- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვოლაბები ბრისბენში უძლეველნი არიან
<p>სამხრეთ აფრიკის ნაკრება სამი ერის გათამაშებაში ზედიზედ მესამედ წააგო. მსოფლიოს ჩემპიონებმა ბრისბენში, სადაც არასდროს მოუგიათ, ავსტრალიის ეროვნულ გუნდთან ვერაფერი გააწყო - 13:30...</p><p><br> სამხრეთ აფრიკის ნაკრება სამი ერის გათამაშებაში ზედიზედ მესამედ წააგო. მსოფლიოს ჩემპიონებმა ბრისბენში, სადაც არასდროს მოუგიათ, ავსტრალიის ეროვნულ გუნდთან ვერაფერი გააწყო - 13:30.</p><p>თამაშს უძღოდა "ბოკეს" მწვრთნელის პიტერ დე ფილიერსის მწვავე განცხადებებით გამოწვეული სკანდალი. სამხრეთაფრიკელთა თავკაცი ახალ ზელანდიასთან განცდილ ორ მარცხს ჩრდილონახევარსფეროელ არბიტრებს აბრალებდა და მისი გუნდის წინააღმდეგ შეთქმულებაზე ლაპარაკობდა.</p><p>ძნელი მისახვედრი არ არის, რომ დე ფილიერსი ამავე ბრალდებებს ავსტრალიასთან წაგების შემდეგაც გაიმეორებს. უკვე მესამე მატჩია, არბიტრი "ბოკეს" მორაგბეს თამაშის დასაწყისშივე სინბინში რომ უშვებს. ამჯერად ირლანდიელი რეფერისგან, სავსებით სამართლიანად, (მეტოქისთვის განზრახ ტრავმის მიყენებისთვის), ყვითელი ბარათი მე-3 წუთზე შუამარბმა ჟაკ ფურიმ დაიმსახურა.</p><p>წინა ორი მატჩისგან განსხვავებით, კაცნაკლულმა "ბოკემ" მეტოქეს ქულების დაგროვების საშუალება არ მისცა. თუმცა მას, შემდეგ რაც ფური მოედანს დაუბრუნდა, ორ წუთში "ვოლაბების" შუამარბმა მეთ გიტომ ანგარიში საჯარიმოთი გახსნა - 3:0.</p><p>ავსტრალიელები საკმაოდ უნარიანად ირჯებოდნენ, ბურთს უფრთხილდებოდნენ და მრავალფაზიანი შეტევებით მეტოქეს დიდ პრობლემებს უქმნიდნენ. 31-ე წუთისთვის გიტოს კიდევ სამი საჯარიმო ჰქონდა გატანილი, რაზეც სამხრეთაფრიკელთა მგეზავმა მორნი სტეინმა მხოლოდ ერთით უპასუხა - 12:3.</p><p>გადამწყვეტი მომენტი, რომელმაც საბოლოოდ განსაზღვრა მატჩის ბედი, ტაიმის დამთავრებამდე ერთი წუთით ადრე დადგა. "ვოლაბებმა" მორიგი მრავალფაზიანი შეტევა წამოიწყეს. მეტოქის ოცდაორმეტრიან ზონაში შესულებმა იერიშის მიმართულება მარცხნიდან მარჯვნივ, გრძელი ფრთისკენ გადაიტანეს. აქ ინიციატივა მეთ გიტომ აიღო, რომელმაც სწრაფად აუარა გვერდი ორ მოწინააღმდეგეს და კიდევ უფრო მარჯვნივ გადააწოდა გარემარბ დრიუ მიტჩელს, რომელსაც ბურთი ხელში აუთამაშდა, თუმცა მისი დამორჩილება მოწინააღმდეგის ლელოში შესულმა მაინც შეძლო. გიტომ გარდასახვა ვერ გაიტანა - 17:3. ასე დასრულდა პირველი ტაიმი.</p><p>სამხრეთაფრიკელებს არაფერი აღმოაჩნდათ არსენალში საიმისო, რითაც თოთხმეტქულიანი ჩამორჩენის აღმოფხვრას შეძლებდნენ. შესვენების შემდეგ, მალევე, 42-ე და 46-ე წუთებზე გიტომ და გარემარბმა ჯეიმზ ოკონორმა თითო საჯარიმო მიითავლეს და ანგარიშში სხვაობა 20 ქულამდე გაზარდეს - 23:3.</p><p>"ბოკემ" ოდნავ მას შემდეგ გაილაღა, რაც 54-ე წუთზე მასპინძელთა მგეზავი ქუადე კუპერი იმავე დანაშაულისთვის გაასინბინეს, რისთვისაც პირველ ტაიმში ჟაკ ფური დაისაჯა. სანამ კუპერი მოედანზე დაბრუნდებოდა, სამხრეთაფრიკელებმა რამდენიმე სახიფათო შეტევა განახორციელეს და 63-ე წუთზე ლელო სწორედ ფურიმ გაიტანა. გარდასახვა ცხრა ნომერმა რუან პინარმა დაარტყა არაზუსტად - 8:23.</p><p>სამხრეთ აფრიკის ნაკრებს წარმატებამ ფრთები შეასხა. მატჩის გადარჩენის იმედი კი "ბოკეს" 73-ე წუთზე პირველხაზელი ხუთრო სტენკამპის მიერ გატანილი ლელოს შემდეგ ჩაესახა. სტუმრებმა ავსტრალიელთა ლელოდან ათ მეტრში დერეფანში ბურთი სუფთად მოიგეს, მოლი შეკრეს და ჩათვლის მოედნამდე ისე მიაღწიეს, გზად ყველა და ყველაფერი გადაჯეგეს. პინარმა გარდასხვა ამჯერადაც ვერ გაიტანა - 13:23.</p><p>"ბოკემ" მატჩის გადარჩენის ბრწყინვალე შანსი გაუშვა ხელიდან. პინარს რომ ორივე გარდასახვა გაეტანა, ანგარიში 17:23 იქნებოდა. თამაშის დამთავრებამდე დარჩენილი შვიდი წუთი კი სრულიად საკმარისი იქნებოდა გამარჯვების მომტანი ლელოს გასატანად. ცხადია, თუ მასაც გარდასახავდნენ.</p><p>სამხრეთ აფრიკის ქომაგების სამწუხაროდ, ყველაფერი პირიქით მოხდა. პინარმა გარდასახვა ხომ ვერ გაიტანა და ვერ გაიტანა, 75-ე წუთზე კი კიდევ ერთი ლელოც გაუშვეს. მასპინძლები ისევ, მორკინალების დარტყმებით და იერიშის მიმართულების ხშირი ცვლით უტევდნენ. რაკში ბურთს სწრაფად ათავისუფლებდნენ, რაც შეტევას კიდევ უფრო სწრაფს, დინამიკურს ხდიდა.</p><p>გადამწყვეტი ჩხვლეტა "ვოლაბების" ერთ-ერთმა საუკეთესო მოთამაშემ ვილი გენიამ განახორციელა. მან ბურთი რაკიდან აიტაცა და პირდაპირ ლელოსკენ შეუტია, გზად ხელიდან პიერ სპისსა და ჟაკ ფურის დაუსხლტა. გენიამ ლელო კარის ძელებს შორის გაიტანა. ოკონორს გარდასხვის ზუსტად დარტყმა არ გასჭირვებია - 30:13.</p><p>მატჩის შემდეგ ავსტრალიელთა თავკაცი რობი დინსი სიხარულს ვერ მალავდა:</p><p>"ვიცოდით, რომ ურთულესი ბრძოლა იქნებოდა. მთავარი იყო, რაც შეიძლება სწრაფად გვეთამაშა. ისე, რომ მეტოქისთვის ამოსუნთქვის საშუალება არ მიგვეცა. ჩვენ ეს შევძელით. გუნდი ერთ მუშტად შეიკრა და ყველამ ისე კარგად ითამაშა, მიჭირს, ვინმე გამოვარჩიო" - თქვა მან</p><p>"ვოლაბებს" მომავალ უქმეებზე არანაკლებ ძნელი შეხვედრა ელით. ამჯერად ავსტრალიელები სამი ერის ლიდერს, ახალი ზელანდიის ნაკრებს მასპინძლობენ.</p><p>სატურნირო მდგომარეობა</p><p>თ მ ფ წ ბ ქ</p><p>1. ახ.ზელანდია 2 2 0 0 +34 10</p><p>2. ავსტრალია 1 1 0 0 +17 4</p><p>3. ს.აფრიკა 3 0 0 3 -51 0</p><p>სამი ერი</p><p>31 ივლისი</p><p>ავსტრალია-ახალი ზელანდია</p><p>7 აგვისტო</p><p>ახალი ზელანდია-ავსტრალია</p><p>21 აგვისტო</p><p>სამხრეთ აფრიკა-ახალი ზელანდია</p><p>28 აგვისტო</p><p>სამხრეთ აფრიკა-ავსტრალია</p><p>4 სექტემბერი</p><p>სამხრეთ აფრიკა-ავსტრალია</p><p>11 სექტემბერი</p><p>ავსტრალია-ახალი ზელანდია</p><p>ავსტრალია-სამხრეთ აფრიკა 30:13</p><p>ავსტრალია (15-9) <strong>ეშლი-კუპერი, ოკონორი, ჰორნი, გიტო (ბარნსი 74), მიტჩელი, კუპერი, გენია. (1-8) რობინსონი (სლიპერი 58), ფაინგაა (მური 54), მააფუ, მამი (საიმონსი 58), შარპი, ელსომი, პოკოქი, ბრაუნი (მაკკალმენი 70)</strong></p><p>2ლ: <strong>მიტჩელი, გენია</strong>. 6ს: <strong>გენია, ოკონორი. გ: ოკონორი</strong></p><p>სინბინი: <strong>კუპერი</strong></p><p>სამხრეთ აფრიკა (15-9) <strong>კირშნერი, ეპლონი, ფური, ულიფიე (დე იონგი 54), ჰაბანა, სტეინი (ჯეიმზი 54), პინარი (ჰუგარდი 73). (1-8) სტენკამპი, სმიტი (რელეპელე 73) , ბრ.ბოთა (ფან დერ ლინდე 68) , როსუ (ფან დერ მერვე 68), მეტფილდი, ბურხერი, კანკოვსკი (პოთხიტერი 56), სპისი.</strong></p><p>2ლ: <strong>ფური, სტენკამპი.</strong> ს:<strong> სტეინი</strong></p><p>სინბინი: <strong>ფური, ბრ.ბოთა</p><p></strong>მსაჯი: <strong>ჯორჯ კლანსი (ირლანდია)</p><p>ყოველდღიური სპორტული გაზეთი "ლელო"</strong></p>
ნიკა ამაშუკელი - ტოკიო, ლონდონი და გენუა
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
7-კაცა | ევროპულ თამაშებზე ოლიმპიადის საგზურისთვის
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
ზივზივაძის "ჰაიდენჰაიმმა" "კოტბუსთან" ქულები გაიყო
ახალციხემ სუპერლიგაში პირველი გამარჯვება გორის ივერიონთან მოიპოვა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
უკრაინა - საქართველო | ინფორმაცია ბილეთების შესახებ
კლოპმა განმარტა, რატომ უგულშემატკივრებს ელ კლასიკოში "ბარსელონას"
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში
[VIDEO] მოქმედება, რომელიც ყველაფერს ამბობს - როგორი იყო დუეს რეაქცია, როდესაც კვარაცხელიას ტრავმის შესახებ შეიტყო
როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას
Marca-მ გასულ სეზონში საუკეთესოდ კეინი ცნო - მერამდენე ადგილი დაიკავა ხვიჩა კვარაცხელიამ
ბასილაშვილმა მანარინოსაც ადვილად მოუგო და ალმათის ტურნირის ნახევარფინალშია!
ნიკა ამაშუკელი - ტოკიო, ლონდონი და გენუა
ხვიჩა გვაკლია და სიცარიელეს აჩენს... პსჟ-ის მატჩია, მაგრამ...