როჯერმა ვარჯიშით დაიწყო

მონტე კარლოს მასტერსზე ნოვაკ ჯოკოვიჩის არყოფნაში რეიტინგში მეორე ადგილზე დაბრუნების შანსი ფედერერმა მიიღო მონტე კარლოს მასტერსზე ნოვაკ ჯოკოვიჩის არყოფნაში რეიტინგში მეორე ადგილზე დაბრუნების შანსი მიიღო როჯერ ფედერერმა. შვეიცარიელმა შარშან გამოტოვა ეს მასტერსი, წელს კი დაბრუნდა ტურნირზე, სადაც სამჯერ ითამაშა ფინალში, მაგრამ ვერც ერთხელ ვერ მოიგო.კლასიფიკაციის მეორე საფეხურზე ასასვლელად როჯერს მონაკოში გამარჯვება ესაჭიროება, რაც ჯანმრთელი რაფაელ ნადალის პირობებში ძალიან რთული იქნება. შეგახსენებთ, რომ ბოლო ექვსი წლის განმავლობაში ნადალი აქ მთავარ პრიზს იღებდა.ფავორიტთაგან სწორედ ფედერერი ჩაება პირველი ბრძოლაში. როჯერის პირველი მეტოქე ფილიპ კოლშრაიბერი იყო. ამ გერმანელის წინააღმდეგ შვეიცარიელს არასოდეს უჭირდა - წინა ხუთ მატჩში ხუთი ჰქონდა მოგებული. ამჯერადაც ბრძოლა არ ყოფილა. მთელი მატჩის განმავლობაში გერმანელმა მხოლოდ ერთი ბრეიკ-პოინტი მოიპოვა და ის ვერ გამოიყენა, როჯერის ანგარიშზე კი ოთხი ბრეიკი იყო. 50 წუთში ასეთი ანგარიში დაფიქსირდა - 6:2, 6:1. შვეიცარიელმა კარგი ფორმა აჩვენა, ბევრს მოძრაობდა და მისი საფირმო დარტყმებიც აღწევდა მიზანს.დღის დანარჩენი მატჩებიდან საინტერესო იყო ივან ლუბიჩიჩისა და ჟო-ვილფრიდ ცონგას დაპირისპირება. მთელი მატჩი თანაბარ ბრძოლაში მიმდინარეობდა. ფრანგი ინიციატივას ფლობდა, მაგრამ ივანი ზუსტად თამაშობდა. მართალია, პერიოდულად ფეხი სტკიოდა, მაგრამ კორტზე გადადაადგილებაში ეს ხელს არ უშლიდა. ფრანგს პირველ პარტიაში სეტზე ჩაწოდება შეეძლო, მაგრამ წააგო თავისი მოწოდება, შემდეგ კი ტაი-ბრეიკიც დათმო. მეორე სეტში ცონგამ ურთულესი 15-წუთიანი გეიმი მოიგო მიღებაზე, თუმცა აქედან მოყოლებული მის მოქმედებაში ჩავარდნა დაიწყო.იმ მომენტისთვის თამაშის დაწყებიდან ორი საათი იყო გასული, წინა დღეს კი ჟო-ვილფრიდმა სამსეტიანი მატჩი ჩაატარა ხუან მონაკოს წინააღმდეგ და დაღლილი ჩანდა. მან რამდენიმე მარტივი ბურთი გააფუჭა ბადესთან, ხოლო შეტევაზე გადასვლისას ბევრ ბურთს უშვებდა აუტში. ლუბიჩიჩმა კარგად გამოიყენა მეტოქის შეცდომები და მეორე სეტი 6:4 მოიგო. ხორვატის მეტოქე იმ დღესვე გაირკვა - უიმბლდონის ფინალისტმა, ჩეხმა ტომაშ ბერდიხმა დამაჯერებლად დაამარცხა ბელგიელი ვეტერანი ოლივიე როხუსი.ამ სეზონის აღმოჩენის - მილოშ რაონიჩის გრუნტზე შესაძლებლობების შესახებ ბევრი არაფერი იყო ცნობილი, რადგან მანამდე ამ საფარზე არც ATP-ისა და არც "ჩელენჯის" ტურნირზე არ უთამაშია. მაგრამ, როგორც ჩანს, კანადელს ამ მხრივ ყველაფერი წესრიგში აქვს. პირველ წრეში მან ფრანგი მიკაელ ლოდრა დაამარცხა, მეორეში კი ლატვიელ ერნესტ გულბისს აჯობა. შარშან ბალტიისპირელმა როლან გაროსზე მეოთხედფინალში გასვლა მოახერხა და გრუნტზე თვით ფედერერი დაამარცხა, მაგრამ გაუთავებელი ტრავმების გამო გულბისს დღეს სერიოზული პრობლემები აქვს, რაც რაონიჩთან შეხვედრამაც დაადასტურა. ცოტა ხნის წინ ერნესტმა ახალი მწვრთნელი აიყვანა - ყოფილი სომეხი ჩოგბურთელი სარგის სარგსიანი.პირველ წრეში უკრაინელი ალექსანდრ დოლგოპოლოვის დამარცხების შემდეგ ბევრს ეგონა, რომ ლატვიელის პრობლემები უკან დარჩა, მაგრამ რაონიჩის წინააღმდეგ ბევრი უნებლიე შეცდომა დაუშვა. უშეცდომო არც კანადელი ყოფილა, მაგრამ გადამწყვეტ მომენტებში მას მეტოქე ეხმარებოდა. მეორე პარტიაში ლატვიელმა ორი მატჩბოლი მოიგერია და ბრეიკი გააკეთა, მაგრამ მატჩის გადარჩენის შანსი მალე გაქრა. მილოშმა მეორე ცდაზე მაინც შეძლო მატჩზე ჩაწოდება - 6:4, 7:5.ATPMonte-Carlo Rolex Mastersმონტე კარლო. გრუნტისაპრიზო ფონდი: 2 227 500 ევროI წრეჟილ სიმონი (საფ, 16)-ტომას ბელუჩი (ბრა) 6:3, 6:2; ფელისიანო ლოპესი (ესპ)-იანკო ტიპსარევიჩი (სერ) 4:6, 6:3, 7:6(4); მაქსიმო გონსალესი (არგ)-ვიქტორ ჰანესკუ (რუმ) 3:6, 7:5, 6:1; ფაბიო ფონინი (იტა)-კევინ ანდერსონი (ს. აფრ) 3:6, 6:2, 6:2; გილერმო გარსია ლოპესი (ესპ)-ვენსან მილიო (საფ) 6:2, 6:4; პეპე რიბა (ესპ)-პოტიტო სტარაჩე (იტა) 4:6, 6:3, 6:3; ალბერტ მონტანიესი (ესპ)-ქსავიე მალისე (ბელ) 6:4, 6:2;II წრეროჯერ ფედერერი (შვეიც, 2)-ფილიპ კოლშრაიბერი (გერ) 6:2, 6:1; ივან ლუბიჩიჩი (ხორ)-ჟო ვილფრიდ ცონგა (საფ, 12) 7:6(4), 6:4; მილოშ რაონიჩი (კან)-ერნესტ გულბისი (ლატ) 6:4, 7:5; ტომაშ ბერდიხი (ჩეხ, 5)-ოლივიე როხუსი (ბელ) 6:2, 6:3.

პირველი გამარჯვება სამხედრო სამსახურის მოხდის შემდეგ - ბასილაშვილი US OPEN-ზე ამჟამად ურეიტინგო ჩოგბურთელთან დამარცხდა

ერთ დროს ჩოგბურთის ამომავალი ვარსკვლავი დოპინგ კონტროლზე კოკაინის გამო ჩავარდა

ნოვაჯ ჯოკოვიჩი ცინცინატის მასტერსზე პირველივე წრეში დამარცხდა

დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

[VIDEO] მამარდაშვილის უნიკალური შემთხვევა ვარჯიშზე - რა გააკეთა და რა პირობებში იყო "ლივერპულის" ქართველი მეკარე

კვლავ პრემიერ ლიგაში - ნიკო გონსალესმა "სიტი" დატოვა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ენეს მაჰმუტოვიჩი ბათუმის "დინამოს" ფეხბურთელია

ფერან ტორესი: მთლად კმაყოფილი არ ვარ