- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ნახევარფინალში მხოლოდ ზირაქაშვილმა გააღწია
<p>ევროთასებზე მოასპარეზე ქართველ მორაგბეთა ოთხი გუნდიდან მეოთხედფინალში წარმატებას მხოლოდ "კლერმონმა" მიაღწია</p><p><br> ევროთასების გათამაშებაში მოასპარეზე ქართველ მორაგბეთა ოთხი გუნდიდან მეოთხედფინალში წარმატებას მხოლოდ ერთმა, დავით ზირაქაშვილის "კლერმონმა" მიაღწია. სამი კი დამარცხდა და ნახევარფინალში თამაშის უფლება ვერ მოიპოვა.</p><p>ყველაზე პრესტიჟულ "ჰაინეკენის" თასის გათამაშებაში, დავით ქუბრიაშვილის "ტულონი" ბარსელონაში "ოლიმპიურ" სტადიონზე "პერპინიანს" ეთამაშა და 25:29 წააგო. ტულონელებმა პირველი ტაიმი 11:6 მოიგეს. ერთი ლელო მესამეხაზელმა ჯორჯ სმითმა გაიტანა, რასაც ჯონი ვილკინსონმა ორი საჯარიმო მიუმატა.</p><p>შესვენების შემდეგ თერთმეტ წუთში "პერპინიანმა" დაწინაურება შეძლო. ამის შემდეგ კი, 73-ე წუთამდე თამაში, შეიძლება ითქვას, ქულა-ქულაში მიდიოდა. დასკვნით ხუთ წუთში კი პერპინიანელებმა იძალეს და 2003 წლის შემდეგ "ჰაინეკენის თასის" ნახევარფინალში პირველად გააღწიეს.</p><p>ქუბრიაშვილი ძირითად შემადგენლობაში იყო და 75-ე წუთზე შეცვალეს.</p><p>დრამატული გამოდგა კიდევ ერთი მეოთხედფინალური შეხვედრა ბასკურ "ბიარიცსა" და ფრანგულ გრანდ "ტულუზს" შორის, რომელიც სან სებასტიანში "ესტადიო ანოეტაზე" გაიმართა. მატჩის ძირითადი დრო 17:17 დამთავრდა. დაინიშნა დამატებითი ორი ათწუთიანი ტაიმი. ტულუზელბი დავიდ სკრელას საჯარიმოთი დაწინაურდნენ - 20:17. მეორე დამატებული ტაიმის დასრულებას წუთნახევარი აკლდა, როცა ბიარიცელთა ქართული წარმოშობის ცხრა ნომერმა დიმიტრი იაშვილმა, საჯარიმო ორმოცი მეტრიდან დაარტყა და ანგარიში გაათანაბრა.</p><p>ტულუზელებმა თამაში ცენტრიდან განაახლეს, ოცდაორმეტრიან ზონაში ბურთი იაშვილს მიუვიდა, ფეხით მეტოქის მოედანში გადატანა სცადა, მაგრამ "ტულუზის" მესამეხაზელმა იანიკ ნიანგამ დაუფარა, წინ გადავარდნილ ბურთს მიჰყვა და გამარჯვების მომტანი ლელო გაიტანა - 27:20.</p><p><strong>ჰაინეკენის თასი</strong></p><p><em>მეოთხედფინალი</em></p><p>ლენსტერი-ლესტერი 17:10, ბიარიცი-ტულუზი 20:27, ნორსჰემპთონი-ალსტერი 23:13, პერპინიანი-ტულონი 29:25</p><p><em>ნახევარფინალი</em></p><p>ლენსტერი-ტულუზი, ნორსჰემპთონი-პერპინიანი</p><p>როგორც უკვე აღვნიშნეთ, დავით ზირაქაშვილის "კლერმონმა" "ემლინ ჩლენჯ კაპის" ნახევარფინალში გააღწია. "ვულკანებმა" მეოთხედფინალში საფრანგეთის ჩემპიონატის ერთ-ერთი აუტსაიდერი "ლა როშელი" დაამარცხეს - 23:13. როგორც მოსალოდენელი იყო, ჩვენებურის გუნდი მთელი მატჩის განმავლობაში ფლობდა უპირატესობას და დამსახურებულად გაიმარჯვა. არადა ტრავმის გამო "კლერმონს" ექვსი წამყვანი მოთამაშე აკლდა.</p><p>ზირაქაშვილი საფრანგეთის ჩემპიონატის ერთ-ერთ შეხვედრაში დაშავდა და არ უთამაშია.</p><p>"კლერმონის" მეტოქე ნახევარფინალში საფრანგეთის კიდევ ერთი კლუბი, "სტად ფრანსე" იქნება, რომელმაც შინ მოუგო მამუკა გორგოძის, გიორგი ჩხაიძის, გოდერძი შველიძის, გიორგი ჟღენტისა და მიხეილ ნარიაშვილის "მონპელიეს" - 32:28.</p><p>აღსანიშნავია, რომ ჩვენებურთა გუნდს რამდენიმე წამყვანი მოთამაშე, მამუკა გორგოძე, გიორგი ჟღენტი, ფრანსუა ტრინ-დუკი, ჟულიენ ტომა და ფულენსე უოდრაოგო აკლდა. მიუხედავად ამისა, მონპელიელებმა თამაში შესანიშნავად დაიწყეს და 21-ე წუთისთვის 16:0-ს იგებდნენ.</p><p>მასპინძლებმა ნელ-ნელა მოახერხეს თამაშის სადავეების ხელში აღება და 54-ე წუთზე ანგარიში გაათანაბრეს. ბოლო ოც წუთში კი ორი ლელო გაიტანეს და ნახევარფინალისკენ გაიკაფეს გზა.</p><p>ჩხაიძე ძირითად შემადგენლობაში იყო და 61-ე წუთზე შეცვალეს, შველიძე თამაშში 56-ე წუთიდან ჩაერთო.</p><p>დრამატული გამოდგა დავით ხინჩაგიშვილისა და ვასილ კაკოვინის "ბრივის" დაპირისპირება შინ ირლანდიურ "მანსტერთან", ჩვენებურთა გუნდმა ბოლომდე იბრძოლა, 19-ქულიანი ჩამორჩენის აღმოფხვრას ეცადა, მაგრამ დრო აღარ ეყო - 37:42.</p><p>არადა მატჩის პირველი ნახევარი, მასპინძლებს მსგავს არაფერს უქადდა. ბრიველებმა ტაიმი, მართალია, მინიმალური სხვაობით, მაგრამ მაინც მოიგეს - 20:19. მეორე ნახევარში ირლანდიური გუნდი შეუჩერებელი იყო და 68-ე წუთისთვის უკვე 42:23-ს იგებდა.</p><p>ხინჩაგიშვილი ძირითად შემადგენლობაში იყო და კაკოვინმა 48-ე წუთზე შეცვალა.</p><p><strong>ჩელენჯ კაპი </strong></p><p><em>მეოთხედფინალი</em></p><p>სტად ფრანსე-მონპელიე 32:28, ლა როშელი-კლერმონი 13:23, ბრივი-მანსტერი 37:42, ჰარლიქვინზი-ვოსფსი 32:22</p><p><em>ნახევარფინალი </em></p><p>სტად ფრანსე-კლერმონი, ჰარლიქვინზი-მინსტერი</p><p>ამასობაში, 27-ე ტურის შეხვედრები გაიმართა საფრანგეთის სარაგბო ჩემპიონატის ელიტურ, მეორე დივიზიონში. გათამაშების ლიდერმა გურამ კავთიძის "ლიონმა" სტუმრად ურთულეს ბრძოლაში დაამარცხა მამუკა მაგრაქველიძისა და ირაკლი მირცხულავას "ტარბი" - 15:8.</p><p>ამ გამარჯვებით ლიონელებმა კიდევ ერთი ნაბიჯი გადადგეს პირველი დივიზიონისკენ. კავთიძემ და კომპანიამ რეგულარული გათამაშების დასრულებამდე სამი ტურით ადრე 92 ქულა დააგროვა და ექვსი ქულით უსწრებს უახლოეს მდევარ, გიორგი მენაბდიშვილის "გრენობლს".</p><p>მაგრაქველიძე სათადარიგოთა შორის იყო და თამაშში დაშავებული ჯერემი ურუს ნაცვლად მე-3 წუთიდან ჩაერთო, კავთიძე და მირცხულავა განაცხადში არ იყვნენ.</p><p>"გრენობლმა" თავის მხრივ სტუმრად მოუგო იოლად "სენტ ეტიენს" - 42:15. მენაბდიშვილს არ უთამაშია.</p><p><strong>II დივიზიონი</strong></p><p>XXVII ტური</p><p>პო-დაქსი 40:20, კარკასონი-ექსი 26:12, ტარბი-ლიონი 8:15, ნარბონი-ოში 34:28, კოლომიე-ოიონაქსი 20:13, ორიაკი-ალბი 6:6, მონ დე მარსანი-ბორდო 23:13, სენტ ეტიენი-გრენობლი 15:42</p><p><em>სატურნირო მდგომარეობა</em></p><p>1. ლიონი - 92 ქულა, 2. გრენობლი - 86, 3. ალბი - 82, 4. მონ დე მარსანი - 73, 5. ბორდო - 73, 6. პო - 68, 7. ოში - 66, 8. ორიაკი - 64, 9. კარკასონი - 62, 10. ოიონაქსი - 61, 11. ტარბი - 60, 12. ექსი - 57, 13. ნარბონი - 56, 14. დაქსი - 48, 15. კოლომიე - 47, 16. სენტ ეტიენი - 17.</p><p>XXVIII ტური</p><p>ტარბი-კოლომიე, ბორდო-ნარბონი, დაქსი-მონ დე მარსანი, ალბი-ოში, გრენობლი-ორიაკი, ექსი-პო, სენტ ეტიენი-კარკასონი, ლიონი-ოიონაქსი.</p><p>.</p>
ნიკა ამაშუკელი საუკეთესო მსაჯთა ათეულში დაასახელეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა
[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა
ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო
გულიაშვილის 71 წუთი - "რასინგმა" მოიგო და ისევ ლიდერია