დუნგა და "ვიოლა" თითქმის გადაწყვეტილია

ბოლო დროს "ფიორენტინამ" კი გამოასწორა თამაში, მაგრამ თამამად შეგვიძლია ვთქვათ, რომ ფლორენციელებმა სეზონი ჩააგდეს მართალია, ბოლო დროს "ფიორენტინამ" გამოასწორა თამაში და ქულების მოგროვება დაიწყო, მაგრამ წახდენილ საქმეს უკვე აღარაფერი ეშველება და თამამად შეგვიძლია ვთქვათ, რომ ფლორენციელებმა სეზონი ჩააგდეს.ერთადერთი მიზანი, რისთვისაც ფეხბურთელებმა დარჩენილ შეხვედრებში შეიძლება იბრძოლონ, მწვრთნელ სინიშა მიხაილოვიჩის პრესტიჟი გახლავთ, რომლის დარჩენა-არდარჩენის საკითხი ჯერ კიდევ გასარკვევია.გადაწყვეტილი ამბავია, რომ "ვიოლა" ევროტურნირებს მიღმა რჩება, რაც გვარიანად დააზარალებს კლუბის ბიუჯეტს. ამიტომ, უკვე აქტიურად საუბრობენ იმის შესახებ, რომ მომდევნო სეზონიდან ფეხბურთელებს ხელფასის ოდენობა საგრძნობლად შეუმცირდებათ. ამის შესახებ კლუბის გენერალურმა დირექტორმა სანდრო მენკუჩიმ ისაუბრა:"მიმდინარე სეზონში, ჩვენი მიზანი ევროტურნირის საგზურის მოპოვება გახლდათ, კარგ შემთხვევაში ჩემპიონთა ლიგის, ცუდში კი ევროპის ლიგის. საბოლოოდ, არც ერთი გვერგი და არც მეორე, რის გამოც სეზონი ჩაგდებულად უნდა მივიჩნიოთ. ევროსაგზურის გარეშე დარჩენამ ჩვენი ბიუჯეტიც აზარალა და ზომების მიღებაა საჭირო. ხვალ კლუბის დირექტორთა საბჭოს სხდომა გაიმართება და ერთად ვიმსჯელებთ როგორ დავაბალანსოდ შემოსავლები და ხარჯი. თითქმის გადაწყვეტილი ამბავია, რომ ეს ფეხბურთელთა ხელფასების შემცირების ხარჯზე მოხდება, რომლებმაც მიმდინარე სეზონში დაკისრებულ მოვალეობებს თავი ვერ გაართვეს. იმედი მაქვს, ყველა გაგებით მოეკიდება ამ გადაწყვეტილებას და გუნდში სამუშაო პროცესი ჩვეულ რეჟიმში გაგრძელდება".იტალიურ პრესაში უკვე იწერება იმის შესახებ, რომ ხელფასების შემცირება ბევრს აიძულებს გუნდის გამოცვლაზე იფიქროს. ამიტომ, კლუბის მესვეურთა ამ გადაწყვეტილებამ შესაძლოა ისედაც არც თუ ძლიერი შემადგენლობა კიდევ უფრო შეასუსტოს. თავის მხრივ, არც ახალი ფეხბურთელების დამატება იქნება იოლი საქმე, რადგან მაღალი კლასის ფეხბურთელს, მაღალი ანაზღაურებაც უნდა შესთავაზო.არადა, თუ ფლორენციელებს ჩემპიონთა ლიგის საგზურისთვის უნდათ ბრძოლა, ამ ზაფხულს შემადგენლობის გაძლიერებაზე აუცილებლად უნდა იზრუნონ. ხელფასების შემცირებასთან დაკავშირებით ცნობა გუშინ გავრცელდა და ალბათ, უახლოეს დღეებში გამოჩნდებიან ის ფეხბურთელებიც, რომლებიც ამ გადაწყვეტილებას ღიად გააპროტესტებენ. ვნახოთ, საინტერესოა რა პროცესები განვითარდება "ფიორენტინაში".ამასობაში, სულ უფრო და უფრო ხშირად ვრცელდება ინფორმაციები სინიშა მიხაილოვიჩის კლუბიდან აბარგების შესახებ. ამ ამბავს მის შესაძლო შემცვლელებზე გამოჟონილი ცნობებიც მოწმობს. მაგალითად, "კორიერე დელო სპორტი" დაჟინებით გვიმტკიცებს, რომ მომდევნო სეზონიდან "ფიორენტინას" მთავარი მწვრთნელის პოსტს ბრაზილიის ეროვნული ნაკრების ყოფილი თავკაცი, კარლოს დუნგა დაიკავებს. ავტორიტეტულ გამოცემაში დუნგას კომენტარიც კი ვრცელდება:"დიდი ხანია უქმად ვარ და მთელი ამ ხნის განმავლობაში უამრავი წინადადება მივიღე. გამოგიტყდებით და მათ შორის, ერთმა ყველაზე მეტად დამაინტერესა და დამაფიქრა. ფეხბურთელის საუკეთესო წლები "ფიორენტინაში" მაქვს გატარებული და თამამად შემიძლია ვთქვა, რომ ფლორენცია ერთადერთი ქალაქია ევროპაში, სადაც დიდი სიამოვნებით ვიცხოვრებდი. შესაბამისად, დიდი სიამოვნებით ჩავიბარებდი "ვიოლას", რომელსაც ფანტასტიკური გულშემატკივრები ჰყავს. სხვათა შორის, ამ საკითხზე უკვე ოჯახთანაც მქონდა საუბარი და მათაც დიდი სურვილი აქვთ, რომ ჩემთან ერთად იტალიაში წამოვიდნენ ".დუნგა პირდაპირ ამბობს, რომ ფლორენციელებისგან წინადადება მიიღო და იქვე, თავის დიდ სურვილის აფიქსირებს, ჩაუდგეს გუნდს სათავეში. ანუ, გამოდის, რომ ორივე მხარე მზად არის თანამშრომლობისთვის და თუ რაიმე გაუთვალისწინებელი არ მოხდა, მომდევნო სეზონიდან "ვიოლას" სწორედ ბრაზილიელი უთავკაცებს. ჯერჯერობით, მიხაილოვიჩი სიმშვიდეს ინარჩუნებს და აცხადებს, რომ კლუბის მესვეურებისგან სრულ ნდობას გრძნობს. ვნახოთ, სეზონის ფინიშის მოახლოვებასთან ერთად, ბევრ კითხვას გაეცემა პასუხი.

ახლა უკვე თანახმაა - რანიერის იტალიის ნაკრების მწვრთნელობა სურს

"ნაპოლი" სახლში "ბოლონიასთან" დამარცხდა

გადაწყვეტილება მიღებულია - "ნაპოლი" "მანჩესტერ იუნაიტედიდან" ჰოილუნს გამოისყიდის

Rousing The Kop: "ლივერპულს", შესაძლოა, მამარდაშვილის დაკარგვასთან შეგუება მოუწიოს, ვიდრე ის ისეთი პრობლემა არ გახდება, რომელსაც ვერ მოაგვარებენ

განაწყენებული ბარკოლა სასტარტოში - ითამაშებს კვარაცხელია "პარიზთან"?

სანტანდერში საგიჟეთია, გულიაშვილი სასტარტოშია - "რასინგი" ლა ლიგას უახლოვდება

გოჩოლეიშვილი სათადარიგო იყო - "ჰამბურგი" "ბაიერს" ფრედ ეთამაშა

20 წ. | საერთაშორისო სერიისთვის 30 მოთამაშე შეირჩა

ოფიციალური შეთავაზება მზადაა - ალისონი "იუვენტუსს" სულ უფრო უახლოვდება

ყველა ტრანსფერზე - "ლიონის" შემდეგ რთულ ფინანსურ მდგომარეობაში "მარსელიც" აღმოჩნდა

"აიაქსს" მომავალი სეზონიდან ახალი მწვრთნელი ეყოლება

ასე ხმაურიანად დაბრუნდება? - მოურინიოს "რეალში" "ბარსელონას" ფეხბურთელის მიყვანა სურს

ზედიზედ მეოთხედ - ვახტანგ ახობაძე ევროპის ჩემპიონია

VIDEO | ეროვნული ლიგა | ტორპედო 2-1 დილა. კორღალიძის მარცხიანი დებიუტი

"ასტონ ვილა" - "ლივერპული". გუნდების შემადგენლობები ცნობილია

თბილისის 7-კაცას "ლოკომოტივის ბაზა" უმასპინძლებს

ითამაშებს თუ არა დღეს მამარდაშვილი? - Liverpool Echo ინფორმაციას ავრცელებს

"ბაიერი" მწვრთნელს გადააყენებს

ქართველი მსაჯები საბერძნეთის სუპერლიგის ბოლო ტურის მატჩს განსჯიან

ზურიკო წინ, დღეს ბუდუს ამბავი და პსჟ-ის ბოლო ტური

"ეს რაგბია და არა ფეხბურთი" - ბერნარდო სილვამ "არსენალი" გააკრიტიკა

მომავალ კვირას ყველაფერი გაოფიციალურდება - ცნობილია რამდენს გადაუხდის "რეალი" "ბენფიკას" მოურინიოს სანაცვლოდ

"ნიუკასლის" შემტევმა "ბაიერნთან" პირადი კონტრაქტი შეათანხმა