ოქმით გამარჯვებული

ოთხშაბათს, ჩემპიონთა ლიგის მეოთხედფინალში პრემიერლიგის გუნდები, „ჩელსი“ და „მანჩესტერ იუნაიტედი“ ხვდებიან ერთმანეთს ოთხშაბათს, ჩემპიონთა ლიგის მეოთხედფინალში პრემიერლიგის გუნდები, „ჩელსი“ და „მანჩესტერ იუნაიტედი“ ხვდებიან ერთმანეთს. ამ შეხვედრასთან დაკავშირებით ინგლისელმა ჟურნალისტებმა ლონდონელთა მეკარე პეტრ ჩეხს მიაკითხეს და მანაც სიტყვა არ დაამადლა — 2008 წელს, მოსკოვში გამართულ ფინალში „იუნაიტედმა“ მხოლოდ ყისმათის წყალობით მოგვიგოო. შეგახსენებთ, რომ სამი წლის წინ ჩემპიონთა ლიგის გადამწყვეტ შეხვედრაში სწორედ ეს გუნდები შეხვდნენ ერთვანეთს. მაშინ პენალტების სერიით „იუნაიტედმა“ გაიმარჯვა.ჩეხი ამბობს, რომ შეხვედრა, რომელიც ხვალ „სტემფორდ ბრიჯზე“ უნდა გაიმართოს უკვე დამოუკიდებელი ისტორიაა, სამი წლის წინანდელთან საერთო არაფერი აქვს და ამდენად მას შურისძიების გრძნობა არ ამოძრავებს. კერძოდ გოლკიპერმა თქვა:„ოქმის მიხედვით 2008 წლის ფინალი „მანჩესტერ იუნაიტედმა“ მოიგო, მაგრამ ეს ხომ რეალური გამარჯვება არ იყო. მათ, უბრალოდ, პენალტების სერიაში ჩვენზე მეტად გაუმართლათ. თუმცა, დავანებოთ ამას თავი. მაშინდელი ამბავი წარსულს ჩაბარდა. ახლა ახალი დაპირისპირება გველის და დიდი იმედი მაქვს, რომ ამჯერად ყველაფერი ჩვენს სასარგებლოდ დასრულდება“.სტატისტიკა მეტყველებს, რომ ლონდონში, „ჩელსისა“ და „იუნაიტედის“ ბოლო სამი დაპირისპირება მასპინძლების გამარჯვებით დასრულდა. ჩეხი ფიქრობს, რომ მისი გუნდი ამჯერადაც შეძლებს ჩრდილოელი კონკურენტის ძლევას:„მოედანზე საკუთარ ძალებში აბსოლუტურად დარწმუნებულები გავალთ. საქმე ის არის, რომ ბოლო პერიოდში „იუნაიტედთან“ კარგი შედეგი გვაქვს, განსაკუთრებით შინ, „სტემფორდ ბრიჯზე“. ვფიქრობ, ასეთ პირობებში საკუთარი კედლები დიდ უპირატესობას ნიშნავს. თუ გავიმარჯვებთ, ჩინებულ მდგომარეობაში აღვმოჩნდებით. კიდევ, კარგი ის არის, რომ მოწინააღმდეგის შესახებ ყველაფერი ზედმიწევნით ვიცით. საპასუხო შეხვედრა „ოლდ ტრეფორდზე“ გვაქვს, მაგრამ იქ „იუნაიტედი“ ახალს ვერაფერს შემოგვთავაზებს. მანჩესტერში ბევრჯერ გვითამაშია, ხოლო შარშან გავიმარჯვეთ კიდეც, ასე რომ მეოთხედფინალის წინ განწყობა დადებითი გვაქვს“.მოგეხსენებათ, „მანჩესტერ იუნაიტედს“ ამ სეზონში 1999 წლის შედეგის ანუ ეგრეთწოდებული ტრებლის გამეორება შეუძლია — სერ ალექს ფერგიუსონის გუნდი აგრძელებს ასპარეზობას ჩემპიონთა ლიგაში, ფეხბურთის ასოციაციის თასსა და პრემიერლიგაში. „ჩელსისთვის“ კი, რეალურად, დარჩა ერთადერთი პრიზი, რომლის მოპოვებაც შეუძლია — ჩემპიონთა თასი. რასაკვირველია, თეორიულად „ლურჯებს“ არც პრემიერლიგის ტიტული დაუკარგავთ, მაგრამ შაბათს, „სტოკში“ ნათამაშები 1:1-ის მერე მათ ინგლისის ჩემპიონობის შანსი ძალიან შეუმცირდათ — კარლო ანჩელოტის გუნდი მეოთხე ადგილზეა და „იუნაიტედს“ 11 ქულით ჩამორჩება. ჩეხი განაგრძობს:„ყველაზე მნიშვნელოვანი ის არის, რომ მართალია პრემიერლიგაში დიდ სირთულეებს გადავაწყდით, მაგრამ ჩემპიონთა ლიგაში ადგილი შევინარჩუნეთ და მეოთხედფინალში გავედით. სამწუხაროა, რომ ინგლისის პირველობაზე ასეთივე კარგ პოზიციაში არ ვართ. იმედი გვაქვს, რომ „მანჩესტერ იუნაიტედის“ ბარიერსაც დავძლევთ და ნახევარფინალში გავალთ“.მართლაც, ნოემბერში, დეკემბერსა და იანვარში დასავლეთლონდონელებმა ძალიან ცუდად ითამაშეს, მაგრამ თებერვლიდან გონს მოეგენ და დღეისათვის უკვე 9 თამაშია არ წაუგიათ. ჩეხმა დასძინა:„ჩემპიონთა ლიგა დიდებული შეჯიბრებაა, მაგრამ ნამდვილად ვერ ვიტყვი, რომ მასში გამარჯვება პრემიერლიგის ჩემპიონობას გადაფარავს. ეს ორი განსხვავებული ტურნირია და ორივეს თავისი ხიბლი აქვს“.

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

სასჯელი უმკაცრესი იქნება? - "სიტი" შესაძლოა, მომავალ სეზონში ჩემპიონშიპში ვიხილოთ

"ვარჯიშებზე არ იხარჯებოდა და თანაგუნდელებს ამას ეუბნებოდა" - ტენ ჰაგმა რონალდოს გაშვების მიზეზი ახსნა

ზივზივაძის "ჰაიდენჰაიმმა" "კოტბუსთან" ქულები გაიყო

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

ახალციხემ სუპერლიგაში პირველი გამარჯვება გორის ივერიონთან მოიპოვა

აბუაშვილის "მეცმა" კაცნაკლულ "დიუნკერკს" ვერ მოუგო

ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში

უკრაინა - საქართველო | ინფორმაცია ბილეთების შესახებ

კლოპმა განმარტა, რატომ უგულშემატკივრებს ელ კლასიკოში "ბარსელონას"

დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს

მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის

"დაბრუნდები ისე მაგრად, როგორც დიდ ჩემპიონს ეკუთვნის!" - ნონა გაფრინდაშვილმა ხვიჩა კვარაცხელიას მიმართა

როგორ მოქმედებს SEO ოპტიმიზაცია ბიზნესის განვითარებაზე?

პსჟ კვარაცხელიას შემცვლელის შეძენას გეგმავს

საზონოვი ისევ არ ათამაშეს - "ხეტაფემ" "ლუგანოსთან" 5 გოლი გაუშვა

[VIDEO] გამარჯვებასთან რა ახლოს ვიყავით - "იბერია 1999" "მიალბისთან" ფრეს დასჯერდა

ნიკა ამაშუკელი - ტოკიო, ლონდონი და გენუა

"მიალბისთან" მატჩში "იბერია 1999"-ის შემადგენლობა ცნობილია

7-კაცა | ევროპულ თამაშებზე ოლიმპიადის საგზურისთვის

გიორგი ცხოვრებაძის ბრწყინვალე მატჩი: "ზაგრებმა" პსჟ-ს სძლია

ტონი კროოსმა ისტორიაში 5 საუკეთესო ცენტრალური ნახევარმცველი დაასახელა

ხვიჩა გვაკლია და სიცარიელეს აჩენს... პსჟ-ის მატჩია, მაგრამ...