ჩვენმა 17-წლამდელებმა მონტენეგრო დაამარცხეს და შემდეგი ეტაპის საგზური მოიპოვეს [VIDEO]

ჩვენმა 17-წლამდელებმა მონტენეგრო დაამარცხეს და შემდეგი ეტაპის საგზური მოიპოვეს [VIDEO] საქართველოს 17-წლამდელთა ნაკრებმა 27 ოქტომბერს ევროპის ჩემპიონატის შესარჩევი ციკლის მეორე ტურში მიხეილ მესხის სახელობის სტადიონზე მონტენეგროს უმასპინძლა, გააზრებული ფეხბურთი ითამაშა და 2:0 გაიმარჯვა.ჩვენი გუნდი თავიდანვე დაეუფლა ტერიტორიულ და სათამაშო უპირატესობას და მეტოქის კარზე იერიშების მიტანაც დაიწყო. სახიფათო მომენტებიც მრავლად შექმნა: გულიაშვილმა თავით ააცილა ბურთი კარს, შალიკაშვილის შორიდან დარტყმული ბურთი ძელს მოხვდა, შემდეგ გულიაშვილმა და კვარაცხელიამ ვერ მოახერხეს გოლის გატანა და ამდენი ცდის მერე როგორც იქნა, ანგარიშიც გაიხსნა. გაიხსნა მეტად ლამაზი კომბინაცის შედეგად. მარჯვენა ფლანგიდან გაჭრილმა კაპანაძემ გადაცემა გულიაშვილს გაუკეთა, მან ბურთი კოხტად დაუგდო დავითაშვილს და ამ უკანასკნელმა სლავთა მეკარის ცხრიანი დალაშქრა.ჩერნოგორიელებს სულ უფრო უჭირდათ ქართველების შეტევების მოგერიება, უხეშობდნენ, 31-ე წუთზე გულიაშვილის შეჩერება ოსმანოვიჩმა მხოლოდ წესების დარღვევით მოახერხა, მეორე ყვითელი ბარათი მიიღო და სტუმართა გუნდი რიცხობრივ უმცირესობაში დარჩა.სტუმრებს ისედაც უჭირდათ ქართველებთან ტოლ-სწორად პაექრობა, კაცნაკლულად დარჩენილები გამოუვალ მდგომარეობაში აღმოჩნდნენ, 46-ე წუთზე კვარაცხელიამ კოხტა გოლი გაუტანა რადულოვიჩს, 2:0 და შეხვედრის ბედიც გადაწყდა.დარჩენილ დროში გიორგი ნემსაძის შეგირდები პრაქტიკულად გაისარჯნენ, თამაში ლოგიკურ დასასრულამდე მიიყვანეს და მორიგი 3 ქულა და შემდეგი ეტაპის საგზური მოიპოვეს.საქართველო: ხარშილაძე, კაპანაძე, გელაშვილი, ნონიკაშვილი, აზაროვი, კვარაცხელია, გულიაშვილი (73. გაგუა), დავითაშვილი (80. მოისწრაფიშვილი), აბზიანიძე (65. ლორთქიფანიძე), მექვაბიშვილი, შალიკაშვილიმონტენეგრო: რადულოვიჩი, პუპოვიჩი, რადენოვიჩი, მილიკიჩი, ოსმანოვიჩი, ვუკჩევიჩი (76. სიმუნი), ბოჟოვიჩი (65. მიკიჩი), დრინჩიჩი, ვუკჩევიჩი, გასევიჩი (41. მაზუროვიჩი), დინოსაგოლები: დავითაშვილი, 28 (1:0), კვარაცხელია, 46 (2:0)გაფრთხილება: ოსმანოვიჩი (18), მილიკიჩი (21), რადენოვიჩი (27), დავითაშვილი (28), ოსმანოვიჩი (31), აბზიანიძე (62)გაძევება: ოსმანოვიჩი, 31დღესვე დავით პეტრიაშვილის სახელობის სტადიონზე იტალიის ნაკრებმა ლატვიას 1:0 მოუგო, ისევე როგორც ჩვენს გუნდს 6 ქულა აქვს და მესამე ტურში მათ შორის დაპირისპირებაში გაირკვევა რომელი დაიკავებს პირველს და რომელი მეორე ადგილს.

roma

ყოჩაღ ბიჭები გილოცავთ ამ დიდ წარმატებას, გამარჯვებულის მენტალიტეტი უნდა ჩამოგიყალიბდეთ და როცა დიდ ფეხბურთში მოხვალთ მოგება არ შეგაშინებთ.
სოსო

თამაშის შემდეგ სამი პოსტი დავდე,არც ერთი არ გაუშვეს,ალბათ სხვებზეც ასე იყო.
სოსო

კარგად ვითამაშეთ,ღირსეულად გავიმარჯვეთ და არც ერთი წამით ეჭვვეშ არ დამდგარა ჩვენი უპირატესობა.ვულოცავ ბიჭებს და უკეთეს თამაშს ველი იტალიასთან.ახლა კი ერთი კენჭიც უნდა გადმოვაგდო.გაიხსეNეთ რას ეუბნება ფეოლა თავის მოწაფეებს,ფილმში ფეოლა,რომლებიც მის გარეშე მიემგზავრებიან უცხოეთში სათამაშოდ:თუ მოწინააღმდეგე ფეხბურთელი დაეცა და წამოდგომას ვერ ახერხებს,მიდით,დაეხმარეთ წამოდგომაში და საქართველოში დაჰპატიჟეთ სტუმრად.მატჩის მიმდინარეობისას რამდენიმე ეპიზოდში სწორედ ასე მოიქცნენ ჩერნოგორიელი ფეხბურთელები,ჩვენებს კი ასეთი რამე აზრადაც არ მოსვლიათ.კარგი კი იქნებოდა.ფეოლა ხომ ქართული ფილმია და წესით ნანახიც უნდა ჰქონდეთ,თანაც ტურნირის მასპინძლები ვართ და სტუმარ მასპინძლობაც გვავალდებულებს.კიდევ ერთი თამაშია დარჩენილი და ამის გათვალისწინება იმ თამაშში შეიძლება.ზოგადად კი კეთილშობილება სპორტშიც ძალიან ფასობს და კულტურის დონეზეც მეტყველებს.
სტატუს ქუო

კარგია მოგება.გილოცავთ ყველას.კვარაცხელიას და დავითაშვილის სახით პერსპექტივას ვხედავ...
“”

აი ეს არის ჩვენი გულშემატკივარი . რო წაეგოთ ისეთი ამავი ატყდებოდა ეხლა კი ერთი ორმა თუ დაწერა მისალოცი მესიჯი . გილოცავთ ბიჭებო.
გუჯა კახაძე

გილოცავთ! გააზრებული დაუღალავი შრომა შედეგს ყოველთვის იძლევა. ასე გააგრძელეთ!
kix

ყოჩაღ ბიჭებო, გილოცავთ!ნამდვილად ემჩნეოდა თამაშს, რომ ჩვენები მოსაგებად იყვნენ შემართულები და მიზანსაც მიაღწიეს.ტექნიკური არსენალი არ დაგეწუნებათ და ფიზიკურ მომზადებას რომ კიდევ უფრო მოუმატოთ, დიდ ფეხბურთშიც მრავალ გამარჯვებას ვიზეიმებთ. ზოგადად კი თვალშისაცემი იყო, როგორი გემოვნებიანი და ჭკვიანი მწვრთნელის შეგირდები იყვნენ მინდორზე. მრავალი წარმატება მოგეტანოთ ქვეყნისთვის, გფარავდეთ უფალი!
ბ_-

ხო ვამბობდი გაფრინდებიანო?! -თუ მოინდომებენ სხვებსაც დაამარცხებენ.
misha

ეს იყო ნამდვილიად მაგარი ფეხბურთი, რა ემართებათ რო იზრდებიან??? გილოცავთ ბიჭებო
Dave

წარმომიდგენია ეს თამაში რომ წაეგოთ და ეტაპი ვერ გადაელახათ რა რისხვას დაატეხდნენ ჩასაფრებული ვაი გულშემატკივრები. თუ კრიტიკას და ღვარცოფს არ იშურებთ, ერთი მილოცვაც დაწერეთ :) :) :)
Z.LO

კოხტა(!) ინფორმაცია
Giorgi

ბიჭებო არასოდეს შეწყვიტოთ წინსვლა! გენაცვალეთ!
სოსო

ვულოცავ ყველას დიდი ნაკრების წარმატებებიც მომელოცოს
Dave

ვულოცავ ბიჭებს და ყველა ქართული ფეხბურთის გულშემატკივარს !

"ტორპედომ" ფრანგ შემტევს კონტრაქტი გაუფორმა

"ტორპედო" ევროთასებისთვის ძლიერდება - ლაცაბიძე საქართველოში დაბრუნდა

"ქართულ ფეხბურთში სტაგნაციას ვაფინანსებთ! მომაკვდავი პაციენტი აპარატზე გვყავს შეერთებული!" - გველესიანმა ფონდის ფულზე, ეროვნულ ჩემპიონატზე და გამოსწორების გეგმაზე ისაუბრა

შამანი ჯადოს მოხსნით კეინს დაეხმარა და მსოფლიოს მომავალი ჩემპიონიც დაასახელა

მარინა შალამბერიძემ ნახევარფინალი და საჩემპიონო მატჩი იმსაჯა

"ბარსელონამ" კეინის შესაძენად პირველი ნაბიჯები გადადგა

კვლავ თურქეთში - მარკის რიდის ახალი კლუბი ცნობილია

ეუშტაკიუ: მაროკოს ან ნიდერლანდებს ყველაზე რთული მატჩი ელოდებათ

[VIDEO] პირველი მერვედფინალოსანი ცნობილია - კანადამ სამხრეთ აფრიკას სძლია

[VIDEO] გენერალური რეპეტიცია - საქართველოს ნაკრებმა დაძაბულ მატჩში სტუმრად ლატვია დაამარცხა

7-ქალა თასის ნახევარფინალშია

"ბორჯღალოსნები" | სამხრეთული ტურნესთვის 34 შეირჩა

პირველად ისტორიაში - აფრიკელების დიდი მიღწევა მსოფლიო ჩემპიონატზე

კვლავ ნიდერლანდებში, თუმცა სხვა კლუბში - ვეგჰორსტი "ტვენტეში" გადაბარგდა

ჯგუფიდან ვერგასვლა არ აპატიეს - შოტლანდიამ სტივ კლარკი დაითხოვა

ყოფილ მწვრთნელთან - გრანიტ ჯაკა კარიერას სავარაუდოდ, "ჩელსიში" განაგრძობს

ორი შემტევი გაუშვეს და შევსებაც მალევე მიიღეს - პსჟ 24 წლის ვინგერით ძლიერდება

[VIDEO] თოფურიამ საავადმყოფო დატოვა - როგორ გამოიყურება ქართველი ბრძოლიდან რამდენიმე დღის შემდეგ

[VIDEOS] მესიმ კვლავ გაიტანა, ალჟირმა და ავსტრიამ ფრედ ითამაშეს

[VIDEOS] ვისამ კონგო პლეი-ოფში გაიყვანა - პორტუგალია ხორვატიას დაუპირისპირდება

სასჯელი სირცხვილისათვის - ურუგვაიმ ნაკრები უკან არ წაიყვანა

[VIDEOS] L ჯგუფი: ინგლისი, ხორვატია და განა პლეი-ოფში გავიდნენ

U17. თორნიკე კვარაცხელიამ თურქეთს გაუტანა - საქართველოს ნაკრები მინიმალური ანგარიშით დამარცხდა

U17 | ანდორა 0:1 საქართველო

17-წლამდელები რუმინეთში მიემგზავრებიან - შემადგენლობა და მატჩების განრიგი

17-წლამდე ვაჟთა ნაკრები სან მარინოში მიემგზავრება

U17 | სან მარინო 1:4 საქართველო

U17 | უელსი 2:2 საქართველო - პირველი ადგილი B ლიგის ჯგუფში