მუდამ ახალი სპარტაკი

გასული სეზონის დამთავრების შემდეგ ცხინვალის `სპარტაკში~ მნიშვნელოვანი ცვლილებები მოხდა: გუნდიდან 15 ფეხბურთელი წავიდა. თუმცა, ერთის მხრივ, ეს ამბავი არც უნდა გაგვკვირვებოდა... გასული სეზონის დამთავრების შემდეგ ცხინვალის `სპარტაკში~ მნიშვნელოვანი ცვლილებები მოხდა: გუნდიდან 15 ფეხბურთელი წავიდა. თუმცა, ერთის მხრივ, ეს ამბავი არც უნდა გაგვკვირვებოდა: მეორე წელიწადია, `სპარტაკის~ შემადგენლობა ყოველ ექვს თვეში ერთხელ იცვლება. თუმცა, ისიც უნდა აღვნიშნოთ, რომ ამ მხრივ ეს გუნდი საქართველოს ჩემპიონატში `გამორჩეული~ არ არის _ რუსთავის `ოლიმპი~ შემადგენლობის ხშირ-ხშირი ცვლით ხომ ნამდვილად უკონკურენტოა...ზურაბ ბათიაშვილი, დაჩი ფოფხაძე, გიორგი კვახაძე, დავით ბაქრაძე, ნოდარ მგალობლიშვილი, გიორგი ჩივაძე, თორნიკე თარხნიშვილი, ირაკლი ჩირიკაშვილი, ლადო ბურდული, პატრიკ მედ ნალო, გიორგი დემეტრაძე, _ თერთმეტკაციანი გუნდია პლუს სათადარიგოებიც (ნონოსი, ზონი, უხურგუნაშვილი, კანდელაკი); ყველა ის ფეხბურთელი ჩამოთვალეთ, `სპარტაკიდან~ ამ ზაფხულის დასაწყისში რომ წავიდნენ და გუნდის მთავარი მწვრთნელის გოჩა ჩიქოვანის უმთავრესი მიზანი მათი სრულფასოვანი შემცვლელების მოძებნა უნდა იყოს. ახალი სეზონისათვის `სპარტაკი~ თბილისში ემზადება და აქამდე ჩატარებულ ორ საკონტროლო შეხვედრას (`ვიტ ჯორჯიასთან~ და `დინამოსთან~) შაბათს კიდევ ერთი სპარინგი `მიემატა~. აღსანიშნავია, რომ `სპარტაკის~ მეტოქე აზერბაიჯანული `თურანი~ იყო, თავის ქვეყნის ჩემპიონატში გასული სეზონი მეცხრე ადგილზე რომ დაასრულა. შეხვედრა `ოლიმპიკის~ სტადიონზე ჩატარდა და მატჩის მე-80 წუთამდე ორივე გუნდმა არაერთი მომენტი გაანიავა. აი, ბოლო ათ წუთში კი ერთდროულად სამი გოლი გავიდა: ანგარიში `სპარტაკმა~ გახსნა, როცა ნიკოლოზ მაისურაძის პასის შემდეგ გიორგი მოდებაძემ ზუსტად დაარტყა; ორ წუთში `თურანმა~ საპასუხო გოლი გაიტანა, თუმცა შეხვედრის დასრულებამდე ორი წუთით ადრე ვალერი ბოლქვაძემ ასისტენტობა ნიკოლოზ მაისურაძეს გაუწია და `სპარტაკის~ ყველაზე სტაჟიანმა წევრმაც მატჩის საბოლოო ანგარიში (2:1) დააფიქსირა. გოჩა ჩიქოვანმა ამ საკონტროლო მატჩში შემდეგი შემადგენლობა გამოიყვანა: გრიშიკაშვილი (გალდავა) _ ფურცელაძე, თავბერიძე, ბოიომი (აქუბარდია), კორსანტია _ შ. კაშია (შ. ფირცხალავა), შონია (ვ. ბოლქვაძე, მგელაძე (ხაჭვანი), სარალიძე (მაისურაძე) _ კბილცეცხლაშვილი (გ. მოდებაძე), კლოვისი (მ. ჯიშკარიანი). აღსანიშნავია, რომ მატჩში მონაწილე 19 ფეხბურთელიდან მხოლოდ ექვსია ისეთი, ვინც წინა სეზონშიც `სპარტაკში~ თამაშობდა: ბოიომო, თეიმურაზ შონია, ნიკა მგელაძე, ნიკოლოზ მაისურაძე, გიორგი კბილცეცხლაშვილი და ტიერი-ანს კლოვისი; ვასილ ფურცელაძე და ერეკლე ხაჭვანი `სპარტაკის~ დუბლებში ასპარეზობდნენ, დანარჩენი კი პოტენციური ახალწვეულები არიან და ზოგ მათგანს, ვფიქრობთ, წარდგენა არც სჭირდება, აი, თუნდაც სოსო გრიშიკაშვილსა და შოთა კაშიას. დანარჩენებზე კი მოკლედ ვისაუბროთ: ახალგაზრდა მეკარე ლუკა გალდავა ბოლოს ფინეთში ასპარეზობდა, ცენტრალურ მცველს გიორგი თავბერიძეს ერთი პერიოდი საქართველოს ახალგაზრდულ ნაკრებში პეტარ შეგრტი იწვევდა ხოლმე (ბოლოს, I.B.შ.U.-ში ასპარეზობდა), მარცხენა მცველს მიხეილ კორსანტიას სერიოზული ტრავმის გამო, ფაქტობრივად, ორი წელიწადი გაუცდა, ლევან სარალიძემ და გიორგი მოდებაძემ წინა ჩემპიონატი თბილისის `ლოკომოტივში~ გაატარეს, შალვა ფირცხალავამ _ `სამტრედიაში~; ჭაბუკი ფორვარდი მიხეილ ჯიშკარიანი ბოლოს `გაგრაში~ ასპარეზობდა, 22 წლის ცენტრალური მცველი მაკარ აქუბარდია _ ზუგდიდის `ბაიაში~. ბოლო ერთი წელიწადი, ფაქტობრივად, უკლუბოდ იყო ვალერი ბოლქვაძე, არადა, ეს ნიჭიერი ახალგაზრდა ნახევარმცველი ჯერ კიდევ თბილისის `დინამოს~ დუბლებიდან გვახსოვს; ბოლქვაძე ამპლუით გამთამაშებელია და ახლა უკვე ბევრი რამ მასზე იქნება დამოკიდებული _ თუ მოახერხა და `სპარტაკის~ მწვრთნელ-ხელმძღვანელებს თავი მოაწონა, მაშინ გოჩა ჩიქოვანის გუნდში გიორგი ჩივაძისა და ირაკლი ჩირიკაშვილის სრულფასოვანი შემცვლელის პრობლემა აღარ უნდა არსებობდეს. დაბოლოს, იმასაც დავამატებთ, რომ მცირე ტრავმის გამო ამ მატჩში არ უთამაშია `სპარტაკის~ ერთ-ერთ გამორჩეულ ფეხბურთელს, 18 წლის ბესიკ დეკანოიძეს.

ბართიშვილს პირადად დააკვირდნენ - "არსენალის" სკაუტი "იბერიას" მატჩზე და ქართველის შესაძლო ტრანსფერის ამბავი

"ტორპედომ" შულაია დაიმატა

ოფიციალურად | ნოდარ ყალიჩავა ბათუმის "დინამოს" ფეხბურთელია

ცნობილი გახდა, როდის ჩადგება ჩაკვეტაძე მწყობრში

"თუ მუნდიალს მოვიგებთ, ტატუდ მის სახეს დავიხატავ" - კუკურელიამ პირობა დადო

"კლუბის ლეგენდად დარჩება" - იკარდი "გალათასარაიდან" წავიდა

"რეალმა" შესაძლოა, კიდევ ერთი უკრაინელი მეკარე დაიმატოს

"იმაზე უკეთესი ყოფილა, ვიდრე მეგონა" - გორდონი მესით აღფრთოვანებულია

"ბორდო" საფრანგეთის მე-6 დივიზიონში დააქვეითეს

ინგლისელები ტუხელს არ გაუშვებენ - გერმანელი მწვრთნელი უკვე ევროპის ჩემპიონატზე ფიქრობს

"კუნძულები ჩვენია" - გამარჯვებულმა არგენტინელებმა მოედანზე ბანერი გაიტანეს

საქართველოს 20-წლამდელთა ნაკრებმა ესტონეთი დაამარცხა

[VIDEO] ფეხბურთის გამარჯვება. არგენტინული საოცრება - მესის გუნდმა ინგლისურ "ავტობუსს" თამაში შემოუტრიალა და ფინალში გავიდა!

სალაჰი შეიძლება პრემიერლიგიდან არ წავიდეს

მამარდაშვილმა ირაოლასთან ვარჯიში დაიწყო - წავა ალისონი "ლივერპულიდან"?

"საფრანგეთი სრულად უკანალშია - ბედნიერები ვართ" - UFC-ის მებრძოლი

სატონი: ესპანეთმა საფრანგეთს სკალპი გააძრო

"წინ, არგენტინა მეკობრე - უზურპატორი ინგლისელების წინაღმდეგ!" - ქვეყნის ვიცე-პრეზიდენტი

პსჟ-ის რიგებს სავარაუდოდ, გუნდის 18 წლის შემტევი დატოვებს

ბრილიანტებიანი სამკაული - იამალმა თავის თავს საკმაოდ ძვირადღირებული საჩუქარი გაუკეთა

"ოჯახში 7 წლის განმავლობაში ჩემი ხელფასიდან 1 პენი არ დაგვიხარჯავს, ბონუსებით ვცხოვრობდით" - ოსკარმა ჩინეთში გამომუშავებულ მილიონებზე ისაუბრა

საფრანგეთის ნაკრებს მუნდიალის შემდეგ ზინედინ ზიდანი ჩაიბარებს

ოფიციალურად: ტილემანსი "მანჩესტერ იუნაიტედის" ფეხბურთელია