ჰანდანოვიჩი: პრემიერლიგაში მეკარეების დეფიციტია

ბუფონი არსად არ მიდის სულ უფრო და უფრო ხშირად ისმის საუბრები იმის შესახებ, რომ ჯანლუიჯი ბუფონმა შესაძლოა ზაფხულში დატოვოს "იუვენტუსი" და კარიერა სხვა გუნდში გააგრძელოს. ეს ხმები მას შემდეგ უფრო გახშირდა, რაც ჯიჯიმ ტრავმა მიიღო და მის ნაცვლად კარში ჩამდგარმა მარკო სტორარიმ კიდევ ერთხელ გამოავლინა საკმაოდ მაღალი ოსტატობა. განსაკუთრებით კარგად სტორარი "რომასთან" პაექრობაში წარმოჩინდა, რის შემდეგაც ჟურნალისტებთან საუბარში პროვოკაციული განცხადებაც კი გააკეთა. მისი თქმით, მხოლოდ ბრმას არ შეუძლია იმის დანახვა, რასაც მოედანზე აკეთებს და იქვე, იმედი გამოთქვა, რომ "იუვენტუსის" მთავარი მწვრთნელი ბრმა არ არის. "რომას" თავკაცმა ვინჩენცო მონტელამ მისი გუნდის ტურინელებთან მარცხი მთლიანად მარკო სტორარის "გადააბრალა" - რომ არა მეტოქეთა კიპერის ბრწყინვალე გარჯა, მინიმუმ ქულას ავიღებდითო. მოკლედ, რაც არ უნდა პარადოქსულად ჟღერდეს, მსოფლიოს ერთ-ერთ საუკეთესო მეკარეს, ჯანლუიჯი ბუფონს მარკო სტორარის სახით, სერიოზული კონკურენტი გამოუჩნდა. მიუხედავად ამისა, ჯიჯი არ აპირებს ტურინიდან აბარგებას და ამის შესახებ მკაფიო განცხადებას აკეთებს:"ტურინში თავს იმაზე უფრო ბედნიერად ვგრძნობ, ვიდრე ეს ვინმეს წარმოუდგენია. არავითარი სურვილი არ მაქვს, რომ კარიერა სხვა გუნდში გავაგრძელო და შესაბამისად, "იუვენტუსში" ვაპირებ დარჩენას. მით უმეტეს, კლუბთან კიდევ 2.5 წლიანი კონტრაქტი მაკავშირებს, რომლის გაწყვეტის აზრსაც ვერ ვხედავ. შემოთავაზებები ნამდვილად მაქვს, ერთ-ერთი დაინტერესებული გუნდი "მანჩესტერ სიტია" და მოლაპარაკების დაწყებასაც მთავაზობენ, მაგრამ ჩემი სურვილის შესახებ უკვე გითხარით და პოზიციის შეცვლას არ ვაპირებ".სატრანსფერო ჭორები "უდინეზეს" არაერთი ფეხბურთელის შესახებაც ვრცელდება და ეს ნამდვილად არ გახლავთ გასაკვირი, რადგან ფრიულელები მიმდინარე სეზონში ბრწყინვალედ ასპარეზობენ. შესანიშნავად თამაშობს მეკარე სამირ ჰანდანოვიჩი, რომელიც ჯანლუიჯი ბუფონისგან განსხვავებით, სულაც არ არის წინააღმდეგი, რომ გუნდი გამოიცვალოს და მაგალითად, ინგლისის პრემიერლიგაში გადაბარგდეს. მოვუსმინოთ "უდინეზეს" სლოვენიელ კიპერს: "ინგლისის ჩემპიონატის თამაშებს ხშირად ვადევნებ თვალს და სიმართლე გითხრათ, იქაური ატმოსფერო ძალიან მომწონს. შესაბამისად, წინააღმდეგი არ ვიქნები, რომ პრემიერლიგის გუნდის ღირსება დავიცვა. მით უმეტეს, ჩემი დაკვირვებით ალბიონზე მაღალი კლასის მეკარეების დეფიციტია და ადგილის დამკვიდრება არ უნდა გამიჭირდეს. თუმცა, ჯერ მიმდინარე სეზონის დასრულებაზე ვარ კონცენტრირებული და სატრანსფერო საკითხებზე, უფრო კონკრეტულად ივნისის თვეში ვისაუბროთ".

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

ტოტიმ დაადასტურა - ლეგენდარული იტალიელი "რომას" უბრუნდება

[VIDEO] დე ლაურენტისის ვაჟი პოლიციამ იხსნა - ლუიჯის საკუთარი კლუბის გულშემატკივრები განურისხდნენ

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა