"შერატონში" მაგიდები ევროპულად გაეწყობა

გუშინ, 6 მაისს სასტუმრო "შერატონ მეტეხი პალასში" საზეიმოდ გაიხსნა მოჭადრაკე ქალთა მე-12 ევროპის ჩემპიონატი გუშინ, 6 მაისს სასტუმრო "შერატონ მეტეხი პალასში" საზეიმოდ გაიხსნა მოჭადრაკე ქალთა მე-12 ევროპის ჩემპიონატი, რომელშიც 26 ქვეყნის 132 წარმომადგენელი იასპარეზებს.შეჯიბრების მონაწილეებს მიესალმა ტურნირის საორგანიზაციო კომიტეტის თავმჯდომარე, თბილისის მერი გიგი უგულავა. "ამ რანგის საჭადრაკო შეჯიბრება არასდროს გამართულა საქართველოს დედაქალაქში, სადაც ლეგენდარული ქართველი მოჭადრაკე ქალბატონები ცხოვრობენ. სასიამოვნოა, რომ ამ ჩემპიონატში კონტინენტის თითქმის ყველა უძლიერესი დიდოსტატი მანდილოსანი მოსინჯავს ძალებს, რაც ასპარეზობის უმაღლეს სპორტულ დონეს უზრუნველყოფს.თბილისის მერია ყველაფერს გააკეთებს საიმისოდ, რომ ჩემპიონატის მონაწილეებს შესანიშნავი გარემო შეუქმნას, რათა თავიანთი შესაძლებლობები მაქსიმალურად გამოავლინონ და საქართველოს დედაქალაქში გატარებული დღეები მათთვის დაუვიწყარი იყოს", - თქვა გიგი უგულავამ.ლადო ვარძელაშვილი, სპორტისა და ახალგაზრდობის საქმეთა მინისტრი: "მადლობა ყველას, ვინც ამ ჩემპიონატის ორგანიზებაში მიიღო მონაწილეობა. შესანიშნავი გარემოა. ურთულესი სპორტული ორთაბრძოლები იქნება, რადგან თბილისში საუკეთესო დიდოსტატები ჩამოვიდნენ. საპრიზო ფონდიც სოლიდურია. წარმატებას ვუსურვებ ჩემპიონატის ყველა მონაწილეს, უპირველესად ქართველ მანდილოსნებს. ვფიქრობ, დადგა დრო, ჩვენმა მოჭადრაკეებმაც მოსინჯონ ევროპული კვარცხლბეკის უმაღლესი საფეხური".კირსან ილუმჟინოვი, ფიდეს პრეზიდენტი: "შემთხვევითი არ არის, რომ შეჯიბრების მასპინძლად თბილისი აირჩიეს - საქართველოს მნიშვნელოვანი ტურნირების უმაღლეს დონეზე გამართვის შესანიშნავი გამოცდილება აქვს. საგულისხმოა, რომ ამ მიწაზე აღიზარდნენ სახელოვანი დიდოსტატები, მათ შორის - ჭადრაკის ლეგენდა ქალები: ნონა გაფრინდაშვილი და მაია ჩიბურდანიძე. აღსანიშნავია ისიც, რომ ქალბატონმა ნონამ მსოფლიოში მანდილოსანთა შორის პირველმა მოიპოვა დიდოსტატის წოდება კაცებში. ორიოდე დღის წინათ ყაზანში დაიწყო მოჭადრაკე ვაჟთა მსოფლიოს ჩემპიონატის პრეტენდენტთა ტურნირი. ბიჭებმა რომ გაიგეს, თბილისში ქალთა ევროპის პირველობის საზეიმო გახსნაზე მოვემგზავრებოდი, მთხოვეს, შეჯიბრების მონაწილეებისთვის მხურვალე სალამი გადმომეცა, რომელსაც მეც ვუერთდები. დიდი მადლობა თბილისის მერიას, სპორტის სამინისტროს და ჭადრაკის ეროვნულ ფედერაციას, რომლებმაც უმოკლეს ვადაში შეძლეს ამ შეჯიბრების უმაღლეს დონეზე ორგანიზება."ასპარეზობის მონაწილეებს, ასევე, მიესალმნენ საქართველოს ჭადრაკის ფედერაციის პრეზიდენტი გია გიორგაძე, ევროპის საჭადრაკო კავშირის გენერალური მდივანი სავა სტოისავლევიჩი, "სოკარი ენერჯი ჯორჯია" თავკაცი მაირ მამედოვი, ჩემპიონატის მთავარი მსაჯი ნანა ალექსანდრია.ტურნირის საზეიმო გახსნის შემდეგ შეჯიბრების რეიტინგფავორიტებს, რუს დებს - ნადეჟდა და ტატიანა კოსინცევებს (ისინი ჩემპიონატზე რეიტინგის შესაბამისად პირველ-მეორე ნომრებად არიან განთესილი) ვესაუბრე.ტატიანა კოსინცევა, ორგზის ევროპის ჩემპიონი: "თბილისში პირველად ვარ. ჯერ ქალაქის დათვალიერება ვერ მოვასწარი, მაგრამ რაც ვნახე, ძალიან მომეწონა. განსაკუთრებით სტუმართმოყვარეობამ და თბილმა დახვედრამ მომხიბლა. შესანიშნავ სასტუმროში ვართ, ტურნირის ორგანიზებაც ჩინებულია. რაც შეეხება ტიტულის მესამედ მოპოვებას, წინასწარ გადაჭრით რამის თქმა წარმოუდგენელია, რადგან აქ უძლიერესი დიდოსტატები იბრძოლებენ მედლებისთვის."ნადეჟდა კოსინცევა: "ტატიანას ვეთანხმები - ტურნირის რეიტინგფავორიტობა ბევრს არფერს ნიშნავს, მით უმეტეს ქალთა ჭადრაკში, სადაც ყველაფერია მოსალოდნელი. Aასპარეზობის მონაწილეთა უმრავლესობა ერთმანეთს კარგად იცნობს, ამიტომ იოლად ფონს გასვლა შეუძლებელი იქნება. ვფიქრობ, ქართველ გულშემატკივრებს საინტერესო, დაძაბული პაექრობები ელით"."შერატონი მეტეხი პალასში" დღეს პირველი ტურის პარტიები გაიმართება.

[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა

ალექსის სანჩესი კარიერას ლა ლიგაში გააგრძელებს

მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

შენგელია: გასაკვირია ჯიკიჩი ევროლიგის გუნდს რომ არ წვრთნის

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია