ენდი მიურეიმ ნავსი გატეხა

მონტე კარლოს მასტერსზე მორიგი სათამაშო დღე იმით იყო აღსანიშნავი, რომ რაფაელ ნადალმა თავის საყვარელ გრუნტზე პირველი მატჩი ჩაატარა მონტე კარლოს მასტერსზე მორიგი სათამაშო დღე იმით იყო აღსანიშნავი, რომ გრუნტზე პირველი მატჩი ჩაატარა რაფაელ ნადალმა. თავის საყვარელ საფარზე დაბრუნება ესპანელს ყოველთვის კარგად გამოსდიოდა - ზედიზედ ექვსჯერ (!) მოიგო მონაკოს ტურნირი.შარშან ნადალი მონტე კარლოში ცუდი სერიით ჩავიდა - ერთი წელი არ ჰქონდა მოგებული ATP-ის ტურნირი და სწორედ მონაკოში შეწყვიტა ეს უიღბლო სერია, რითაც დაიწყო აღმასვლა რეიტინგის პირველი საფეხურისკენ. წელსაც რაფა ტურნირის მთავარ ფავორიტად მიიჩნევა. თანაც მონაკოში არ ჩასულა ნოვაკ ჯოკოვიჩი (თუმცა სერბს ნადალი გრუნტზე არასოდეს დაუმარცხებია), რაც პირენეელის ამოცანას აიოლებს.მსოფლიოს პირველი ჩოგანის მეტოქე ფინელი იარკო ნიემინენი იყო, რომელმაც წინა დღეს ურთულეს ბრძოლაში დაამარცხა ჟულიან ბენეტო. თავის დროზე, ფინელმა ერთხელ სეტი აუღო ნადალს გრუნტზე, მაგრამ ეს ხუთი წლის წინ ბარსელონაში მოხდა, ისე კი ურთიერთშეხვედრებში ესპანელი იარკოს 5:0-ს უგებდა.პირველივე გათამაშებიდან ნადალმა უდიდესი უპირატესობა მოიპოვა, თანაც მისი თამაში დაბალანსებული იყო და შეტევა კარგად ეხამებოდა დაცვაში საიმედო თამაშს. საკმარისია აღინიშნოს, რომ პირველი ქულა ნიემინენმა მხოლოდ მესამე გეიმში აიღო. საბოლოოდ, 69 წუთში (19 წუთით მეტი, ვიდრე ფედერერმა ერთი დღით ადრე) პირველმა განთესილმა 6:2, 6:2 გაიმარჯვა. შემდეგ წრეში ნადალის მეტოქე რიშარ გასკე იქნება.ნადალის გამარჯვებაში ეჭვი არავის ეპარებოდა, ამიტომაც მაყურებელს უფრო მეტად ენდი მიურეის მდგომარეობა აინტერესებდა. ბრიტანელმა ჩააგდო ინდიან უელსისა და მაიამის მასტერსები, როცა პირველივე წრეში წააგო დონალდ იანგთან და ალექს ბოგომოლოვთან. საერთოდ, ავსტრალიის ღია პირველობის ფინალში თამაშის შემდეგ მიურეიმ ოთხ ტურნირში მიიღო მონაწილეობა და ოთხივეჯერ საწყისი მატჩი დაუთმო მეტოქეებს.მეორე წრეში მიურეის სერიოზული მეტოქე ერგო ჩეხი რადეკ შტეპანეკის სახით, რომელმაც წინა დღეს მარკოს ბაღდატისს მოუგო. ამჯერად შოტლანდიელმა კარგი მომზადება აჩვენა. პირველი პარტია მან ერთი ამოსუნთქვით მოიგო და 32 წლის ჩეხს მხოლოდ ერთი გეიმი დაუთმო. საწყის სეტში მიურეის სტატისტიკა შთამბეჭდავი იყო - 12 "ვინერსი" და მხოლოდ ერთი უნებლიე შეცდომა.მეორე სეტში შტეპანეკმა შეცვალა თამაში, რამაც სეტის შუაში წარმატება მოუტანა. ენდიმ შეცდომებს უმატა და მატჩის დასაწყისში მოპოვებული ინიციატივა დათმო. ბოლოს და ბოლოს, ფავორიტმა მაინც იმძლავრა - ბრეიკი გააკეთა და 28 იანვრის შემდეგ პირველი გამარჯვება იზეიმა - 6:1, 6:4. ენდის წინ აქვს შეხვედრა ჟილ სიმონთან, რაც გრუნტზე ნამდვილი ტესტი იქნება მსოფლიოს მეოთხე ჩოგანისთვის.მოულოდნელობა არ ყოფილა მეექვსე განთესილის ფერნანდო ვერდასკოს მარცხი. ბოლო დროს ეს ესპანელი ძალიან არასტაბილურად თამაშობს და ბოლო რვა მატჩში შვიდი წაგება დაუგროვდა, თანაც მეტოქედ გამოცდილი თანამემამულე ტომი რობრედო ჰყავდა. ორი სეტის განმავლობაში ვერდასკომ 46 უნებლიე შეცდომა დაუშვა, რაც მის მარცხში გადამწყვეტი ფაქტორი აღმოჩნდა.სენსაციები არც სხვა მატჩებში მომხდარა. შემდეგ წრეში გავიდნენ დავიდ ფერერი, მარინ ჩილიჩი, იურგენ მელცერი, ვიქტორ ტროიცკი, გაელ მონფილსი და ნიკოლას ალმაგრო. ამ უკანასკნელმა დღის ყველაზე რთული მატჩი ჩაატარა მაქსიმო გონსალესის წინააღმდეგ. ალმაგრომ რამდენიმე მატჩბოლი მოიგერია - 6:7(6), 7:5, 7:6(10).ATPMonte-Carlo Rolex Mastersმონტე კარლო. გრუნტისაპრიზო ფონდი: 2 227 500 ევროII წრერიშარ გასკე (საფ, 13)-გილერმო გარსია ლოპესი (ესპ) 6:2, 6:1; დავიდ ფერერი (ესპ, 4)-ფელისიანო ლოპესი (ესპ) 6:2, 6:0; ვიქტორ ტროიცკი (სერ, 11)-ფაბიო ფონინი (იტა) 6:3, 4:6, 6:4; ფედერიკო ჟილი (პორ)-ფლორიან მაიერი (გერ) 7:5, 6:1; გაელ მონფილსი (საფ, 8)-დანიელ ხიმენო-ტრავერო (ესპ) 7:5, 6:2; ჟილ სიმონი (საფ, 16)-ალბერტ მონტანიესი (ესპ) 6:3, 6:4; მარინ ჩილიჩი (ხორ, 15)-პეპე რიბა (ესპ) 5:2 უარი; ტომი რობრედო (ესპ)-ფერნანდო ვერდასკო (ესპ, 6) 6:4, 6:3; ნიკოლას ალმაგრო (ესპ, 9)-მაქსიმო გონსალესი (არგ) 6:7(6), 7:5, 7:6(10); რაფაელ ნადალი (ესპ, 1)-იარკო ნიემინენი (ფინ) 6:2, 6:2; იურგენ მელცერი (ავსტრია, 7)-რობინ ჰაასე (ჰოლ) 3:6, 6:1, 6:2; ენდი მიურეი (ბრიტ, 3)-რადეკ შტეპანეკი (ჩეხ) 6:1, 6:4.

სინერის 29-ე ტიტული - იტალიელი რომის მასტერსის გამარჯვებულია

სამწუხარო მარცხი - ბასილაშვილი რომის მასტერსს გამოეთიშა

[VIDEO] როცა ქართველები საზღვარგარეთ სპორტსმენებს გვერდით უდგანან - ბასილაშვილმა ჩვენს თანამემამულეებთან ერთად გამარჯვება ემოციურად აღნიშნა

ანტმანი: თუ შანსებს ვერ იყენებ, ამით მეტოქე სარგებლობს

ბაჰრეინთან მატჩში საქართველოს ნაკრების შემადგენლობა ცნობილია

რობერტსონი "ლივერპულიდან" "ტოტენჰემში" გადავიდა

ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?

"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ

ოფიციალურად - "ლივერპული" ირაოლამ ჩაიბარა

U21 | აშშ V საქართველო - მატჩისწინა ვარჯიში ბრანსკოში

არც კოშტა და არც სვილარი - პსჟ იტალიელ მეკარეს დაიმატებს

Le Parisien: პსჟ-მ ბატრაკოვთან დაკავშირებით გადაწყვეტილება მიიღო

20 წ. | ვინ მოდის საქართველოში - ესპანეთი

ქალთა ნაკრები ფარერის კუნძულების ეროვნულ გუნდს უმასპინძლებს

"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია

[VIDEO] სოხუმის "ცხუმი" ქართულ ფეხბურთში დაბრუნდა

ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს

მატჩის დღე! ბაჰრეინთან "მამარდას" გარეშე და "კვარასთან" ერთად

ვლაჰოვიჩი "იუვენტუსს" თავისუფალი აგენტის სტატუსით დატოვებს

"3-4 წლის წინ, არავინ მომისმინა" - "ჩელსის" ყოფილმა ფეხბურთელმა ხვიჩა კვარაცხელიაზე ისაუბრა

"რეალის" ფეხბურთელობისას რომ ეს მეთქვა, მომკლავდნენ, მაგრამ..." - აზარმა ერთმანეთს მესი და რონალდო შეადარა