- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სუპერვარსკვლავი შალკეში
<p>გუშინ, გელზენკირხენის "შალკესთვის" ისტორიული დღე იყო: ლევან ყენიას კლუბმა მადრიდის "რეალის" აწ უკვე ყოფილი ლეგენდარული თავდამსხმელი რაული...</p><p><br> გუშინ, გელზენკირხენის "შალკესთვის" ისტორიული დღე იყო: ლევან ყენიას კლუბმა მადრიდის "რეალის" აწ უკვე ყოფილი ლეგენდარული თავდამსხმელი რაული ოფიციალურად წარადგინა. "შალკეს" ხელმძღვანელებმა და გულშემატკივრებმა 33 წლის ესპანელს გრანდიოზული დახვედრა მოუწყვეს.</p><p>რაულმა "ფელტინს არენა აუფ შალკეს" მინდორზე ლურჯი ხალიჩის გავლით შეაბიჯა და ალბათ ცოტათი გაკვირვებული იყო იმით, რომ მის ოფიციალურ წარდგენას 1000-ზე მეტი ფანი არ დაესრო. ზოგადად, "შალკეს" ევროპაში ფანების ერთ-ერთი ყველაზე მრავალრიცხოვანი არმია ჰყავს და ამდენად ორმაგად გასაოცარია, რომ რაულის პრეზენტაციამ მხოლოდ 1000 ქომაგის თვალწინ ჩაიარა. შედარებისთვის: შარშან, დორტმუნდის "ბორუსიამ" ლუკას ბარიოსი რომ წარადგინა, ამ "ღონისძიებას" "დორტმუნდის" 13 000 ქომაგი დაესწრო. თუმცა "აუფ შალკეზე" შეკრებილმა ქომაგებმა ის მაინც მოიფიქრეს, რომ რაულს ესპანეთის დროშებით დახვდნენ...</p><p>"დღეს ჩემს ცხოვრებაში განსაკუთრებული დღეა, - ასე დაიწყო რაულმა დამსწრე საზოგადოებისთვის მიმართვა, - 16 წლის შემდეგ, მადრიდის "რეალი" დავტოვე. 16 წელია, სხვა კლუბის ფორმა არ მცმია და დღეს პირველად უნდა ჩავიცვა კლუბის მაისურა, რომელიც ლურჯია. "შალკე" ჩემთვის ახალი, უდიდესი გამოწვევაა. ასე რომ არ იყოს, ახლა აქ არ ვიქნებოდი. დღეს ძალიან ბევრმა ნაცნობმა თუ მეგობარმა დამირეკა და მკითხა, რატომ გადმოვდივარ "შალკეში". ეს არის კლუბი, რომელმაც ჩემი გადაბირებისთვის ყველაზე მეტი გააკეთა, ყველაზე მეტად მოინდომა და მე ვაფასებ ამ მონდომებას. მივხვდი, რომ "შალკეს" ძალიან ვჭირდებოდი და მეც სწორედ იქ მინდა ყოფნა, სადაც ყველაზე მეტად ვარ საჭირო. ბუნდესლიგა ჩემთვის ყოველთვის საინტერესო იყო, ეს ევროპის ერთ-ერთი საუკეთესო ლიგაა. გერმანიაში კლუბები მომხიბვლელ ფეხბურთს თამაშობენ. ამიტომაც ვარ აქ."</p><p>ამ სიტყვების შემდეგ, გელზენკირხენული კლუბის თავკაცმა ფელიქს მაგათმა რაულს შვიდნომრიანი მაისურა გადასცა და თქვა: "ბედნიერი ვარ, რომ დღეს შეგვიძლია, ფანებს ისეთი სუპერვარსკვლავი წარვუდგინოთ, როგორიც რაულია. მისი შესაძლებლობები, წარმატებები და მისი პერსონა მაძლევს უფლებას, ვთქვა, რომ ეს ფეხბურთელი "შალკესთვის" უდიდესი შენაძენია. 1958 წლის შემდეგ "შალკე" გერმანიის ჩემპიონი აღარ ყოფილა. იმედი მაქვს, რომ ამას რაულთან ერთად მოვახერხებთ!"</p><p>ამის შემდეგ, მაგათმა სიტყვა კვლავ რაულს გადასცა, რომელმაც მიზნებზე უფრო კონკრეტულად ისაუბრა: "ცხადია, ჩვენი მიზანი გერმანიის ჩემპიონობისთვის ბრძოლაა. მნიშვნელოვანია ისიც, რომ "შალკე" ჩემპიონთა ლიგაშიც თამაშობს. იმედი მაქვს, რომ ჩემპიონთა ლიგაშიც კარგად ვიასპარეზებთ და მინიმუმ ჯგუფიდან გავალთ. ფაქტი ერთია: ეს სეზონი "შალკესთვის" ძალიან ენერგიული იქნება. იმედია, წარმატებულიც!"</p><p>გავრცელდა ცნობები იმის შესახებ, თითქოს რაულს "რეალის" წინააღმდეგ თამაშის უფლება არ ექნება (თუკი მადრიდული კლუბი "შალკეს" შეხვდება), რაც რაულმა და მაგათმა ერთხმად უარყვეს. "კონტრაქტში არანაირი პუნქტი არ არსებობს, რომელიც რაულს რამეს უკრძალავს," - თქვა მაგათმა და იქვე დასძინა, ყველაზე კარგი ის იქნებოდა, რომ "რეალს" ჩემპიონთა ლიგის ფინალში შევხვედროდითო.</p><p><strong>პირველი ვარჯიში 2000 ფანის თვალწინ</p><p></strong>რაული და "შალკე" ორწლიან კონტრაქტზე შეთანხმდნენ და ხელშეკრულება გუშინვე გაფორმდა. დილას, რაულმა სამედიცინო შემოწმება გაიარა, "აუფ შალკეზე" წარდგენის შემდეგ კი, გუნდთან ერთად პირველად ივარჯიშა. აი, ვარჯიშს კი უკვე 2000 ქომაგი დაესწრო.</p><p>ფაქტობრივად გადაწყვეტილია, რომ რაულის დებიუტი "შალკეში" ამავე შაბათს შედგება - "ლიგა ტოტალის" თასზე, "ჰამბურგის" წინააღმდეგ მატჩში. ჩვენი გერმანელი კოლეგების ცნობით, იმის გამო, რომ ესპანელმა გოლეადორმა "შალკეს" უფასოდ მიაშურა, მისი ხელფასი საკმაოდ დიდი იქნება - გონსალეს ბლანკო გელზენკირხენულ კლუბში წელიწადში 6 მილიონ ევროს მიიღებს. ეს ბუნდესლიგის მასშტაბებით მართლაც უდიდესი ხელფასია, მაგრამ რაული ამაზე ნაკლებს არც იმსახურებს. თავად განსაჯეთ: 228 გოლი პრიმერადივიზიონის 550 მატჩში და 66 გოლი ჩემპიონთა ლიგაში - რაული ყველა დროის ერთ-ერთი ყველაზე შედეგიანი გოლეადორია.</p><p>შესაძლოა, ბევრმა არც იცოდეს, რომ რაულ გონსალეს ბლანკო ხუთი შვილის მამაა და "რეალის" ღირსებას 1992 წლიდან იცავდა. შესაძლოა, არც ის იცოდეს ვინმემ, რომ 33 წლის ლეგენდარულ გოლეადორს კარიერის განმავლობაში არასდროს მიუღია წითელი ბარათი...</p><p>"შალკეში" გადასვლის მთავარი მიზეზი კი რა თქმა უნდა, ის არის, რომ "რეალში" აღარ ათამაშებდნენ. გასულ სეზონში რაული უმეტესად სათადარიგოთა სკამს ხეხავდა და ასე იქნებოდა მომავალ სეზონშიც. მაგრამ მიუხედავად იმისა, რომ უკვე 33 წლისაა, "რეალი" დატოვა და "შალკეში" ახალ თავგადასავლებს ეძებს. მაგათი ასი პროცენტით დარწმუნებულია, რომ რაული მის გუნდში ერთ-ერთი ყველაზე მონდომებული ფეხბურთელი იქნება. გონსალეს ბლანკო თვითონაც ამბობს, ერთი მისია მაქვს შესასრულებელი და ყველაფერს გავაკეთებ იმისათვის, რომ ამ მიზანსაც მივაღწიოო. საქმე იმასია, რომ მას ევროტურნირების ყველა დროის საუკეთესო ბომბარდირობა უნდა. ამ დროისთვის რაული იტალიელ ფილიპო ინძაგისთან ერთად პირველ-მეორე ადგილებს იყოფს. რაულს და ინძაგის ევროტურნირებზე 68 გოლი აქვთ გატანილი.</p><p>რაული ექვსჯერ იყო ესპანეთის ჩემპიონი, სამჯერ მოიგო ჩემპიონთა ლიგა (1998, 2000, 2002) და ორჯერ საკონტინენტთაშორისო თასი (1998, 2002). სამაგიეროდ, ის ხელმოცარული დარჩა ესპანეთის ნაკრებში, სადაც ტიტული არ მოუგია. 2008 წელს ესპანეთი ევროპის ჩემპიონი გახდა და რაული იმ დროს ნაკრების წევრი უკვე აღარ იყო (აღარაფერს ვამბობთ "ფურია როხას" წლევანდელ ტრიუმფზე). თუმცა მანამდე რაულმა ესპანეთის ნაკრებში 102 მატჩი ჩაატარა და 44 გოლი გაიტანა, რითაც ესპანეთის ნაკრების ყველა დროის საუკეთესო ბომბარდირია.</p><p>"შალკეს" ხელმძღვანელებმა რაული პირველ რიგში იმის გამო შეიძინეს, რომ გელზენკირხენულმა კლუბმა ჩემპიონთა ლიგაში წარმატებით იასპარეზოს. "რეალიდან" "შალკეში" გადასული კიდევ ერთი ფეხბურთელი, კრისტოფ მეტცელდფერი ამბობს, რაული ევროპის ელიტარულ საკლუბო ლიგას 17 წლის ასაკიდან იცნობს და თუ ვინმემ იცის, რას ნიშნავს ჩემპიონთა ლიგა, ეს პირველ რიგში რაულზე ითქმისო.</p><p>ამბობენ, რომ მეტცელდერს რაულის ტრანსფერში ლომის წვლილი მიუძღვის, მაგრამ თვითონ კრისტოფის თქმით, მან მხოლოდ კონტაქტი დაამყარა და ცოტა ითარჯიმნა, რაულის "შალკეში" გადასვლა კი მთლიანად ფელიქს მაგათის დამსახურებააო. სწორედ "დესპოტმა ფელიქსმა" დაარწმუნა ესპანელი იმაში, რომ ის მადრიდის "რეალიდან" გელზენკირხენის "შალკეში" უნდა გადასულიყო.</p><p>ჩვენ კი დავძენთ, რომ იმედია, ლევან ყენია მალე გამოჯანმრთელდება, ფორმაში ჩადგება და რაულს იდეალური პასებით მოამარაგებს...</p>
-
Laporta
სად აქვს რეალს ნამუსი და სინდისი?ამაზრზენი გუნდია,არავის აფასებენ,არავინ უყვართ!
-
backa
უმადურად მოექცა რეალი რაულს. სულ რომ ინვალიდი ყოფილიყო უნდა დაეტოვებინათ. ბოლო და ბოლოს რეალის სული და გული იყო.ამდენი წლის განმავლობაში. ეს აქვთ ცუდი ესპანურ გუნდებს. მილანმა ბოლომდე ათამაშა მალდინი .....
-
Germaneli
მაგდენი რო შეეძლოს, რეალიდან არავინ გაუშვებდა :-D
-
Schalke
ჩავა დორტმუნდშიც და ვესტფალენშტადიონზე შეუსრულებს პოკერს შავ-ყვითლებს,არ ინერვიულე შენ.
-
Germaneli
ჰა ჰა ჰააა :-) ბანძი შალკეს ფანებიიიიიიი.... ასეთი კაცი დაითრიეს და 2000 კაცი მივიდა მარტო ვარჯიშზე... დორტმუნდში უნდა წასულიყავი, გონსალეს ბლანკოოო. შავ-ყვითელი ფორმა უფრო მოგიხდებოდა.
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
U17 | საქართველო 3:0 ლიეტუვა
"შავი ლომი" - სამხრეთ აფრიკაში "ჩიტასთან" ორი ტესტისთვის
გადაწყვეტილება მიღებულია - ცნობილია, ითამაშებს თუ არა კვარაცხელია "ბარსელონას" წინააღმდეგ
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ბასილაშვილი შანხაის მასტერსის ძირითად ბადეში შევიდა და ასეულში დაბრუნდა
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"ბასკონიამ" 16 წლის მათე ხატიაშვილი ევროლიგის განაცხადში შეიყვანა
[PHOTO] პსჟ-ის გულშემატკივრებს ეს ძალიან მოეწონებათ - ნახეთ, რა საქმითაა დაკავებული ჟოაო ნევეშის 19 წლის ულამაზესი მეგობარი გოგონა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
"ბარსელონას" იამალის საქართველოს ნაკრებთან სათამაშოდ გაშვება არ უნდა
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში