<p>საქართველოს 17 წლამდე ქალთა ნაკრებმა დღეს მინსკის საფეხბურთო მანეჟში პირველი ამხანაგური მატჩი გამართა ბელორუსის 17 წლამდე ქალთა ნაკრების წინააღმდეგ. შეხვედრა ქართველი გოგონების გამარჯვებით, 1:0 დასრულდა. 2019 წლის სადებიუტო მატჩში ერთადერთი გოლი მეგი ეჯიბიამ გაიტანა.</p><p><strong>ლევან ბაჯელიძე:</strong> „იქიდან გამომდინარე, რომ ჩვენმა 17-წლამდელთა ნაკრებმა 2018 წლის ოქტომბერში ითამაშა ბოლოს ერთად, დღეს, როგორც ველოდით, რთული შეხვედრა გამოვიდა. მით უმეტეს, რომ ბელორუსი, რომელიც სპეციალურად ელიტ-რაუნდის მოსამზადებელი ეტაპისთვის შევარჩიეთ სპარინგად, საკმაოდ ძლიერი გუნდია. უპირველესად, ფიზიკური მომზადების თვალსაზრისით. ამიტომ, დღევანდელ მატჩს და შედეგს დადებითად ვაფასებთ. მიუხედავად ამ გამარჯვებისა, დავინახეთ ბევრი შეცდომა, რომლებიც აუცილებლად უნდა გამოვასწოროთ. ელიტ-რაუნდში ბელორუსთან შედარებით, ძლიერი მეტოქეები გველის და გუნდი ყველა თვალსაზრისით ფორმაში უნდა იყოს. დღეს ნამდვილად კარგი სპარინგი იყო. მინდა, გოგონებს ეს გამარჯვება მივულოცო.“</p><p>დღევანდელი შეხვედრა კი, ძირითადად, ქართველი გოგონების უპირატესობით წარიმართა. განსაკუთრებით აღსანიშნავია შეხვედრის პირველი 20 წუთი, თუმცა, ქართველებმა გოლის გატანა მხოლოდ 82-ე წუთისთვის მოახერხეს, 0-1. მატჩის დანარჩენი დრო გარდამავალი უპირატესობით მიმდინარეობდა. გაშვებული გოლის შემდეგ მასპინძელი გუნდი გააქტიურდა და მასიურ შეტევაზე გადმოვიდა. თუმცა, ჩვენი ნაკრები დამატებული ცენტრალური მცველის ხარჯზე გაძლიერდა, კარის მშრალად შენახვაც მოახერხა და შეხვედრის გამარჯვებამდე მიყვანაც.</p><p>საქართველოს 17 წლამდე ქალთა ნაკრების მთავარმა მწვრთნელმა ლევან ბაჯელიძემ დღევანდელ შეხვედრაში შემდეგი სასტარტო შემადგენლობა დააყენა:<strong> სვეტლანა გაბელაია, გვანცა ქადაგიშვილი, ნინო გურიელიძე, ელენე რაუხი (კაპიტანი), მეგი ეჯიბია, ანა წულაია, ნათია დანელია, მაიკო ბებია, ანასტასია ბოლქვაძე, ლიზი მწყერაშვილი, ნათელა წოწერია.</strong></p><p>სათადარიგო მოთამაშეები: <strong>ლანა მჟავია, ანა აკობიძე, მეგი გოცირიძე, ანა ძაძუა, მარიამ რომანჩუკი, სალომე თოდუა, ქეთევან ცაავა.</strong></p><p>შეგახსენებთ, რომ საქართველოს 17 წლამდე ქალთა ნაკრები ევროპის 2018-2019 წლების ჩემპიონატის ელიტ-რაუნდისთვის გადის მოსამზადებელ ეტაპს. მის ფარგლებში ქართველი გოგონები 21-25 თებერვლის ჩათვლით მინსკში იმყოფებიან და დღევანდელი შეხვედრის გარდა, კიდევ ერთ სპარინგს 24 თებერვალს გამართავენ. შემდეგ კი, სამშობლოში დაბრუნდებიან და მცირედი შესვენების შემდეგ მომდევნო, ამჯერად აზერბაიჯანის 17 წლამდე გოგონათა გუნდის წინააღმდეგ თამაშებისთვის კვლავ თბილისში, 9 მარტიდან შეიკრიბებიან.</p><p>ელიტ-რაუნდის მოსამზადებელ ციკლში საქართველოს 17 წლამდე ქალთა ნაკრებში გამოძახებულები არიან:</p><p><strong></p><p>მეკარეები:</strong> სვეტლანა გაბელაია (ქსკ „ნიკე“, თბილისი), ლანა მჟავია (ქსკ „ლანჩხუთი“);</p><p><strong></p><p>მცველები: </strong>მეგი ეჯიბია (ქსკ „ნიკე", თბილისი), ნინო გურიელიძე (ქსკ „ნორჩი დინამო“, თბილისი), ელენე რაუხი (ქსკ „თბილისის თბილისი“), ქეთევან ცაავა (ქსკ „მართვე“, ქუთაისი), ანა აკობიძე (ქსკ „ნიკე“, თბილისი), გვანცა ქადაგიშვილი (ქსკ „ნიკე“, თბილისი), ანა ძაძუა (ქსკ „თბილისის თბილისი“);</p><p><strong></p><p>ნახევარმცველები:</strong> ნათია დანელია (ქსკ „ნიკე“, თბილისი), მაიკო ბებია (ქსკ „ნიკე“, თბილისი), ანა წულაია (ქსკ „კოლხეთი“, ხობი), სალომე თოდუა (ქსკ „კოლხეთი“, ხობი), მეგი გოცირიძე (ქსკ „თბილისის თბილისი“), ანასტასია ბოლქვაძე (ქსკ „ნიკე“, თბილისი);</p><p><strong></p><p>თავდამსხმელები: </strong>ნათელა წოწერია (ქსკ „ლანჩხუთი“), ლიზი მწყერაშვილი (ქსკ „ნიკე“, თბილისი), მარიამ რომანჩუკი (ქსკ „ლანჩხუთი“).</p><p>საქართველოს 17 წლამდე ქალთა ნაკრებმა ელიტ-რაუნდში თამაშის უფლება 2018 წლის ოქტომბერში, ჰოლანდიაში გამართული უეფა-ს 17 წლამდე ქალთა ევროპის 2018-2019 წლების საკვალიფიკაციო ტურნირზე მოიპოვა, სადაც ქართველი გოგონების მეტოქეები იყვნენ ჰოლანდიის, შვედეთისა და ლატვიის 17-წლამდელთა ნაკრები გუნდები. აღსანიშნავია, რომ ქალთა ფეხბურთის ისტორიაში, ქართველმა 17 წლამდე გოგონებმა პირველად შეძლეს ელიტ-რაუნდში თამაშის უფლების მოპოვება.</p><p><p><p><strong>მომზადებულია GFF.GE-ს მიხედვით</strong></p></p><br></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
17-წლამდე გოგონათა ნაკრები ორ ამხანაგურ მატჩს გამართავს
WU17 | საქართველოს ნაკრები A დივიზიონის მატჩებისთვის ემზადება
17-წლამდე გოგონათა ნაკრებმა საბერძნეთთან მეორე ამხანაგური მატჩი გამართა
ნიონში გოგონათა ასაკობრივი გუნდების წილისყრა გაიმართა
WU17 | 17-წლამდე გოგონათა ნაკრებმა A ლიგაში პირველი მატჩი გამართა
WU17 | საბერძნეთი 2:0 საქართველო