სუპერმატჩი მადრიდში

მადრიდის ტურნირის ნახევარფინალში რაფაელ ნადალმა როჯერ ფედერერს სძლია, ნოვაკ ჯოკოვიჩმა კი ტომაშ ბელუჩს მადრიდულ პუბლიკას გაუმართლა - არასტაბილური თამაშის მიუხედავად, როჯერ ფედერერმა ნახევარფინალამდე მიაღწია და იქ რაფაელ ნადალს გადაეყარა. ამ ისტორიულ დაპირსპირებას ჯერაც არ დაუკარგავს აქტუალობა, მიუხედავად იმისა, რომ როჯერი რეიტინგში მესამე ადგილამდე ჩამოქვეითდა.შვეიცარიელს გრუნტზე სულ ორჯერ ჰყავს დამარცხებული ესპანელი და ერთხელ ეს სწორედ მადრიდში მოახერხა. 2009 წელს ნადალი ნოვაკ ჯოკოვიჩთან ოთხსაათიანი მომქანცველი ნახევარფინალის შემდეგ გავიდა მადრიდის მასტერსის ფინალში და ამის გამო წააგო როჯერთან. ამჯერად რაფა დასვენებული იყო - დელ პოტრომ ტრავმის გამო არ ისურვა მასთან მერვედფინალის თამაში, მეოთხედფინალში კი ნადალმა იოლად მოუგო ლოდრას - 6:2, 6:2.მატჩის წინ იყო ვარაუდი იმის შესახებ, რომ ნადალისა და ფედერერის რიგით 24-ე შეხვედრა ვერ გაამართლებდა მაყურებლის მოლოდინს, რადგან მადრიდის მასტერსის მსვლელობისას შვეიცარიელი არასტაბილური იყო. მაგრამ, საბედნიეროდ, პროგნოზი არ გამართლდა.ნადალმა ბრეიკით გახსნა მატჩი და შემდეგ საკუთარი გეიმიც აიღო - 2:0. ფედერერის სასახელოდ უნდა ითქვას, რომ თანდათან გააუმჯობესა თამაში და ბრძოლა გააჩაღა მეტოქის მოწოდებაზე. თავდაპირველად რაფა ინარჩუნებდა ბრეიკს, მაგრამ მერვე გეიმში როჯერმა შეძლო მეტოქის მოწოდების აღება. თავის მხრივ, ნადალმაც მოუმატა და სამმაგი ბრეიკ-პოინტი მიიღო. იმ მომენტში ფედერერს მოწოდება დაეხმარა, არადა, თამაშის ამ კომპონენტში შვეიცარიელი მთელი მატჩის განმავლობაში აშკარად მოიკოჭლებდა. ფელისიანო ლოპესთან შეხვედრაში მსოფლიოს მესამე ჩოგანმა 25 ეისი ჩააწოდა, ნადალთან მატჩი კი ისე დაასრულა, რომ ერთი ეისიც არ ჰქონია. ასეთი რამ მისი და ნადალის მრავალწლიან დაპირისპირებაში პირველად მოხდა. მიუხედავად ამისა, ფედერერმა მოიგო პირველი სეტი - საკუთარი გეიმის გადარჩენის შემდეგ მან მეორე ბრეიკი გააკეთა - 7:5.მეორე სეტის დასაწყისში ფედერერი მსაჯს წაეჩხუბა - ნადალის ბრეიკ-პოინტზე მოეჩვენა, რომ ესპანელის დარტყმა აუტში გავიდა. არბიტრმა სხვაგვარად განსაჯა და სწორი აღმოჩნდა, რადგან ტელემაყურებლებისთვის ნაჩვენებ გამეორებაზე გამოჩნდა, რომ ბურთი ხაზზე დაეცა. ვერ ვიტყვით, რომ ამ მომენტმა ფედერერის განწყობაზე იმოქმედა - ის ყველა გეიმში ბოლომდე იბრძოდა, ბევრი ბრეიკ-პოინტიც ჰქონდა, მაგრამ მხოლოდ ერთი გეიმი აიღო - 1:6.გადამწყვეტი სეტისთვის ფედერერი შესანიშნავად განეწყო. ბრეიკის შანსიც მიიღო, მაგრამ რაფაელი კრიტიკულ მომენტებში სტაბილურად თამაშობდა. ესპანელმა მესამე პარტიაში ბრეიკის ერთადერთი შანსი მიიღო და ის გამოიყენა. როჯერმა ბოლომდე იბრძოდა და ბრეიკ-პოინტი გამოიმუშავა მაშინ, როცა ნადალი მატჩზე აწვდიდა, თუმცა მიღებისას მარტივი შეცდომა დაუშვა - 3:6.მეორე ნახევარფინალში ნოვაკ ჯოკოვიჩი აშკარა ფავორიტი იყო ბრაზილიელ ტომაშ ბელუჩისთან მატჩში. თუმცა ისიც გასათვალისწინებელი იყო, რომ სამხრეთამერიკელმა წინა შეხვედრებში შესანიშნავი შემტევი ჩოგბურთით მოუგო ენდი მიურეისა და ტომაშ ბერდიხს. თანაც მეოთხედფინალში ესპანელმა დავიდ ფერერმა დაამტკიცა, რომ გრუნტზე ჯოკოვიჩთან ბრძოლა შეიძლება.ბრაზილიელი თავიდანვე გაიჭრა წინ, რისი მიზეზიც სერბის უამრავი შეცდომა იყო. ბელუჩიმ მოიგო პირველი სეტი და მეორეში ბრეიკით დაწინაურდა. და მხოლოდ ამის შემდეგ იპოვნა თავისი ჩოგბურთი მსოფლიოს მეორე ნომერმა. სერბმა თანდათან უკლო შეცდომებს, ინიციატივა მოიპოვა და ბოლო მომენტში გამოსტაცა მეორე სეტში გამარჯვება მეტოქეს. ბოლო პარტიაში კი ბრძოლა არ ყოფილა. ბელუჩიმ თითქმის შეწყვიტა წინააღმდეგობა და მხოლოდ ერთი გეიმი აიღო - 4:6, 6:4, 6:1.ATPMutua Madrid Openმადრირი (ესპანეთი). გრუნტისაპრიზო ფონდი: 4 500 000 ევრო1/4 ფინალირაფაელ ნადალი (ესპ, 1)-მიკაელ ლოდრა (საფ) 6:2, 6:2; ნოვაკ ჯოკოვიჩი (სერ, 2)-დავიდ ფერერი (ესპ, 6) 6:4, 4:6, 6:3; როჯერ ფედერერი (შვეიც, 3)-რობინ სიოდერლინგი (შვედ, 5) 7:6(2), 6:4; ტომაშ ბელუჩი (ბრა)-ტომაშ ბერდიხი (ჩეხ, 7) 7:6(2), 6:3.1/2 ფინალირაფაელ ნადალი (ესპ, 1)-როჯერ ფედერერი (შვეიც, 3) 5:7, 6:1, 6:3; ნოვაკ ჯოკოვიჩი (სერ, 2)-ტომაშ ბელუჩი (ბრა) 4:6, 6:4, 6:1.

პირველი გამარჯვება სამხედრო სამსახურის მოხდის შემდეგ - ბასილაშვილი US OPEN-ზე ამჟამად ურეიტინგო ჩოგბურთელთან დამარცხდა

ერთ დროს ჩოგბურთის ამომავალი ვარსკვლავი დოპინგ კონტროლზე კოკაინის გამო ჩავარდა

ნოვაჯ ჯოკოვიჩი ცინცინატის მასტერსზე პირველივე წრეში დამარცხდა

კვლავ ლა ლიგაში - ადამა ტრაორე ესპანეთის ჩემპიონატს დაუბრუნდა

დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა

[VIDEO] მამარდაშვილის უნიკალური შემთხვევა ვარჯიშზე - რა გააკეთა და რა პირობებში იყო "ლივერპულის" ქართველი მეკარე

კვლავ პრემიერ ლიგაში - ნიკო გონსალესმა "სიტი" დატოვა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ენეს მაჰმუტოვიჩი ბათუმის "დინამოს" ფეხბურთელია

ფერან ტორესი: მთლად კმაყოფილი არ ვარ