუნდების ფეხბურთელებს მეტი მოტივაცია გაუჩნდეთ ძირითად გუნდში მოსახვედრად. სწორედ ამ პოლიტიკის გამტარებელია “აიაქსის” ახლანდელი თავკაცი ფრანკ დე ბური, რის გამოიც ის კრუიფის განსაკუთრებული სიმპათიებით სარგებლობს.ლევან ბიბილაშვილი

"წარმოგიდგენიათ?" - ბენზემას პსჟ-ზე გაკეთებულმა ამ განცხადებამ "რეალის" ქომაგები გაანაწყენა

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა

ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ