მხოლოდ სასტიკი საყვედური?

საფრანგეთის სპორტის მინისტრის შანტალ ჟუანოს უშუალო მითითების შემდეგ ფეხბურთის ფედერაციამ თავის ტექნიკურ დირექტორ ფრანსუა ბლაკარს უფლებამოსილებები დროებით შეუჩერა საფრანგეთის სპორტის მინისტრის შანტალ ჟუანოს უშუალო მითითების შემდეგ ფეხბურთის ფედერაციამ თავის ტექნიკურ დირექტორ ფრანსუა ბლაკარს უფლებამოსილებები დროებით შეუჩერა, რადგან არსებობს საფუძვლიანი ეჭვი, რომ ბოლო დროს ამ ქვეყანაში მძვინვარე რასისტული სკანდალი ძირითადად სწორედ მისი წყალობით აგორდა.შეგახსენებთ, რომ სპეციალური კომისია იძიებს საქმეს, რაც დაკავშირებულია საფეხბურთო სკოლებში ორმაგი მოქალაქეობის მქონე არაბული წარმოშობისა და შავკანიან ფეხბურთელებზე კვოტის დაწესების მცდელობასთან.ბლაკარი სწორედ ის ადამიანია, ვისაც აღნიშნული იდეა თავში მოუვიდა. თუმცა ეს ყველაფერი არ არის: “ეკიპის” ვარაუდით, აღნიშნულმა საქმემ შეიძლება ლორან ბლანის სანაკრებო კარიერაც შეიწიროს. როგორც ჩანს, ის მოვლენათა ამგვარად განვითარებას თანაუგრძნობდა. ჯერჯერობით ბლანის მიმართ კონკრეტული სამართლებრივი პრეტენზია არავის აქვს. თუმცა საზოგადოების ნაწილი მის მორალურ პასუხიმგებლობაზე ლაპარაკობს. რამდენიმე დღის წინ ბლანის წინააღმდეგ საკმაოდ მკვახე განცხადება გააკეთა საფრანგეთის ნაკრების ლეგენდარულმა ფეხბურთელმა ლილიან ტურამმა. პირდაპირი ტექსტით არა, მაგრამ კონტექსტიდან გამომდინარე მეგობარს მან მოკლე მეხსიერების პატრონი უწოდა. სპორტის სამინისტროს მესვეურები კი არ გამორიცხავენ, რომ თუკი მუსიე ბლანის ბრალიც გამოიკვეთება, მის წინააღმდეგ საბუთები პროკურატურას გადასცენ.სკანდალს სათავე ერთ-ერთ ფრანგულ საიტზე გამოქვეყნებულმა წერილმა დაუდო, სადაც ავტორები ამტკიცებდნენ, რომ ბლაკარმა და ბლანმა, სკოლებში ეთნიკურად არაფრანგი ბავშვების სიმრავლით შეშფოთებულებმა, განიზრახეს, რომ 12-13 წლის ასაკიდან მათთვის 30%-იანი კვოტა დაეწესებინათ. დანარჩენი 70% კი მხოლოდ თეთრკანიანი ბავშვებისთვის იქნებოდა განკუთვნილი. ეს თემა ბლაკარმა, ბლანმა და 21-წლამდელთა ნაკრების დამრიგებელმა ერიკ მომბარმა პირველად ნოემბერში ერთ-ერთ სხდომაზე გააჟღერეს. ამ უკანასკნელმა ხაზი გაუსვა იმას, რომ მისი გუნდის 30 კანდიდატიდან მხოლოდ ოთხია ფრანგი. აღნიშნული ფრაზა სხდომის სტენოგრამაშია დაფიქსირებული. მომბარის მდგომარეობას სერიოზულად ამსუბუქებს ის, რომ თათბირზე ძირითადად ჩუმად იჯდა და როგორც დამსწრეები ამბობენ, ბლაკარისა და ბლანის განცხადებებზე დასტურის ნიშნად მხოლოდ თავს აქნევდა. ახლა კი შემოგთავაზებთ აღნიშნული სტენოგრამის ყველაზე საინტერესო ნაწილს, სადაც გამომსვლელთა პოზიცია საკმაოდ კარგად ჩანს.ლორან ბლანი: “მაშფოთებს, რომ ჩვენს საფეხბურთო აკადემიებში აღზრდილი სხვადასხვა თაობის ბიჭები შემდეგ აფრიკული ქვეყნების ნაკრებების ღირსებას იცავენ. ეს პროცესი რომ აღმოვფხვრათ ნამდვილად კარგი იქნება”.ფრანსუა ბლაკარი: “შეიძლება მათთვის (იგულისხმება შავკანიანი და არაბული წარმოშობის ფეხბურთელები) სპეციალურად დაწესდეს 30%-იანი კვოტა საფეხბურთო სკოლებში”.ბლანი: “ესპანელები მეუბნებიან, რომ მათ არ ჰყავთ “შავები” და, შესაბამისად, ეს პრობლემა არ აწუხებთ”.აი, ის სიტყვები, რომელსაც მთელი ეს სკანდალი მოჰყვა. სხდომაზე მხარეთა შორის სერიოზული კამათი იყო გაჩაღებული და ეს ფრაზები შეიძლება მხოლოდ ემოცია იყოს და მეტი არაფერი. თუმცა მაღალი თანამდებობის პირებისგან ფედერაციის სხდომაზე, რომლის სტენოგრამა იწერებოდა და რაც შეუძლებელია, რომ არ სცოდნოდათ, სხვების გასაგონად ასე ლაპარაკი რომ არ შეიძლება, ამაზე განსხვავებული აზრი ალბათ არც ჩვენი გაზეთის მკითხველს ექნება. მას შემდეგ, რაც პრესამ აღნიშნული დოკუმენტაცია გამოაქვეყნა, სკანდალის მთავარმა მონაწილეებმა საჯაროდ მოიხადეს ბოდიში, მაგრამ იქვე აღნიშნეს, რომ მათ ფრაზებს რასისტული ქვეტექსტი არ ჰქონია და ისინი მხოლოდ გამოსავალს ეძებდნენ შექმნილი კრიზისიდან. მეტიც, ბლანმა განაცხადა, რომ რასიზმი მისი ცხოვრებისეული ფილოსოფიისგან ძალიან შორს დგას.სპორტის მინისტრის მიერ შექმნილი საგანგებო კომისიის შემადგენლობაში ფრანგულ საფეხბურთო სამყაროში პატივსაცემი ადამიანები შევიდნენ. მათ შორის ფედერაციის გენერალური დირექტორი ალან-რესპლან ბერნარი, ცნობილი იურისტი ლორან დავენასი და ფრანგული ფეხბურთის ფონდის პრეზიდენტი პატრიკ ბროზე. კომისიას შემაჯამებელი დასკვნის გასაკეთებლად ვადა 10 მაისამდე აქვს, რასაც შემდგომ ფეხბურთის ფედერაციის პრეზიდენტ ფერნან დიუშუსუასა და მინისტრ შანტალ ჟუანოს წარუდგენს. "ეკიპი” ვარაუდობს, რომ ბლაკარს თანამდებობიდან გათავისუფლება ელის, ხოლო ბლანს - უმკაცრესი საყვედური. გამორიცხული არც ამ უკანასკნელის შინ გაშვებაა.

ლუის ენრიკემ ჰაკიმის ტრავმის შესახებ გააკეთა კომენტარი

"კრიტიკა არ მადარდებს" - დემბელემ "ოქროს ბურთის" მოგების შემდეგ მის მიმართ დამოკიდებულებაზე ისაუბრა

"მთელი მაისური, დუნდულების ზედა ნაწილი და შარვალი სპერმით იყო დაფარული" - გოგონა საფეხბურთო მატჩის დროს სექსუალური ძალადობის მსხვერპლი გახდა

თაჩ რაგბის ტურნირი ტაბახმელაში

VIDEO | ეროვნული ლიგა | იბერია 1999 1-0 სპაერი. ფავორიტის მძიმე გამარჯვება

საზონოვი შეცვლაზე შევიდა - "ხეტაფემ" "დეპორტინოსთან" ქულები გაიყო

"ბრესტთან" მატჩში პსჟ-ს შემადგენლობა ცნობილია

[VIDEO] მამაგეიშვილმა გაიტანა, კიტეიშვილმა პენალტი ვერ გამოიყენა - "შტურმმა" ლიდერს "ლასკს" მოუგო

VIDEO | ეროვნული ლიგა | დილა 2-2 დინამო (ბთ). ლიდერი ორშაბათამდე თუ..?

გოგლიჩიძე არ ათამაშეს - "მონცა" "ლეჩესთან" დამარცხდა

ქართველების გარეშე - "ჰაიდენჰაიმმა" "ჰოლშტაინს" მოუგო

იეგოიანის "ექსელსიორი" სახლში "უტრეხტთან" დამარცხდა

ხვალ "სან სიროზე" სერია A-ში ჩაკვეტაძის დებიუტია მოსალოდნელი

ნიკოლოზ ბასილაშვილი გუანჯოუს ჩელენჯერზე იასპარეზებს

"ძალიან დიდი პოტენციალი აქვს" - მოურინიო დიომანდეს თამაშით კმაყოფილია

ზაფხულის სატრანსფერო საგის მთავარი მონაწილე ტრავმირებულია

არაბეთიდან კატარში - ბროზოვიჩი აზიურ ტურნეს აგრძელებს

იქნება თუ არა დღეს კვარაცხელია ძირითადში - L'Équipe-ის პროგნოზი

"ზოგიერთმა მათგანმა ფეხბურთის შესახებ ბევრი არაფერი იცის" - კვარაცხელიას ჟურნალისტებმა შედარება სთხოვეს

მესის რეკორდი დამხობილია - მასტანტუონო "ფიორენტინას" ისტორიაშიც შევიდა

"ოქროს ბურთი" მხოლოდ "კვარაცხელიას" - აცხადებს ცნობილი ფრანგი ჟურნალისტი

მატჩის დღე! რომელი "პარიზელი" დაისვენებს და ქართველების სიმრავლე ესპანეთში