გულით ქართველი აფრიკელები

ექსდინამოელი ჯორჯ აკირემი და "სიონისა" და "ზესტაფონის" ყოფილი ფორვარდი ერიკ რომეო ჩასემი საქართველოს ისრაელიდან ქომაგობენ "ბოდიში, ძმაო, ნიკა გელაშვილის ნახვა სად შეიძლება?" - თელ-ავივში ქართულის გაგონება გასაკვირი ნამდვილად არ არის, მაგრამ როცა უცხო ქვეყანაში ასეთი შეკითხვით ორი შავკანიანი მოგმართავს, ცოტა დაიბნევი. მცირე დაკვირვების შემდეგ მივხვდით, რომ უცნობები სულაც არ ყოფილან უცნობები - ერთი ბოლნისის "სიონისა" და "ზესტაფონის" ყოფილი კამერუნელი ფორვარდი ერიკ რომეო ჩასემი იყო, მეორე კი თბილისის "დინამოს" ყოფილი გაბონელი თავდამსხმელი ჯორჯ აკირემი.სასტუმრო "ქროუნ პლაზას" მისაღებში მათ სანახავად ის ქართველი ფეხბურთელები ჩავიდნენ, რომლებიც საქართველოში ჩასემისა და აკირემის თანაგუნდელები იყვნენ.ალბათ გახსოვთ, რომ საქართველოდან წასვლის შემდეგ აფრიკულმა დუეტმა კარიერა ისრაელში გააგრძელა. ორივე რანგით მეორე ლიგაში თამაშობს - ჩასემი ნეს ციონას "მაქაბის", ხოლო აკირემი ირონის "რამათ ჰაშარონის" ღირსებას იცავს. ამ უკანასკნელმა "ლელოსთან" ამასწინანდელ ინტერვიუში თქვა, საქართველოდან წასვლით შეცდომა დავუშვიო და ახლაც იგივე გაიმეორა. ჩასემმა, საქართველო მეც მენატრება, მაგრამ ოჯახის ინტერესებს ანგარიში გავუწიე და იქ წავედი, სადაც მატერიალურად უფრო უზრუნველყოფილი ვარო. აფრიკელებს უფრო ისრაელი-საქართველოს მატჩზე ვესაუბრეთ. მათ თამაშამდე შევხვდით და ორივეს ქართველთა გამარჯვების იმედი ჰქონდა.თავდაპირველად მათ საქართველო-ხორვატიის შთაბეჭდილებებზე დავეკითხეთ.ჩასემი: "ხორვატიასთან თამაშს ვუყურე და საქართველოს ნაკრების თამაშით აღფრთოვანებული დავრჩი. კარგად ვიცოდი, რომ ახალი მწვრთნელის ხელში თქვენს გუნდს საგრძნობი პროგრესი ჰქონდა, მაგრამ, სიმართლე გითხრათ, ხორვატიასთან ფრეც კი ძალიან გამიკვირდებოდა."აკირემი: "თამაშის მომენტები ვნახე და, ალბათ, დამეთანხმებით, რომ საქართველოს ნაკრებს ძალიან გაუმართლა. თუმცა ამას რა მნიშვნელობა აქვს, მთავარი შედეგია, ხორვატიის დამარცხებით კი მსოფლიოში მხოლოდ რამდენიმე ნაკრები თუ დაიკვეხნის."ისრაელი-საქართველოს სანახავად სტადიონზე ორივე მოვიდა და ჩვენს გუნდს მხურვალედაც უქომაგა. ჩასემსა და აკირემის ლუის ფერნანდესის გუნდის თამაშები ადრეც უნახავთ და მასზე დიდი წარმოდგენისა არ ყოფილან. ისრაელი არაფრით გამორჩეული გუნდი არ არის და საქართველოს ნაკრებს თელ-ავივში გამარჯვების კარგი შანსი აქვს - ასეთი იყო აფრიკელების პროგნოზი და, სამწუხაროდ, მწარედ შეცდნენ.როცა საქართველოს უმაღლესი და ისრაელის მეორე ლიგების ერთმანეთთან შედარება ვთხოვეთ, უპირატესობა ორივემ პირველის სასარგებლოდ გააკეთა. მთავარ ებრაულ ლიგაზე კი გვითხრეს, ლიდერები მართლაც ძლიერები არიან, დანარჩენები კი ქართულ კლუბებს მხოლოდ ფინანსური შესაძლებლობებით აღემატებიანო.ებრაული კარიერით ორივე კმაყოფილია, ამბობენ, რომ იქაურ საფეხბურთო სტილს იოლად შეეწყვნენ, ქვეყანასთან შეგუება კი გაუჭირდათ.ჩასემი: "ყველაფერი მხოლოდ ფულით არ იზომება, აფრიკელებს გვიყვარს საინტერესო ადამიანებთან ურთიერთობა და ამ სიამოვნებას აქ მოკლებულნი ვართ. მაინცდამაინც ვერც თანაგუნდელებს დავუმეგობრდი და უცხო ხალხთან კონტაქტს ხომ საერთოდ არ აქვს აზრი."აკირემი: "თბილისში ბევრ საინტერესო ადგილას დავდიოდი, აქ კი გარეთ გასვლა არც მსიამოვნებს, თავისუფალ დროს სახლში ვატარებ. ქართველები და აფრიკელები ერთმანეთს იოლად უგებენ, აქაურებზე კი ამას ვერ ვიტყვი, ჩამოსულები გულზე არ ეხატებათ."საქართველოში გატარებულ წლებს დიდი სითბოთი იხსენებენ.ჩასემი: "საქართველო ჩემს მეორე კი არა, მგონი, უკვე პირველ სამშობლოდ მიმაჩნია. იქ ხომ საკმაო ხანი გავატარე და არსად შემხვედრია ასეთი თბილი ხალხი. უამრავი მეგობარი შევიძინე და ისრაელში ჩამოსვლის შემდეგ მივხვდი, რომ მათნაირი ხალხის პოვნა ძალიან ძნელია. მინდა, ქართველებსა და საქართველოს ყოველივე საუკეთესო ვუსურვო."აკირემი: "ვიყავი თბილისელი, ვიყავი დინამოელი და ორივე უდიდესი ბედნიერება იყო. საქართველო და იქაური მეგობრები ყოველდღე მენატრება და იქ რამდენიმე დღით ჩასვლა ძალიან მინდა. ვრჩები "დინამოსა" და საქართველოს ნაკრების ძალიან დიდ გულშემატკივრად. მეც და ერიკსაც თელ-ავივში ძველი გუნდელების ნახვამ უდიდესი სიამოვნება მოგვანიჭა."საქართველოში დარჩენილ მეგობრებს ინტერნეტის მეშვეობით სისტემატურად ეკონტაქტებიან, ინტერესდებიან ჩვენი ჩემპიონატის შედეგებითა და ზოგადად, ქვეყანაში მიმდინარე ამბებით. ჩასემი "სიონის" ქომაგად რჩება და ძალიან უნდა, ბოლნისელებმა კვლავ ტიტულებისთვის იბრძოლონ, აკირემიმ კი "დინამოს" გაძლიერების შესახებ ყველაფერი დეტალურად იცის და იმედოვნებს, რომ მისი ყოფილი გუნდი საქართველოს ჩემპიონობას წლეულსვე დაიბრუნებს.როცა ვკითხეთ, ხომ არ აპირებთ საქართველოში საცხოვრებლად და სათამაშოდ დაბრუნებასო, ერთხმად გვიპასუხეს, საქართველოს თავიდან კარიერულ ტრამპლინად განვიხილავდით, დღეს კი უსაყვარლეს ადგილად მიგვაჩნია და თუ ღმერთმა ინება, აუცილებლად დავბრუნდებითო..

ფეხბურთიდან ომამდე: როგორ გადაიქცა შეხვედრა 100-საათიან ომად

ეიზელის ღამე: 39 გარდაცვლილი ქომაგი და ტრაგედია, რომელმაც ფეხბურთი შეცვალა

[VIDEO] მესის 922-ე გოლი და "მაიამის" ფრე "ფილადელფიაში"

პრემიერ ლიგის მორიგ კლუბში - "ჩელსიმ" ლიამ დელაპი გაასხვისა

კვლავ ლა ლიგაში - ადამა ტრაორე ესპანეთის ჩემპიონატს დაუბრუნდა

დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

[VIDEO] მამარდაშვილის უნიკალური შემთხვევა ვარჯიშზე - რა გააკეთა და რა პირობებში იყო "ლივერპულის" ქართველი მეკარე

კვლავ პრემიერ ლიგაში - ნიკო გონსალესმა "სიტი" დატოვა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ფერან ტორესი: მთლად კმაყოფილი არ ვარ