მსაჯებს არ უნდათ წითელი

მსაჯის თვალით ყოფილი ინგლისელი მსაჯი გრემ პოლი, რომლის მოსაზრებებსაც „ლელოს“ მკითხველი ხშირად ეცნობა, ამჯერად მსჯელობს რამდენიმე წესზე, რომელიც არბიტრებს არ უნდათ რომ არსებობდეს. მეტიც, მსაჯებმა კარგად იციან, რომ ამ წესების შესრულება ამაოა, მაგრამ ვალდებულები არიან შეასრულონ. უპირველეს ყოვლისა ლაპარაკია გოლის გატანის შემდეგ ზღვარგადასულ ზეიმზე, უფრო სწორად კი მაისურის გახდაზე.ფაქტია: გოლის ავტორისთვის ყვითელი ბარათის აფრიალება არბიტრებს, რომლებიც ისედაც არაპოპულარულები არიან, კიდევ უფრო არაპოპულარულებს ხდის. ხალხი ღიზიანდება. მერედა, ეს გაფრთხილება მოთამაშეებზე რომ მოქმედებდეს მაისურის გახდისთვის თავი კარგა ხნის დანებებული ექნებოდათ, მაგრამ, როგორც ვხედავთ, დრო გადის და არაფერი იცვლება. არადა, კანონი მოითხოვს, ყვითელი ბარათით დაისაჯოს ყველა, მათ რიცხვში ისინიც ვისაც ერთი გაფრთხილება უკვე ჰქონდა... ანუ, მსაჯი ვალდებულია ათასობით გულშემატკივართან ერთად მოზეიმე მოთამაშე მოედნიდან გააგდოს.მეორე მხრივ, არბიტრებმა კარგად იციან, რატომ მოიგონეს ეს წესი — ფეხბურთელის ქცევამ მაყურებელზე რომ არ იმოქმედოს და ზეიმი მასობრივ უწესრიგობაში არ გადაიზარდოს. მაგრამ, პოლი აღნიშნავს, რომ ყვითელმა ბარათმა, როგორც დაშინების მექანიზმმა არ იმუშავა და კარგი იქნება თუ მას შეცვლიან. მაგალითად, შესაძლოა გოლის შემდეგ მაისურის გახდისთვის ფულით დაჯარიმებას ჰქონდეს აზრი.მეორე წესი, რომელსაც მსაჯები ზედმეტად მიიჩნევენ დაშავებული ფეხბურთელის მოედნიდან გასვლაა, მას მერე, რაც ნატკენ ადგილს დაუთვალიერებენ და ტრავმის სიმძიმეს შეუფასებენ. გასაგებია, რომ ეს სიმულაციის საწინააღმდეგოდ მოფიქრებული კანონია — თუ ტყუილად წაიქცევი, რაღაც დროით (სანამ მოედნიდან გახვალ და დაბრუნდები) გუნდს დააკლდები, მაგრამ ამან შედეგი აშკარად ვერ გამოიღო. საილუსტრაციოდ პოლი პრემიერლიგის ბოლო ტურში „ივუდ პარკზე“ მომხდარ ინციდენტს იხსენებს: „ბირმინგემ სიტის“ მცველი როჯერ ჯონსონი მეტოქესთან თავით შეჯახების შემდეგ იძულებული იყო მოედნიდან გასულიყო და დაბრუნებულიყო. სანამ დაბრუნებული ჯონსონი თავისი პოზიციისკენ მირბოდა, „ბლექბერნმა“ გოლი გაიტანა.„ამ ორი, სრულიად ზედმეტი წესის გაუქმების ან გადახალისების ნაცვლად ფეხბურთის საერთაშორისო ასოციაციის საბჭომ კარს უკან დამატებითი მსაჯები დააყენა. ისინი შეხვედრის მთავარ არბიტრს ხელს უშლიან და მასთან თანამშრომლობა უჭირთ“ — ამბობს პოლი, რომელიც თავის პოზიციას კვლავ მაგალითით ამაგრებს. ინგლისელი ექსპერტის მაგალითი ამჯერად ჩემპიონთა ლიგის თამაშიდან არის. ერთი კვირის წინ, „სტემფორდ ბრიჯზე“, „ჩელსისა“ და „მანჩესტერ იუნაიტედის“ პირველ მეოთხედფინალურ შეხვედრაში მანჩესტერელმა პატრის ევრამ ლონდონელთა ბრაზილიელი ნახევარმცველი რამირესი საჯარიმოში წააქცია. პოლის აზრით სადავო არაფერია: ამ ეპიზოდში პენალტი უნდა დანიშნულიყო და დარღვევა ზუსტად უნდა დაენახა კარსუკანა თანამსაჯს, მაგრამ მან მთავარ არბიტრს არაფერი უთხრა. პოლი ამბობს, რომ ვიდეოგამეორებეზე აშკარად ჩანს — ხსენებული ასისტენტი ვალდებული იყო ევრას მიერ წესის დარღვევა შეემჩნია, ის საამისოდ იდეალურ პოზიციაში იდგა, მაგრამ... ვაგლახ, მეოთხე და მეხუთე მსაჯებიც ადამიანები გამოდგნენ თავიანთი შეცდომებითა და სისუსტეებით.„კიდევ რამდენი მსაჯი უნდა დაამატოს ფიფამ, რომ მიხვდეს — ადამიანი მაინც შეცდება, ვიდეოკამერას კი ვერაფერს გამოაპარებ!“ — ამბობს ფიფას ყოფილი არბიტრი და იმედს გამოთქვამს, რომ ეს ექსპერიმენტი ბოლო იქნება და მერე ძლიერნი ამა ქვეყნისანი ერთადერთ სწორ დასკვნას გააკეთებენ.

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა