<p>ეროვნული ლიგა. XXX ტური <br> ახალგაზრდულ ჩემპიონთა ლიგაში "საბურთალოს" 19-წლამდელთა გუნდის თამაშმა მთავარ გუნდზეც მოახდინა გავლენა - წინა დღეს თურქების წინააღმდეგ <strong>ნიკა მალმა</strong>, <strong>ლუკა ლაკვეხელიანმა</strong> და <strong>გიორგი კოხრეიძემ</strong> ითამაშეს და ცხადია, ისინი ძირითადში არ იყვნენ. თუმცა, <strong>გიორგი ჭიაბრიშვილს</strong> ლაკვეხელიანი და კოხრეიძე სათადარიგოებში მაინც ჰყავდა...</p><p>საკადრო პრობლემებს ვერც "ლოკომოტივი" გაექცა. ტრავმირებულების გარდა, გუნდს დისკვალიფიცირებული <strong>გეგა დიასამიძე</strong> და <strong>დავით სამურკასოვიც</strong> დააკლდნენ, რომლებიც საკვანძო მოთამაშეები არიან. ამის გამო მასპინძლებს თადარიგში მხოლოდ ორი შემტევი ჰყავდათ და ორივე - გამოუცდელი.</p><p>"ლოკომოტივმა" თამაში აქტიურად დაიწყო, რადგან წინა 3 შეხვედრა გუშინდელ მეტოქესთან წააგო - <strong>გიორგი დევდარიანისა</strong> და მისი გუნდისთვის ამ შეხვედრის მოგება, უბრალოდ, პრინციპის საქმე იყო. განსაკუთრებით მწარედ მათ ბოლო შეხვედრა დაამახსოვრდებოდათ, რომელიც 0:6 წააგეს და ბუნებრივია, რევანშისთვის ემზადებოდნენ.</p><p>ალბათ, წინასამატჩო სტრატეგიის დამუშავებისას ამ ფაქტორს "საბურთალოც" ითვალისწინებდა, მეტოქეს ფრთხილად ეთამაშებოდა და ძირითადად კონტრშეტევებს უპირისპირებდა.</p><p>საწყისი 20 წუთი ასე წარიმართა - "ლოკომოტივი" უფრო აქტიური იყო და მეტოქის შებოჭვას მაღალი პრესინგით ცდილობდა. მაგრამ საბურთალოელებმა ნელ-ნელა შეტევები შეაჩერეს და თამაში გაათანაბრეს.</p><p>თუმცა ტაიმის შუაწელში "ლოკომოტივი" და, განსაკუთრებით, <strong>ვატო არველაძე</strong> ისევ გააქტიურდნენ. ახალგაზრდა თავდამსხმელმა მწვავედ შეუტია და ბოლოს პენალტიც მოიპოვა. ჯარიმით <strong>ირაკლი სიხარულიძემ</strong> ისარგებლა და ეროვნულ ლიგაში 24-ე გოლი გაიტანა, "საბურთალოს" კარი კი წლეულს პირველად აიღო.</p><p>კარგია, რომ <strong>ლაშა გვალია</strong> ფორმაში შედის. ის 22 წლის იყო, გორის "დილაში" ჩატარებული მშვენიერი ევროსეზონის შემდეგ რუსული პრემიერლიგის "ურალთან" ერთწლიანი კონტრაქტი რომ გააფორმა. მაგრამ სამუშაო ვიზა არ მისცეს, ფორმიდან ამოვარდა და მერე კონდიციები ვერა და ვერ აღიდგინა. დევდარიანმა კი მას ამის შანსი მისცა და აგერ, "ლოკომოტივის" ძირითადში ადგილიც დაიმკვიდრა...</p><p>საბურთალოელებმა "ბრჭყალები" მხოლოდ ტაიმის ბოლოს გამოაჩინეს და წონასწორობა აღადგინეს. საერთოდ, თამაში ძალიან სწრაფ ტემპში მიმდინარეობდა, ბურთი მოედნის ცენტრში არ ჩერდებოდა. თუმცა მეორე ტაიმში თამაში გაუფერულდა. ორივე გუნდი ბევრს ეცადა, იბრძოდა, მაგრამ ის მუხტი გაქრა, რაც პირველ ტაიმში იყო და მომენტებიც ძალიან იშვიათად იქმნებოდა.</p><p>საბოლოოდ, შეხვედრა ფრედ დასრულდა, რაც ლოგიკური იყო. ასე რომ, "ლოკომოტივს" რევანში არ გამოუვიდა.</p><p><span style="color: #3366ff;"><strong>მატჩის სტენოგრამა</strong></span></p><p>5" - ქავთარაძე საჯარიმოს მიუახლოვდა და კარში დაარტყა - კუპატაძემ ბურთი დაამიწა.</p><p>12" - ლაშა გვალიას უძლიერესი დარტყმა და "საბურთალო" კუპატაძის ნახტომმა გადაარჩინა.</p><p>26" - შინდაგორიძის გადაცემა არველაძემ ჩაჭრა, საჯარიმოში ცნობილაძეს გასცდა და რომ არა მცველ მარგველაშვილის თავგანწირული თამაში, "საბურთალო" გოლს ვერ გადაურჩებოდა.</p><p>27" - გოლი! მამუჩაშვილმა საჯარიმოში არველაძე მოცელა და არბიტრმა დანიშნა პენალტი, რომელიც სიხარულიძემ ზუსტად შეასრულა - 1:0.</p><p>34" - რეხვიაშვილის ჯარიმა "ცოცხალ კედელს" მოხვდა და ტრაექტორიაშეცვლილი კარის წინ, მამუკა კობახიძესთან აღმოჩნდა, ამ უკანასკნელის დარტყმული კი ძელს მოხვდა.</p><p>38" - შინდაგორიძემ ბურთი კარის წინ ჩააწოდა, სადაც ვოლკოვმა თავით სცადა გატანა. ბურთი მცველს მოხვდა და კუთხურზე გადავიდა.</p><p>38" - შეტევა გაგრძელდა და კუთხურის შემდეგ თავურით კარს უკვე მარგველაშვილი დაემუქრა. მან მიზანს ოდნავ ააცილა და მასპინძლები გადარჩნენ.</p><p>41" - გოლი! შინდაგორიძემ საჯარიმოში ორი მცველი ჩამოიცილა და მეკარეს ახლო კუთხეში გაუტანა - 1:1.</p><p>56" - შინდაგორიძის ფლანგური გადაცემა მცველმა ცუდად მოიგერია და კარის წინ უმეთვალყურეოდ დარჩენილმა ხარაიშვილმა თავური დაარტყა, მაგრამ ქურდაძემ საიმედოდ ითამაშა.</p><p>84" - ქურდაძე კარიდან გამოვარდა, ვოლკოვს შეეჯახა და... თამაში 4 წუთით შეწყდა...</p><p>90+6" - შეტევაში "საბურთალოს" მეკარე კუპატაძემ ჯარიმა მოედნის ცენტრიდან შეასრულა - ბურთი "ცხრიანისკენ" წავიდა და ქურდაძემ თავისიანები გადაარჩინა.</p><p><span style="text-decoration: underline;">19.10. თბილისი. მიხეილ მესხი (სათ)</span></p><p><em><strong>ლოკომოტივი-საბურთალო 1:1</strong></em></p><p>1:0 სიხარულიძე (28-პენ), 1:1 შინდაგორიძე (41)</p><p>ლოკომოტივი (4-3-3): ბ. ქურდაძე - გაბაძე (71. ჩიტეიშვილი), კობახიძე, რეხვიაშვილი, უბილავა - ნ. ჭანტურია, გვალია, ანდრონიკაშვილი (79. ვარძელაშვილი) - ნ. ქავთარაძე, სიხარულიძე, არველაძე (60. გაბრიჭიძე).</p><p>სათადარიგოები: რ. თევდორაძე, ხიდეშელი, ლ. ქურდაძე</p><p>მწვრთნელი: გიორგი დევდარიანი</p><p>საბურთალო (4-2-3-1): კუპატაძე - იაშვილი, მარგველაშვილი, ცნობილაძე, ნადარაია (60. თედ. გრიგალაშვილი) - მამუჩაშვილი (68. ბიძინაშვილი), თარხნიშვილი - შინდაგორიძე, ხარაიშვილი, ვოლკოვი - მუიეცი (63. კოხრეიძე).</p><p>სათადარიგოები: გოშაძე, ლაკვეხელიანი, იმნაძე, ტერა</p><p>მწვრთნელი: გიორგი ჭიაბრიშვილი</p><p>გაფრთხილებები: ცნობილაძე (35), ნ. ქავთარაძე (69), თარხნიშვილი (73), ჭანტურია (90+6)</p><p>არბიტრი: ბ. ნინუა</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
ეროვნული ლიგა. XV ტური: ლოკომოტივი - დინამო თბ [LIVE]
თბილისის "ლოკომოტივმა" ექვსი ზამბიელი ფეხბურთელი დაიმატა
ეროვნული ლიგა. XXX ტური. "ტორპედო" - "საბურთალო" [LIVE]
ეროვნული ლიგა. X ტური. "თელავი" - "ლოკომოტივი" [LIVE]
ევროტურნირების წინ, "საბურთალო" მთავარმა მწვრთნელმა დატოვა
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ორი 11:0 ქართული კლუბების მონაწილეობით - მოსამზადებელი ეტაპი
ეროვნული ლიგა. XII ტური. "გაგრა" - "ლოკომოტივი" [LIVE]
ეროვნული ლიგა. XXVIII ტური. "ლოკომოტივი" - "საბურთალო" [LIVE]
ეროვნული ლიგა. XIII ტური. "ლოკომოტივი" - "ტორპედო" [LIVE]
ეროვნული ლიგა. XXXIII ტური. "ლოკომოტივი" - "დინამო" თბ [LIVE]
"ლოკომოტივიდან" ფეხბურთელები მიდიან - 3 ახალწვეული "საბურთალოში"