<p>მანუჩარ მარკოიშვილის "კანტუმ" გასვლით მატჩში "სისარის" 76:74 აჯობა და სატურნირო ცხრილში მეორე ადგილი გაიმყარა <br> <strong></p><p>სლოვენია</p><p></strong>სლოვენიის ჩემპიონატის მეორე ეტაპის მეორე ტურში "ოლიმპიამ" "ჰელიოსთან" სტუმრად ითამაშა და ფავორიტის სტატუსი გაამართლა - 87:75.</p><p>ამ მატჩში, და საერთოდ, ლეგიონერების მიმოხილვის ხმაურიანი მოვლენა ვლადიმერ ბოისას ეფექტური გარჯა იყო - 4-დან 3 ორქულიანი, 2-დან 1 სამიანი, 7-დან 7 საჯარიმო გამოიყენა და 16 ქულა მოაგროვა. გარდა ამისა, ვოვამ ბურთი 3-ჯერ მოხსნა.</p><p>ბოისას დარად "ოლიმპიას" სასტარტო ხუთეულში ითამაშა გიორგი შერმადინმა და ოქმში ორი კარგი და ერთი ცუდი ხუთიანი ჩაიწერა - 5 ქულა, 5 მოხსნა, 5 ფოლი.</p><p><strong>იტალია</p><p></strong>იტალიის ჩემპიონატში ბოლო ტურამდე მეორე-მესამე ადგილებს ინაწილებდნენ "კანტუ" და "მილანი", თუმცა განვლილ უქმეებზე მილანელებმა წააგეს, ხოლო "კანტუმ" გასვლით მატჩში "სისარის" 76:74 აჯობა და სატურნირო ცხრილში მეორე ადგილი გაიმყარა.</p><p>ამ წარმატებაში დიდი წვლილი მიუძღვის მანუჩარ მარკოიშვილს, რომელმაც მეოთხე პერიოდის შუაში, მაშინ როცა თანაბარი თამაში მიმდინარეობდა, ერთმანეთის მიყოლებით ორი სამქულიანი ჩააგდო. მანუს მონაგარი ასეთი იყო: 10 ქულა (3-დან 2 ორქულიანი, 4-დან 2 სამიანი), 2 პასი და თითო მოხსნა-ჩაჭრა.</p><p>"ბენეტონთან" ტრევიზოში წააგო ვიქტორ სანიკიძის "ვირტუსმა" - 71:79.</p><p>ქართველმა ფორვარდმა 28 წუთში 8 ქულა, 6 მოხსნა, 2 ჩაჭრა და 1 პასი ჩაიწერა.</p><p>მარცხის მიუხედავად "ვირტუსმა" მეოთხე ადგილი შეინარჩუნა, რადგან უახლოესმა მდევარმა, "აველინომ" ბოლოადგილოსან "ტერამოსთან" სტუმრად ოვერტაიმში დათმო - 97:99.</p><p>"აველონოს" განაცხადში იყო მერაბ ბოქოლიშვილი, მაგრამ არ უთამაშია.</p><p>იტალიაში სადებიუტო შეხვედრა ჩაატარა საქართველოს ნაკრების ყოფილმა გამთამაშებელმა შემონდ უილიამსმა. მან 16 წუთში 10 ქულა ჩააგდო. მისმა "მონტეგრანარომ" "ბრინდისი" 96:54 დაამარცხა.</p><p>იტალიის მეორე ლიგაში "რიმინიმ" "იმოლას" 80:70 სძლია. გამარჯვებულთა ქართველმა ფორვარდმა ნიკა მეტრეველმა 2 წუთი ითამაშა.</p><p><strong>ესპანეთი</p><p></strong>ნიკა ცქიტიშვილის "ლაგუნ არომ" სტუმრად "ვალენსიასთან" 75:84 დათმო. სკიტა 6 წუთში 3 ქულასა და 2 მოხსნას გამორჩა.</p><p>ტორინ გრინის "გრან კანარიას" ცოტა დააკლდა მადრიდში "რეალის" დამარცხებამდე - 73:74. საქართველოს ნაკრების უკანახაზელმა 30 წუთი ითამაშა და 9 ქულას 3 მოხსნა და 4 პასი მიამატა.</p><p>ტაირონ ელისმა ბელგიელი ვან როსომის "სარაგოსას" 17 ქულა ჩაუგდო. "ესტუდიანტესმა" კი დიდი სხვაობით გაიმარჯვა - 106:89.</p><p>"ალიკანტესთან" მატჩში "ხუვენტუდის" ფორვარდმა ქუინტონ ჰოსლიმ 19 წუთში 7 ქულა, 3 მოხსნა და 2 პასი გაიფორმა. მისმა გუნდმა "ალიკანტე" დაამარცხა - 75:73.</p><p><strong>ესტონეთი</p><p></strong>ნაყოფიერად იშრომა გიორგი ცინცაძემ. ესტონეთის ჩემპიონატის მორიგ ტურში "რაკვერესთან" მისი მონაგარი ასეთი იყო: 30 წუთი, 9 ქულა, 7 მოხსნა, 5 პასი, 2 ჩაჭრა. ცინცაძის "როკმა" "რაკვერე" გამოკვერა - 88:72.</p><p><strong>ბელგია</p><p></strong>ბელგიის ჩემპიონატის მეორეადგილოსანი "აალსტის" დამარცხების კარგი შანსი ბოლო წუთებზე ხელიდან გაუშვა "პეპინსტერმა" (90:92). თორნიკე შენგელიამ 23 წუთში 8 ქულა და 3 მოხსნა შეასრულა.</p><p>.</p>
მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში
ბითაძის დაცვითი სამუშაო და "ორლანდოს" ზედიზედ მეორე მოგება იუტაში
შერმადინის 13 ქულა და "ტენერიფეს" გამარჯვება შიაულიაიში
"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო
დამწვარი დარბაზიდან - ტანვარჯიშის კლუბამდე
"ლანსმა" ჩემპიონთა ლიგაზე 1:9 მარცხის შემდეგ, კიდევ ერთი შეხვედრა წააგო და მწვრთნელი ამის შემდეგ გაათავისუფლა
"ახლა ყველანი ციხეში არიან" - UFC-ის პრეზიდენტმა აბუ-დაბიში მომხდარ დაპირისპირებაზე ისაუბრა
[VIDEO] დონარუმას შეცდომის და გამოუყენებელი პენალტის მიუხედავად, იტალიამ საფრანგეთს თამაში შემოუტრიალა და გალიდერდა
მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში
ბითაძის დაცვითი სამუშაო და "ორლანდოს" ზედიზედ მეორე მოგება იუტაში
სავარაუდო შემადგენლობა უნგრეთთან - სად გვაქვს პრობლემები...
შერმადინის 13 ქულა და "ტენერიფეს" გამარჯვება შიაულიაიში
დე ბრუინი "ნაპოლის" დატოვებას აპირებს
მარკის რიდის "ბაჰჩეშეჰირის" უძლიერესი თამაში და იოლი გამარჯვება ევროთასზე
მაურიდეს როკე ჯუნიორს ფინეთში წარმატებული ოპერაცია ჩაუტარდა
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
"ეს წინასწარ დაგეგმილი თავდასხმა იყო" - ნინა დრამამ მერაბ დვალიშვილს მხარდაჭერა გამოუცხადა
"ამაზე ძალიან ვღელავთ" - სტეფ კარი ტრავმირებულია
"ნეტა მანდ ვყოფილიყავი" - ლაშა ბექაური მერაბ დვალიშვილზე თავდასხმას გამოეხმაურა
"რატომ დუმდით მაშინ, როცა მერაბმა დაღესტნელ მოჭიდავეს უმიზეზოდ დაარტყა?" - ისლამ მახაჩევმა უსმან ნურმაგომედოვი დაიცვა
"ჩამოიყვანეთ და "ფერარებით" "აკატავეთ", თავი სახლში აგრძნობინეთ" - რატი ანდრონიკაშვილი მერაბ დვალიშვილზე თავდასხმას გამოეხმაურა
შეკრების მესამე დღე | ნაკრებმა 23 ფეხბურთელით ივარჯიშა
"კვერნაძემ შეიძლება "ფროზინონე" ნაახალწლევს დატოვოს" - ჟურნალისტი მიზეზს განმარტავს