- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პრანდელიმ დაუწერელი კანონი დაარღვია
<p>ჩეზარე ნაპოლის გულშემატკივრობს: "არ მესმის რატომ უნდა დავმალო ვის ვგულშემატკივრობ ამა თუ იმ თამაშში და გნებავთ, მთლიანად ტურნირზე"... <br> მას შემდეგ, რაც "მადონინაში" "მილანმა" "ინტერი" გაანადგურა და მთელი ხუთი ქულით ჩამოიტოვა თანაქალაქელი, იტალიაში უკვე აღარ სჯერათ, რომ ლეონარდოს გუნდს სკუდეტოსთვის ბრძოლა შეუძლია. "როსონერის" ერთადერთ კონკურენტად "ნაპოლი" მიიჩნევა, გუნდი, რომელიც მხოლოდ სამი ქულით ჩამორჩება ლიდერს და მაღალი დონის ფეხბურთს სტაბილურად თამაშობს. გასულ ტურში, ნეაპოლელებმა ფანტასტიკური მატჩი მოიგეს "ლაციოსთან" და საბრძოლო განწყობა კიდევ უფრო აიმაღლეს. შეგახსენებთ, რომ შეხვედრა 4:2 დასრულდა მასპინძელთა სასარგებლოდ - არადა, სტუმრები ორი ბურთის სხვაობით იგებდნენ და თითქოს თამაშსაც სრულად აკონტროლებდნენ. ასეთი დრამატული მატჩის მოგების შემდეგ, ძალიან ბევრი ალაპარაკდა იმაზე, რომ ნეაპოლელებს შესწევთ სკუდეტოს მოპოვების ძალა და მეტიც, ფავორიტებიც კი არიან ამ ბრძოლაში. სწორედ ამ მოსაზრებას იზიარებს იტალიის ეროვნული ნაკრების თავკაცი, ჩეზარე პრანდელი:</p><p>"ვფიქრობ, რომ სკუდეტოს მოპოვების უმთავრესი პრეტედენტი "ნაპოლია" და ამ სიტყვებს ჰაერზე ნამდვილად არ ვამბობ - ბოლო ტურებში სწორედ ნეაპოლელები აჩვენებენ საუკეთესო თამაშს და იგრძნობა, რომ კიდევ უფრო შეუძლიათ მომატება. საერთოდ, ძალიან მომწონს ეს გუნდი და რა დასამალია, ვგულშემატკივრობ კიდეც. მომწონს ტაქტიკა-სტრატეგია, რომელსაც ვალტერ მაძარი ირჩევს, შემადგენლობა და ის არანორმალური ატმოსფერო, რომელიც "სან პაოლოს" სტადიონზე სუფევს. გამომდინარე აქედან, სწორედ სამხრეთელებს ვქომაგობ და იმედია, ჩემპიონებიც გახდებიან".</p><p>როგორც წესი, ეროვნული ნაკრების მწვრთნელები თავს იკავებენ ამა თუ იმ გუნდის მიმართ სიმპათიების გამოხატვისგან, მაგრამ ჩეზარე პრანდელიმ ეს დაუწერელი კანონი დაარღვია: "არ მესმის რატომ უნდა დავმალო ვის ვგულშემატკივრობ ამა თუ იმ თამაშში და გნებავთ, მთლიანად ტურნირზე... არასდროს მავიწყდება, რომ იტალიის ეროვნული ნაკრების მწვრთნელი ვარ და მხოლოდ იმათ ვიძახებ შემადგენლობაში, ვინც კონკრეტული მომენტისთვის საუკეთესო ფორმაშია. როდესაც ვამბობ, რომ "ნაპოლის" ჩემპიონობა უფრო გამახარებს, ვიდრე "მილანის", ეს იმას არ ნიშნავს, რომ ნაკრებში ფავორიტი გუნდიდან მივიწვევ ფეხბურთელებს. საკუთარი თავის მტერი ნამდვილად არ ვარ და შემადგენლობასაც იმის მიხედვით ვარჩევ, ვინ უკეთ თამაშობს ფეხბურთს და ვინ ჯდება ჩემს ტაქტიკურ მონახაზში".</p><p>პრანდელიმ მაძარის შესახებ ისაუბრა ვრცლად და შემდეგი განაცხადა: "ვალტერი გენიალური სპეციალისტია და ამაში ტურიდან ტურამდე ვრწმუნდები. კარგად გრძნობს თამაშის პულსს და იცის, რა დროს რა ცვლილებას უნდა მიმართოს. არასდროს ეშლება შემადგენლობის თუ ტაქტიკა-სტრატეგიის შერჩევა. მოკლედ, მისი მისამართით კარგის მეტი არაფერი მეთქმის. ჩემი პირადი აზრია, რომ ის ისეთივე მნიშვნელოვანია "ნაპოლისთვის", როგორც თავის დროზე დიეგო მარადონა იყო - განსხვავება მხოლოდ ის არის, რომ დიეგო ფეხბურთელი იყო, ვალტერი კი მწვრთნელია".</p><p>"ნაპოლის" შანსებთან დაკავშირებით, მოსაზრება გამოთქვა ანტონიო კარეკამ, ფეხბურთელმა, რომელიც 90-იან წლებში ასპარეზობდა სამხრეთულ კლუბში და დიეგო მარადონასთან ერთად, სკუდეტოც მოუგია. აი რას ფიქრობს კარეკა: "მთავარია ირწმუნონ ნეაპოლელებმა და ასეთ შემთხვევაში, სკუდეტოს მოგებაც შესაძლებელია. რწმენას ძასლიან დიდი მნიშვნელობა აქვს და ამას ჩემი პირადი გამოცდილებიდან ვამბობ - მახსოვს, ყველაზე მნიშვნელოვან მომენტში თითოეულ ფეხბურთელს ემოციების მოზღვავება ჰქონდა და რომ არა საქმისადმი სწორი მიდგომა და საკუთარი თავის ხელში აყვანა, სკუდეტო ხელიდან გაგვექცეოდა. იმდროინდელი და ამჟამინდელი გუნდების შედარება? - ჩვენ სამი გამოკვეთილი თავდამსხმელით ვთამაშობდით და გაცილებით უფრო შემტევი გუნდი გვყავდა, ამიტომ ხშირად მეტოქეებს უბრალოდ ვანადგურებდით. მაძარიც სამი შემტევით თამაშობს, მაგრამ იქიდან მხოლოდ ერთი, ედინსონ კავანია გამოკვეთილი ფორვარდი. მარეკ ჰამშიკი და ესეკილ ლავეცი კი უკნიდან თამაშობენ და ნახევარდაცვას გვარიანად ეხმარებიან. განსაკუთრებით ლავეცი მომწონს, მაგრამ ვფიქრობ, რომ კიდევ უფრო მეტად უნდა აიღოს თამაში საკუთარ თავზე - ხშირად აქვს დასარტყმელი პოზიცია და მაინც პასის გაკეთებაზე ფიქრობს. არადა, კარგი დარტყმა აქვს და თუ უფრო ხშირად დაემუქრება მეტოქეთა კარს, მისთვისაც უკეთესი იქნება და მთელი გუნდისთვისაც".</p><p>გასაკვირი არ არის, რომ ნეიტრალურად განწყობილი გულშემატკივრების აბსოლუტური უმეტესობა "ნაპოლის" გულშემატკივრობს. ეს ბუნებრივია, რადგან "მილანი" მსოფლიო ფეხბურთის აღიარებული გრანდია, ობიექტურად უფრო ძლიერ გუნდად ითვლება, უმეტესობა კი როგორც წესი სწორედ სუსტს ქომაგობს - ასე უფრო საინტერესოა და ალბათ სამართლიანიც.</p><p>დავუბრუნდეთ პრანდელის განცხადებას მისი "ნაპოლისადმი" სიმპათიების შესახებ და ადრიანო გალიანის მოვუსმინოთ, რომელიც ძალიან გაანაწყენა "სკუადრა აძურას" მთავარი მწვრთნელის კომენტარმა: "უკვე დავურეკე ფედეკალჩოს პრეზიდენტს და ჩემი აზრი პირადად მოვახსენე - არამგონია, რომ სწორი იყოს, როდესაც ეროვნული ნაკრების თავკაცი ამა თუ იმ გუნდს სიყვარულში უტყდება. ამან შეიძლება ცუდი გავლენა მოახდინოს ფეხბურთელებზე, რომლებიც "აძურას" კანდიდატები არიან და ყველანაირად ცდილობენ, რომ ჩეზარეს თავი მოაწონონ. ჯანკარლო აბეტემ გაიზიარა ჩემი მოსაზრება და პირობა მომცა, რომ ამ თემაზე პრანდელის აუცილებლად დაელაპარაკება".</p><p>მართალია, უმეტესობამ "ინტერი" უკვე ჩამოწერა სასკუდეტო მარათონიდან, მაგრამ ასე კატეგორიულად ლაპარაკი არა გვგონია, რომ სწორი იყოს. ლეონარდოს გუნდი მესამე ადგილზეა სატურნირო ცხრილში და ხუთი ქულით ჩამორჩება "მილანს", სამით კი "ნაპოლის". ბოლოს, დარჩენილი შეხვედრების კალენდარს გადავხედოთ...</p><p>XXXII ტური</p><p>ფიორენტინა-მილანი</p><p>ბოლონია-ნაპოლი</p><p>ინტერი-კიევო</p><p>XXXIII</p><p>მილანი-სამპდორია</p><p>ნაპოლი-უდინეზე</p><p>პარმა-ინტერი</p><p>XXXIV</p><p>ბრეშა-მილანი</p><p>პალერმო-ნაპოლი</p><p>ინტერი-ლაციო</p><p>XXXV</p><p>მილანი-ბოლონია</p><p>ნაპოლი-ჯენოა</p><p>ჩეზენა-ინტერი</p><p>XXXVI</p><p>რომა-მილანი</p><p>ლეჩე-ნაპოლი</p><p>ინტერი-ფიორენტინა</p><p>XXXVII</p><p>მილანი-კალიარი</p><p>ნაპოლი-ინტერი</p><p>XXXVIII</p><p>უდინეზე-მილანი</p><p>იუვენტუსი-ნაპოლი</p><p>ინტერი-კატანია</p><p>თ მ ფ წ ბ ქ</p><p>1. მილანი 31 19 8 4 54-22 65</p><p>2. ნაპოლი 31 19 5 7 50-30 62</p><p>3. ინტერი 31 18 6 7 56-35 60</p>
"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა
"თუ გააბედნიერებს, წავიდეს" - ფაბრეგასს "ჩელსისკენ" გზა ეხსნება
"მილანს" ფორვარდი სჭირდება - გუნდის ახალი ვარიანტი სორლოტია
გულიაშვილს ორი გოლი გაუუქმეს - "რასინგმა" მნიშვნელოვანი ქულები დაკარგა
მიქაუტაძის 85 წუთი - "ვილიარეალმა" "სელტას" მოუგო
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
crocobet დიდი 10 | "ბათუმი" საქართველოს ჩემპიონია!
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
საქართველოს ნაკრებმა ევროპის ჩემპიონატზე რვა მედალი მოიპოვა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა