- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სხვის ჭერქვეშ
<p>ბერძნულ-რომაული სტილით მოჭიდავე ამბაკო ვაჩაძისა (რუსეთი) და ძიუდოისტ გიორგი ზანთარაიას (უკრაინა) საბინაო გასაჭირი <br> საბედნიეროდ, საქართველოში სპორტსმენთა ანაზღაურება პრობლემად აღარ რჩება - სამთავრობო განკარგულებით ეს საკითხი დღის წესრიგიდან ერთხელ და სამუდამოდ მოიხსნა.</p><p>ბოლო ხანებში ჩვენებურთა დაფასება რამდენჯერმე შევადარეთ უცხოელებისას და ამ თემასთან მიბრუნება პოსტფაქტუმ, ახლახან დასრულებული ძიუდოსა და ჭიდაობის ევროპის ჩემპიონატების შემდეგ ისევ გვიწევს, ვინაიდან ორი ახალი საინტერესო ფაქტი ამოტივტივდა. საინტერესოა, რომ ორივე ქართველებს ეხებათ, ოღონდ უცხოეთის სახელით მოასპარეზეებს, რომლებმაც ზემოაღნიშნულ პირველობაზე გაიმარჯვეს. პირველ შემთხვევაში რუსეთის ბერძნულ-რომაული სტილით მოჭიდავეთა ნაკრების წევრი ამბაკო ვაჩაძეს (66) ფიგურირებს, მეორეში - უკრაინის ძიუდოისტთა ნაკრების ლიდერი გიორგი ზანთარაია (60).</p><p>მოგეხსენებათ, ქუთაისელი ვაჩაძე წლეულს ზედიზედ მესამედ გახდა ევროპის ჩემპიონი, შარშან კი მსოფლიოს პირველობაც მოიგო. დორტმუნდში დასრულებული კონტინენტის პირველობის შემდეგ მასთან ინტერვიუ რუსეთის ჭიდაობის ფედერაციის საიტზე გამოქვეყნდა, სადაც სოციალურ თემატიკაზე საუბრისას განაცხადა, რომ მსოფლიოს პირველობაზე გამარჯვების შემდეგ მოსკოვში ერთოთახიანი ბინა მისცეს!</p><p>საბინაო პრობლემა გაცილებით მწვავედ დგას ზანთარაიას წინაშე - ის მშობლებთან და უმცროს ძმასთან ერთად თავიდანვე ერთოთახიანში ცხოვრობდა, შარშან კი ოჯახის წევრებს მისი მეუღლეც დაემატა! წარმოიდგინეთ, რა სივიწროვე იქნება ასეთ ბინაში, სპორტსმენს კი განსაკუთრებული მოვლა სჭირდება. ერთხელ ზანთარაიამ ისიც განაცხადა, ყოველ ღამე 22 საათზე უკვე მძინავს, რათა დავისვენო და მეორე დღისთვის ენერგია მოვიკრიბოო, თუმცა საეჭვოა, იმ სახლში, იმდენ ხალხში მშვიდად ძილის საშუალება ჰქონდეს.</p><p>მას საბინაო პრობლემაზე ადრეც დაუჩივლია და ახლაც გამოთქვა სინანული, რომ მთავრობა უკრაინის ისტორიაში ძიუდოში მსოფლიოს პირველი ჩემპიონისადმი სათანადო ყურადღებას არ იჩენს. მან ევროპის პირველობაზე გამარჯვებისთვის პრემიად 2500 ევრო მიიღო ძიუდოს ევროპული ფედერაციისგან, ადგილობრივი ხელისუფლებისგან - 25 ათასი უკრაინული გრივნა. ზანთარაიას თქმით, ამ თანხით კიევში ერთოთახიან ბინას ვერ იყიდის.</p><p>"ყველა მპირდება, მაგრამ საწყენია, ხელისუფლება ჩემს მიღწევებს რომ არ აფასებს. უკვე ვგრძნობ, ნელ-ნელა სტიმულიც მერთმევა და თანდათან ხელებიც ჩამოვყარე. უკრაინიდან პირველი მე გავხდი მსოფლიოს ჩემპიონი ძიუდოში, მოვიგე ევროპის პირველობა და არ ვიცი, კიდევ რა უნდა გავაკეთო, ბინა რომ მომცენ!" - ამბობს გაკვირვებული ზანთარაია.</p><p>კორესპოდენტი მას ოლიმპიადას შეახსენებს, მოიგე და 100 ათას დოლარს მიიღებო, რაზეც სპორტსმენმა უპასუხა, ოლიმპიადა ოთხ წელიწადში ერთხელ ტარდება, მე კი მინდა, მას კარგ ფორმაში შევხვდე და არა გულგატეხილიო.</p><p>ამის მიუხედავად, ინტერვიუს დასასრულს ზანთარაია მაინც ამბობს, უკრაინის სახელით მინდა ვიბრძოლოო. კეთილი და პატიოსანი - მისი ნებაა, ვისი სახელით იჭიდავებს, მაგრამ იმავე ინტერვიუთი ირკვევა, რომ თურმე, ორი წლის წინ თურქები ეპატიჟებოდნენ. საინტერესოა, სად იყვნენ ამ დროს ქართველები? მართალია, ზანთარაიას ასე იოლად არავინ გამოუშვებს უკრაინიდან, მაგრამ, როცა შენიანზე სხვები ტაციაობენ, ცოტა ჩვენც უნდა გავტოკდეთ. არადა, წლების წინ ჩვენს ფედერაციაში ზანთარაიაზე მითხრეს, რომ ის არ სჭირდებოდათ, რადგან ამ წონაში საკუთარი სპორტსმენებიც ჰყავდათ!</p><p>თუმცა ეს სხვა საკითხია, მათი საბინაო პრობლემა კი საყურადღებო სხვა მხრივაც მოგვეჩვენა. ევროპის წლევანდელ პირველობებზე საკმაოდ კარგად წარმოაჩინა თავი ახალმა თაობამ, რომელმაც საოლიმპიადოდ დიდი იმედები ჩაგვისახა. თბილისში გამართულ პრესკონფერენციაზე მათ კიდევ ერთხელ აღუთქვეს, რომ წლის ბოლოს კუთვნილ პრემიებს მიიღებენ და თან რამდენჯერმე მოუბოდიშეს კიდეც, ეს მინიმუმია, რასაც სახელმწიფო გიკეთებთო.</p><p>არადა, არაა მინიმუმი და აჯობებს, სპორტულ წარმატებებს მეშჩანურ საბურველში ნუ გავხვევთ - საქართველოში სხვებზე უკეთ აფასებენ მათ მიღწევებს და არასოდეს კმაყოფილდებიან მხოლოდ სახელმწიფო პრემიებით. არადა, ბოლო ხანებში თითქოს რაღაც ჩვეულებრივი სახე მიიღო ბინებითა და პრემიებით ვაჭრობამ, ბევრისგან თითქოს ისეთი პოზიცია გამოიკვეთა, თუ ამას არ გამიკეთებთ, არ ვიჭიდავებო. საქმე იქამდეც კი მივიდა, რომ ზოგიერთებს ხელფასი სტეპენდიაში აერიათ და მაინც ითხოვდნენ ანაზღაურებას, ბინებს, პრივილეგიებს იმის მიუხედავად, რომ წარმატებები უკვე აღარ ჰქონდათ.</p><p>ეს პრობლემა როგორღაც მოგვარდა და ვფიქრობთ, ახალ თაობას მაინც აღარ უნდა ჩავუბეჭდოთ, რომ მათთვის მინიმუმი კეთდება და ძალაუნებურად ხელი არ უნდა წავუბიძგოთ ვაჭრობა-ულტიმატუმისკენ. მათ უნდა ვასწავლოთ, რომ ყველაზე დიდი ჯილდო სამშობლოს სახელის წარმატებით დაცვა იქნება და არა ფული, ბინა ან მანქანა. ერთხელ ოლიმპიურმა ჩემპიონმა მზია ჯუღელმა მომავალ სპორტსმენებს, პატარა ბავშვებს მიმართა, თქვენ ჯერ კიდევ არ იცით, რამდენად ბედნიერები ხართ, უცხოეთში საქართველოს სახელის დაცვა რომ შეგიძლიათო და ამის თქმაზე ატირდა...</p><p>მართლაც დიდი ბედნიერებაა, მთელი მსოფლიო რომ ქართველად გაგიცნობს და რუსს არ დაგიძახებს! აი, სწორედ ეს უნდა იყოს ნებისმიერი ქართველი სპორტსმენისთვის უპირველესი მიზანი, თუმცა კიდევ ვიმეორებთ - ქვეყანა არც ფინანსურად ივიწყებს მათ მიღწევას. ეს ორი მაგალითი ხომ შემოგთავაზეთ და რამდენიმე ადრინდელსაც შეგახსენებთ: ძიუდოში უკრაინის ორგზის ოლიმპიური ვერცხლ-ბრინჯაოს პრიზიორი რომან გონტიუკი (81) და თავისუფალ ჭიდაობაში ოლიმპიდის ვიცე, ევროპის ჩემპიონი და მსოფლიოს მესამე პრიზიორი ვასილ ფედორიშინი (60) დღემდე თითო ოთახიან ბინებში ცხოვრობენ; შარშან რუსი ძიუდოისტი ივან ნიფონტოვი (81) ევროპის ჩემპიონიც გახდა და მსოფლიოსიც, ეს მიღწევა კი იმით დაუფასეს, რომ ბინა მოსკოვში კი არა, მშობლიურ ბარნაულში უყიდეს. ისიც ერთოთახიანი და ისიც 10% მას დააფარინეს!</p><p>სამშობლოში, საერთოდ, გაუგონარი ამბავი შეემთხვა ტაჯიკ ძიუდოისტ რასულ ბოკიევს (73) - მსოფლიოსა და ოლიმპიურ პრიზიორს არათუ რაიმე მისცეს, შეჯიბრებებზეც ვერ აგზავნიდნენ, ხელფასსაც ვერ უხდიდნენ და იძულებული გახადეს, რუსეთში წასულიყო. ტაჯიკეთის ხელისუფლება მხოლოდ ამის შემდეგ გამოფხიზლდა და უკანაც დააბრუნა, თან ყველანაირი პირობა შეუქმნეს სავარჯიშოდ.</p>
-
gio
ჯერ ჩვენი ქვეყანა ასახელოს და მერე მისცენ მადლი იქნება
-
Aleqsandre Barbaqadze
მისცენ ზანთარაიას ერთი ბინა თბილისში რა გახდა იქნებ უნდა ჩამოსვლა და ჩვენთან ჭიდაობა...
[VIDEO] საქართველოს ძიუდოისტთა ნაკრებმა ევროპის ჩემპიონატზე ვერცხლის მედალი მოიპოვა
საქართველოს ძიუდოისტთა ნაკრები ევროპის გუნდური ჩემპიონატის ფინალშია!
საქართველოს ძიუდოისტთა ნაკრები ევროპის გუნდური ჩემპიონატის ნახევარფინალშია!
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
U18. საქართველოს ნაკრები ფინალში ესპანეთთან ისევ დამარცხდა
რამაზ სვანაძე: გოლი ვერ გაგვაქვს, უკვე წარმოუდგენელია!..
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“
დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან
ნიდერლანდების 7:0 საბერძნეთთან და გერმანიის მიერ სერბეთის ძლევა
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"