ყველას რაღაც გაუხარდა!

ინგლისი-განა 1:1 - დაიწერა, რომ ასეთი თვალსასეირო შეხვედრა „უემბლის“ სტადიონს რეკონსტრუქციის ანუ 2007 წლის შემდეგ არ ახსოვს ინგლისი (4-3-3): ჰარი - გ. ჯონსონი (45. ლესკოტი), ჯეგიელკა, კეჰილი, ბეინესი - მილნერი, ბერი, უილშირი (69. ჯერვისი) - დაუნინგი, ე. იანგი (81. უილბეკი), ქეროლი (59. დეფო)განა (4-5-1): კინგსონი - პენტსილი, ჯონა მენსა, ვორსა (45. ჯონათან მენსა), ედი (45. ოპარე) - ადიია (69. ტაგოე), კ. ასამოა (84. ინკუუმი), აგიემანგ-ბადუ, ანანი (45. დ. ბოატენგი), მუნტარი (59. აიეუ) - ასამოა გიანიგოლები: 1:0 ქეროლი (43), 1:1 ასამოა გიანი (90)გაფრთხილება: მილნერი - ბოატენგი, აიეუკუთხური: 7-3; ჯარიმა: 17-20; კარში დარტყმა: 16-13 (4-4); თამაშგარე: 2-3; ბურთის ფლობა: 60%-40%მაყურებელი: 80 102ამხანაგურ თამაშებს ხომ დაკვირვებიხართ? ფეხბურთელები, მეტწილად, ბურთს წინ და უკან უგულოდ აგორებენ და ერთი სული აქვთ როდის ჩასტვენს მსაჯი. ამჯერად ასე არ იყო. ის კი არა, დაიწერა, რომ ასეთი თვალსასეირო შეხვედრა „უემბლის“ სტადიონს რეკონსტრუქციის ანუ 2007 წლის შემდეგ არ ახსოვს და ეს მნიშვნელოვანწილად აფრიკელთა დამსახურებაც გახლდათ. მათ გულით უნდოდათ ებრძოლათ, სწორად, წარმატებით ეთამაშათ და ამიტომაც არ დავობს კაციშვილი, რომ ისინი ფრეს იმსახურებდნენ. ასამოა გიანის მიერ ბოლოწამს გატანილ გოლს განელი ფანებიც იმსახურებდნენ. იცით, რამდენი განელი იყო „უემბლიზე“? 20 ათასი! და ეს ხალხი ჩუმად არ იჯდა. გარდა იმისა, რომ თავის გუნდს ქომაგებდნენ, დენი უილბეკს ინგლისის ნაკრებში დებიუტი ჩაუმწარეს — როდესაც უილბეკი მოედანზე ეშლი იანგის მაგივრად შევიდა, სტადიონი გამაყრუებელმა „ბუუმ“ კინაღამ დაანგრია. მიზეზი: უილბეკი მართალია ინგლისში დაიბადა, მაგრამ ეროვნებით განელია და ისტორიული სამშობლოს ნაკრებში თამაშზე უარი თქვა.ყველაზე მეტად კი ლივერპულელ ენდი ქეროლს გაუფუჭეს გუნება. სულ რაღაც 24 საათი იყო გასული, რაც ფაბიო კაპელომ მასზე თქვა კარგი იქნება სმას თუ მოუკლებსო. მწვრთნელის ნათქვამის პასუხად ქეროლმა ნაკრების შემადგენლობაში თავისი პირველი გოლი გაიტანა და წელში გაიმართა, მაგრამ არ შეარგეს.„გოლის გატანა ძალიან გამიხარდა — თქვა მატჩის შემდეგ ახალგაზრდა ფორვარდმა — ჩვენ კარგად ვითამაშეთ და რასაკვირველია გული დაგვწყდა, რომ ბოლოწამს მოწინააღმდეგემ გოლის გატანა მოახერხა. ტრავმის შემდეგ თავს უკვე კარგად ვგრძნობ. განელების კარში გატანილი გოლით დავამტკიცე, რომ ისევ ფორმაში ვარ და ინგლისის ნაკრების მაისურითაც არაერთს შევაგდებ“.ქეროლს საგოლე პასე სტიუარტ დაუნინგმა ჩააწოდა და საერთოდაც, უნდა ითქვას, რომ ამ ფეხბურთელმა თავისი ერთ-ერთი საუკეთესო მატჩი ჩაატარა. პრესკონფერენციაზე „ასტონ ვილას“ გარემარბმა თქვა:„ვფიქრობ, ანგარიშის მიუხედავად კარგად ვითამაშეთ, განსაკუთრებით პირველ ტაიმში. ალბათ, მაყურებელიც დარწმუნდა, რომ ინგლისისნაკრები ძლიერი გუნდია, თუნდაც დღევანდელი შემადგენლობა ძალიან განსხვავდებოდა იმისგან მწვრთნელმა შაბათს უელსის წინააღმდეგ რომ ათამაშა.ბოლოწამს გოლის გაშვებას მაინცდამაინც არც კაპელოსთვის დაუწყვეტია გული. იტალიელმა თქვა:„ძალიან გახარებული ვარ ასეთი ფეხბურთი რომ ვითამაშეთ. დღევანდელი შეხვედრა ამხანაგურ თამაშს არ ჰგავდა. მოედანზე ერთმანეთის პირისპირ იდგა ორი გუნდი, რომლებიც ცდილობდნენ კარგი ფეხბურთი ეთამაშათ და მეტოქე დაემარცხებინათ. შეხვედრას არც ორთაბრძოლები აკლდა. მოთამაშეები ყოველგვარი შიშის გარეშე იბრძოდნენ. მინდა შევაქო განის ნაკრებიც. ეს ფანტასტიკური გუნდია“.კაპელოს მხარი „არსენალის“ ყმაწვილკაცმა, ჯეკ უილშირმა დაუჭირა. ინგლისური ფეხბურთის ამომავალმა ვარსკვლავმა თქვა:„მსოფლიოს ჩემპიონატამდე კაპელოს ყველა აქებდა და ადიდებდა. ის უშეცდომო ადამიანად გამოჰყავდათ, მსოფლიოს ჩემპიონატის შემდეგ კი ყველაფრის გამო აკრიტიკებენ. ვფიქრობ, ასე არ შეიძლება. ამ ადამიანს ამოსუნთქვის საშუალება უნდა მივცეთ. ის დიდი მწვრთნელია. მას სხვადასხვა კლუბი უდიდეს წარმატებებთან მიუყვანია და ინგლისის ნაკრებშიც, მე თუ მკითხავთ, წარმატებით მუშაობს“.

თუ "სიტის" დააქვეითებენ - "ბაიერნი" ფოდენის შეძენას შეეცდება

"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა

ტიერი ანრი: გულშემატკივრები არ დაელოდებიან, ბარკოლა ბოლომდე როდის გაიხსნება

ქართველი მსაჯები უეფას ერთა ლიგის მატჩს მოემსახურებიან

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

"შავი ლომი" | ახალი სახეებით "ჩიტასთან"

უკრაინელი მწვრთნელი: ბრიტანელებმა ჩვენი სუსტი ადგილი მოძებნეს

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ჩემთვის ყველაფერი ნათელია" - ლუნინმა "ოქროს ბურთის" ფავორიტი დაასახელა

"ალბათ რამე მეც მერგება" - კუკურელიამ "ოქროს ბურთზე" ისაუბრა

"ლომებმაც კი იციან, ნადირობა როდის მთავრდება" - იბრაჰიმოვიჩმა რონალდო გააკრიტიკა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა