სიტი მეორეზე დაფიქრდა

ბედის ირონიაა: თავის დროზე, „სანდერლენდთან“ შინ გამარჯვება „მანჩესტერ სიტის“ წინა მწვრთნელ მარკ ჰიუზს თანამდებობის შესანარჩუნებლად არ ეყო ბედის ირონიაა: თავის დროზე, „სანდერლენდთან“ შინ გამარჯვება „მანჩესტერ სიტის“ წინა მწვრთნელ მარკ ჰიუზს თანამდებობის შესანარჩუნებლად არ ეყო, ახლანდელ თავკაც რობერტო მანჩინის კი იმავე გუნდის იმავე სტადიონზე ძლევა სულ სხვანაირ მომავალს ჰპირდება. საქმე ის გახლავთ, რომ მანჩინისა და მის შეგირდებს მკაფიოდ გამოკვეთილი პროგრამა მინიმუმი აქვთ: ჩემპიონთა ლიგაში გამსვლელი ადგილი უნდა დაიკავონ. იტალიელის სამსახურიდან მოხსნა-დატოვება ამის მიხედვით გადაწყდება, „სანდერლენდთან“ 5:0 გამარჯვებამ კი ისტლენდელებს სასურველი მიზნისკენ დიდი ნაბიჯი გადაადგმევინა.„სიტი ოფ მანჩესტერ სთედიუმზე“ კვირის შეხვედრას მანჩესტერელთა თავმჯდომარე ხალდუნ ალ მუბარაქი ესწრებოდა. ის, შედეგით, რასაკვირველია, კმაყოფილი დარჩებოდა, თუმცა იმ დღეს მხოლოდ შედეგი არ ჭრიდა თვალს — მანჩინის ბიჭებმა შესანიშნავად ითამაშეს. ხუთი ფეხბურთელის გატანილი ხუთი გოლი — ხუთგოლიანი უპირატესობით „სიტიმ“ ბოლოს ზუსტად ერთი წლის წინ მოიგო. მაშინ ისტლენდელებმა „ბარნლის“ აჯობეს, თუმცა მანჩინი იმედოვნებს, რომ შარშანდელ გაზაფხულთან მსგავსება ამით ამოიწურება და მიმდინარე ჩემპიონატი მაშინდელივით არ დასრულდება.„სიტიმ“ „სანდერლენდს“ ძალიან კარგ დროს მოუგო. ეს გახლდათ ტური, როდესაც „არსენალმა“, „ჩელსიმ“ და „ტოტენჰემ ჰოთსპურმა“ ქულები დაკარგეს. მოვლენათა ასეთმა განვითარებამ მანჩინის გუნებაზეც იმოქმედა და პრეს-კონფერენციაზე მან იმ კაცივით კი არ ილაპარაკა ოთხეულში ფეხის მყარად მოკიდებით რომ არის კმაყოფილი, არამედ იმ კაცივით, რომელსაც „არსენალისთვის“ მეწორე პოზიციის წართმევა უნდა. „სიტის“ თავკაცმა თქვა:„ჩვენ არანაირ ზეწოლას არ განვიცდით. მთავარ მიზნად ჩემპიონთა ლიგაში მოხვედრა გვქონდა დასახული და თუ ასე ვითამაშებთ ამ მიზანს უპრობლემოდ მივაღწევთ. დღევანდელი გამარჯვება ჩვენთვის ძალიან მნიშვნელოვანი იყო. ახლა მესამე ადგილზე ვართ და „არსენალს“ მხოლოდ სამი ქულით ჩამოვრჩებით. „ჩელსიც“ ჩვენს უკან არის“.„სანდერლენდთან“ შეხვედრაში ისტლენდელებმა შეტევაში ითამაშეს დიდებულად. მათი რამდენიმე კომბინაცია უეჭველად მიიპყრობდა „მანჩესტერ იუნაიტედის“ თავკაც სერ ალექს ფერგიუსონის ყურადღებას — შეგახსენებთ, რომ 16 აპრილს მანჩესტერული გუნდები ფეხბურთის ასოციაციის თასის ნახევარფინალში ხვდებიან ერთმანეთს.საინტერესო დეტალზე გაამახვილა ყურადღება „დეილი მეილმა“. მეორე ტაიმის დასაწყისში იყო ასეთი ეპიზოდი: „სანდერლენდის“ მცველებმა ბურთი აუტისკენ მოიგერიეს, ზუსტად იქით, სადაც მანჩინი იდგა. თავიდან შეიქმნა შთაბეჭდილება, რომ „სიტის“ თავკაცი ვერაფერს ხედავდა, თუმცა მან ფეხის ერთი მოძრაობით ბურთი ადგილზე გააქვავა. ეს იყო მშვიდი, საკუთარ თავში დარწმუნებული კაცის მოქმედება და ზუსტად ასე თამაშობდა იმ დღეს მისი გუნდი.„ახლა მთავარია ასე გავაგრძელოთ და შემდეგ ტურში „ლივერპულსაც“ მოვუგოთ“ — დასძინა მანჩინიმ.„სანდერლენდის“ მწვრთნელი სტივ ბრუსი: „დღეს ჩვენი თამაში არაფრად ვარგოდა. მთელი 90 წუთის განმავლობაში მოწინააღმდეგე გვჯობდა, თან აბსოლუტურად ყველაფერში. „მანჩესტერ სიტი“, რასაკვირველია, შესანიშნავი გუნდია, მაგრამ ჩვენი დღევანდელი განადგურების მიზეზი მარტო ეს არ იყო. დღეს ჩვენ საკუთარი უნიათობის გამოც წავაგეთ“.

"ბორნმუთმა" "იუვენტუსის" მეკარე ინათხოვრა

ოფიციალურად: სავინიო "ტოტენჰემის" ფეხბურთელია

კვლავ პრემიერ ლიგაში - ნიკო გონსალესმა "სიტი" დატოვა

დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

კვლავ პრემიერ ლიგაში - ნიკო გონსალესმა "სიტი" დატოვა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

ფეხბურთიდან ომამდე: როგორ გადაიქცა შეხვედრა 100-საათიან ომად

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ენეს მაჰმუტოვიჩი ბათუმის "დინამოს" ფეხბურთელია

ფერან ტორესი: მთლად კმაყოფილი არ ვარ