<p><p><div style="text-align: center;">ფოტო: გოგიტა ბუხაიძე</p><p></div></p> 5 მარტს, "კვირა.ჯე"-ს პრესკლუბში "საქართველოს მორაგბეთა ასოციაციის" პრეზენტაცია შედგა, რომლის მიზანია მოთამაშეებისთვის უკეთესი სათამაშო გარემოს შექმნა, განათლების დონის ამაღლება და სპორტული კარიერის დასრულების შემდეგ მათი გადამზადება-დასაქმება.</p><p>ასოციაციას 7 დამფუძნებელი ჰყავს და ყველა მათგანი კონკრეტული მიმართულებით იმუშავებს. ასოციაციის ერთ-ერთმა დამფუძნებელმა და პრეზიდენტმა <strong>ლექსო იორდანიშვილმა</strong> მისასალმებელ სიტყვაში ორგანიზაციის მიზნებზე ისაუბრა:</p><p>"მინდა წარმოგიდგინოთ საქართველოს მორაგბეთა ასოციაცია. ასეთი ორგანიზაცია ყველა წამყვან სარაგბო ქვეყანაში არსებობს, მოწინავე ათეულს ქვემოთ კი, საქართველო პირველია, რომელმაც მორაგბეთა ასოციაცია დააარსა. ჩვენი პირდაპირი მოვალეობა მორაგბეებზე ზრუნვა და მოთამაშის კარიერის დასრულების შემდეგ მათი სოციუმში უმტკივნეულო ინტეგრაციაა. პროფესიონალ მოთამაშეებს განათლებისთვის დიდი დრო არ რჩებათ და ჩვენ მათ განათლებაზე, ასევე, შემდგომ დასაქმებაზე ვიზრუნებთ".</p><p><img src="/media/images/new_photo/2019/FEB16-28/ragbi2.png" border="0" alt="Sportall.Ge" title="განათლება, სამუშაო გარემო, გადამზადება - საქართველოს მორაგბეთა ასოციაციის პრეზენტაცია" width="792" /></p><p>"მინდა დიდი მადლობა გადავუხადო საქართველოს რაგბის კავშირს, რომელმაც ასოციაციის დაარსებაში დიდი დახმარება გაგვიწია. დღეს ჩვენსა და სრკ-ს შორის ურთიერთთანამშრომლობის მემორანდუმი გაფორმდა და ვიმედოვნებთ, ერთად ბევრ კარგ საქმეს გავაკეთებთ".</p><p>"მორაგბეთა ასოციაციის" მნიშვნელობაზე ისაუბრა საქართველოს რაგბის კავშირის პრეზიდენტმა <strong>გოჩა სვანიძემ</strong>:</p><p><img src="/media/images/new_photo/2019/FEB16-28/ragbi3.jpg" border="0" alt="Sportall.Ge" title="განათლება, სამუშაო გარემო, გადამზადება - საქართველოს მორაგბეთა ასოციაციის პრეზენტაცია" width="792" /></p><p>"მორაგბეთა ასოციაციის იდეა თავად მორაგბეებიდან მოდის და ამ საკითხზე თითქმის ორი წელია საუბრები მესმის. იურიდიულად ის გასულ წელს დაარსდა და დღეს ფორმა და სახე ოფიციალურად მიიღო. მისი მნიშვნელობა განუზომლად დიდია, რადგან დღესდღეობით საქართველოში რეგისტრირებულ მოთამაშეთა რაოდენობა 17 ათასს აღწევს და ბუნებრივია, კარიერის დასრულების შემდეგ ყველა მათგანი რაგბიში ვერ დასაქმდება. პროფესიონალური კარიერის დასრულებას უამრავი ტკივილი ახლავს და ასეთ დროს მოთამაშეებს ასოციაციის დახმარება ცხოვრების გზის პოვნაში დაეხმარება. გარდა ამისა, ასოციაცია მოთამაშეებს კლუბებთან ურთიერთობაში დაეხმარება. მინდა აღვნიშნო, რომ მორაგბეთა ასოციაცია რაგბის კავშირისგან დამოუკიდებელი ორგანიზაციაა და ის იმ სეგმენტებს შეეხება, რომლებსაც რაგბის კავშირი ვერ ფარავს. ჩვენ ამ წამოწყებას მთელი გულით მივესალმებით".</p><p>იორდანიშვილის გარდა, ასოციაციის პრეზენტაციას კიდევ სამი მისი დამფუძნებელი ესწრებოდა და მათ საკუთარი მიმართულებების შესახებ ისაუბრეს. ერთ-ერთი დამფუძნებელი <strong>სიმონ მაისურაძეა</strong>, რომელიც მოთამაშეთა გადამზადება-განათლება-დასაქმებას უხელმძღვანელებს. მას კითხვა მორაგბეთა დასაქმების შესახებ დაუსვეს:</p><p>"დასაქმების კუთხით ვმუშაობთ მემორანდუმის გაფორმებაზე HR.GE-სთან, ასევე, სხვა კომპანიებთან. თუმცა, სანამ საქმე დასაქმებაზე მიდგება, აუცილებელია მოთამაშეთა ფორმაცია და გადამზადება, ამისათვის კი საჭიროა, ბავშვებს ადრეული ასაკიდან მივაწოდოთ ინფორმაცია. მათ უნდა იცოდნენ, რომ მარტო სპორტის იმედზე არ დარჩნენ და ბავშვობიდანვე დაიწყონ სწავლა. ამ საკითხთან დაკავშირებით გუნდებს ჩავუტარებთ პრეზენტაციებს.</p><p>ასევე გვაქვს მოლაპარაკება კომპანიებთან, სადაც მორაგბეები გაივლიან სტაჟირებას და საქმის ათვისების შემთხვევაში იქვე დასაქმდებიან. გვაქვს იმედი, რომ ამ კომპანიებთან მემორანდუმი უახლოეს ხანში გაფორმდება. ვამყარებთ ურთიერთობებს სხვადასხვა უნივერსიტეტთან, სადაც ჩვენი მორაგბეები უფასოდ გაივლიან სწავლების კურსებს. მნიშვნელოვანია, რომ მოთამაშეებს განათლების მიღებაში კლუბებმაც გაუწიონ დახმარება. ვაპირებთ ფონდის შექმნას, რათა დავაფინანსოთ იმ მორაგბეების სწავლა, რომელთაც ამის საშუალება არ ექნებათ".</p><p><img src="/media/images/new_photo/2019/FEB16-28/ragbi4.jpg" border="0" alt="Sportall.Ge" title="განათლება, სამუშაო გარემო, გადამზადება - საქართველოს მორაგბეთა ასოციაციის პრეზენტაცია" width="792" /></p><p><strong>ჯაბა მალაღურაძე</strong> კლუბიდან კლუბში გადასვლისას წარმოქმნილი პრობლემების აღმოფხვრაზე, ასევე, კონტრაქტის საერთო მოდელის შექმნაზე იმუშავებს, რომლითაც შემდგომში დიდი 10-ის კლუბები იხელმძღვანელებენ.</p><p>"ჩვენი მიზანია მოთამაშეებს არა მხოლოდ პრეცედენტულ საქმეებში დავეხმაროთ, არამედ ავუმაღლოთ განათლება, რათა სწორად დაგეგმონ თავიანთი პროფესიული კარიერა. ვგეგმავთ, რომ ამ კუთხით აქტიურად ვიმუშაოთ ჭაბუკთა "ა" და "ბ" ლიგის გუნდებთან და მათ საჭირო ცოდნა მივცეთ. საქართველოს კანონმდებლობაში ძალიან ბევრი სიკეთეა, რომელთა შესახებ მოთამაშეებმა არაფერი იციან და მათ ამ საკითხების გამოყენებაში დავეხმარებით. შევქმნით კონტრაქტის ერთიან მოდელს, სადაც კონფიდენციალური მხოლოდ ხელფასი და გარკვეული დეტალები იქნება, დანარჩენი საკითხები კი, სრულად იქნება მოგვარებული და მოთამაშეს ეცოდინება, რომ ხელს გამართულ დოკუმენტს აწერს. ჩვენ მოთამაშეებს მაქსიმალურ თანადგომას გამოვუცხადებთ".</p><p>ქეთი მოდებაძე, რომელიც მოქმედი მორაგბე და საქართველოს ქალთა ნაკრების კაპიტანია, გენდერულ და სოციალურ საკითხებს გაუძღვება:</p><p>"ყველა სარგებელი, რომელსაც ეს ასოციაცია მოთამაშეებს მისცემს, თანაბრად გავრცელდება კაცებზეც და ქალებზეც, რადგან ჩვენ არ ვმიჯნავთ ქალ და კაც მორაგბეებს და ეს საზოგადოებამაც უნდა გაითავისოს. ხშირად შემქმნია პრობლემები, რომელთა მოგვარება ადვილად შეიძლებოდა და ჩვენი ასოციაცია ყველა მოთამაშეზე იზრუნებს, იქნება ეს ადვილი თუ რთული საკითხები".</p><p>მორაგბეთა ასოციაციის კიდევ ერთი დამფუძნებელი ნონო ანდღულაძეა, რომელიც მოთამაშეთა ჯანმრთელობისა და კეთილდღეობის საკითხებზე იზრუნებს. ასევე დამფუძნებლები არიან "ბორჯღალოსნები" - ლაშა ხმალაძე და სანდრო თოდუა, რომლებიც ნაკრებთან ერთად შეკრებაზე არიან, რაგბი ევროპის დარჩენილი შეხვედრებისთვის ემზადებიან (10 მარტს ქუთაისში გერმანიასთან და 17 მარტს კრასნოდარში რუსეთთან) და ასოციაციის პრეზენტაციას ამის გამო ვერ დაესწრნენ.</p><p><strong>მომზადებულია Rugby.ge-ს მიხედვით</strong><br></p>
ირაკლი
ყოჩაღ! P.S. ქალებმა სურათი არ დაიმსახურეს?
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია