- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ტორპედო-ლოკომოტივი - მხოლოდ ქომაგები აკლდა [VIDEO]
![ტორპედო-ლოკომოტივი - მხოლოდ ქომაგები აკლდა [VIDEO]](images/new_photo/01/2017/QARTULI/SOCCER/CLUB/TORPEDO/MATCHES/torpedo-loko-435346.jpg)
<p>ეროვნული ლიგა. XXXI ტური <br> ამ გუნდებს შორის მესამე წრის მატჩში მომხდარი ინციდენტის გამო "ტორპედო"-"ლოკომოტივის" დაპირისპირებამ "რამაზ შენგელიაზე" უმაყურებლოდ, თითქმის ცარიელი ტრიბუნების ფონზე ჩაიარა.</p><p>არადა, გუნდებმა ისეთი თამაში გააჩაღეს, საცოდაობა იყო, შეხვედრას გულშემატკივრები რომ ვერ ესწრებოდნენ. შეხვედრა მართლაც შესანიშნავი გამოდგა - ორმხრივი შეტევებით, ლამაზი გოლებით და დრამატული სცენარით. "ტორპედო" საჩემპიონო "რბოლაშია" ჩაბმული და ამ მატჩის მოსაგებად დიდი მოტივაცია ჰქონდა.</p><p><strong>კახა ჩხეტიანის</strong> გუნდი წყვილის ფავორიტადაც მიიჩნეოდა, მით უმეტეს, როცა "ლოკომოტივს" ტრავმებისა და დისკვალიფიკაციის გამო 9 ფეხბურთელი აკლდა.</p><p>დანაკლისი ჰქონდა "ტორპედოსაც", ქუთაისელებს <strong>ლევან კუტალია</strong> არ ჰყავდათ. ამას <strong>ლაშა კუჭუხიძის</strong> ტრავმაც თან დაერთო, რომელმაც ნაადრევად დატოვა მოედანი...</p><p>კახა ჩხეტიანმა მეტოქეს შემტევი ტაქტიკა შესთავაზა. "ტორპედოს" ჩემპიონატში ერთ-ერთი საუკეთესო ფლანგელები ჰყავს და ქუთაისელები ამ კოზირის გამოყენებას ცდილობდნენ.</p><p><strong>გრიგოლ დოლიძე</strong> და <strong>გიორგი ქიმაძე</strong> დიდ დროს ატარებდნენ შეტევაში, თავდასხმაში კი ძალზე აქტიური იყო <strong>თორნიკე კაპანაძე</strong>, რომელმაც ბრწყინვალე შეხვედრა ჩაატარა და დუბლთან ერთად ერთი საგოლე გადაცემაც მიითვალა. თუმცა, თავიდან ქუთაისელები სულაც არ იყვნენ სახარბიელო მდგომარეობაში.</p><p><strong>გიორგი დევდარიანი</strong> რიონისპირელთა ტაქტიკას მომზადებული შეხვდა. თბილისელები კომბინირებული თამაშის, მოკლე გადაცემებისა და სისწრაფის ხარჯზე დიდ პრობლემებს უქმნიდნენ მასპინძლებს, რომლებიც შეტევიდან დაცვაში გადაწყობას ვერ ასწრებდნენ.</p><p>პირველი ტაიმი მასპინძლებმა აშკარად ჩააგდეს, თბილისელებს კონტრშეტევებისას დიდი სივრცეები რჩებოდათ და ამით სარგებლობდნენ კიდეც. სტუმრები მარტივი კომბინაციით დაწინაურდნენ, როცა <strong>ირაკლი სიხარულიძემ</strong> <strong>გიორგი გოროზიას</strong> გადაცემა გამოიყენა და "ლოკომოტივი" სწრაფი გოლით დააწინაურა.</p><p>მატჩის პირველ ნახევარში "ტორპედო" ბევრს სცოდავდა და თბილისელებს ანგარიშის გაზრდაც შეეძლოთ, თუმცა არ გაუმართლათ. დაცვასთან შედარებით უკეთესად გამოიყურებოდნენ ქუთაისელი შემტევები, რამდენჯერმე ახლოსაც იყვნენ მიზანთან, მაგრამ მოწოდების სიმაღლეზე იყო სტუმართა მეკარე <strong>რევაზ თევდორაძე</strong>.</p><p>მეორე ტაიმი მასპინძლებმა დიდი შემართებით დაიწყეს და ანგარიში მალევე გაათანაბრეს, მაგრამ ცოტა ხანში "ლოკომოტივი" გოროზიამ დააწინაურა, როცა კიდევ ერთხელ ჩავარდა ქუთაისელთა დაცვა და მოწოდების სიმაღლეზე მეკარეც ვერ აღმოჩნდა.</p><p>მდგომარეობის გამოსასწორებლად ჩხეტიანმა მოედანზე ჯერ <strong>ოლეგ მამასახლისს</strong> უხმო, რომელსაც ცენტრის დალაგება დაევალა, შემდეგ კი მინდორზე ვეტერანი <strong>შოთა ბაბუნაშვილი</strong> გაიყვანა და, რომ იტყვიან, "ათიანშიც" მოარტყა. სწორედ ბაბუნაშვილის გამოსვლა გახდა გარდამტეხი. ქუთაისელთა ვეტერანმა თამაშში ჩართვიდან სამიოდე წუთში შესანიშნავად შეასრულა საჯარიმო დარტყმა და ანგარიში გაათანაბრა, შემდეგ კი რამდენჯერმე დაემუქრა თევდორაძის კარს.</p><p>მისი სულისკვეთება თანაგუნდელებსაც გადაედო, "ტორპედო" შესანიშნავად ათამაშდა. "ლოკომოტივს" კი წამყვანი ფეხბურთელების არყოფნა ბოლოსკენ დაეტყო. "ტორპედომ" შეტევები გააძლიერა და კაპანაძის დუბლით წინ გავიდა. მსაჯის მიერ დამატებულ მე-4 წუთზე "ელვას" პასით კუხიანიძემ საბოლოო ანგარიში დააფიქსირა. ტორპედოელებმა მოგება ტაბლოს მხარეს მდებარე ტრიბუნასთან აღნიშნეს, რომლის მეორე მხარიდან ქუთაისელი გულშემატკივრების ყიჟინა ისმოდა...</p><p><span style="color: #3366ff;"><strong>მატჩის სტენოგრამა</p><p></strong></span>2" - გრიგოლ დოლიძის ფლანგურ გარღვევას თორნიკე კაპანაძის მისამართით გამჭოლი გადაცემა მოჰყვა, თუმცა ბურთი მამუკა კობახიძემ ჩაჭრა და მდგომარეობა განმუხტა.</p><p>3" - გიორგი გოროზიამ ჯარიმიდან საჯარიმოში ჩაჰკიდა ბურთი, სადაც ყველას ლევან ქურდაძემ დაასწრო და თავური დარტყმით სცადა გატანა, მაგრამ ოდნავ ააცილა.</p><p>9" - გოლი! ქუთაისელთა დაცვა ჩავარდა, გიორგი გოროზიას გადაცემას ირაკლი სიხარულიძემ თავი წაჰკრა და სტუმრები დააწინაურა - 0:1.</p><p>13" - "ლოკომოტივის" მცველები შეცდნენ, ბურთი თორნიკე კაპანაძემ მოიხელთა, ერთი მცველი ჩამოიცილა და ახლო მანძილიდან კარში დაარტყა, მაგრამ ბურთს რევაზ თევდორაძე გადაეღობა და საკუთარი გუნდი გოლისგან იხსნა.</p><p>27" - გოროზიას ძლიერი დარტყმა მცველს მოხვდა და კარისკენ რიკოშეტით წავიდა. ქუთაისელთა საბედნიეროდ, ბურთი ხარიხას გადასცდა.</p><p>30" - დოლიძის კარგი გადაცემის შემდეგ მათე კვირკვია კარში ახლოდან თავით ურტყამდა, მაგრამ კვლავ შესანიშნავად ითამაშა მეკარე თევდორაძემ, რომელმაც საკუთარი გუნდი აშკარა გოლისგან იხსნა.</p><p>43" - როინ კვასხვაძე შეცდა და მოგერიების ნაცვლად ბურთი ნოდარ ქავთარაძეს მოარტყა, მისგან რიკოშეტით კი ბურთი კარს მცირედით ასცდა და მასპინძლები კიდევ ერთხელ გადაურჩნენ გოლს.</p><p>45" - ქუთაისელებმა მოედნის ცენტრში შეცდომა დაუშვეს, "ტორპედოს" დაცვაც ჩავარდა, რასაც სიხარულიძის ძალზე სახიფათო დარტყმა მოჰყვა, თუმცა ბურთი სანტიმეტრებით ასცდა კარს.</p><p>46" - საჯარიმოს გარედან გიორგი კუხიანიძის სახიფათო დარტყმა თევდორაძემ ნახტომში მოიგერია.</p><p>47" - გოლი! დოლიძის კუთხურს კაპანაძემ ზუსტი თავური დარტყმა მიაყოლა და ანგარიში გაათანაბრა - 1:1.</p><p>56" - მოედნის ცენტრში ფალავანდიშვილმა დაკარგა ბურთი, რასაც სტუმართა სწრაფი შეტევა მოჰყვა. სიხარულიძემ კარგი კომბინაცია გაითამაშა გოროზიასთან, რომელმაც მარჯვენა მახვილი კუთხიდან ერთი შეხებით დაარტყა და სტუმრები კვლავ წინ გაიყვანა - 1:2.</p><p>57" - ქუთაისელი მცველების კიდევ ერთ მიუტევებელ შეცდომას ახლო მანძილიდან სიხარულიძის დარტყმა მოჰყვა, მაგრამ ჩემპიონატის ბომბარდირმა ბურთი მეკარეს "დაუმიზნა".</p><p>73" - გოლი! შოთა ბაბუნაშვილის შესანიშნავი საჯარიმო დარტყმა დაახლოებით 30 მეტრიდან და ანგარიში გათანაბრდა - 2:2.</p><p>78" - თევდორაძემ ჯერ ბაბუნაშვილის დარტყმა მოიგერია ნახტომში, შემდეგ კი კაპანაძეს აუღო, რომელიც დამატებაზე ურტყამდა.</p><p>85" - გოლი! ქიმაძის გადაცემა მარცხენა ფლანგიდან, კაპანაძემ დასწრებაზე ითამაშა და ახლო მანძილიდან სტუმრებს შანსი არ დაუტოვა - 3:2.</p><p>90+4" - გოლი! ქუთაისელთა სწრაფი კონტრშეტევა, კაპანაძის გადაცემა გიორგი კუხიანიძემ უზუსტესი დარტყმით დაასრულა - 4:2.</p><p><span style="text-decoration: underline;">23.10. ქუთაისი. რამაზ შენგელია</span></p><p><strong>ტორპედო-ლოკომოტივი 4:2</strong></p><p>0:1 სიხარულიძე (9. გოროზიას პასით), 1:1 კაპანაძე (47. დოლიძის პასით), 1:2 გოროზია (56. სიხარულიძის პასით), 2:2 ბაბუნაშვილი (73), 3:2 კაპანაძე (85. ქიმაძის პასით), 4:2 კუხიანიძე (90+4. კაპანაძის პასით)</p><p>ტორპედო (4-4-2): კვასხვაძე - ტაბატაძე, ხურცილავა, გურული, ქიმაძე - დოლიძე, ფალავანდიშვილი, კუხიანიძე, კვირკვია (69. ბაბუნაშვილი) - კაპანაძე, კუჭუხიძე (17. ბერიაშვილი/60. მამასახლისი)</p><p>სათადარიგოები: ქვილითაია, ჭიჭინაძე, კორობკა, გიგაური</p><p>მწვრთნელი: კახა ჩხეტიანი</p><p>ლოკომოტივი (4-3-2-1): თევდორაძე - კობახიძე, ხიდეშელი, უბილავა, გაბაძე (61. ჩიტეიშვილი) - გვალია, ლ. ქურდაძე, ანდრონიკაშვილი (53. ვარძელაშვილი) - ქავთარაძე, გოროზია (79. გაბრიჩიძე) - სიხარულიძე.</p><p>სათადარიგოები: შეროზია, კიკაბიძე, შეწირული</p><p>გაფრთხილება: გოროზია (45)</p><p>არბიტრი: ჯ. ხორავა</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
zurikela
150 კაცი მაინც ესწრებოდა თამაშს და რას უძახით მაყურებლის გარეშეო.
VIDEO | ეროვნული ლიგა | დინამო (ბთ) 2-1 მეშახტე. პირველად, 2025 წლის აპრილის შემდეგ...
VIDEO | ეროვნული ლიგა | დინამო (თბ) 2-0 იბერია 1999. ტრანსფორმირებული "დინამო" და ახალი კვარაცხელია
VIDEO | ეროვნული ლიგა | გაგრა 1-1 რუსთავი. 23-ე მონაწილე...
Rousing The Kop: "ლივერპულს", შესაძლოა, მამარდაშვილის დაკარგვასთან შეგუება მოუწიოს, ვიდრე ის ისეთი პრობლემა არ გახდება, რომელსაც ვერ მოაგვარებენ
განაწყენებული ბარკოლა სასტარტოში - ითამაშებს კვარაცხელია "პარიზთან"?
სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება
გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა
20 წ. | საერთაშორისო სერიისთვის 30 მოთამაშე შეირჩა
ოფიციალური შეთავაზება მზადაა - ალისონი "იუვენტუსს" სულ უფრო უახლოვდება
ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა
"აიაქსს" მომავალი სეზონიდან ახალი მწვრთნელი ეყოლება
ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს
ზედიზედ მეოთხედ - ვახტანგ ახობაძე ევროპის ჩემპიონია
VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი
"ასტონ ვილა" - "ლივერპული". გუნდების შემადგენლობები ცნობილია
თბილისის 7-კაცას "ლოკომოტივის ბაზა" უმასპინძლებს
ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს
"ბაიერი" მწვრთნელს გადააყენებს
ქართველი მსაჯები საბერძნეთის სუპერლიგის ბოლო ტურის მატჩს განსჯიან
ზურიკო წინ, დღეს ბუდუს ამბავი და პსჟ-ის ბოლო ტური
"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა
მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ
"ნიუკასლის" შემტევმა "ბაიერნთან" პირადი კონტრაქტი შეათანხმა
[VIDEO] "რამდენიმე ფეხბურთელს ვესაუბრებით" - "ტორპედოს" მწვრთნელმა შესაძლო ტრანსფერებზე ისაუბრა და შეკრება შეაფასა
"ტორპედო" ფულის საჭრელი მანქანა არაა და მალე ამას ყველა გაიგებთ!" - ქუთაისელთა ფანების პროტესტი
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
თბილისის "ლოკომოტივმა" ექვსი ზამბიელი ფეხბურთელი დაიმატა
ეროვნული ლიგა. XV ტური: ლოკომოტივი - დინამო თბ [LIVE]
ყველაზე ძვირადღირებული და ტიტულოვანი - საბა კვირკველია ყირგიზეთის ჩემპიონატში ითამაშებს
ეროვნული ლიგა. X ტური. "თელავი" - "ლოკომოტივი" [LIVE]
"ტორპედოში" 2 მატებაა - კლუბი დღეიდან მზადებას კვიპროსში განაგრძობს
ეროვნული ლიგა. XII ტური. "გაგრა" - "ლოკომოტივი" [LIVE]
ეროვნული ლიგა. XIII ტური. "ლოკომოტივი" - "ტორპედო" [LIVE]
ეროვნული ლიგა. XXXIII ტური. "ლოკომოტივი" - "დინამო" თბ [LIVE]
"ტორპედომ" კიევის "დინამოს" აღზრდილი ფეხბურთელი დაიმატა