თამაში ცისფერ გრუნტზე

მსოფლიო რეიტინგის ლიდერმა კაროლინ ვოზნიაცკიმ მადრიდის ტურნირის პირველი წრის ბარიერი იოლად დაძლია მადრიდის ტურნირი დღევანდელ ფორმატში (პარალელურად მამაკაებისა და ქალების შეჯიბრი) მხოლოდ მესამედ ტარდება.ადრე მამაკაცები აქ შემოდგომაზე ჰარდზე თამაშობდნენ მასტერსს. სტატუსი არ შეცვლილა, საფარი კი გრუნტისა გახდა. გოგონები ესპანეთის დედაქალაქში WTA-ის შემაჯამებელ ტურნირზე გამოდიოდნენ, მაგრამ რეგულარული ტურნირი არ არსებობდა. თუმცა ბოლო წლებში ტურნირმა ერთ-ერთი უმსხვილესი შეჯიბრის სტატუსი მოიპოვა, რომელიც ჩამოუვარდება მხოლოდ "დიდი შლემის" ჩემპიონატებსა და ინდიან უელსისა და მაიამის ტურნირებს.გარდა ამისა, ეს არის ერთგვარად ნოვატორული ტურნირი. ჩვენ უკვე ვიცნობთ ამერიკულ მწვანე გრუნტს, ახლა კი მადრიდული შეჯიბრის წყალობით ცისფერი გრუნტიც გავიცანით. საფარის ფერის შეცვლაზე ლაპარაკი ჯერ კიდევ 2009 წელს დაიწყო, როცა ასეთ კორტს მხოლოდ ვარჯიშებისთვის იყენებდნენ. წელს კი უკვე რამდენიმე მოედანი შედგება ცისფერი გრუნტისგან.ორგანიზატორები ირწმუნებიან, რომ მისი შემადგენლობა და თვისება არ განსხვავდება ჩვეულებრივი წითელი გრუნტისგან. ისინი მაყურებელზეც ზრუნავენ, რადგან ასეთ საფარზე ბურთი უკეთ ჩანს. თუმცა წელს ბოლოჯერ ცენტრალურ კორტზე კლასიკური წითელი გრუნტი დატოვეს.რადგან ეს აუცილებელი ტურნირია, მასზე ბრწყინვალე შემადგენლობამ მოიყარა თავი. ქალებიდან მხოლოდ დები უილიამსები და კიმ კლაისტერსი არ არიან, მაგრამ ეს მოსალოდნელი დანაკლისი იყო. როლან გაროსამდე ჯერ შორია და ეს ის შემთხვევაა, როცა ლიდერები ჯერ არ ფიქრობენ ძალების დაზოგვაზე.გუშინ ქალებმა პირველი წრე დაასრულეს. პირველი დღის მიმოხილვისას დავწერეთ რუსი ჩოგბურთელების პრობლემებზე. ამჯერად ტურნირს გამოეთიშა ამ ქვეყნის კიდევ ერთი წამყვანი მოთამაშე ნადია პეტროვა, რომელმაც შარშან მადრიდში თვით სერენა უილიამსის დამარცხება შეძლო. ამჯერად პეტროვამ პირველივე მატჩში წააგო მეორე ამერიკელ ვანია კინგთან.გრუნტის სეზონში პირველი შეხვედრა ჩაატარა მარია შარაპოვამ. რუსს გარკვეული პრობლემები შეექმნა ჰოლანდიელ არანჩა რუსის წინააღმდეგ. მარია პირველი სეტი წააგო, მაგრამ შემდეგ სოლიდური უპირატესობა მოიპოვა - 2:6, 6:3, 6:2.პირველი წრის ბარიერი გაიარა რეიტინგის ლიდერმა კაროლინ ვოზნიაცკიმ. დანიელმა 68 წუთში დაამარცხა აიუმი მორიტა. მისი შემდეგი მეტოქე იქნება ბოიანა იოვანოვსკი, მესამე რაუნდში კი შტუტგარტის ფინალის გამეორებაა მოსალოდნელი. გერმანელმა იულია გორჯესმა მეორე წრეში მე-14 ნომრად განთესილი კაია კანეპის დამარცხების შემდეგ გააღწია. კიდევ ერთი განთესილი გამოეთიშა ბრძოლას - ანა ივანოვიჩმა პირველი სეტი 6:0 მოუგო ბეტანი მატეკს, მაგრამ შემდეგ ორი პარტია დათმო.WTAMutua Madrid Openმადრირი (ესპანეთი). გრუნტისაპრიზო ფონდი: 4 500 000 ევროI წრეკაროლინ ვოზნიაცკი (დან, 1)-აიუმი მორიტა (იაპ) 6:2, 6:3; ფრანჩესკა სკიავონე (იტა, 3)-შუია პენგი (ჩინ) 7:5, 7:6(2); ელენა იანკოვიჩი (სერ, 7)-ლაურა პოუს ტიო (ესპ) 6:2, 6:0; მარია შარაპოვა (რუს, 8)-არანჩა რუსი (ჰოლ) 2:6, 6:3, 6:2; მარიონ ბარტოლი (საფ, 11)-სიმონა ჰალეპი (რუმ) 6:4, 6:1; იულია გორჯესი (გერ)-კაია კანეპი (ესტ, 14) 6:7(3), 6:1, 6:4; ბეტანი მატეკი (აშშ)-ანა ივანოვიჩი (სერ, 15) 0:6, 6:4, 6:4; დანიელა ჰანტუხოვა (სლოვაკ)-კიმიკო დატე (იაპ) 6:3, 6:3; სარა ერანი (იტა)-კლარა ზაკოპალოვა (ჩეხ) 7:6(6), 6:4; ეკატერინა მაკაროვა (რუს)-იანინა ვიკმაიერი (ბელ) 6:4, 6:4; ელენა ვესნინა (რუს)-სანია მირზა (ინდ) 6:4, 6:3; ბოიანა იოვანოვსკი (სერ)-გრეტა არნი (უნგ) 6:4, 2:6, 6:3; ვანია კინგი (აშშ)-ნადია პეტროვა (რუს) 6:1, 7:6(5); სოფია არვიდსონი (შვედ)-არავან რეზაი (საფ) 6:3, 3:6, 6:4; შანელ სხეპერსი (ს.აფრ)-მონიკა ნიკულესკუ (რუმ) 4:6, 6:3, 7:6(3); არანჩა პარა სანტონხა (ესპ)-ფლავია პენეტა (იტა) 6:3, 7:5.II წრედომინიკა ციბულკოვა (სლოვაკ)-აგნეს შავაი (უნგ) შავაის უარი.

სინერის 29-ე ტიტული - იტალიელი რომის მასტერსის გამარჯვებულია

სამწუხარო მარცხი - ბასილაშვილი რომის მასტერსს გამოეთიშა

[VIDEO] როცა ქართველები საზღვარგარეთ სპორტსმენებს გვერდით უდგანან - ბასილაშვილმა ჩვენს თანამემამულეებთან ერთად გამარჯვება ემოციურად აღნიშნა

რობერტსონი "ლივერპულიდან" "ტოტენჰემში" გადავიდა

ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?

"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ

ოფიციალურად - "ლივერპული" ირაოლამ ჩაიბარა

U21 | აშშ V საქართველო - მატჩისწინა ვარჯიში ბრანსკოში

არც კოშტა და არც სვილარი - პსჟ იტალიელ მეკარეს დაიმატებს

Le Parisien: პსჟ-მ ბატრაკოვთან დაკავშირებით გადაწყვეტილება მიიღო

20 წ. | ვინ მოდის საქართველოში - ესპანეთი

ქალთა ნაკრები ფარერის კუნძულების ეროვნულ გუნდს უმასპინძლებს

"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია

[VIDEO] სოხუმის "ცხუმი" ქართულ ფეხბურთში დაბრუნდა

ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს

მატჩის დღე! ბაჰრეინთან "მამარდას" გარეშე და "კვარასთან" ერთად

ვლაჰოვიჩი "იუვენტუსს" თავისუფალი აგენტის სტატუსით დატოვებს

"3-4 წლის წინ, არავინ მომისმინა" - "ჩელსის" ყოფილმა ფეხბურთელმა ხვიჩა კვარაცხელიაზე ისაუბრა

"რეალის" ფეხბურთელობისას რომ ეს მეთქვა, მომკლავდნენ, მაგრამ..." - აზარმა ერთმანეთს მესი და რონალდო შეადარა

"კლოუნები არიან" - დიუგარიმ არტეტა და "არსენალი" მიწასთან გაასწორა

მოურინიოს პირველი მოთხოვნა პერესს - "რეალი" კალაფიორის დაუკავშირდა