- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მიუნხენი დიდი ცვლილებების მოლოდინში
<p>კლოზეს რიგი დაუდგა, კოენტრაუს თაობაზე მოლაპარაკებები მიმდინარეობს, ბუტი კი კარიერას ამთავრებს და ბაიერნს ნოიერის ყიდვას ურჩევს</p><p><br></p><p>მიუნხენის „ბაიერნში“ ძალიან ბევრი რამ არის გასარკვევი და გარკვეული კონტურები უკვე გამოიკვეთა. გაურკვეველია მიროსლავ კლოზეს მომავალი, რომელსაც „ტოტენჰემი“, „იუვენტუსი“ და „ბენფიკა“ ეპატიჟებიან. ამასობაში, ჩვენი პორტუგალიელი კოლეგების ცნობით, მიუნხენური გრანდის შეფებმა „ბენფიკასთან“ ფაბიო კოენტრაუს თაობაზე დაიწყეს მოლაპარაკებები. რეკორდმაისტერში ჟერომ ბოატენგზეც ფიქრობენ და არტურო ვიდალზეც. ჰანს-იორგ ბუტმა კი კარიერის დასრულება გადაწყვიტა.</p><p><strong>კლოზეს რიგი დაუდგა: ტოტენჰემი, იუვენტუსი, ბენფიკა</strong></p><p>„ლელოს“ მკითხველებისთვის ცნობილია, რომ „ბაიერნისა“ და გერმანიის ნაკრების თავდამსხმელ მიროსლავ კლოზეს სეზონის ბოლოს მიუნხენურ გრანდთან კონტრაქტი უმთავრდება და ჯერაც გაურკვეველია, დარჩება თუ არა 32 წლის ფორვარდი რეკორდმაისტერში. „ბაიერნში“ მწვრთნელი იცვლება, ლუის ვან გაალი ზაფხულში წავა და გუნდს იუპ ჰაინკესი მიხედავს, რომელმაც კლოზეს ბედი უნდა გადაწყვიტოს – მიროს მიუნხენში დარჩენა უნდა, მაგრამ ძირითად შემადგენლობაში ხშირად თამაშის გარანტიას ითხოვს. მოგეხსენებათ, ვან გაალი მას სათადარიგოთა სკამს ახეხინებს.</p><p>კლოზეს „ბაიერნში“ არ ათამაშებენ, გერმანიის ნაკრებში კი მუდმივად ასპარეზობს. თებერვალში მან იტალიის ნაკრებს გაუტანა გოლი (1:1), ახლა კი, გასულ შაბათს, ყაზახეთს დუბლი შეუსრულა, რის შემდეგაც ბუნდესგუნდის მაისურით 61 გოლი დაუგროვდა და გერდ მიულერის რეკორდამდე მხოლოდ შვიდი გოლიღა აკლია. შესაბამისად, კლოზეს მთხოვნელები გამოუჩნდნენ, რაც ნაკრებში გატანილი გოლების გარდა იმის დამსახურებაცაა, რომ თუ „ბაიერნთან“ ახალ კონტრაქტს არ გააფორმებს, მირო ზაფხულში უფასო იქნება.</p><p>ჩვენი გერმანელი კოლეგების ცნობით, კლოზესთვის ბრძოლაში აქტიურად სამი კლუბი ჩაერთო. პირველი ლისაბონის „ბენფიკაა“ – პორტუგალიის მოქმედი ჩემპიონი, რომელიც ახლა მეორე ადგილზეა. მეორეა ჩემპიონთა ლიგის მეოთხედფინალისტი, ინგლისური „ტოტენჰემი“, ხოლო მესამე კრიზისში მყოფი იტალიური გრანდი „იუვენტუსი“, რომელიც დღეისათვის სერია A-ში მეშვიდე ადგილზეა. ცნობილია ისიც, რომ კლოზეთი ორი გერმანული კლუბია დაინტერესებული: ჩემპიონობისთვის გამზადებული დორტმუნდის „ბორუსია“ და „ჰოფენჰაიმი“.</p><p>„ბილდის“ ინფორმაციით, თუ „ბაიერნის“ მომავალი მწვრთნელი ჰაინკესი გადაწყვეტს, რომ კლოზე არ სჭირდება, მირო გერმანიას დატოვებს. ცნობილია, რომ თუ „ბაიერნიდან“ წავა, კლოზეს სხვა გერმანულ კლუბში გადასვლას, კარიერის უცხოეთში გაგრძელება ურჩევნია.</p><p><strong>კოენტრაუ ბაიერნს მიუახლოვდა</strong></p><p>პორტუგალიური სპორტული გაზეთის, Ojogo-ს ცნობით, „ბაიერნის“ ხელმძღვანელები „ბენფიკასთან“ მოლაპარაკებებს აწარმოებენ და საკმაოდ წინ წაიწიეს. ამჯერად, საქმე არა კლოზეს, არამედ „ბენფიკას“ და პორტუგალიის ნაკრების უნიჭიერეს მარცხენა მცველ ფაბიო კოენტრაუს ეხება, რომლის გადაბირება მიუნხენელებს ძალიან უნდათ. 23 წლის კოენტრაუს ლისაბონურ კლუბთან კონტრაქტი 2016 წლამდე აქვს გაფორმებული, რის გამოც მისი ტრანსფერი ძალიან ძვირი დაჯდება. „ბილდის“ ცნობით, „ბენფიკა“ 25 მილიონ ევროს ითხოვს და „ბაიერნიც“ მზადაა, ეს თანხა გადაიხადოს.</p><p><strong>ჟერომ ბოატენგი დაცვის ცენტრისთვის?</strong></p><p>კოენტრაუ რეკორდმაისტერს ნაღდად ძალიან გააძლიერებდა, მაგრამ მიუნხენური კლუბის უმთავრესი საზრუნავი მომავალი სეზონისთვის მაინც დაცვის ცენტრის გაძლიერებაა. საიდუმლოს არავისთვის წარმოადგენს ის ფაქტი, რომ მიუნხენელები ზაფხულში მინიმუმ ერთი ახალი, მაღალი კლასის ცენტრალური უკანახაზელის ყიდვას გეგმავენ. „კიკერი“ წერს, რომ ბავარიელებს გერმანიის ნაკრების მცველ ჟერომ ბოატენგის გადაბირება უნდათ, რომელმაც მიუნხენურ გრანდში ბრაზილიელი ბრენოს ადგილი უნდა დაიკავოს. მართალია, 22 წლის ბოატენგს ნაკრებშიც და „მანჩესტერ სიტიშიც“ უმეტესად მარჯვენა მცველის პოზიციაზე ათამაშებენ, მაგრამ თვითონ დაცვის ცენტრში ასპარეზობა ურჩევნია, რასაც არასდროს მალავს. ცნობილია, რომ საინტერესო წინადადების მიღების შემთხვევაში, მანჩესტერელები ბოატენგს სიამოვნებით დათმობენ. „კიკერი“ იმასაც წერს, რომ ჟერომ ბოატენგის გარდა, „ბაიერნს“ „შალკეს“ პერსპექტიული მცველი ბენედიქტ ჰიოვედესიც აინტერესებს.</p><p><strong>ვიდალი: ბაიერნი საინტერესოა!</strong></p><p>„ლევერკუზენის“ სპორტულმა დირექტორმა რუდი ფიოლერმა კი თქვა, ჰაინკესი მიუნხენში ვერცერთ ლევერკუზენელ ფეხბურთელს ვერ წაიყვანსო, მაგრამ დიდი შანსია, რომ მისი სიტყვები არ გამართლდეს. ცნობილია, რომ რეკორდმაისტერს „ლევერკუზენის“ ფეხბურთელებიდან ყველაზე მეტად ჩილელი ნახევარმცველი არტურო ვიდალი აინტერესებს.</p><p>„ბაიერნი“ დიდი, მსოფლიოში ერთ-ერთი საუკეთესო გუნდია, სადაც თამაშზე ბევრი ფეხბურთელი ოცნებობს. გერმანიაში რომ დავბრუნდები, ამ თემით სერიოზულად დავინტერესდები და თუ მიუნხენური კლუბის შეფებს ჩემი ყიდვა მართლაც უნდათ, მათთან მოლაპარაკებებს სიამოვნებით დავთანხმდები,“ - ეს ვიდალის სიტყვებია, რაც მან მშობლიურ სპორტულ გაზეთ „ლა კუარტას“ უთხრა.</p><p><strong>ბუტი მიდის და ბაიერნს ნოიერს ურჩევს</strong></p><p>მორჩა: „ბაიერნის“ ვეტერანმა მეკარემ, ჰანს-იორგ ბუტმა ზაფხულში კარიერის დასრულება საბოლოოდ გადაწყვიტა და ისიც ცნობილია, რომ ბუცების ლურსმანზე ჩამოკიდების შემდეგ, ბუტი რეკორდმაისტერში ბავშვთა ფეხბურთის კოორდინატორად იმუშავებს. „მოვიდა დრო, რომ კარიერა დავამთავრო. ჩემთვის დიდი პატივია ის, რომ „ბაიერნში“ დავრჩები და ბავშვთა ფეხბურთის კოორდინატორის პოსტზე ვიმუშავებ,“ - უთხრა 36 წლის ბუტმა ჩვენს გერმანელ კოლეგებს. ხსენებულ პოსტზე ბუტი ვერნერ კერთს შეცვლის, რომელმაც ამ თანამდებობაზე 17 წელი იმუშავა, ახლა კი პენსიაში მიდის.</p><p>ახლა ყველაზე საინტერესო ისაა, გაუგრძელებენ თუ არა მიუნხენელები კონტრაქტს თომას კრაფტს, რომელიც იანვრიდან რეკორდმაისტერის კარს იცავს და საკმაოდ კარგადაც გამოიყურება. როგორც იცით, მიუნხენური გრანდის შეფები ჯერ კიდევ ფიქრობენ „შალკესა“ და გერმანიის ნაკრების მეკარე მანუელ ნოიერის ყიდვაზე და ამიტომაც აჯანჯლებენ კრაფტთან ახალი ხელშეკრულების გაფორმებას. „ბილდის“ ინფორმაციით, „ბაიერნი“ „შალკესთვის“ ფულთან ერთად, კრაფტის შეთავაზებასაც აპირებს. ცნობილია, რომ ბავარიული კლუბის ფანებს ნოიერი გულზე არ ეხატებათ და გუნდში კრაფტის დატოვებას ითხოვენ. მიუხედავად ამისა, ჰიონესი და ვიცე-პრეზიდენტი რუმენიგე მანუელის ყიდვაზე მაინც სერიოზულად ფიქრობენ. ბუტი „ბაიერნს“ სწორედ ნოიერის ყიდვას ურჩევს - კრაფტი ძალიან ნიჭიერი მეკარეა, მაგრამ უმჯობესია, ნოიერი იყიდოთო...</p>
კარლი სრულწლოვანი გახდება და "ბაიერნი" ახალ კონტრაქტს გაუფორმებს
საუდის არაბეთი თუ "ბაიერნში" დარჩენა - მიუნხენელები კეინის კონტრაქტზე გადამწყვეტი ნაბიჯისთვის ემზადებიან
"ჩემს მკერდამდე აღწევდა" - OnlyFans-ის მოდელი ახალგაზრდა ამომავალ ვარსკვლავთან ურთიერთობაზე
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა
[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა