- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
განსაკუთრებული დამოკიდებულება
<p>"ვიტ ჯორჯიამ" თბილისის "დინამოსთან" სრულიად დამსახურებული ქულა მოიპოვა <br> დრო გადის, გუნდში მწვრთნელებიც იცვლებიან და ფეხბურთელებიც, მაგრამ არასდროს იცვლება "ვიტ ჯორჯიას" მართლაც განსაკუთრებულ-გამორჩეული "დამოკიდებულება" ჩვენი ყველაზე ტიტულიანი კლუბის მიმართ; იგივეს თქმა შეიძლება გუშინდელ მატჩზეც: ზურაბ ბერიძის შეგირდებმა სეზონის ალბათ ერთ-ერთი საუკეთესო მატჩი ჩაატარეს და იმის მიუხედავად, რომ წყვილში აშკარა ფავორიტად "დინამო" მიიჩნეოდა, "ვიტ ჯორჯიამ" სრულიად დამსახურებული ქულა მოიპოვა.</p><p>სხვათა შორის, პირველი რაც თვალში მოგვხვდა, "ვეტერინართა" აშკარად თამამი და, რაც მთავარია, შეტევაზე ორიენტირებული თამაშის სტილი იყო. ანუ, "ვიტ ჯორჯია" ყრუ დაცვაში კი არ "ჩამჯდარა" და მთელი მატჩი "დინამოს" შეტევებს კი არ იგერიებდა, არამედ როგორც კი საშუალება მიეცემოდა, სწრაფ და გამიზნულ იერიშებს იწყებდა.</p><p>თანაც, ყოველივე ამის "სიგნალი" მატჩის პირველსავე წუთზე გაისმა: გიგა ბეჭვაიას (გავუსწრებთ მოვლენებს და ვიტყვით, რომ "ვეტერინართა" მარჯვენაფლანგელი უაღრესად აქტიური გახლდათ გუშინდელ შეხვდრაში) პასით ბესიკ ჩიმაკაძე ბურთს თავით გზავნიდა მასპინძელთა კარში, მაგრამ "დინამო" გიორგი ლორიამ გადაარჩინა. საქართველოს ნაკრებისა და "დინამოს" მეკარემ თავის ოსტატობა იმ ეპიზოდშიც გამოავლინა, როცა ბეჭვაიას საჯარიმო დარტყმა მოიგერია.</p><p>პირველ ტაიმში მეტი სახიფათო მომენტი სტუმრებს არ შეუქმნიათ, ვერც "დინამოზე" ვიტყოდით, რომ მეტოქის საჯარიმოს "ალყა შემოარტყაო", თუმცა ტერიტორიულ უპირატესობას კი ფლობდა. მასპინძლებმა ერთი-ორჯერ საშუალო მანძილიდან სცადეს გოლის გატანა, მაგრამ ალექსანდრე კოშკაძისა და გიორგი კახელიშვილის მცდელობებს შედეგი არ მოჰყოლია.</p><p>სამაგიეროდ, დინამოელთა ერთ-ერთი ეფექტური კომბინაცია მართლაც ლამაზი გოლით დამთავრდა: ლევან ხმალაძის შორეული პასის მერე ვახტანგ ფანცხავამ საჰაერო "დუელი" მოუგო მეტოქის მეკარეს და ზუსტი თავური დარტყმით საქართველოს ჩემპიონატში პირველი გოლი გაიტანა. ტაიმის ბოლო წუთზე "დინამოს" გოლის გატანის კიდევ ერთი შანსი ჰქონდა: კახელიშვილმა გარღვევაზე ხმალაძე გაიყვანა, მაგრამ გიორგი ძაძამიამ კარი დროულად დატოვა და ეს სახიფათო მომენტიც განმუხტა.</p><p>მეორე ტაიმი სტუმართა აქტიურობით დაიწყო: "ვიტ ჯორჯიას" ფეხბურთელები სწრაფად გადადიოდნენ მეტოქის ნახევარზე და ისიც ლოგიკური იყო, ანგარიში რომ გაათანაბრეს. თუმცა, ვიდრე გურამ ადამაძე მასპინძელთა მცველების პოზიციური შეცდომით ისარგებლებდა და გოლს გაიტანდა, აუცილებლად უნდა აღვწეროთ ის ეპიზოდი, რაც ამ საგოლე შეტევას წინ უძღოდა. "ვეტერინარებმა" სწრაფი იერიში წამოიწყეს და დაახლოებით 20 მეტრიდან გიორგი ბეჭვაია ძლიერად და ზუსტად ურტყამდა, მაგრამ გიორგი ლორიამ ჩინებული რეაქცია გამოავლინა და ბურთი მოიგერია. თუმცა, ამ მოგერიებულ ბურთზე ყველაზე ადრე ბესიკ ჩიმაკაძე გაჩნდა და 4-5 მეტრიდან, ერთი შეხედვით, აუღებელი "თავურიც" დაარტყა, მაგრამ ლორიამ აქაც ბრწყინვალედ ითამაშა და ეფექტური ნახტომით ბურთი კუთხურზე მოიგერია; ჰოდა, სწორედ ამ კუთხურს მოჰყვა კიდეც ადამაძის გოლი...</p><p>ამის შემდეგ თამაშის ტემპი მცირე ხნით შენელდა, თუმცა სულ მალე ორივე კართან სახიფათო მომენტებმა მოიმატა და მართლაც უცნაური იყო, შეხვედრაში მეტი გოლი რომ ვერ ვიხილეთ. ჯერ, დონალდ ჯუისს შეეძლო თავისი გუნდის წინ გაყვანა, მაგრამ კოშკაძის ჩინებული პასი ვერ შეიშნო; თუმცა ამ ეპიზოდში ძაძამიას გარჯაც უნდა ავღნიშნოთ, ისე როგორც "დინამოს" მორიგი იერიშისას, - "ვიტ ჯორჯიას" მეკარემ კოშკაძის შორეული დარტყმა რომ მოიგერია. ამ ეპიზოდს კუთხური მოჰყვა და "ვიტ ჯორჯიას" იღბალმაც გადმოხედა: გივი კვარაცხელიას თავური დარტყმა ხარიხას მოხვდა!</p><p>მატჩის დასრულებამდე დრო საკმარისზე მეტი იყო დარჩენილი, მაგრამ "ვიტ ჯორჯიას" უფრო შეეძლო გოლის გატანა, ვიდრე მასპინძლებს; სხვათა შორის, სტუმრებმა გოლი კი გაიტანეს, მაგრამ არბიტრმა არ ჩათვალა (ალბათ, სამართლიანადაც): "ვიტ ჯორჯიამ" საჯარიმო დარტყმის უფლება მიიღო და ვიდრე დინამოელები "ცოცხალ კედელს" დააყენებდნენ, გურამ ადამაძემ საკმაოდ შორი მანძილიდან, ფაქტობრივად ცარიელ კარში ზუსტად დაარტყა. თუმცა, არბიტრს ამ სტანდარტულის შესასრულებლად სასტვენი არ ჰქონდა მიცემული და ეფექტური გოლის აღნიშვნის ნაცვლად, ადამაძე... გაფრთხილებას გამორჩა!</p><p>ბოლო წუთებზე კი "დინამოს" შტურმიც ვიხილეთ, აშკარად დაგვიანებული რომ იყო; თუმცა, მასპინძლებმა ერთი-მეორეზე უკეთესი ორი მომენტის შექმნა მაინც მოასწრეს, მაგრამ ფატალურად არ გაუმართლათ. პირველ ჯერზე ვახტანგ ფანცხავას თავური დარტყმა ჩინებულ ნახტომში ძაძამიამ მოიგერია, სულ ბოლო წამებზე კი დიმიტრი ტატანაშვილი ცდილობდა გოლის გატანას, მაგრამ შეცვლაზე შემოსული ფორვარდის თავური დარტყმის მერე ბურთი მეტოქის კარის ხარიხას მოხვდა...</p><p>27. 04. თბილისი. ეროვნული. 700 მაყურებელი</p><p><em><strong>დინამო-ვიტ ჯორჯია 1:1</strong></em></p><p>1:0 ფანცხავა (33, ხმალაძის პასით) 1:1 ადამაძე (50)</p><p>დინამო ვიტ ჯორჯია</p><p>4-2-3-1 4-2-3-1</p><p>ლორია ძაძამია</p><p>თომაშვილი ხურცილავა</p><p>კაკუბავა ადამაძე</p><p>ჰომოლა კასრაძე</p><p>ხმალაძე ღანიაშვილი</p><p>გ. კვარაცხელია ვასაძე</p><p>არზიანი გურ. გურეშიძე</p><p>ჯუისი ბეჭვაია</p><p>კოშკაძე ჯანელიძე</p><p>კახელიშვილი კორიფაძე</p><p>ფანცხავა ჩიმაკაძე</p><p>მწვრთნელი: კ. კაჭარავა მწვრთნელი: ზ. ბერიძე</p><p>დინამო</p><p>53. არზიანი-თექთურმანიძე</p><p>66. ჯუისი-კვეკვესკირი</p><p>87. კვარაცხელია-ტატანაშვილი</p><p>სათადარიგოები: ზარქუა, ღონღაძე, მაროვიჩი, ფირცხალავა.</p><p>ვიტ ჯორჯია</p><p>66. კორიფაძე-ზაქრაძე</p><p>79. ბეჭვაია-როსტიაშვილი</p><p>88. ვასაძე-გოგიაშვილი</p><p>სათადარიგოები: ა. მიქაბერიძე, ჭანკვეტაძე, გაბრიჭიძე, გიორ. გურეშიძე</p><p>გაფრთხილება: კასრაძე (32), კახელიშვილი (54), ჰომოლა (82), ადამაძე (84), ხმალაძე (85)</p><p>არბიტრი: ჯ. ხორავა</p>
ქეცბაიას პირველი ტრანსფერი - თბილისის "დინამომ" ფრანგი შემტევი დაიმატა
ბათუმის "დინამომ" ბულგარეთის ნაკრების მცველი დაიმატა
VIDEO | ეროვნული ლიგა | მეშახტე 1-6 დინამო (თბ). როგორ გადაიდო კვარაცხელიას სადებიუტო გოლი...
FIFA-მ მსოფლიო ჩემპიონატზე ვუვუზელას გამოყენება აკრძალა
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
U21. საქართველოს ნაკრები აშშ-სთან დამარცხდა
საქართველოს ქალთა ნაკრებმა ფარერებთან თითქმის მოგებული მატჩი წააგო
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
რუსი მწვრთნელი ვან დერ ვაარტს ფსიქიატრის დახმარებას დაჰპირდა
პალიკო ჯიმშელაძე ბორჯღალოსნებში ბრუნდება!
ანა ჯაფარიძე პარატაეკვონდოში რომის გრან პრის გამარჯვებულია
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"კვარა", ნევეში, თუ ვიტინია? - პერესმა მომდევნო კვირას 150-მილიონიანი ტრანსფერი დაანონსა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
"განსაკუთრებული იყო" - კვარაცხელია გულშემატკივრებმაც საუკეთესოდ აღიარეს
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
[VIDEO] "ოქროს ბურთის" ხუთი ყველაზე დიდი უსამართლობა?
მატჩის დღე! ბაჰრეინთან "მამარდას" გარეშე და "კვარასთან" ერთად