საქართველოს 17-წლამდე გოგონათა ნაკრებმა ბელარუსს ისევ მოუგო

ევროპის 2018-2019 წლების ევროპის ჩემპიონატის ელიტ-რაუნდის მოსამზადებელ ციკლში, საქართველოს 17-წლამდე ქალთა ნაკრებმა ბელარუსში ორი ამხანაგური შეხვედრა გამართა და ორივეში გაიმარჯვა. ლევან ბაჯელიძის შეგირდებმა დღეს, მინსკის საფეხბურთო მანეჟში ბელარუსი თანატოლები კვლავ მინიმალური ანგარიშით, ამჯერად 2:1 დაამარცხეს.ლევან ბაჯელიძე: „ვიცოდით, რომ მეორე თამაში პირველთან შედარებით, ბევრად უფრო რთული იქნებოდა. პირველი შეხვედრის შემდეგ, ადღგენის თვალსაზრისით, მხოლოდ, ერთი დღე გვქონდა. ადრეც მითქვამს, რომ ბელარუსის ეს ასაკობრივი ნაკრები, ამ ეტაპისთვის, ფიზიკურად ჩვენზე კარგ კონდიციაშია. მიუხედავად ამისა, მადლობას ვუხდი ჩვენს ფეხბურთელებს თამაშის შემოტრიალებისთვის. ეს ორი თამაში, ელიტ-რაუნდისთვის მოსამზადებლად ძალიან წაგვადგება, რადგან ოპტიმალურ ფორმამდე ჯერ კიდევ გვაკლია. საერთო ჯამში, ბელარუსის შეკრებას დადებითად შევაფასებ. ამ გამარჯვებებით, გოგოებმა დაამტკიცეს, რომ კიდევ მეტი შეუძლიათ. ამავდროულად, ორი მოგებული თამაში, ფსიქოლოგიური თვალსაზრისით, ძალიან კარგია“.პირველი შეხვედრისგან განსხვავებით, დღეს შეხვედრა, ბელარუსის 17-წლამდე გოგონების უპირატესობით დაიწყო და პირველი ტაიმიც მასპინძლებმა, 36-ე წუთზე გატანილი გოლის წყალობით, 1-0 მოიგეს. მეორე ტაიმის დასაწყისშივე ქართველებმა შესძლეს თამაშის გაკონტროლება და 52-ე წუთზე, ნათელა წოწერიამ ანგარიში გაათანაბრა, 1-1. მეორე გოლი, ქართველმა გოგონებმა ზუსტად 5 წუთში გაიტანეს. გოლის ავტორი ლიზი მწყერაშვილი გახდა, 1-2.არ შეცვალა ლევან ბაჯელიძემ, გუნდის შემადგენლობა და დღესაც, ბელარუსთან მეორე ამხანაგური იგივე სასტარტო შემადგენლობით დაიწყო, რაც 2 დღის წინ: სვეტლანა გაბელაია, გვანცა ქადაგიშვილი, ნინო გურიელიძე, ელენე რაუხი, მეგი ეჯიბია, ანა წულაია, ნათია დანელია (კ) (ანა აკობიძე 46), მაიკო ბებია, ანასტასია ბოლქვაძე (მეგი გოცირიძე 82), ლიზი მწყერაშვილი (ქეთევან ცაავა 85), ნათელა წოწერია (მარიამ რომანჩუკი 88).საქართველოს 17-წლამდე ქალთა ნაკრები ევროპის 2018-2019 წლების ჩემპიონატის ელიტ-რაუნდისთვის მზადებას აგრძელებს. ქართველი გოგონები 21-25 თებერვლის ჩათვლით მინსკში იმყოფებოდნენ და ორი ამხანაგური შეხვედრა გამართეს.სამშობლოში დაბრუნების შემდეგ, ჩვენი 17-წლამდე ნაკრები მცირედს შეისვენებს და მომდევნო, ორი ამხანაგური შეხვედრის ჩასატარებლად 9 მარტიდან კვლავ შეიკრიბება. საქართველოს 17-წლამდე ქალთა ნაკრები 13 და 15 მარტს თბილისში, თენგიზ სულაქველიძის სახელობის აკადემიის მოედანზე აზერბაიჯანის 17-წლამდე ქალთა ნაკრებს ორ ამხანაგურ მატჩში დაუპირისპირდება.ელიტ-რაუნდისთვის საქართველოს 17-წლამდე ქალთა ნაკრებში, ლევან ბაჯელიძის მეთვალყურეობით ემზადებიან:მეკარეები: სვეტლანა გაბელაია (ქსკ „ნიკე“, თბილისი), ლანა მჟავია (ქსკ „ლანჩხუთი“);მცველები: მეგი ეჯიბია (ქსკ „ნიკე, თბილისი), ნინო გურიელიძე (ქსკ „ნორჩი დინამო“, თბილისი), ელენე რაუხი (ქსკ „თბილისის თბილისი“), ქეთევან ცაავა (ქსკ „მართვე“, ქუთაისი), ანა აკობიძე (ქსკ „ნიკე“, თბილისი), გვანცა ქადაგიშვილი (ქსკ „ნიკე“, თბილისი), ანა ძაძუა (ქსკ „თბილისის თბილისი“);ნახევარმცველები: ნათია დანელია (ქსკ „ნიკე“, თბილისი), მაიკო ბებია (ქსკ „ნიკე“, თბილისი), ანა წულაია (ქსკ „კოლხეთი“, ხობი), სალომე თოდუა (ქსკ „კოლხეთი“, ხობი), მეგი გოცირიძე (ქსკ „თბლისის თბილისი“), ანასტასია ბოლქვაძე (ქსკ „ნიკე“, თბილისი);თავდამსხმელები: ნათელა წოწერია (ქსკ „ლანჩხუთი“), ლიზი მწყერაშვილი (ქსკ „ნიკე“, თბილისი), მარიამ რომანჩუკი (ქსკ „ლანჩხუთი“).საქართველოს 17-წლამდე ქალთა ნაკრებმა ელიტ-რაუნდში თამაშის უფლება, 2018 წლის ოქტომბერში, ჰოლანდიაში გამართული უეფა-ს 17-წლამდე ქალთა ევროპის 2018-2019 წლების საკვალიფიკაციო ტურნირზე მოიპოვა, სადაც ქართველი გოგონების მეტოქეები იყვნენ ჰოლანდიის, შვედეთისა და ლატვიის 17-წლამდე ნაკრები გუნდები. აღსანიშნავია, რომ ქალთა ფეხბურთის ისტორიაში, ქართველ 17-წლამდე გოგონებმა პირველად შესძლეს ელიტ-რაუნდში თამაშის უფლების მოპოვება.მომზადებულია GFF.GE-ს მიხედვით

OPTA-ს სუპერკომპიუტერმა 2026 წლის მსოფლიო ჩემპიონატის ფავორიტები დაასახელა

რას ვნახავთ დეკემბერში - პსჟ-ს მატჩები და თბილისის "დინამო" ახალგაზრდულ ლიგაზე

"ვინისიუსის მსგავსი ფეხბურთელი არ უნდა გააბრაზო" - პერესმა ალონსო გააფრთხილა

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

მესი იჯარით "ბარსელონაში" დაბრუნდება? - კომენტარი დეკომ გააკეთა

ფუტსალის ნაკრები საერთაშორისო ტურნირზე იასპარეზებს

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

ჩაკვეტაძის გაუმჯობესებული თამაში და მეტი დრო მოედანზე - "უოტფორდის" მწვრთნელმა ქართველზე ისაუბრა

მობილიზაცია შეეხო - უკრაინის ნაკრების ყოფილ ფეხბურთელს ფრონტის ხაზზე გააგზავნიან

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

ნიონში გოგონათა ასაკობრივი გუნდების წილისყრა შედგა

17-წლამდე გოგონათა ნაკრები ორ ამხანაგურ მატჩს გამართავს

WU17 | საქართველოს ნაკრები A დივიზიონის მატჩებისთვის ემზადება

17-წლამდე გოგონათა ნაკრებმა საბერძნეთთან მეორე ამხანაგური მატჩი გამართა

WU17 | 17-წლამდე გოგონათა ნაკრებმა A ლიგაში პირველი მატჩი გამართა

WU17 | საბერძნეთი 2:0 საქართველო