- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ინგლისი გერმანიას ეზომება
<p>ფაბიო კაპელო მიიჩნევს, რომ ამიერიდან ინგლისის ნაკრებს შეუძლია გერმანიის მსგავსი შემტევი გუნდი გახდეს და გაისად ზაფხულში ევროპის ჩემპიონატზე შტურმით გაიმარჯვოს. <br></p><p>ფაბიო კაპელო მიიჩნევს, რომ ამიერიდან ინგლისის ნაკრებს შეუძლია გერმანიის მსგავსი შემტევი გუნდი გახდეს და გაისად ზაფხულში ევროპის ჩემპიონატზე შტურმით გაიმარჯვოს. იტალიელი სპეციალისტი ბოლო დღეებში გამართულმა ორმა მატჩმა — ოფიციალურმა უელსთან და ამხანაგურმა განასთან — იმედით აღავსო. ამასთან, კაპელო სწორედ გერმანიასთან ცდილობს პარალელის გავლებას. მოგეხსენებათ, შარშან, მსოფლიოს ჩემპიონატზე გერმანელებმა შთამბეჭდავად ითამაშეს და თან მსოფლიოს რამდენიმე ახალგაზრდა ვარსკვლავიც წარუდგინეს, მაგალითად მესუთ იოზილი. ინგლისის ნაკრების თავკაცმა თქვა:</p><p>„იმედი მაქვს, რომ ხალხი ჩვენზე ისევე ალაპარაკდება, როგორც გერმანიაზე. ამის იმედს ჩემი ფეხბურთელები მაძლევენ, რომლებიც დღითიდღე უკეთ თამაშობენ და საკუთარი თავის რწმენით ივსებიან“.</p><p>კაპელოს ვარაუდით ინგლისელებს წარმატება 19 წლის ჯეკ უილშირის, 22 წლის ენდი ქეროლის და 23 წლის ჯო ჰარტის გამოჩენის გარდა 4-3-3 სისტემის დანერგვამ და განვითარებამ უნდა მოუტანოს. ის ფიქრობს, რომ ახალ ტაქტიკური სქემაზე გადასვლა გუნდისთვის ახალი ხელწერის გამომუშავების საწინდარი იქნება.</p><p>შეგახსენებთ, რომ ინგლისი და გერმანია 2010 წლის მსოფლიოს ჩემპიონატზე მერვედფინალში შეხვდნენ ერთმანეთს. გერმანიამ 4:1 მოიგო. ეს ის შეხვედრაა, რომელშიც ფრენკ ლემპარდს გერმანელთა კარში გატანილი აშკარა გოლი არ ჩაუთვალეს — რომ ჩაეთვალათ ანგარიში 2:2 გახდებოდა — თუმცა ახლა ამაზე არ არის ლაპარაკი. კაპელო ძალიან კმაყოფილია, როგორ მოუგო მისმა გუნდმა უელსს და ბოლოწამს გაშვებული გოლის მიუხედავად როგორი ფეხბურთი ითამაშა „უემბლიზე“ განასთან. განას ინგლისელები უელსთან შეხვედრიდან სამ დღეში ეთამაშნენ და შემადგენლობა რვა ფეხბურთელით ჰყავდათ გადახალისებული.</p><p>ერთადერთი ახალგაზრდა მოთამაშე, რომელსაც კაპელო ჯერ ვერ ენდობა დენი უილბეკია. „მანჩესტერ იუნაიტედის“ ფორვარდი, რომელიც სერ ალექს ფერგიუსონს ჯერჯერობით „სანდერლენდში“ ჰყავს გაქირავებული ეროვნებით განელია. განის ფეხბურთის ფედერაცია მას ჯერ კიდევ ორი წლის წინ სთხოვდა ისტორიული სამშობლოს სახელით გამოსვლას, მაგრამ უილბეკმა ინგლისელობა არჩია. ბედის ირონიით, 20 წლის თავდამსხმელს მაინცდამაინც განასთან მოუწია ინგლისის ნაკრებში დებიუტმა და სამშაბათს, „უემბლიზე“ შეკრებილმა 20 ათასმა აფრიკელმა მაყურებელმა ამისათვის უსტვინა კიდეც. მატჩის შემდეგ განელმა ჟურნალისტმა უილბეკს შეახსენა, რომ შეხვედრა, რომელშიც მან ინგლისელთა ფორმა მოირგო ამხანაგური იყო და ჯერ კიდევ ჰქონდა განის გუნდში გადაბარგების შანსი. ფეხბურთელმა უპასუხა:</p><p>„ეს არ ვიცოდი. აშკარად მომიწევს დაფიქრება“.</p><p>რად უნდა ლაპარაკი, რომ თავად ფეხბურთელს „ინგლისელობა“ ურჩევნია, თუმცა „სანდერლენდში“ ორი განელი თანაგუნდელი ჰყავს, ასამოა გიანი და ჯონ მენსა, რომლებიც დღედაღამ განის ნაკრებში თამაშს უჩიჩინებენ.</p><p>„რა ვქნა, თუკი ყველა ასაკობრივ შეჯიბრებაში ინგლისის სახელით გამოვდიოდი?“ — ყმაწვილი საგონებელშია ჩავარდნილი.</p><p>და რაკიღა, ასაკობრივი ნაკრებები ვახსენეთ, ჯეკ უილშირის ერთ-ერთ ბოლო კომენტარსაც გავეცნოთ. არსენალელმა ნახევარმცველმა, ფაქტობრივად, „მიძინებული ვულკანი“ გააღვიძა — საქმე „ლივერპულის“ თავდამსხმელ ენდი ქეროლს ეხება, რომელსაც ამ ზაფხულს 21 წლამდელთა ევროპის ჩემპიონატზე სათამაშოდ გამოიძახებენ, მერსისაიდელები კი, რასაკვირველია, შეეცდებიან არ გაუშვან.</p><p>დავაზუსტოთ: 21 წლამდელ ინგლისელთა ნაკრების მწვრთნელმა სტიუარტ პირსმა ამასწინათ განაცხადა, რომ შეჯიბრებაზე, რომელიც დანიაში 11 ივნისს დაიწყება და ორ კვირას გასტანს, უილშირსაც წაიყვანს და ქეროლსაც. შეგახსენებთ, რომ ეს ფეხბურთელები იმავდროულად „დიდი“ ნაკრების წევრებიც არიან. „არსენალის“ თავკაცი არსენ ვენგერი 19 წლის უილშირის ახალგაზრდულ ნაკრებში გაშვებას მთელი ძალით ეწინააღმდეგება, თავად ფეხბურთელს კი გამგზავრების დიდი სურვილი აქვს. რაც შეეხება ქეროლს, მისი პოზიცია ჯერ უცნობია. სამაგიეროდ ცნობილია „ლივერპულის“ თავკაცის კენი დალგლიშის დამოკიდებულება. დალგლიშს არ სურს 21 წლამდელთა ნაკრებს სათამაშოდ გაატანოს ფეხბურთელი, რომელშიც იანვარში 35 მილიონი ფუნტი გადაიხადა. შეგახსენებთ, რომ ქეროლმა სამშაბათს, განასთან შეხვედრაში კარიერაში პირველი სანაკრებო გოლი გაიტანა.</p><p>უილშირი კი მწვრთნელების ინტერესს არ ითვალისწინებს და ასე ამბობს: „ქეროლი 21 წლამდელთა ევროპის ჩემპიონატზე თუ უნდა წამოვიდეს? რასაკვირველია. ის მიმდინარე სეზონში დიდ კლუბში გადავიდა, თამაშს დღითიდღე აუმჯობესებს და აგერ, ნაკრების მაისურით ჩინებული გოლიც შეაგდო. დროთა განმავლობაში ენდი გამორჩეული ინგლისელი ფეხბურთელი გახდება.</p><p>გადაწყვეტილებას ყველა ადამიანი თვითონ იღებს და ამიტომ ვფიქრობ, რომ თუ ქეროლს თავად უნდა ევროპის ჩემპიონატზე წამოსვლა, სხვებს ყური არ უნდა დაუგდოს“.</p><p>მოგეხსენებათ, ენდი ქეროლი ახლახან გამოჯანმრთელდა. ის ტრავმის გამო სამი თვის განმავლობაში ვერ თამაშობდა და „ლივერპულის“ თავკაცს სურს, რომ თავდამსხმელმა ზაფხულის არდადეგებზე დაისვენოს.</p><p>ისევ უილშირი: „პირადად ჩემთვის 21 წლამდელთა ევროპის ჩემპიონატში მონაწილეობა კარგი იქნება. გაიხსენეთ გერმანელების ამბავი. მათ ჯერ 21 წლამდელთა შეჯიბრებაში გაიმარჯვეს და შემდეგ მსოფლიოს ჩემპიონატზე ითამაშეს შესანიშნავად. საერთაშორისო შეჯიბრებებთან შეგუება ყველა ფეხბურთელმა რაც შეიძლება ახალგაზრდული ასაკიდან უნდა დაიწყოს. ეს მნიშვნელოვანია“.</p>
თუ "სიტის" დააქვეითებენ - "ბაიერნი" ფოდენის შეძენას შეეცდება
"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა
ტიერი ანრი: გულშემატკივრები არ დაელოდებიან, ბარკოლა ბოლომდე როდის გაიხსნება
[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია
ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა
"მესი თუ რონალდო?" - მიულერმა არჩევანი გააკეთა
ზესტაფონის მარგვეთმა გორში ივერიონს მოუგო
"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი
U19 | საქართველო 2:2 ლატვია
საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში
ფუტსალი | 19-წლამდე ნაკრების მეტოქეები ცნობილია
საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?
"ეს ბევრ რამეზე მეტყველებს" - ბასტონი საფრანგეთთან მატჩის შემდეგ
"ალბათ რამე მეც მერგება" - კუკურელიამ "ოქროს ბურთზე" ისაუბრა
ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა
საფრანგეთი და იტალია დაზავდნენ, ბელგიამ თურქეთი დაამარცხა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
[VIDEO] ისევ უგოლოდ - საქართველოს ნაკრები უნგრეთთან დამარცხდა და 1 ქულით აუტსაიდერია
უნგრეთთან მატჩში საქართველოს ნაკრების შემადგენლობა ცნობილია
რაფინია მძიმე ტრავმას გადაურჩა
ოლმოს ხორვატიაში დაბრუნება სურს
სიომინი: ხვიჩა "ოქროს ბურთის" ნომერი პირველი პრეტენდენტია
საქართველო, პორტუგალია, რუმინეთი და ესპანეთი ოთხი ერის ალიანსს აფუძნებენ