"არსენალის" და ლემანის გამარჯვება

ბლექპულში გამარჯვებით გახარებული არსენ ვენგერი ამბობს, რომ მის „არსენალს“ ჯერ კიდევ შეუძლია „მანჩესტერ იუნაიტედის“ დაწევა ბლექპულში გამარჯვებით გახარებული არსენ ვენგერი ამბობს, რომ მის „არსენალს“ ჯერ კიდევ შეუძლია „მანჩესტერ იუნაიტედის“ დაწევა - 32-ე ტურის შემდეგ პრემიერლიგის ლიდერსა და მდევარს შორის სხვაობა 7 ქულაა. შეგახსენებთ, რომ ყველა შეჯიბრებაში ერთად, ეს მეთოფეთა პირველი გამარჯვება იყო ბოლო ექვს შეხვედრაში. „ბლუმფილდ როუდზე“ გოლები აბუ დიაბიმ, ემანუელ ებუემ და რობინ ვან პერსიმ გაიტანეს, მასპინძელთაგან კი ერთი საპასუხო გერი ტეილორ-ფლეტჩერმა შეაგდო. ჩრდილოლონდონელთა თავკაცი ამბობს, რომ მის ბიჭებს კვირასაც რომ ვერ მოეგოთ, ჩემპიონობის ყველანაირი შანსი დაკარგული ექნებოდათ.„ტიტულისთვის ბრძოლის შანსს მხოლოდ სამი ქულა თუ დაგვიტოვებდა და აი, მოვიგეთ კიდეც. ჩვენ, გულშემატკივარს სიტყვა მივეცით, რომ დარჩენილ შეხვედრებში ყველა ღონეს ვიხმარდით. წინ კიდევ შვიდი ტურია, ეს კი ცოტა ნამდვილად არ არის. ბოლოდროს ხალხი ხშირად იმეორებდა, რომ ჩვენ კარგა ხანი არ მოგვეგო, თუმცა ასევე კარგა ხანია არც წაგვიგია. ერთი სიტყვით, ბლექპულში გამარჯვება ძალიან მნიშვნელოვანი გახლდათ და ახლა ყოველ მომდევნო ტურში მაქსიმალური მონდომებით უნდა გამოვიდეთ“.კიდევ, ვენგერი ფიქრობს, რომ „არსენალს“ ერთგვარი ფსიქოლოგიური უპირატესობაც აქვს - „მანჩესტერ იუნაიტედი“ სამ ფრონტზე იბრძვის, მაშინ როდესაც „მეთოფეებს“ ერთადერთი მიზანი დარჩათ: პრემიერლიგის ჩემპიონობა.„ჩვენ ახლა ერთ კვირას დავისვენებთ, რის შემდეგაც ორი რთული თამაში გველის, „ლივერპულსა“ და „ტოტენჰემთან“. ამის მერე კი სულ ისეთი შეხვედრები მოდის, რომლებიც წესითა და რიგით უნდა მოვიგოთ“.ბევრჯერ დაიწერა, რომ ჩემპიონთა ლიგიდან გამოვარდნის შემდეგ „არსენალს“ რთული პერიოდი ჰქონდა, რომელიც, ვენგერის აზრით უკვე დაძლეულია. მან თქვა:„ჩემპიონთა ლიგიდან გამოვარდნამ ძალიან გვატკინა გული და, რასაკვირველია, მას მოჰყვა იმედგაცრუების ხანა, რომელიც რამენაირად უნდა დაგვეძლია. სწორედ ასეთ დროს უნდა დაამტკიცო, რომ მენტალურად ძლიერი ხარ და სირთულეების გადალახვა შეგიძლია“.ბლექპულში ჩატარებულ შეხვედრაში კიდევ ერთი თვალშისაცემი ამბავი მოხდა - უშუალოდ თამაშის წინ მეკარე მანუელ ალმუნია დაშავდა და მის ნაცვლად კარში ვეტერანი იენს ლემანი ჩადგა. მოგეხსენებათ, ლემანი 41 წლის არის და მას ფეხბურთის თამაშისთვის უკვე თავი ჰქონდა დანებებული. გერმანელმა ჩინებულად გაართვა საქმეს თავი, თუმცა ერთ ეპიზოდში წითელ ბარათსაც გადარჩა: იმ ეპიზოდში „ბლექპულს“ გოლი რომ არ შეეგდო, მსაჯი ლემანს აუცილებლად დასჯიდა.ვენგერი: „იენსს როგორც მეკარეს კი ვენდობოდი, მაგრამ მასაც რამე რომ მოსვლოდა ვეღარ შევცვლიდი - თადარიგში აღარავინ მყავდა. რაც შეეხება გოლის ეპიზოდს, მსაჯს პენალტიც რომ დაენიშნა, ვფიქრობ, ჩვენი გოლკიპერი, ყვითელ ბარათზე მკაცრად არ უნდა დაესაჯა. საბოლოოდ ლემანით კმაყოფილი ვარ. ის ვითარებას კარგად აკონტროლებდა. სტანდარტული მდგომარეობების დროს ის ჩინებულად ხელმძღვანელობდა დაცვას“.სტატისტიკოსები კი ამბობენ, რომ ამიერიდან იენს ლემანი გახდება ყველაზე ასაკოვანი ფეხბურთელი, რომელიც „არსენალის“ ისტორიაში მოედანზე გასულა.„მართალი გითხრათ არც ველოდი, რომ თამაში მომიწევდა, მაგრამ ცხოვრება სიურპრიზებით არის სავსე. შემდეგ ტურშიც თუ ვითამაშებ? გულწრფელად რომ გითხრათ აღარც მაინტერესებს. თუნდაც „ბლექპულთან“ მატჩი ჩემი კარიერის უკანასკნელი შეხვედრა გამოდგეს, ძალიან კმაყოფილი დავრჩები, რადგან ის მოვიგეთ“.

თუ "სიტის" დააქვეითებენ - "ბაიერნი" ფოდენის შეძენას შეეცდება

"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა

ტიერი ანრი: გულშემატკივრები არ დაელოდებიან, ბარკოლა ბოლომდე როდის გაიხსნება

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

ლაშა დვალი: მხოლოდ ასე შევძლებთ ამ ვითარების შემოტრიალებას

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

ესპანეთმა ისევ გაიმარჯვა, ინგლისმა ხორვატია არ დაინდო

"შავი ლომი" | ახალი სახეებით "ჩიტასთან"

უკრაინელი მწვრთნელი: ბრიტანელებმა ჩვენი სუსტი ადგილი მოძებნეს

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ